Đắk Lắk: Sor siêz chuôz zis tâu sơưv têx tsênhv chêi, nênhs muôx côngz

Pêz muk chuôr yuô chuôz zis niêv Việt Nam zênhz shôngx Huỳnh Thị Bộ, jok 7, xar Hòa Sơn, huyện Krông Bông, tỉnh Đắk Lắk hâur têx hnuz hli 7. Muôx 92 shông, kror muôs tưz tsik yuô pov cêr, kror njêx cux hnor luk tsik yuô tsênhz, taz sik niêv cux tsênhv ndo njôngr thiêz luz njêx muôs lok six shir phaz. Tix lâus Trần Công Trường, zos tuk tuz tsênhv uô nênhx nhoz đros niêv puz pâuz, hnuz hnor mông tiêk tuk txir thiêz tuk nhuôs tuz trâus tuôs hâur jiês ntâuk tros châu Mỹ, niêv tưz pôngz siêz tas hur si, xưk li zuôr uô nênhx nhoz tsik tâu, taz sik khov muôx jêx jok paz, viv 4 tuk nhuôs tsênhv nhoz viv li niêv tưz sir jos uô nênhx thiêz uô xênhz yar. Shông 2015, niêv tâu khơưk kruô côngz bê niêv Việt Nam zênhz shôngx, shông 2017 niêv tâu paz cxiv uô luz tsêr nhoz siêz jông tsiv gri muôx 115 triệu đêiv. Chính quyền thiêz pêx xênhv tiv phaz li tsov cưv txos zos kror paz chiê niêv sir jos uô nênhx yênhx hnuz.

“Hêik cxuô mak hâur zuk tiv phaz mak xiêz 5, hnuz tsiêz lok sik têx hnuz ntênhk lox mak cux muôx nênhs tuôx sêiz shuôk, muôz huv paz. Thâuv muôx moz gênhs lok cux tuôx sêiz nus. Cux tâu Sở lox tôngv tỉnh Đắk Lắk uô iz luz tsêr trâu niêv nhoz. Cur cux hlôngr njêx muôs trâu chuôz zis uô tsâus txos cxuô cấp, nganhx hâur tỉnh”.

Têx hnuz no, chuôz zis niêv Việt Nam zênhz shôngx H’Băm Buôn Krông (hêir nênhs Êđê) nhoz jok Ea Ktur, xar Ea Ktur, huyện Cư kuin zos niêv liệt sĩ Y Nam Buông Krông cux lov jêv đuô viv muôx ntâu đoanx tuôx sêiz shuôk, khơưk muôz huv paz. Muôz têk xuôk trâu faz nja tsêr, niêv piêr, shông 2013, niêv tâu têz qơưk paz uô iz luz tsêr siêz jông trâu nhoz, đhâu 5 shông nhoz, luz tsêr tưz tsik jông, hli 5 nhiv kruôr đhâu, chính quyền tiv phaz tưz muôz 20 triệu đêiv chiê kho đuô jông xưk li tsêr yiêz:

“Cur lok six shir phaz viv têz qơưk tưz paz uô tsêr trâu cur nhoz. Cur tưz lâul lơưv, cur luz nênhx nhiv no cux lok six jông, tâu Đảng, têz qơưk tsov cưv txos mak cur shir phaz hênhr”.

Đros uô tsêr trâu nhoz, sêiz shuôk khơưk muôz huv trâu chor chuôz zis tâu sơưv cêr chêi, nênhs muôx côngz, tỉnh Đắk Lắk tsik so tsov cưv txos kho đuô, uô yiêz chor qơư kuô nza liệt sĩ, Đaix txi côngv. Nhiv no tas nro tỉnh muôx 12 qơư kuô nza cấp huyện, 1 qơư kuôk nza cấp tỉnh, 46 tsêr fiêx sâu côngz bê liệt sĩ cấp xar thiêz 7 Đaix txi côngv txos chor liệt sĩ. Côngz xưv vêv xênhz, qêz suô têx qơư no tsik so tâu choz trâu tsưr tsix đoanx hluôk nênhs uô, đhâu co paz zoz zux têx cxôngx nzor trâu cxênhx hluôk. Cxaz chuôz trâu hâux lưv kho đuô Đaix txi côngv huyện Cư Kuin, Nguyễn Bá Thực nhoz jok 11, xar Ea Ning hêik:

“Pêz lok six tso siêz thiêz uô tsâus chor zênhz shôngx tưz trâus tuôs viv tiêx tuk trâu têz qơưk cux xưk li tiv phaz, viv li côngz xưv qêz suô, kho đuô tâu chor hluôk nênhs hâur xar sir jos uô chiê ndo txos chor zênhz shông liệt sĩ tưz trâus tuôs”.

Lơưr Sở lox tôngv Xaz pênhz thiêz xar hôiv tỉnh Đắk Lắk, tiv phaz nhiv no muôx zuôr xar 62.000 ntâuz ntơưr, nênhs muôx côngz tâu sơưv tsênhv chêi paz. Côngz xưv sêiz car thiêz uô lơưr tsênhv chêi tsov cưv txos nênhs muôx côngz tsik so tâu nganhx txơưx jênhv kriz uô cxix cxuô, ndar six hơưv, huv đros trâu têx kror phiv liv, pôngz plox mak lơưr tưz tsuv njiz trâus. Nhiv no, chor chuôz zis tâu sơưv cêr chêi puôr lênhx muôx phênhv uô nênhx nhoz bâuv lok sik siêz đuô chor nênhs nhoz đros uô cê. Tsuôk txix tsêiz no txos nhiv no, tỉnh Đắk Lứk tưz vênhv tôngv tâu muôx 13 tiv đêiv ntâu trâu cuiv ndo txiêx pâux njis. Muôz xar muôx 8 tiv đêiv chiê uô yiêz thiêz kho đuô 200 ntâu luz tsêr siêz jông trâu niêv Việt Nam zênhz shôngx, chuôz zis muôx côngz. Jiês 27/7 shông no, tỉnh Đắk Lắk tsês muôx 2,5 tiv đêiv ntâu chiê sêiz nus, khơưk muôz huv trâu 15.500 lênhx nênhs tâu sơưv cêr chêi, nênhs muôx côngz. Pos Tô Thị Tâm, Phưv giám đốc Sở lox tôngv, xaz pênhz thiêz xar hôiv tỉnh Đắk Lắk hêik:

“Pêz tsik so cêir chêx jông têx tsênhv chêi trâu nênhx muôx côngz, tsik chiê uô muôx yưv uô tsik txos qơư. Hêik trâu tỉnh ủy huiz tôngv têx pênhr jos paz trâu nênhs muôx côngz. Tiv zix zos cxiv uô sêi têx tượng điax, kho đuô têx qơư kuô naz liệt sĩ thiêz zok nriêr chor liêtk sĩ tưz trâus tuôs. Nhiv no Sở lox tôngv tsênhv cxiv uô tsênhv qơư chơưv kho trâu nênhs muôx côngz, pêz zuôr uô cov sêi chiê tsênhv qơư huôx tôngv tâu hâur shông 2019”.

Txix têx hâux lưv uô tsênhv tsênhz, nganhx txơưx jênhv tỉnh Đắk Lắk tưz tsik zos taz por tâu tsênhv chêi uô ndar six hơưv, mak tsênhv huiz tôngv tâu tas nro xar hôiv phuôx huiz “ndo txiêx pâux njis”, sik côngv têk tsoz phưz trâu chor nênhs muôx côngz, thôngx cxix zoz zux, kruôr kriê trâu cxênhx hluôk nhiv no pâuz txos./.

(TTTN-Lik Thox cxêik nhênhv)

Cxoz txưv uô cxâuv chêr tưr thik thiêz nênhs sơưr thơưx nganhx zaoz zux Sơn La li txơưx jênhv?

          Ntơưv jiês njiz thôngz xor mông đros pov tsir hnuz 23/7, zơưv Hoàng Tiến Đức, Giám đốc Sở zaoz zux thiêz thox cxov Sơn La- lênhx nênhs lov lik jiês thik THPT têz qơưk ntơưv tỉnh no tsi tuôx, uô ntâu lênhx nênhs uô pov tsir xar tsi thôngz. Uô ntêx co, zar hnuz keix hnuz 18/7, uô ntêx 1 hnuz thâuv Bộ zaoz zux thiêz thox cxov tỉnh li tuêv côngz xưv tuôx uô hâux lưv seiz car điểm thik, zơưv Phạm Đăng Quang, Phưv giám đốc Sở zaoz zux thiêz thox cxov tỉnh, lênhx nênhs tâu zơưv Hoàng Tiến Đức heik têz têx lênhx nênhs sâu xor xưv VOV li lul nus tưz khav tênhv, hâur jiês thik nhiv kruôr đhâu, Sơn La tưz uô trơưk têx tsưr ziv, cui tênhv thik. Hâur six hơưv seiz car tsi pov muôx tul tsi tsi jông. Shux xênhz nhoz Sơn La li điểm thik puôr lênhx zos khov txos têx shux xênhz li pênhr xưv txux chi:

          “ Pêz khav tênhv jiês thik tâu uô jông. Đhâu jiês thik siv uô ntêx mak tsênhv yuôr 3 luz hlik chiê tror cơưv shâuv muôz siêz yênhx tưv, têx shux xênhz tsi taz cơưv shâur hâur tsêr cơưv mak iz cxiê chuôz zis tsênhv ntiêr cưk kriê kriê cxaz trâu mê nhuôs. Li ntơưv 3 luz hlik co têx mê nhuôs shux xênhz tsâu siêz cơưv shâuv, tiv zix zos têx môn thik đại học”.

          Đhâu 5 hnuz xav tênhv, seiz car thiêz tơưv txênhz đros têx lênhx nênhs muôx lênhx coaz uô cxâuv, mak têx uô cxâuv hâur jiês thik nhoz Sơn La jux jus tâu yơưz tơưv. Tuêv côngz xưv, Bộ zaoz zux thiêz thox cxov li xor mông tso pov: Têx lênhx nênhs tưz uô cxâuv cui trình thiêz liv zôngv chiê hlôngr shux xênhz li điểm thik, tiv zix zos chêx cuk uô ntêx thâuv xa jax thik trâu Bộ zaoz zux thiêz thox cxov, zos iz hâux lưv uô chiê jav tâu chiz coaz coar lik têz qơưk. Tiv zix zos muôx tsưr tsix thiêz têx cán bộ nhoz hâur Ban chox kriê thiêz Hội đồng thi tỉnh cxaz chuôz. Lênhx nênhs sơưr thơưx hâux lưv no txos nhiv no tâu xav tênhv zos Phưv giám đốc Trần Xuân Yến thiêz 4 lênhx canr bộ nhoz hâur sở. Zơưv Mai Văn Trinh, Cục tsar Cục coar lik tsơưr lươngv, Bộ zaoz zux thiêz thox cxov puz pâuz:

          “ Lơưr cui chế thik THPT thiêz seiz côngz jênhv cơưv tiêr THPT nhiv no, tsưr ziv tsưr tsix uô mak uô lok six jông, huv đros thiêz heik kriê. Taz sik, chêx cuk thik tsuôk tax tâu zos têx hâux lưv tâu uô jông lơưr trơưk cui chêr thik. Têx uô cxâuv hâur Hội đồng thik Sở zaoz zux thiêz thox cxov Sơn La tưz uô cxâuv zov chênhr txos cui chêr thik”.

          Txơưv tiêk tsưr ziv uô cxâuv tâu tsưv ziv uô jông li chas, taz sik têx hâux lưv txơưr tsi lax chiê Hội đồng thik Sơn La pov tâu, pir li hâux lưv por coar jax thik. Lơưr cui chêr shux xênhz li jax thik tsuv tâu por coar jông, huv tso ntơưr, qar thik puôr lênhx tâu xâur thiêz lo ntơưr lơưr cui tênhv heik kriê. Thâuv krêz ntơưr lo tsuv uô biên bản ntâuz ntơưr thiêz muôx lênhx nênhs hlôngr njêx muôs têx thành viên Hội đồng chấm thik nhoz co seiz. Taz sik, têx cui tênhv no tưz tâu Hội đồng chấm thik THPT têz qơưk tỉnh Sơn La shông 2018 krêz uô tsi trơưk tsưr ziv. Meir tính zôngv chiê chấm thik cux tsi lo ntơưr thiêz tâu sir zôngv uô hâux lưv xưk li têx meir tính txơưr, hâur co hâux lưv tror seiz car đuô jax thik đhâu thâuv tâu chấm thik mak cux tsi tâu tâu tsưr tsix uô....

          Đros têx uô cxâuv zov chênhr co, tsôngv box muôx lul nus tiêk lênhx nênhs sơưr thơưx Nganhx zaoz zux thiêz thox cxov Sơn La tsuv muôx txơưx jênhv li chas lok jiês thik THPT têz qơưk shông 2018 thiêz zuôr yưr lir li chas?

          Nhiv no, Bộ công an li đoanx côngz xưv tsênhv tror sâuv cxaz têx ntâuz ntơưr thiêz tơưv txênhz đros têx lênhx nênhs muôx lênhx coaz. Đros têx jax thik trắc nghiệm lok six ntâu, têx lưx lươngv muôx txơưx jênhv cux tsênhv sir jos qênhz yuôx uô tsênhz mênhx hâux lưv uô cxâuv no./.

                                  (Thanh Thủy- Txâur Vax cxeik nhênhv)