Mênhx cxưx Mảng nhoz Lai Châu txos thâuv tưs thiêx tsik txov nhêv?

Jok Bum Nưa, xar Nậm Củm kuôk tsênhv qơư huyện Mường Tè  tsik tâu muôx 10 cêik cêr, cêr tưz tâu luôv poz jêz, tênhv tênhz tưz tâu chaz lok txos yênhx ziv chuôz zis. Muôx cêr, muôx tênhv zos têz qơưk li yưv pênhr ntâu, paz uô hlôngr yiêz ntâu trâu thax tsav qơư no. Tâu yưv pênhr ntâu li co, taz sik cêr yêiz pluôs cux six muôx đros đrêiv mênhx cxưx Mảng txix thâuv ntêx lok txos nhiv no.Tas nro jok Nậm Củm muôx 36 ziv chuôz zis, taz sik tsik tâu muôx chuôz zis tưs hla đhâu cêr pluôs hlo. Kror zênhx muôx đrêiv hâur yênhx chuôz zis zos chơưr, đrâuv vax, têx ar têz mak tâu tso tsês khôngz, taz sik ho tsik muôx chuôz zis tưs chos tâu txir ntông lok sik jâuz tâuv phưx vưv trâu luz nênhx yênhx hnuz hlo. 1,2 ha ntâu blêx liêx iz chiv tâu tsêz chos phênhv ntâu zos khov muôx cán bộ chuôz cxaz tso tuôx uô hâux lưv thiêz cưk kriê ntơưr nhoz hâur jok đros uô. Txix fâuv nênhs no trâu fâuv nênhs tov kaz mênhx cxưx Mảng cux tsuôk nriêr kror nox đhâu hnuz txix zok nriêr njuôs, jâuz txir…pev har jôngr lok xưz. Phưv jok Nậm Củm Lò Văn Chung, lênhx nênhs hâuk chơưr tâu muôx 20 shông puz pâuz:“Li pêz nhoz ntơưv no mak luz nênhx txov nhêv tiês, tsuôk zok nriêr njuôs chiê nox đhâu hnuz xưz, lok sik uô jos chiê nriêr kror nox thiêz tu zus têx mê nhuôs. Cur mak cux hâuk chơưr ntâu tiês, tso tsês tsik hâuk mak zuôr tso tsik tâu tsuôk zos hâuk cov tsơưs đuô xưz. Tas nro jok xưk li lênhx tưs cux hâuk hur si”.

Niêv tix Lò Thị Nhung ziv chuôz zis luz tsêr lơưx vor tôn nhoz ciês ntơưv hâur jok tâu uô kuôk no muôx oz pêz shông txix 15 triệu đêiv zos têz qơưk muôz paz thiêz pêx xênhv têx jêx jok txơưr nhoz iz ndis tuôx đros paz uô. 41 shông thiêz muôx 4 tuk mê nhuôv, njiê niêv tix Nhung mak xưk tưz muôx 60 shông lơưv. Luz njêx muôs lâul tas-cux zos tiv phiv liv txix hâuk ntâuz chơưr. Yênhx hnuz tas nro oz niêv txir puôr lênhx hâuk chơưr hlôngr trâu mor thiêz đêx hâuk, lok six tsơưs jâus thiêx pov luz kror chuz tơưl chis liêz chiê hâuk njuôs njư cuô txoz nox đros. Cê muôx zênhk zax zênhz cê muôx zênhk chơưr viv li cux uô tsik tâu đaz tsi hlo. Yênhx têis cik đhâu thâuv muk trâu tsêr vênhx huôv tsênhv qơư chiê hâuk yuôx Methadone, mak ho hâuk yênhx hưx chơưr muôx iz đraz lir, tsênhv kâus chơưr lok niêv tix Nhung ho muk pêv har jôngr chiê zok nriêr kror nox, hok tuk txir mak nhoz tsêr pư lok sik tror hâuk chơưr nzir đros cxuô lênhx nênhs hâur jok. Chêix tưs mak zok nriêr têx zav nox hâur chêix co, têx thâuv mak têr caz tâux khâuz truôx, têx chêix mak zok nriêr njuôs…Têx zav zok nriêr tâu co mak puôr lênhx tâu niêv tix chuôz zis muôz pâur chơưr hâuk:“Tsik hâuk zax zênhz lươuv mak pêz hâuk chơưr. Chuôs li tas nro jok puôr lênhx hâuk chơưr hur si thiêz 90% uô tsik tâu đaz tsi hlo”.

Tsar jok Y Van luz tsêr tâu uô txix ntông, vor tôn, luôv gạch pax, hâur tsêr muôx luz ti vi zav thâuv ntêx thiêz luz yêz mêir tưz kuz. Zuôr txos no mak Y Van chuôz zis tâu chiê tơưv đhâu bê ntơưr zos chuôz zis pluôs. Đrâuv chiv chir kriz phaz nzir chiê uô liêx, chuôz zis tsênhv muôs hax huv, hâur co chơưr zos zav muôs chênhr thiêz muôs tâu ntâu tiv zix. Y Van tuk pox niêv puz pâuz: Nhuôs zâu mênhx cxưx Mảng txix thâuv tsênhv nhoz hâur niêv plaz zênhx tâu hâuk chơưr thiêz hâuk zênhz txix niêv luz chêr lơưv. Zơưv Vàng Văn Trung, Trưởng Công an xar Nậm Củm, lênhx nênhs tâu phêiz côngz chiê sêiz car jok Bum Nưa, uô bí thư chi bộ jok hêik, txix hâur shôngk shông txos nhiv no nhoz hâur luz jok no muôx 4 lênhx nênhs tuôs thâuv tsik tâu muôx 40 shông. Lơưr trâus tuôs cux muôx njil xưk li iz zav zos thâuv hâuk chơưr kâus muk hâur har jôngr zok nriêr jâuz txir, kok lok no chêk trâus tuôs.

Nhoz luz jok no txix thâuv ntêx lok, lênhx nênhs nhoz lâul tiv zix cux tsuôk xar muôx 60 shông xưz. Đrâuv chơưr, zax zênhz, mak siz zuôr cxênhz jê thiêz tsơưr lươngv luz nênhx cux uô phiv liv txos tsơưr lươngv cxuô fâuv nênhs. Txix thâuv ntêx nênhs Mảng xar tiêk: thâuv têx nxêik muk zuôr txir mak têx mê nhuôs xênhz zus tâu co zos lơưr xênhv thiêz lơưr nênhs lơưv, viv li fâux thiêz đaz lâus têx tuz nxêik siz zuôr zos kror zênhx muôx yưv tsik so:“Pêx xênhv nhoz no mak pluôs hênhr, txov nhêv hênhr, luz nênhx mak muôx têx ntu tsuôk nox kok ntông xưz. Muôx nênhs mak muôx zênhk zax zênhz, muôx nênhs muôx zênhk chơưr viv liz cux tsuôk nhoz tâu txos muôx 50 txos 55 shông xưz trâus tuôs lơưv”./.

(Thủy Kiên-Lik Thox cxêik nhênhv)

PHÊNHV TSÊNHV CHEI TÊZ QƠƯS

Tsôngv box tâu kêr txeik pênhr huôv tsar uô kôngz lôngk li chas?

Têx tsov cưv tso kêr txeik pênhr  huôv tsar uô kôngz lôngk:

1. Tso kêr txeik zuôr têx uz no, uô lax luôv xiv huv kôngz nuv txix tsiv uô txos trâu sâu zuôr, uô thiêz muôs.

2. tso txêik phưx vưv uô công nghiệp, muôv muôs thiêz côngz têx dịch vụ hâur thax tsav tox siêz.

3. Tso txeik chiê uô zuz nôngz tsoz chos, tu zus tsiêx cxu, shuôz njêl, chos jôngr thiêz côngz têx xiv huv, hâux lưv phưx vưv uô kôngz lôngk.

4. Tso txeik huôv tsar uô têx luôs hâux lưv ntơưv thax tsav tox siêz, qơư nhoz.

5. Tso txeik phưx vưv têz qơưk tsaz yênhx qơư tsov txos lok cxiv tsa jêx jok yiêz.

6. Tso txeik uô têx hâux lưv uz no phưx vưv tsôngv box luz nênhx nox nhoz.

7. Tso txeik trơưk têz qơưk têx tsaz yênhx kinh tế cik txos ngênhx kôngz nuv, tox siêz

Nhạc cắt

Cui tinhv tso txeik:

1. Tsưr tsix nhiêx txiêx uô lơưr tso txeik đros thiêz têx lênhx kruô trơưk cui tinhv ntơưv Nghị định no. Têx tsênhv njiêz tsi tâu cui tinhv hâur Nghị định  no mak tsưr tsix nhiêx txiêx tso txeik trơưk têz qơưk chei cui tinhv nhiv no lok sâuv tsưr tsix nhiêx txiêx tso txeik đros thiêz têx lênhx kruô.

2. Tsôngv kruô tâu tsưr tsix nhiêx txiêx tso txeik pênhr tsi muôx têx chuôz zênhx muôx grik ntâul gri trơưk cui tinhv ntơưv têx Grê 9, 14 thiêz 15 hâur Nghị định no. Zos tsôngv kruô xar txeik ntâu đuô phênhv tso txeik tsi muôx chuôz zênhx ntâuk gri li heik sâuv ntơưv têx Grê no mak phênhv nhiêx tso txeik ntâu đuô co tsuv uô lơưr cui tinhv nhiv no lok sâuv tsưr tsix nhiêx txiêx tso kruô kêr txeik.

Nhạc cắt

Têz qơưk têx chei paz:

Chính phủ muôx chei cxơưz cxiz tso txeik pênhr nhiêx uô kôngz lôngk, thôngz đhâu paz max pênhr nhiêx, sir zôngv têx uz no car seiz nhiêx txiêx, đơưk uô têx tsi jông hâur uô kôngz lôngk..... thiêz têx tsênhv chei txơưr đuô hâur yênhx ntu./.

(Thanh Thủy-Riê Lâux cxeik, nhênhv)