Tuôr tsês  chiê hêir nênhs Sán chỉ têx cêr nênhx vênhx huôv txix têx qơư hu gâux

Hâur ntu đhâu, phongx zoz zux huyện Tiên Yên tưz chox car cxuô luz tsêr cơưv nhoz thax tsav qơư jêx jos tox siêz, chiê kriê cơưv hêir nênhs Sán chỉ têx suôz sênhr hêik gâux trâu chor shux xênhz nhoz hâur tsêr cơưv, hêik chor pâuz hu gâux nhoz tiv phaz tuôx đros kriê trâu chor shux xênhz thâuv txos chêix so sor, jiês xênhz huôx trâu qơư cơưv shâuv thiêz tsưr tsix chor tsaz yênhx cxaz chuôz trâu têx ntênhk hội nhoz tiv phaz, tsaz yênhx huôx tôngv chênhr yênhx hli nhoz chor tsêr cơưv ntơưr. Nhiv no, muôx oz taz viv tsêr cơưv ntơưr nhoz xã tox siêz Đại Dực thiêz Đại Thành đros tsêr cơưv cxênhx pêz nội trú nhoz ciês tsênhv qơư huyện tsưr tsix tâu qơư kriê cơưv hêir nênhs sán chỉ têx suôz sênhr hêik gâux.

Tsêr cơưv cxênhz iz thiêz cxênhx oz Đại Thành muôx 95 lênhx shux xênhz tsênhv cơưv hêir nênhs Sán chỉ têx suôz sênhr hu gâux. Đros tsưr ziv kriê cux xưk li huôx tôngv kriê cơưv tsênhv tsênhz, têx qơư kriê cơưv tưz muôx chôngz shux xênhz thiêz cưk kriê đros kriê cơưv. Chor shux xênhz cxênhx iz tsênhv zâu, cux hu tsik tâu tsênhz mênhx, tsuôk nhênhv iz suôz jux juk, taz sik txix 10 shông tror sâur mak tưz piz sênhr suôz, hêik lok six jông. Cưr Nình Moóc Cặn, shux xênhz lớp 8, tsêr cơưv ntơưr cxênhx iz thiêz cxênhx oz Đại Thành cơưv hâur câuc lạc bộ txix hli 9 tưz pâuz hu lok six ntâu zuk mênhx cxưx li suôz gâux soóng cọ. Cặn hêik:

“Cur cxaz chuôz lớp soóng cọ tâu muôx 5 luz hli lơưv, hâur 5 hli cơưv ntơưv tsêr cơưv cur tưz cơưv tâu lok six ntâu jax soóng cọ, paz trâu zuk pâuz ntâu đuô lok zuk mênhx cxưx li têx suôz gâux soóng cọ. Soóng cọ paz trâu zuk pâuz ntâu đuô lok zuk mênhx cxưx têx vênhx huôv. Pêz vav tiêk câu lạc bộ soóng cọ zuôr tror tâu uô đar đuô chiê pêz cơưv tâu ntâu đuô têx suôz soóng cọ”.

Nhiv no, hâux lưv tuôr tsês chiê hêir nênhs Sán chỉ têx suôz hu gâux; phênhv ntâu zos đhâu xênhz huôx ntơưv cxuô qơư kriê cơưv hâur tsêr cơưv ntơưr, sâuv thax tsav. Taz sik iz cxiê jax hêik cov ndo xưz, tsik tâu muôx tsưr ziv sâu tsês cov sơưr đơưk pâuz tâu. Thiêz cxênhx hluôk  hêir nênhs Sán Chỉ nhiv no muôx chôngz lênhx tsik pâuz cxix cxuô zuk hêir nênhs têx luk hêik. viv li cơưv hu gâux cux njiz phiv liv ntâu. Zơưv Nìn A Voòng hêik:

“Tov ntêx no lok six vav têz qơưk thiêz thênhv siêz tsov cưv txos kriz đar têx câu lạc bộ, chiê tsik tso tsês têx suôz gâux no thiêz cux zos têx vênhx huôv mênhx cxưx, viv tsês trâu chor nhuôs pâuz, cơưv shâuv. Tov ntêx no yuôr lênhx tưs mak cur zuôr sir jos kriê, shông no txos shông tov kaz cux zuôr sir jos kriê nzir”.

Huôv tsar cxuô qơư cơưv shâuv hu gâux hâur tsêr cơưv ntơưr, cux chênhr zos  paz phênhv trâu chor shux xênhz pâuz tâu ntâu đuô lok hêir nênhs Sán Chỉ li suôz hu gâux. No cux zos iz kror uô jông chiê paz tuôr chiê têx vênhx huôv mênhx cxưx. Pos Nguyễn Thị Hương, phưv phòng zoz zux thiêz thox cxov huyện Tiên Yên puz pâuz:

“Hâur ntu zuôr txos pêz zuôr sir jos uô huôx tôngv no ntơưv têx tsêr cơưv ntơưr nhoz đêz, tox siêz, kriz uô muk trâu têx taz viv txơưr đuo hâur tas nro huyện chiê phuôx huiz tễ xvênhx huôv jông nhoz tiv phaz hâur tas nro huyện txos trâu chor taz viv tsêr cơưv ntơưr”.

Hêir nênhs Sán Chỉ têx suôz gâux, cêr nênhx vênhx huôv jông, tâu thôngz đhâu trâu cxuô qơư hâur tsêr cơưv ntơưr thiêz thax tsav qơư nhoz. No cux zos iz tsưr ziv uô muôx muôx liv, tuôr tsês chiê hêir nênhs sán chỉ sâuv thax tsav tỉnh Quảng Ninh cux li hêir nênhs Sán chỉ hur si têz qơưk têx cêr nênhx vênhx huôv jông tsik chiê plox./.

                                 (TTĐB-Lik Thox cxêik nhênhv)