Jax sâu  thưr 3, hnuz 27/12/2016:

Lai Châu bax tsưr ziv phax tar ntux no njiv trâu tsiêx cxu

       Jok Chin Chu Chải, xã tox siêz Nùng Nàng, huyện Tam Đường hâur têx hnuz nzênh trâu cheix ntux no, pok huôz hniêz cxiê qơư. Hâur têx hnuz muôx ntux no njiv no, cxuô ziv chuôz zis sđ, txơưv lênhx tưs cux muôx ntâu nuv uô thiêz muk chaz  têx nhux tưv lok tsêr đrêiv ntux no njiv. tsôngv box hâur jok muôx tsưr ziv pâuz tsênhz đuô lok sâuv  por hưv zuk chuôz zis têx tsiêx cxu thâuv cxiv uô tâu ntâu qơư cơư têx tsiêx, bax tsês tâu jâuz tâux trâu nhux tưv nox đhâu sâu chiv kôngz nhiv kruôr đhâu. Tix lâus Chang A Kỷ, tsar jok Chin Chu Chải, xã Nùng Nàng heik pâuz:

       “Cxiê shông pêz tsôngv box tsi bax tsês qơư cơư thiêz têx jâuz trâu tsiêx, mak têx nhux tưv thiêz mê nhuôv nhux tưv trâus tuôs no tas ntâu. Cheix ntux no shông uô ntêx cur chuôz zis muôx iz tuk tưv trâus tuôs viv tsi chaz lok tsêr thiêz tsi bax tsês têx jâuz krâur trâu nox. Shông no cur chuôz zis zuôr bax tsês têx jâuz thiêz chaz hur si chor nhux tưv lok tsêr thâuv têx hnuz ntux no njiv, muôz jâuz, muôz krâur puz trâu nox ntơưv tsêr xưz, tsi tso lak yar li têx shông uô ntêx. Tsôngv box sđ hâur jok zuôr bax têx ntâuz tax xor thêir têx qơư cơư tsiêx cxu cov ntov, chuô txiêk thiêx yâu, qêz suô, vêv xênhz hur si têx guôx cơư tsiêx thiêz lêis jâuz puz trâu nox ntơưv qơư”.

         Xã tox siêz Nùng Nàng, huyện Tam Đường zos thax tsav tox siêz, muôx 8 jok, zuôr xar 600 chuôz zis tsôngv box heir nênhs Hmôngz. Hur si xã muôx 1.500 ntâu tuk nhux tưv, nhux đas, nênhk, thiêz hâur cheix ntux no njiv shông uô ntêx, ntux no njiv tưz uô 17 tuk tsiêx trâus tuôs. Txix hâur shôngk shông txos nhiv no, iz chas hâux lưv hux jos đros têx cơ quan sêiz car uô đreiv luôs hâux lưv fuô kriê tsôngv box tsưr ziv por hưv, phax tar ntux no njiv trâu têx tsiêx cxu thiêz yax kriê tsôngv box cxiv uô qơư cơư, vêv xênhz têx guôx, qênhz pov nzor têx caz moz ơưk chiê muôx tsưr ziv phax tir thêir tâu nzor trâu tsiêx cxu, ntơưv qơư tưz uô jông luôs hâux lưv yax kriê, gra siêz tsôngv box sđ txux chi, tsưr ziv jênhv pâuz chiê por hưv, tu jông zuk chuôz zis têx tsiêx.

         Zơưv Phan Đức Phú, Phưv Chủ tịch UBND xã Nùng nàng, huyện Tam Đường heik pâuz: hâu nov ntơưv qơư tưz đros têx ngênhx muôx vax huôv hâur huyện paz nhiêx txiêx, siz chos paz tsôngv box cxiv uô thiêz xor thêir têx guôx cơư tsiêx cxu. Iz chas ntơư, heik tsôngv box sđ bax tsưr ziv chaz têx nhux tưv, nhux đas pêv tox siêz tror lok trâu qơư kis chiê gâuv no, bax tsês tơưk, xuô blêx têx chiê trâu tsiêx tê thâuv têx hnuz ntux no njiv:

        “Xã xav tinhv hâux lưv  phax tar no trâu tsiêx cxu zos cấp ủy, hâu nov thiêz tas nro cxix luôs chính trị luôs hâux lưv, cux li zos tsuôs yuôx tuô, lov têx caz moz uz no chiê phax tar moz trâu tsiêx cxu. Cxuô ban ngênhx đoanx thêv, têx jêx jok yax kriê tsôngv box cxiv kho, uô đuô têx qơư cơư tsiêx, bax tsês têx jâuz, krâur nox trâu tsiêx cxu nox hâur têx hnuz no njiv. Tsôngv box bax tsưr ziv phax tir thêir no trâu tsiêx tsuv cxax yuôx phax moz cxix cxuô. Cux li tsuv vêv xênhz, qêz suô hur si têx qơư cơư tsiêx cxu”.

        Cheix ntux no njiv shông 2015-2016, tỉnh Lai Châu trâus uô ruôr hiêv tas xar muôx 2 cxênhz tuk nhux tưv, nhux đas. Xav hur si têx tsiêx lox nhiv no yuôr muôx 126 cxênhz tuk. Đros tsôngv box ntơưv qơư, nhux tưv, nhux đas, nênhk zos têx tsiêx tsiv grê hâur chuôz zis, thiêz cux zos chiê trâu huôv tsar uô nox, cxuz cêr yeiz pluôs truôx. Chênhr viv li, chiê txo grêk tsơưs têx tsi jông hâur tu zus tsiêx cxu, lar heik zos têx tsiêx lox hâur cheix ntux no njiv, ngênhx kôngz nuv ntơưv qơư tưz chox kriê cxuô cơ quan car uô đreiv luôs hâux lưv heik sâuv đros têx huyện, xã fuô kriê tsưr ziv trâu têx ziv chuôz zis tu zus tsiêx cxu khơưk, sâu tsês têx kuôr blêx, tâux uz no chiê trâu tsiêx tâu nox hâur chor hnuz ntux no. Zơưv Phạm Anh Hùng, Chi cục tsar Chi cục kho moz tsiêx cxu, Sở kôngz nuv thiêz huôv tsar tox siêz tỉnh Lai Châu heik:

       “Sở Kôngz nuv, cơ quan car uô đreiv têx nuv li heik sâuv đros UBND têx huyện cux tưz sir jos thiêz puôr lênhx tưz muôx ntơưr chox kriê, heik têx xã, phường, thị trấn uô jông lơưr têx tsưr ziv tưz fuô kriê chiê phax tar no trâu têx tsiêx tu zus hâur cheix ntux no. Lar heik zos UBND tỉnh cux tưz sir jos chox kriê, zos thax tsav qơư tưs chiê tsiêx cxu trâus tuôs viv yeiz thiêz no mak qơư co tsuv taz txơưx jênhv uô ntêx Chủ tịch UBND tỉnh. Thiêz tsôngv box zos tsi uô trơưk têx tsưr ziv tưz kriê lok sâuv phax tar no trâu tsiêx cxu, chiê têx tsiêx cxu trâus tuôs viv yeiz thiêz no mak zuôr tsi tâu têz qơưs paz”.

       Cheix ntux no njiv shông no, tsôngv box tỉnh ntus đriv Lai Châu tưz muôx yênhx cxênhz tênhr têx jâuz tâux, poz cưk….chiê trâu tsiêx nox hâur têx hnuz no njiv. Đros tsưr ziv bax phax tir thêir no njiv trâu tsiêx cxu, phênhv ntâu têx ziv chuôz zis tsôngv box hâur thax tsav tưz bax tâu tsês txâuk têx jâuz tâux trâu tsiêx nox, muôx qơư cơư tsiêx tsi yâu chuô txiêk, sir jos tsi chiê tsiêx trâus tuôs tiv ntux no njiv./.

(Khắc Kiên-Riê lâux cxeik, nhênhv)

Phênhv thưr 3, hnuz 27/12/2016:

Tsưr ziv huôv tsar tu zus buô

     Muôx  qơư tso đêx hâuk, qơư đêx ntưk por tsês

     -Muôz đêx hâuk cov huv đros chor buô tu zus, tsik uô têx đêx ntơư vuôz tsuôz kiêk nênhs.

     -Tsik so sêiz shuôk têx qơư tso đêx, têx đaz trâu đêx trâu tsiêx buô hâuk tsik uô vuôz tsuôz kiêk nênhs.

     -Tsik chiê têx đêx nzuôr têx qơư tu zus tsiêx ntưk vuôk tsuôz kiêk nênhs tênhx qơư.

     Tsưr ziv tu zus

     -Têx guôx tu zus tsik uô vuôz tsuôz kiêk nênhs; hauar yênhx hnuz tsuv qêz, nzuôr têx guôx cov hur, tsik uô vuôz tsuôz kiêk nênhs thiêz thax tsav qơư guôx tu zus tsiêx, tsuv thoz cưx chiê đêx ntưk.

     -Tsuv tsuôx tsuôs trâu thax tsav qơư tu zus tsiêx thiêz tsuôs yuôx trâu têx chuôz zênhx tu zus tsiêx chiê tir thêir caz moz ơưk. Thâuv muôs chor buô hâur luz guôx ntơư muôs tas, tsuv tsuôs yuôx tir thêir caz moz ơưk đhâu 7 hnuz li tror muôz buô cơư tu zus hâur luz guôx ntơư.

     -Tsik so sêiz shuôk thax tsav qơư tu zus: Cxuô chuôz zênhx li: Ntâuz bos hauar ndâux, khâu trax, ntauaz lôngx têk, trik yo…tsuv tsuôs yuôx tir thêir caz moz ơưk mav li muk trâu thax tsav qơư tu zus tsiêx.

      -Cxax yuôx tir thêir caz moz ơưk: Tsuv cxax cov cxix cxuô yuôx vắc xin trơưk li cưk yuôx tu zus tsiêx hêik kriê.

      -Sir zôngv yuôx: Hur si cxuô zav yuôx, tsuv sir zôngv zos đrêiv li cưk yuôx tu zus tsiêx hêik kriê.

      -Tsik sir zôngv têx zav yuôx cxiz tsiêx cxu muôx grêix nyir trơưk quy tênhv chêi têz qơưs.

     -Sox sêiz njôngr caz moz ơưk: Zos muôx yưv caz moz ơưk, tsuv hêik ciês trâu cưk yuôx tu zus tsiêx thiêz hâu nov ntơưv qơư pâuz đros tir thêir caz moz ơưk zos đrêiv quy tênhv.

      Tsik uô vuôz tsuôz kiêk nênhs tênhx qơư

     -Hâur yênhx hnuz, tsuv nzuôr, qêz têx guôx tu zus tsiêx cov hur, tsik uô vuôz tsuôz kiêk nênhs tênhx qơư hâur thax tsav iz ndis ntơư.

      -Buô trâus tuôs viv trâus cik caz moz ơưk lok sik tsik pâuz qir tiv, tsuv chox muk phâuk cov zos đrêiv chêi tso tơưv thiêz têx tsiêx trâus tuôs, tsik tâu chox muk muôs trâu ciêz đrôngl.

       Tsuv ndo njôngr sâu chiv tsês

      -Tsuv muôx iz fâu ntơưr sâu cxuô faz tsưr ziv tu zus thiêz tsưr ziv cxax yuôx tir thêir caz moz ơưk trâu tsiêx cov zos đrêiv quy tênhv.

     -Fâu ntơưr sâu cxuô faz tsưr ziv tu zus tsiêx hâur ziv chuôz zis, tsuv sâu cov tsênhz mênhx thiêz khơưk tsês chiê iz shông, xav txix hnuz muôs chor tsiêx ntơư lok sik hlôngr zus đuô qơư./.

(Tsu cxêik nhênhv-Thanh Thuỷ)