Điện Biên: Tox xưz poz ntơưv jos Tiêx Njênhx, zôngx ziv muôx têx riêz nênhs

Nhiv kruôr đhâu 2, 3 coz nas hâur cheix ntux nas shông no, tưz pov saz đrâuv tix lâus Lò Văn Nghĩa, kâuv tsêr mor, nhoz jok Tiêx Njênhx C, xã Tiêx Njênhx, huyện Điện Biên Đông, tỉnh Điện Biên, tưz pov muôx yưv ar tơưs xưz lox. Chuôz zis tưz nquôr ar 2 jâuk trâu, chiê cxuz têx caz ar tơưs xưz co cov cxoz xưz tơưs lox nzir, taz sik ar cux tsênhv six tơưs xưz lox nzir. Chênhr viv li, hur si tix lâus chuôz zis thâuv tưs tưz nyei trưs, nox nhoz, pư tsi tsâus jos, cxơưx tsêr muôx têx trâus xưz poz thâuv tưs lok pâuz tsi tâu:

“Nhiv no tsi car tso pox niêv, mê nhuôv pư hâur tsêr lơưv. Vax tsêr cux tsi tâu yêik txar tâu viv tsi muôx qơư tưs truôx. vav chiê siêz têz qơưk đros paz tsôngv px jok Tiêx Njênhx C chiê muôx  qơư tưs truôx mak yêik txar muk nhoz”.

Cxơưx, nyei tsi tiêk zos tix lâus Nghĩa chuôz zis, mak tsênhv zos 70 ntâu chuôz zis tsôngv px txơưr đuô tsênhv uô nênhx nhoz jê iz ndis thax tsav no li cêr cxơưx txos thiêz. Têx caz tơưs xưz tưz tâu qênhz pov txix 7-8 shông đrav ntêx, taz sik 2 shông tror lok no mak ziv tơưs xưz lox đuô. Lar heik zos têx tsêr puôr lênhx muôx ntâu caz tơưs xưz lox xar muôx iz đok, toz txos yênhx thiêr. Ntâu chuôz zis, vax tsêr tưz trâus kêix. Zơưv Sinh Xênhv Zax, nhoz jok Tiêx Njênhx A, xã Tiêx Njênhx, huyện Điện Biên Đông heik cxơưx li no:

“Hli 8 shông uô ntêx mak muôx iz caz tơưs xưz hâur iz qar tsêr, uô tsêr poz sưz xar muôx iz đok. Txos iz jiês no zos hli 6, tror tơưs xưz nzir 2 caz lox hâur tsêr thiêz. Cur chuôz zis lok six cxơưx, tưz tsi car nhoz hâur tsêr, cơư trôngx tsês, tsi car muk lol xênhz huôx ntơưv cur tsêr”.

Trơưk li Sở Đêx ar thiêz Tênhx qơư tỉnh Điện Biên nhiv kruôr heik pâuz, thax tsav trâul tơưs xưz ntơưv xã Tiêx Njênhx tâu seiz zos lok six lox, xav hur si muôx nhos 13 ha, ntêr 760 ntâu thiêr, siêz 150 thiêr, qơư tơưs xưz lox đar yax zos 420 thiêr. No zos thax tsav max mav tơưs xưz đros thiêz muôx 3 ntuk xưz poz. Lar heik thiêz cxơưx zos ntơưv tơư tox xưz poz nhiv no, cheix ntux kruôr cux muôx mê mê đêx cxênhv ntuz têx ar, cheix ntux nas mak đêx ziv zôngx ziv cxênhv trâu têx ar, poz jêz, txix ntơư uô tox zôngx ziv trâus xưz poz sei đuô. Zơưv Ziêk Xênhv Tsaz, Chủ tịch Ủy ban xã Tiêx Njênhx, huyện Điện Biên Đông heik pâuz: Đros thiêz têx phiv liv li heik sâuv, thâuv ntux nas lox, zôngx ziv tror muôx tox xưz poz lox, uô tsi truôx tuk trâu lênhx nênhs thiêz chuôz zênhx chuôz tas uz no ntơưv thax tsav nor:

“Nhiv no têx caz tơưs xưz poz lok six ntâu, lok six riêz nênhs. Xã tưz heik têx chuôz zis, riêz nênhs li ntơư, nhoz tsi tâu ntơưv thax tsav no, tax yêik txar muk nhoz têx qơư txơưr đuô. Tsôngv px, Đảng ủy, pêz hâu nov ntơưv qơư vav thiêz xar tiêk, heik trâu têx hloz muôx vax huôv chiê nzor muôx tsưr ziv, yêik txar hur si têx chuôz zis tsôngv box mak cil txos ntơưv no thiêz xã qơư uô hâux lưv muk nhoz qơư txơưr đuô chiê tso siêz uô nuv, truôx tuk luz nênhx trâu tsôngv cưr tix nênhx tsa sđ”.

Nhiv no, nhoz kuôk đêz thax tsav muôx ar, poz jêz trâul xưz poz 250 thiêr lok faz Đông Nam tưz pov muôx nzir iz caz tơưs xưz lox muôx nhos 0,2 ha lơưv thiêz. Co zos têx uô trâu sđ pov, têx caz tơưs xưz poz tsênhv ziv hnuz ziv tơưs xưz lox nzir trâu pêv tox, uô tsi truôx tuk trâu tas nro thax tsav. Chênhr viv li, hâu nov huyện Điện Biên Đông vav chiê siêz tiêk, tỉnh Điện Biên cux li têx cơ quan lês uô hâux lưv têz qơưk ntơưv xã Tiêx Njênhx zuôr muôx têx faz tsưr ziv tưs yêik txar zênhx max têx chuôz zis tsôngv px, muk nhoz trâu têx qơư truôx tuk, tsik chiê muôx yưv têx tsi jông hâur cheix ntux nas shông no./.

(Vũ Lợi-Riê Lâux cxeik, nhênhv)

Bộ đội sâuv poz hiêr Phú Quý chuôz tsar uô kôngz nuv lơưr Hloz Hôx luk heik kriê

          Đại đội Bộ binh 1 nhoz ntơưv xã Tam Thanh, huyện poz hiêr Phú Quý, Bình Thuận. Nhoz no, ar têz kruôr gis, tsi jông. Cheix ntux kruôr tsi muôx txâuk đêx sir zôngv. Đêx tsuôk txâuk chiê xênhz huôx thiêz uô têx hâux lưv zuôr trâus. Taz sik, sâuv thax tsav ar têz no, têx taz viv no chos jâuz mak cux pov njuôz jông.

          Chiến sĩ Nguyễn Bá Xuân Trường đros têx fôngx zưs tsênhv tsoz phưz txax xưz cuôz puz pâuz, no zos nôngz xưz cuôz tsuôk muôx nhoz poz hiêr Phú Quý, nox hâur niêx hnuz. Xưz cuôz no nox mak lok six jông trâu bộ đội li đas jos đhâu têx jiês cơưv shâuv khưr. Txax xưz cuôz txi nju zos taz viv li chêx cuk tsoz phưz jông. Xuân Trường pheiz kênh:

          “Nhoz hâur taz viv muôx cxaz hâux lưv chos jâuz, viv li pêz chox zav xưz cuôz no lok chos. Qiv hơưv nhoz no tsi jông, viv li pêz tsuv tsoz phưz lok six jông thiêx li huôv jông li no”.

          Hâur têx shôngk đhâu, Đại đội Bộ binh 1 tưz chêx chôngk zôngv têx ar tsi zôngv txos hâur taz viv chiê uô vax chos jâuz. Tsi taz muôx xưz cuôz, vax đar 1 cxênhz ntâu yiv tsênhv chos 10 zav jâuz txơưr thiêz. Hnuz tưs txos 5 six zar hnuz keix, tas six hơưv cơưv shâuv, têx cán bộ chiến sĩ nhoz no ho sik hlôngr muk tsoz phưz vax jâuz. Zos thax tsav nhoz jê niêv đêx hiêr, ar têz tsi jông, muôx tsi txâuk đêx, viv li muôx tâu iz vax jâuz njuôz jông li ntơưv zos iz hâux lưv tsi zôngx ziv. Chiến sĩ Nguyễn Ngọc Dũng, phưv txơưx vax jâuz puz pâuz:

“Txơưv ar têz thiêz qiv hơưv sâuv poz hiêr tsi jông, tsi muôx hâur đêx. Taz sik cxôngx pêz li sir jos, thâuv tưs cux tsoz phưz jông cov vax jâuz njuôz jông, taz por muôx txâuk jâuz hâur bộ đội li têx pluôk mor. Pêz pov lok six jông siêz viv têx mak zuk tưz uô tâu”.

          Têx shôngk đhâu, uô lơưr chủ tịch Hồ Chí Minh li luk heik kriê lok cxênhx txuôk thiêz chuôz tsar tsiv uô xênhz yar kôngz nuv hâur quân đội, đros côngz xưv cơưv shâuv truôx siêz tơưv txênhz, Đại đội Bộ binh 1 tưz tsov cưv muôx tsưr ziv tsiv uô xênhz yar. Taz viv chuv tôngv nriêr têx tsưr ziv cxiv uô vax: nriêr ar lok shơư môngr jêz, txiêr blôngx their vax, têx đêx zôngv hâur xênhz huôx niêx hnuz mak cux zôngv chiê zưs jâuz...

          Lơưr Trung úy Nguyễn Lê Thi Vũ, Đại đội phó Đại đội Bộ binh 1- Ban chỉ huiz Quân sự huyện poz hiêr Phú Quý, hâur têx shôngk đhâu, jâuz cungz trâu tas nro taz viv taz por 14 cir iz lênhx hâur 1 luz hlik. Đros huôx tôngv tu zus buô, keiz, ok, taz viv cxênhx txuôk tâu 5 cxênhz đeiv iz lênhx nênhs iz hnuz chiê cxaz nzir hâur pluôk nox niêx hnuz. Trung úy Vũ puz pâuz:

          “Đros chêx cuk tax tâu, hâur six hơưv zuôr txos, taz viv tror chuôz tsar tsêz chos jâuz, tu zus chiê chiv chir cungz trâu taz viv. Yax six seiz njôngr qiv hơưv chiê chos têx zav jâuz huv đros, taz por muôx jâuz huôv tsar jông, muôx jâuz nox hâur yênhx shông”.

          Uô jông côngz xưv tsêz chos, tu zus, Đại đội Bộ binh 1 sâuv poz hiêr Phú Quý chuv tôngv tâu zav nox hur hâur bộ đội li têx pluôk mor nox, tsơưr lươngv pluôk nux tâu muôz siêz, taz por đas jos trâu cán bộ chiến sĩ tsênhv cơưv shâuv ntơưv no, muôz siêz tsơưr lươngv tas nro taz viv, gôngr phênhv uô zênhx liv jênhv vưv por vêv ntus đriv poz hiêr têz qơưk./.

(VOVTPHCM-Txâur Vax cxeik nhênhv)