Tsuv muôx tsưr ziv paz BHYT trâu pêx xênhv nhoz têx xar nhiv kruôr hlôngr đuô thax tsav qơư nhoz Tây Bắc

Cxaz chuôz sêiz lax lok têx hêik pâuz cik txos Bảo hiểm xar hôiv, Bảo hiểm Y têr, chor têiv plor Côx hôiv tỉnh Yên Bái xav tiêk: Tsuv tror nhênhz chơưv, kho đuô grê dịch vụ y têr cov huv đros đuô, viv nhiv no muôx yưv qênhx shênhx thêv nhiêx njuôk kho moz têx kror siêz đuô, têx kror ho kik đuô pir li cui tênhv; thâuv thêv nhiêx mak saz Bảo hiểm xar hôiv tsik thôngx ziv đros thêv trâu têx kror thêv nhiêx siêz đuô, uô phiv liv trâu têx qơư njuôk kho moz.

Lok Bảo hiểm xar hôiv, Nguyễn Quốc Luận, Đoanx Yên Bái thôngx ziv đros Chính phủ li hêik pâuz, cux xưk li chor doanh nghiệp, nênhs sir zôngv lox tôngv li pov cov qênhz yuôx hâux lưv uô lơưr Pháp lệnh BHXH tsik tâu cxix cxuô, uô muôx yưv têx phiv liv trâu nênhs lox tôngv:“Txix tsênhv tsênhz nhiv no muôx ntâu doanh nghiệp, hợp tác xar, tiz nênhs sir zôngv lox tôngv thêv nhiêx hli trâu nênhs lox tôngv yênhx hli, taz sik ho tsik uô, lok tsik tâu uô lơưr thêv nhiêx Bảo hiểm xar hôiv trâu nênhs lox tôngv, uô trâu nênhs lox tôngv njiz ntâu phiv liv, tsik tâu sơưv liv lok ntâu kror. Viv li, lơưr cur mak tsuv muôx tsưr ziv, chêi xưv lik truôx nênhs sir zôngv lox tôngv chiê taz por qênhx liv trâu nênhs lox tôngv, tiv zix zos thâuv muôx moz gênhs, xênhz zus mê nhuôs, so lâul”.

Đros đoanx têiv plor Côx hôiv tỉnh Sơn La, chor têiv plor hêik Côx hôiv, Chính phủ nzor kho đuô Chêi Bảo hiểm xar hôv, Bảo hiểm Y têr; uô cov tiêr têx ntâuz ntơưr kik đuô Chêi; ntâuz ntơưr kruôz kriê thêv nhiêx Bảo hiểm Y têr trâu nênhs moz Covid-19. Thôngx cxix, tsuv muôx tsưr ziv paz Bảo hiểm Y têr trâu pêx xênhv nhoz chor xar nhiv kruôr hlôngr đuô txix thax tsav II, thax tsav III lok trâu thax tsav I…Zơưv Của Xênhv Tsaz, Ủy viên Ủy ban Khoa học, Công nghệ thiêz Tênhv qơư Côx hôiv, têiv plor Hôiv đôngx tỉnh Sơn La hêik:“Hâur ntu đhâu, thâuv chính phủ tso tơưv Cuêz tênhv 861 tưz uô muôx yưv iz cxiê kror phiv liv trâu têx xar thax tsav II, thax tsav III; txix tsênhv tsênhz ntơưv thax tsav qơư, pêz pov tiêk txơưv chor xar no tưz uô tiêr cxiv tsa jêx jok yiêz, lok sik tâu txar txix thax tsav III lok trâu thax tsav II, thax tsav II lok trâu thax tsav I cux tsênhv yuôr iz phênhv tsôngv box nhoz chor thax tsav no muôx luz nênhx txov nhêv, tsik txơưr chor xar thax tsav III tâu Chính phủ côngz jênhv, viv li Chính phủ tsuv uô jông sêiz shuôk thiêz muôx kho đuô cov huv đros”.

Thôngx ziv đros li co, viv txix thâuv kriz uô Thủ tướng Chính Phủ li Cuêz tênhv 861 hnuz 4/6/2021 thiêz ,Ủy ban Mênhx cxưx li Cuêz tênhv sôr 433, chor nênhs muôx Bảo hiểm Y têr ntơưv têx thax tsav tox siêz, thax tsav tsôngv box mênhx cxưx tsơưs nênhs grêk tsơưs ntâu; njuôk xav ntu zuôr xos mak tsênhv zuôr tror grêk tsơưs nzir thâuv muôx cxaz nzir chor xar uô tiêr cxiv tsa jêx jok yiêz nhoz ntơưv cxuô thax tsav qơư. Zơưv Lềnh Xênhv Shôngx, Phưv Trưởng Đoanx Têiv plor Côx Hôiv tỉnh Lào Cai cux hêik tiêk:“Chôngz lênhx têiv plor cux muôx ziv chênhv hêik txos Thủ tướng Chính phủ li Cuêz tênhv 861, cur cux thôngx ziv đros li thiêz hêik Chính phủ tsuv sêiz shuôk jông, muôx tsưr ziv uô huv đros hâur txo grêk tsơưs têx chế độ tsênhv chêi hêik cxuô, hâur co muôx chế độ tsênhv chêi lok Bảo hiểm Y têr ntơưv thax tsav tox siêz, đêz đrôngs, thax tsav tsôngv box mênhx cxưx tsơưs nênhs, thax tsav txov nhêv lok kinh têr xar hôiv, uô tâu li thiêx zuôr paz gra siêz đuô jux juk pêx xênhv luz nênhx, thôngx cxix txo grêk tsơưs jux uk têx chế độ cov huv đros, paz tuôr truôx tâu jông phênhv sâu thiêz gra siêz đuô pêx xênhv luz nênhx”./.

(TTTB-Lik Thox cxêik nhênhv)

Nus, têz lok têx chei cik txos bảo hiểm y tế thiêz six hơưv gôngr bảo hiểm xã hội

Thor cox hêik pâuz, têx lênhx nênhs tưs tâu buôk ti thêv nhiêx seiz njuôk shuôs, kho moz?

Trơưk li Chei bảo hiểm y tế, tsưr tsix bảo hiểm y tế thêv têx nhiêx seiz njuôk shuôs, kho moz txix ntơưr seiz njuôk shuôs moz trâu chor nênhs muôx ntơưr bảo hiểm y tế muk seiz njuôk shuôs, kho moz li đrav kaz:

-Ntơưv têx qơư seiz njuôk shuôs, kho moz tsi muôx hux thôngx seiz njuôk shuôs, kho moz bảo hiểm y tế;

-Seiz njuôk shuôs, kho moz trơưk li cui tinhv ntơưv Grê 28 hâur chei no;

-Têx lênhx nênhs seiz njuôk shuôs, kho moz txơưr đuô zos Bộ Y tế cui tinhv

Trơưk li Grê 4, Bộ Y tế Thông tư sôr 09 hnuz xiêz 10/6/2019, iz chas têx lênhx muôx ntơưr bảo hiểm y tế paz thêv têx nhiêx seiz njuôk shuôs, kho moz trơưk cui tinhv, lênhx nênhs muôx ntơưr bảo hiểm y tế tâu buôk ti têx nhiêx seiz njuôk shuôs, kho moz li đrav kaz:

-Lênhx nênhs moz muôx six hơưv, hnuz nhôngs zuôr têx ntơưr seiz njuôk shuôs moz co tâu 5 shông siz lơưr liês tror zar sâuv

-Zos têx lênhx tsi tâu côngz têx sôr laov ntơưr bảo hiểm y tế lok sik côngz tsi tsênhz mênhx têx mông ntơưr bảo hiểm y tế;

-Têx lênhx nênhs tsi muôz lok sik tsi muôx ntơưr bao hiểm y tế trâu tsêr kho moz uô ntêx thâuv zuôr tơưv tsêr kho moz, yêik mul kho moz trâu lưv luz tsêr kho moz txơưr đuô hâur hnuz co viv trâul moz hnhar lok sik trâul tuôs lok sik uô ntơưr bảo hiểm y tế trâul pôngz, taz sik tsi tâu uô đuô.

Cur trâul muôx moz gênhk, ntơưr bảo hiểm y tế đas cir seiz njuôk shuôs, kho moz xuz thơưx zos ntơưv Tsênhv qơư y tế huyện. Taz sik cur xar muk tsêr kho moz T.Ư chiê seiz njuôk shuôs kho moz, uô li cur tâu sơưv têx chei bảo hiểm y tế ntơư li chas?

Trơưk li yôngx 15 Grê 1 Chei bảo hiểm y tế kho đuô, cxaz nzir iz cxiê Grê hâur Chei bảo hiểm y tế cui tinhv: Têx lênhx muôx ntơưr bảo hiểm y tế chiv chir muk seiz njuôk shuôs kho moz tsi trơưk cui tinhv tâu cuiv nhiêx bảo hiểm y tế thêv têx nhiêx seiz njuôk shuôs kho moz trơưk cui tinhv li đrav kaz (yưx têx lênhx zos nênhs muôx ntơưr bảo hiểm y tế heir nênhs tsơưs thiêz nênhs zos chuôz zis pluôs tsênhv uô nênhx nhoz ntơưv thax tsav txov nhêv; chor nênhs muôx ntơưr bảo hiểm y tế tsênhv uô nênhx nhoz ntơưv xã poz hiêr, huyện poz hiêr):

-Ntơưv tsêr kho moz T.Ư, tâu lơưr bảo hiểm y tế paz thêv 40% nhiêx khiêz kho moz thâuv nhoz hâur tsêr kho moz chơưv kho moz gênhk;

-Ntơưv tsêr kho moz hâur tỉnh zos tâu bảo hiểm y tế paz thêv 60% nhiêx khiêz kho moz thâuv nhoz hâur tsêr kho moz chơưv kho moz gênhk, txix hnuz chei no qir uô lơưr txos hnuz 31/12/2020; 100% nhiêx khiêz kho moz uz no thâuv nhoz kho moz hâur tsêr yuôx txix hnuz xiêz 01/1/2021 hâur tas nro têz qơưk;

-Ntơưv tsêr kho moz hâur huyện zos tâu paz 100% nhiêx khiêz kho moz gênhk txix hnuz xiêz 01/1/2016.

Cur tưz uô hâux lưv ntơưv iz công ty thiêz gôngr nhiêx bảo hiểm xã hội tâu 9 luz hlik. Taz sik, cur nhiv no tưz so hâux lưv thiêz tsi gôngr nhiêx bảo hiểm xã hội. Cur xar tror gôngr nhiêx bảo hiểm xã hội txưv zênhv mak tov kaz no tror muk uô hâux lưv, cur pok tâu hlôngr trâu cxaz chuôz bảo hiểm xã hội ntơưv công ty lok tsi tâu?

Chei bảo hiểm xã hội shông 2014 cui tinhv: Lênhx nênhs cxaz chuôz Bảo hiểm xã hội zos nênhs uô hâux lưv trơưk hux thôngx lox tôngv tsi xav six hơưv, hnuz nhôngs, hux thôngx lox tôngv xav tinhv six hơưv, hnuz nhôngs lox tôngv txưv txix iz luz hlik txos zuôr xar iz shông tror zar hâur; nênhs Việt Nam txưv 15 shông tror zar sâuv thiêz tsi zos lênhx tsuv cxaz chuôz bảo hiểm xã hội mak zos lênhx nênhs cxaz chuôz bảo hiểm xã hội txưv zênhv; six hơưv gôngr bảo hiểm xã hội zos tâu xav txix thâuv nênhs lox tôngv qir gôngr bảo hiểm xã hội tax txos thâuv nduô tsês tsi gôngr ntơư. Zos nênhs lox tôngv gôngr bảo hiểm xã hội nduô tsês iz ntuk tsi thêv têx nhiêx heik sâuv mak six hơưv gôngr nhiêx bảo hiểm xã hội zos xav tas nro six hơưv, hnuz nhôngs tưz thêv chor nhiêx bảo hiểm xã hội co.

Seiz lok sâuv têx cui tinhv no, mak cox tưz so hâux lưv ntơưv công ty thiêz tsi tâu tâu đas cir uô hâux lưv zos nênhs tsuv cxaz chuôz bảo hiểm xã hội (muôx six hơưv, hnuz nhôngs txưv txix iz luz hlik tror zar sâuv) mak zos lênhx nênhs cxaz chuôz bảo hiểm xã txưv zênhv.

Hâur ntu cxaz chuôz bảo hiểm xã hội txưv zênhv, zos muôx hux thôngx lox tôngv ntơưv iz qơư tưs, tsuv cxaz chuôz bảo hiểm xã hội thiêz nduô tsês tsi gôngr bảo hiểm xã hội txưv zênhv. Six hơưv thêv têx nhiêx bảo hiểm xã hội zos tas nro luz six hơưv, hnuz nhôngs cox tưz thêv têx nhiêx bảo hiểm xã hội thiêz bảo hiểm txưv zênhv ntơư./.

(Thu Thùy-Riê Lâux cxeik, nhênhv)