Tsuv tsov cưv txos taz por ngaz tuk trâu têx nhuôs zâu

thâuv txos chêix ntux sor

Tsuôk hâur 2 ciêz đhâu tsik ntêr no, ntơưv xar Chiềng Khoong, huyện Sông Mã, tỉnh Sơn La tưz muôx yưv oz txuz txiêz nanv pôngz siêz, uô 4 lênhx nhuôs zâu trâus tuôs. Lar hêik zos txuz muôx yưv hnuz 17/5 ntơưv jok Mòn, xar Chiềng Khoong. Qir tiv xuz thơưx tâu xav jênhv zos chor nhuôs muk đa pak đêx thiêz đêi trâu txox hluô tênhv trâus to, uô oz lênhx nhuôs tuôs ciês ntơưv qơư, iz lênhx mê nhuôs trâus cuz ntơưv oz cxêik têk, iz lênhx trâus cuz hnhiêz ntơưv ndêx puôz tsuv tâu chox muk chơưv kho sêi đrơưv ntơưv tsêr kho moz đa khoa huyện Sông Mã. Tix lâus Lò Văn Dương, tsar jok Mòn, zos lênhx nênhs chơưv paz thiêz chox chor mê nhuôs tuôx tsêr kho moz hêik:“Pêz nhoz trâu qơư txov nhêv, tsik muôx têx qơư chiê trâu chor nhuôs uô si. Chêix ntux sor mak sor cuz viv li chor nhuôs khênhr đa đêx, ndê ntông uô si…têx co cux muôx lok six ntâu taz sik txos hnuz no pov muôx cêr pôngz siêz li no mak pêz cux vav tiêk chor uô niêv uô txir thiêz têx mê nhuôs zuôr uô jông sêiz shuôk đuô, chiê muôx tâu luz nênhx jông đuô”.

Tâu chor bác sỹ tsêr kho moz Đa khoa huyện Sông Mã chơưv paz sêi, txos nhiv no oz tuk nhuôs co tưz jông jux juk. Taz sik, têx qơư trâus tênhv tênhz gruk uô cuz hnhiêz co zuôr nhoz đros đrêiv chor nhuôs tas siv nênhx. Bác sỹ Quàng Văn Dũng, trưởng khoa ngoại, tsêr kho moz đa khoa huyện Sông Mã puz pâuz:“Chuôz zis tsuv muôx tsưr ziv phax, tar trâu chor nhuôs thiêz tsuv pâuz uô jông hêik cov chor nhuôs tsik cxoz nyêi thâuv xar txos thiêz thav txos têx kror phiv liv njiz trâus tsik jông co cov chor nhuôs truôx siêz đuô”.

Chiềng Khoong zos huyện Sông Mã, tỉnh Sơn La li luz xar thax tsav 2. Xar muôx 3.300 ntâu ziv chuôz zis, khưr uô nox zos txix chos kôngz lôngk thiêz tu zus tsiêx cxu. Txơưv tiêk tâu chính quyền, đoanx thể tsik so yax kriê gra siêz jênhv pâuz hâur hâux lưv tsov cưv, tsoz phưz trâu chor nhuôs zâu thôngz đhâu chor jiês cơưv xar, jêx jok, taz sik tiv zos pox nhuôs tsik so muk uô liêx têz, viv li muôx tsơưs six hơưv tsoz phưz chos nhuôs hâur chuôz zis, tiv zix zos hâur chêix so sor. Đuô thiêz xar cux tsik tâu muôx qơư uô si trâu chor nhuôs, viv li kror chor nhuôs chiv chir nriêr qơư uô si li: đa têx pak đêx, đêx hâur têx cưx đêx, ndê ntông, uô si pêv têx trôngz…zos kror zôngx ziv muôx yưv têx phiv liv pôngz siêz tsik jông. Zơưv Lò Văn Tiến, Chủ tịch UBND xar Chiềng Khoong, huyện Sông Mã puz pâuz:“Đros chor ziv chuôz zis sâuv thax tsav xar mak pêz zuôr tror sir jos yax kriê, cux xưk li hêik cov pox nhuôs tsov cưv txos tsoz phưz, sêiz shuôk jông têx mê nhuôs. Tiv oz zos pêz zuôr yax kriê trâu chor nênhs sêiz car jêx jok, cux li chor đoanx thể chính trị, xar hôiv nhoz hâur jok qênhz yuôx jông têx kror li no chiê taz por ngaz tuk jông tiv zix trâu pêx xênhv”.

Chor nhuôs muôx đas jos, ciêz, hloz lox jông zênhx zos đrêiv chor uô niêv uô txir siêz xar njôngr. Xar Chiềng Khoong, huyện Sông Mã tsênhv lok six vav tok njôngr muôx têx lớp kriê cơưv tsưr ziv chiê tsoz phưz thiêz por vêv chor nhuôs zâu cux li muôx tâu têx qơư uô si côngv thôngx, paz muôx tâu tênhv qơư jông, ngaz tuk trâu chor nhuôs chiê chor nhuôs huôv tsar tâu cxuô kror, txar jav tâu têx txiêz nanv phiv liv tsik jông muôx yưv./.

                           (Trấn Long-Lik Thox cxêik nhênhv)

ĐBQH: Txar jav têx tsi jông hâur tưr thik: Hâu nov ntơư qơư tsuv gra siêz tsưr ziv sêiz car

Trơưk li đại biểu Nguyễn Quang Dũng, đoanx Quảng Nam, six hơưv đhâu Bộ Zoz zux tưz tso tơưv cui tinhv hâur tưr thik, iz chas ntơư hur tiz si têx hôiv đôngx puôr lênhx muôx cêr seiz kaz ntov. Taz sik, txơưv cui tinhv đrux ntov, cxix cxuô li chas lok quyết tinhv cux zos ntơưv seiz kaz thiêz uô. Chênhr viv li, đại biểu heik tiêk, zos lênhx nênhs uô cxoz txưv uô zuôv mak têx cơ quan muôx vax huôv  tsuv muôz tik cêr cxâuv cov txos qơư, chiê lưv tuk pâuz thiêz pov tsi uô lơưr. Đros thiêz têx lênhx nênhs uô cxâuv hâur jiês tưr thik cơưv tiêr ntơưr lớp 12 shông 2018, Bộ Công an tưz yơưz phơưz thiêz muôz ntêk cơư, Thủ tướng cux chox kriê, hur tiz si têx lênhx nênhs cik txos zos muôx têx li: Lênhk txeil têx nhiêx xiêz chiê tsar ndê điểm lok sik nox nhiêx mak tsuv muôz tik cêr cxâuv cov txos qơư; Bộ Zoz zux tưz xưv bluô ntov jông têx lênhx cưk kriê ntơưr buôk ti cik txos lok sik chuôz têk paz cux puôr lênhx trâus tik cêr cxâuv. Chiê kho têx tsi jông hâur tưr thik ntơưr shông no thiêz têx shông lơưr co, đại biểu Nguyễn Quang Dũng heik, cxuô thax tsav qơư tsuv moz siêz uô jông têx hâux lưv zok muôz hâur tsưr tsix seiz thik thiêz chấm thik:“Cur seiz, zos pêz uô jông luôs hâux lưv no mak zuôr kho tâu têx tsi jông li heik sâuv. Chiê xưv bluô, tik cêr cxâuv tâu trâu têx uô zuôv hâur tưr thik ntơưr, mak hâux lưv no zos Bộ Zoz zux txơưx jênhv, hok yuôr nhoz cxuô thax tsav qơư, hâu nov ntơưv qơư zos moz siêz txos hâux lưv no, zuôr tsi muôx yưv têx tsi jông hâur tưr thik ntơưr li txuz nhiv kruôr đhâu. Viv tsênhz tiês hâur six hơưv đhâu, hâur 63 tỉnh thành tsuôk chêx tsôngk lok iz cxiê tỉnh, tsi zos hur tiz si, cux đros iz chei, cui tinhv xưk iz zav, taz sik têx tỉnh txơưr đuô hok uô tâu jông hâux lưv co, yuôr 3 tỉnh nhiv kruôr đhâu trâus qênhz pov zos puôr lênhx cik txos hur si canr bôv thiêz hâu nov lox”.

Jông siêz, thôngx ziv đros têx li heik sâuv, đại biểu Hoàng Văn Cường, đoanx Hà Nội heik, đros thiêz luôs hâux lưv xưv bluô ntov têx uô zuôv hâur tưr thik ntơưr shông 2018 đros trâu Bộ Zoz zux thiêz Thox cxov tso tơưv ntâu tsưr ziv cxiv kho trâu jiês thik cơưv tiêr ntơưr lớp 12 shông no, pêz vav chiê siêz tiêk, zuôr tsi tror muôx têx tsi jông li shông nhiv kruôr đhâu yưv siv nzir:“Bộ Zoz zux thiêz Thox cxov tso tơưv ntâu tsưr ziv cxiv kho trâu jiês thik cơưv tiêr ntơưr lớp 12 shông 2019, hâur hâux lưv tsưr tsix thik mal tsi choz tsênhz mênhx trâu iz taz viv tsưr tsix thik li têx shông đrav ntêx, mak zuôr muôx ntâu lênhx nênhs đros cxaz chuôz. Tsênhv tsênhz li têx tsêr cơưv đại học, lênhx nênhs seiz thik, lênhx nênhs qênhz yuôx ho tsi zos chênhr luz tsêr cơưv co seiz thik, qênhz yuôx, mak zos lưv luz tsêr cơưv txơưr đuô seiz thik, qênhz yuôx. Hâux lưv chấm thik zos muôx têx tsi jông li hâur shông 2018 mak shông no chấm thik Bộ Zoz zux choz trâu têx tsêr cơưv đại học tsuv seiz car hâux lưv chấm thik trắc nghiệm. No zos tsưr ziv đơưk uô tâu zênhx max têx tsi jông”./.

(Nguyễn Hằng VOV1-Riê Lâux cxeik, nhênhv)