Tsôngv box cxuô heir nênhs Tây Bắc đros thiêz Đại hội Đảng tas nro têz qơưk jiês tiv 13

Đros thiêz tsưr ziv, “Sik thôngx siêz-jênh tsuv-uô lơưr cui tinhv-txơưx xar tơưv-huôv tsar”, Đảng Đại hội đại biểu tas nro têz qơưk tưz qir cơưv ntơưv tsênhv qơư phêv ziv (Mỹ Đình, Hà Nội).

Hlôngr suôz: Cxaz chuôz dưv Đại hội muôx 1.587 lênhx đại biểu, hlôngr njêx muôs trâu 5 tsov ntâu lênhx đảng viên hâur tas nro têz qơưk. Đại hội 13 zos Đảng, tsôngv px, pêz têz qơưk iz xor xưv zov chênhr hâur cêr huôv tsar. Đại hội cơưv hâur ntu têz qơưk tsi tâu muôx cxix cxuô zav, qơư sơưr thiêz ntiêx têz njênhs txos li nhiv no, đros trâu ntâu têx luôs hâux lưv uô tâu jông hâur six cxiv Đại hội 12. No chênhr zos qơư truôx, zov chênhr chiê pêz sđ sir jos cxiv tsa iz têz qơưk VN huôv tsar, muôx phênhv sâu siêz lok six hơưv chiv nhênhv 100 shông têz qơưk tiêx tuk-shông 1945.

Nhạc cắt

Đại hội Đảng tas nro têz qơưk tiv 13: Tsôngv box cxuô heir nênhs Tây Bắc vav chiê siêz zuôr tror muôx ntâu tsênhv chei huv đros tsês trâu tsôngv box heir nênhs tsơưs

Hlôngr suôz: Pá Khoang zos iz hâur têx jok txov nhêv đuô hur si hâur xã Mường Và, huyện Sốp Cộp, tỉnh Sơn La, 100% zos tsôngv box Hmôngz uô nênhx nhoz. Jok muôx 32 chuôz zis, 173 lênhx nênhs. hâur co, muôx 17 chuôz zis pluôs, yuôr đuô li zos chuôz zis zuôr xar pluôs. Tsôngv px luz nênhx tsênhv lok six txov nhêv, phênhv ntâu zos lơưr chos poz cưk, kok ntông sâuv têx ar têz nxaz. Sox seiz, hơưv lok Đại hội Đảng tas nro têz qơưk tiv 13, zơưv Chụng Xênhv Vax, tsar jok Pá Khoang, xã Mường Và, huyện Sốp Cộp, tỉnh Sơn La heik: “Jok Pá Khoang nhiv no tsi tâu muôx tsêr vênhx huôv, tênhv tênhz tơưk pov cêr, cêr muk lol lok six phiv liv cơưk. Chênhr zos li co, vav chiê siêz đhâu Đại hội, Đảng thiêz têz qơưk zuôr paz max trâu jok chiê muôx tênhv tơưk, muôx cêr jông muk lol cov px luz nênhx tâu truôx tuk đuô”.

Jok Mường Và, xã Mường Và muôx 2 heir nênhs zos Lol Tsuôk thiêz Poz Ziz uô nênhx nhoz uô cê. Jok muôx 435 chuôz zis, hâur co, nênhs Lol Tsuôk tsav 70% ntâu jênh sôr. Đhâu sox seiz Đại hội Đảng tas nro têz qơưk tiv 13 tsênhv taz tov cơưv ntơưv Hà Nội, tsôngv box nhoz jok Mường Và cux lok six moz siêz thiêz xar cov Đại hội zuôr muôx têx chei jông, huv đros trâu tsôngv box heir nênhs tsơưs, thax tsav ntus đriv txov nhêv. Zơưv Lò Văn Diệm, heir nênhs Lol Tsuôk, Tsar jok Mường Và, xã Mường và, huyện Sốp Cộp, tỉnh Sơn La heik pâuz: “Vav chiê siêz, Đảng đại hội 13 no zuôr tror moz siêz txos, tso tơưv tâu têx chei uô huv đros, paz max nênhs pluôs, tsôngv box heir nênhs tsơưs, lar heik zos pêz heir nênhs Lol Tsuôk, chiê huôv tsar uô nox uô hnar, cxuz cêr yeiz pluôs, px luz nênhx tâu gra siêz, tsâu sor, vav mênhx, paz tsưx phưv truôx tuk têz qơưk”.

Mường Giôn zos xã thax tsav 2 tsênhv yuôr ntâu txov nhêv hâur huyện Quỳnh Nhai, tỉnh Sơn La. Xã muôx 4 heir nênhs, hâur co muôx heir nênhs Maz. Tâu Đảng, têz qơưk moz siêz txos, hâu nov ntơưv qơư tưz thiêz tsênhv đros px sir jos siz tưr huôv tsar uô nox, cxuz cêr yeiz pluôs. Txos nhiv no, tsôngv px sđ luz nênhx nox nhoz tưz jux juk hlôngr yiêz, uô nênhx nhoz sik thôngx siêz, muk lơưr Đảng, zơưv Hloz Hôx. Taz sik, txix tsôngv box heir nênhs tsơưs têx txux chi, phôngz cxưx jông iz hnuz trâul pôngz plox jux juk, hâur co muôx nênhs Maz txux chi vênhx huôv jông, tsôngv box cxuô heir nênhs nhoz xã Mường Giôn vav chiê siêz, Đại hội zuôr muôx têx chei jông, huv đros trâu tsôngv box heir nênhs tsơưs hâur por hưv, tuôr tsês cxuô heir nênhs têx txux chi vênhx huôv jông tsi chiê pôngz plox. Zơưv Hoàng Văn Học, heir nênhs Maz, Chủ tịch Ủy ban xã Mường Giôn, huyện Quỳnh Nhai, tỉnh Sơn La heik: “Hơưv Đảng Đại hội jiês tiv 13 uô tâu yênhx côngz, pêz xar cov Đảng, têz qơưk sir jos uô lơưr tsênhv chei mênhx cxưx. Hâur co, muôx nênhs Maz, uô li chas chiê tuôr tâu tsês zuk heir nênhs têx txux chi cêr nênhx vênhx huôv, phôngz cxưx, lul heik, tsôngk tril yo hnar thâuv ntêx..... Xar cov Đảng thiêz têz qơưk moz siêz txos ntâu đuô thiêz, chiê tuôr tsês têx txux chi heik sâuv trâu cxênhx hluôk tov kaz pâuz txos, tsi chiê pôngz plox”./.

(Đức Anh-Riê Lâux cxeik, nhênhv)

Cxix luôk loa nta suôz ntơưv qơư tso nta suôz lok Đại Hội Đảng txos tsôngv box thax tsav tox siêz Lai Châu

Nhạc hiệu Mông...

Thâuv Đeix nta suôz Việt Nam li tsaz yênhx xor xưv tâu tso sâuv loa nta suôz tâu tso pêv hâur jos cux zos thâuv zơưv Vũ Xuân Trường, nhoz jos Mới, xã San Thàng, thành phố Lai Châu thiêz chuôz zis sơưr. Nhiv no cux zos li ntơư, mnôngs tsaz yênhx thâuv sơưr nzor, chuôz zis txơưv sơưr qir trâu iz hnuz uô lox tôngv yiêz.

          Zơưv Trường pheiz kênh, tsi xưk li têx phaz pênhv xa đuôz thôngz xor mông txơưr, cê mnôngs Đeix pox nhuôs cux uô tâu liêx têz viv li pox nhuôs lok six nhiêv mnôngs. Đại hội Đảng tâu krêz uô, zơưv Trường cux zuôr đros tsongv box hâur jos chêx chôngk ntơưv tsêr vênhx huôv jos chiê mnôngs têx njiêz luv hâur đại hội cxôngx loa nta suôz no. “Cán bộ vênhx huôv xã cux muôx tsưr ziv yax mông cxôngx loa nta suôz chiê pox nhuôs pâuz lok Đảng li têx cêr chei, nghị quyết uô ntêx thâuv đhâu Đảng li Đại hội. pêz cux tưz heik pox nhuôs thiêz jos li têx tsưr tsix chính trị tuôx sik seiz lax, mnôngs yax mông lok Đại hội Đảng jiês tiv 13. Cux xar njôngr Đại hội Đảng jiês tiv 13 têz qơưk zuôr yưv pênhr thiêz tsov cưv đuô txos pox nhuôs chiê paz pox nhuôs huôv tsar cêr uô nox uô hâuk”.

          Xã San Thàng, thành phố Lai Châu muôx 9 jos, đros 1 cxênhz 300 ziv chuôz zis, hâur co phênhv ntâu zos tsôngv box mênhx cxưx tsơưs nênhs nhoz uô nênhx. Ntu đhâu, cxix luôk loa nta suôz tsênhz tsênhz zos chuôz zênhx chiê chính quyênx tiv phaz yax mông Đảng li chủ trương, têz qơưk li cêr chei txos tsôngv box. Jiês Đại hội Đảng no, loa nta suôz cux zos chuôz zênhx thôngz xor mông tsênhv chiê tsôngv box tâu pâuz txos têx xor mông lok Đại hội.

          Zơưv Nguyễn Văn Hương, Phưv Chủ tịch UB xã San Thàng, TP Lai Châu puz pâuz: “Đại hội Đảng zos iz hâux lưv chinhr trị coaz tsôngv thiêz UB xã xar njôngr tas nro tsôngv box sâuv thax tsav xã zuôr tâu pâuz txos. Viv li, UB xã tưz chox kriê cán bộ vênhx huôv xã qênhz yuôx tas nro cxix luôk loa nta suôz sâuv thax tsav uô li chas tso ntâu trâu tsôngv box mnôngs lok têx jiês khiêz phêv Đại hội”.

          Zơưv Nguyễn Văn Tuệ, Tsar Đeix xa đuôz-nta suôz TP Lai Châu puz pâuz: Nhiv no tas nro niêv đrôngs muôx 11 luz loa zos Đeix coar lik thiêz 107 loa zos têx xã, phường coar lik, đros 8 trạm nta suôz sâuv tas nro thax tsav. Chiê tsôngv box zôngx ziv pâuz tâu têx xor mông, tiv zix zos hâur jiês Đại hội Đảng, ntâu hnuz đhâu cán bộ kỹ thuật Đeix tưz đros têx xã, phường qênhz yuôx, seiz shuôk chiê taz por thôngz xor mông txos tas nro tsôngv box: “Chiê tuôv zênhv tsôngv box li siêz njênhs njôngr lok Đangv, Đeix cux tưz chox kriê cán bộ kỹ thuật uô jông hâux lưv khưx phưx loa trâus liêv sâuv thax tsav, sik côngv đros têx xã, phường kho đuô têx loa. NJuôs xav hâur ntu tsưr tsix đại hội pêz zuôr uô jông hâux lưv tso nta suôz taz por 100% têx ziv chuôz zis tâu mnôngs đeix...”

          Nền nhạc hiệu....

          Cxix luôk loa tso nta suôz nhoz ntơưv tiv phaz zos iz hâur têx chuôz zênhx paz thôngr xor mông lok jiês Đại hội Đảng txos tsôngv box têx mênhx cxưx nhoz tox siêz pâuz, hâur co muôx niêv đrôngs Lai Châu. Tsôngv box tox siêz Lai Châu njênhs njôngr Đại hội zuôr yênhx côngz jông thiêz Đảng zuôr muôx ntâu quyết sách yiêz, huv đros paz thax tsav tsôngv box mênhx cxưx tsơưs nênhs huôv tsar./.

(K.Kiên-Txâur Vax cxeik nhênhv)