Bác sỹ Cứ A Hồng, zuôr xar 40 shông uô hâux lưv tsoz phưz đas jos trâu tsôngv px tox siêz

Têx hnuz lok no, cê uô luôs hâux lưv seiz car, cê buôk ti njuôk shuôs moz gênhs, fêis kho moz, bác sỹ  Hồng Xênhv Cưr thiêz têx lênhx cưk yuôx, bác sỹ đros uô hâux lưv uô cê tsênhv tsês ntâu six hơưv thiêz côngz đas jos trâu hâux lưv yax mông, kriê tsôngv cưr tix nênhx tsa sđ hâur thax tsav tox siêz phax tar moz hâur luz six hơưv ntux txơưr txar, lar heik zos têx tsưr ziv phax tir thêir moz Covid-19. Bác sỹ Hồng Xênhv Cưr cux buôk ti nhênhz chơưv tsưr ziv yênhx lix Ban chox kriê phax tir thêir moz zênhx max txix cấp huyện txos têx xã, jêx jok....; yênhx lix têx paz lês uô luôs hâux lưv phax tir thêir moz, tsuôs yuôx tuô lov caz moz, seiz njuôk shuôs kho moz; cxiv tsa tsưr ziv phax thêir moz lơưr 4 cấp trơưk moz gênhs li têx huôv xênhz, hlôngr yiêz:“Lok sâuv tsênhv qơư Y tế, pêz tưz chox kriê têx khoa phongx, lar heik zos khoa qênhz njuôk shuôs, phax thêir moz gênhs cxiv tsa tsưr ziv yax kriê, hux jos đros têx ngênhx hâur huyện, tiv zix zos ngênhx yax mông, fuô kriê sâuv loa, đeix thiêz têx jiês cơưv.... Yax kriê txix tso têx đoanx, têx paz muk trâu hâur xã đros cơưv px, jêx jok chiê kriê thâuv zar tsâuk ntux trâu tsôngv niêv txir, cưr tix nênhx tsa sđ pâuz”.

Hâur luz six hơưv tsi ntêr đros chor tuz sâu xor xưv thav, bác sỹ Hồng Xênhv Cưr tưz tsơưs heik txos six hơưv, hnuz nhôngs thâuv nhiv kruôr lol lênhk hâux lưv uô hâur têx shông 80 thâuv ntêx ntơư. Txơưv hâur ntu thâuv co njiz ntâu têx cêr txov thiêz phiv liv, cêr muk lol đaz tuôs thiêz mê, ndê trôngz ndê har, muôx tsi txâuk chuôz zênhx seiz njuôk shuôs moz, muôx tsi txâuk nênhs uô hâux lưv, tsôngv px tox siêz tsi pâuz ntâuz pâuz ntơưr.... Iz hâur têx hâux lưv tâu chor cưk yuôx, bác sỹ moz siêz txos zos thâuv co sir jos muk trâu cxuô jêx jok, yax kriê gra siêz tsưr ziv jênhv pâuz trâu tsôngv box Hmôngz lok phax tar moz gênhs, nox siêr hâuk bâu, vêv xênhz, qêz suô têx vax tsêr hur si đu lus thiêz thâuv hâur tsêr muôx lênhx nênhs moz tsuv chox muk seiz njuôk shuôs, kho moz trâu têx tsêr kho moz:“Thâuv cur lok uô hâux lưv, heik tsênhz tiês zos iz zav li chor cưk yuôx nhiv no mak lơưr tưz tsi truôx siêz, tsi nhoz no uô hâux lưv lơưv. Thâuv co, cur xar, iz zos zuk nhiêv têx hâux lưv uô no, 2 zos zuk chuôz zis nhoz jê no, tiv 3 zos pêv thax tsav nor, hâux lưv tsoz phưz đas jos trâu px lok six phiv liv, qir txix têx tsưr ziv, siêz xar li co, cur tưz iz siêz nhoz no chiê uô hâux lưv seiz njuôk shuôs đas jos, kho moz trâu tsôngv niêv txir, cưr tix nênhx tsa Mù Cang Chải”.

 Txix zuk têx sir jos, bác sỹ Hồng Xênhv Cưr thiêz têx cưr tix fôngx zưs đros uô hâux lưv uô cê nhiv no tưz muôx têx tso siêz lol zuk hâux lưv uô thiêz tâu tsôngv px njênhs njôngr, nhiêv txos. Tsênhv qơư y tế huyện Mù Cang Chải txơưv tsi tâu bâuv li chor tsêr kho moz lox nhoz tiêx đras, taz sik cux tưz jông thiêz hur đu đuô thâuv ntêx lok six ntâu, seiz njuôk shuôs, kho moz tâu trâu tsôngv px sđ hâur thax tsav. Ntâu lênhx nênhs moz heik pâuz, bác sỹ Hồng Xênhv Cưr txơưv max thiêz muôx ntâu hâux lưv, taz sik hnuz tưs cux puôr lênhx seiz njuôk shuôs, buôk ti kho moz, fêis moz trâu tsôngv box.... Pos Cơưv Xênhv Zax, nhoz jok Trống Tống, xã La Pán Tẩn, huyện Mù Cang Chải heik:“Thâuv ntêx pêz px tox siêz zus mê nhuôv zos zus hâur tsêr xưz, muôx moz gênhs mak uô nênhz seiz, nhiv no pêz muôx moz, pêz tuôx trâu tsêr kho moz. Tuôx tsêr yuôx, pêz tâu bác sỹ Hồng cux li chor cưk yuôx txơưr đuô tsoz phưz, heik kriê iz kro jux juk”.

Tsi tiêk uô jông hâux lưv, moz siêz chơưv kho moz trâu lênhx nênhs moz, bác sỹ Hồng Xênhv Cưr tsênhv sir jos paz max, kriê txux chi tsưr ziv seiz njuôk shuôs kho moz trâu têx lênhx đros zuk uô hâux lưv uô cê thiêz chor cưk yuôx hluôk hur si. Bác sỹ Hồng tsês six hơưv, hnuz nhôngs kriê chor cưk yuôx hluôk uô hâux lưv, sik thav, seiz lax đros têx cưr tix, fôngx zưs uô hâux lưv uô cê lok têx nuv uô, tsưr ziv yiêz hâur seiz njuôk shuôs, kho moz..... Iz chas co, txơưv muôx ntâu hâux lưv, lok bác sỹ Hồng Xênhv Cưr cux tsês njôngr six hơưv nhênhz chơưv, cơưv shâuv têx txux chi tsưr ziv yuôr trâul chiê uô jông luôs hâux lưv zok muôz. Bác sỹ Lu Xênhv Zax, Tsar khoa Ngoại, Tsênhv qơư Y tế huyện Mù Cang Chải heik:“Bác sỹ Hồng, iz siv nênhx thâuv tưs cux uô jông hâux lưv tsoz phưz, seiz njuôk shuôs, kho moz trâu tsôngv niêv txir, cưr tix nênhx tsa sđ, zos iz tsov iêr chi cax chiê trâu tas nro cxênhx hluôk hâur ngênhx Y tế Mù Cang Chải cơưv shâuv thiêz uô trơưk”.

Đros trâu têx sir jos uô jông cxuô luôs hâux lưv, bác sỹ Hồng Xênhv Cưr tưz tâu Thủ tướng Chính phủ, Bộ Y tế, Ủy ban tỉnh Yên Bái.... muôz ntâu ntơưr kruôs. Lar heik, shông uô ntêx, bác sỹ Hồng hmôngz jông tâu muôz côngz mênhx cưk yuôx uô tâu hâux lưv jông./.

(Đinh Tuấn-Riê Lâux cxeik, nhênhv)

Muôz chiêz mur chox lok cok sâu trâu sâuv đêiv tiêz trâuk gax, cxaz nzir jông jav trâu tsôngv pox niêv vir ndâuk Cho nhoz Sơn La

          Chiê uô cov tâu iz đêiv tiêz txêix pax jông jav, tsôngv pox niêv vir ndâuk hêir nênhs Cho, tsuv muk zok nriêr zuôr têx ntâuz đơưz muôs hâur ciêz đrôngl chox lok têik thiêz luôv cov chi, mav muôz chiêz mur chox lok sâu cok trâu sâuv đêiv ntâuz co, đhâu ntơư mav ho muôz chox lok trâuk gax. Trơưk li pos Triệu Thị Mụi, nhoz xã Vân Hồ, huyện Vân Hồ, tỉnh Sơn La hêik pâuz tiêk: Txơưv uô tâu đêiv tiêz jông thiêz tsik jông, tsuv khov trâu hâur oz jiês uô, muôz chiêz mur sâu cok trâu đêiv ntâuz co, cov chor chiêz mur ntơư thơưv trâu saz hâur thiêz muôz đêiv ntâuz tiêz co chox lok trâuk gax. Pos Mụi shir phaz lul hêik:“Chiê uô cov tâu iz đêiv tiêz txêix pax jông jav li hêir nênhs Cho têx tsôngk tiêz đrav ntêx, đêiv ntâuz ntơư tsuv muôz têik cov đrux huv đros, thâuv muôz chiêz mur chox lok sâu cok trâu thiêx uô tâu jông gâux, txêix pax jông jav”

          Têx chuôz zênhx muôz chiêz mur chox lok sâu cok trâu đêiv ntâuz zuôr xơưk tiêz, zos muôz iz đêiv shôngz chox lok joz cov oz tos hâu njê, mav muôz iz đêiv kuôr hlâu chox lok par trâu ntơưv oz tos hâu đêiv shôngz joz co thiêz uô ntêx thâuv sâu cok ntơư, tsuv muôz tos hâu ntơưv đêiv shôngz co trâuk trâu hâur chor chiêz mur mav chox lok sâu cok trâu đêiv ntâuz ntơư uô cov txêix pax jông jav. Pos Đặng Thị Xuân, nhoz jos Suối Sìn, xã Vân Hồ, huyện Vân Hồ, tỉnh Sơn La, zos iz tus muôz chiê mur chox lok sâu cok, xơưk hêir nênhs Cho têx tsôngk tiêz tâu 40 ntâu shông đhâu cux thav pâuz tiêk: Chiê xơưk uô cov tâu tiêr hêir nênhs Cho iz đêiv tiêz txêix pax jông jav, tsuv uô hâur oz luz hli. Iz chas muôz chiêz mur chox lok sâu cok trâu đêiv tiêz, đhâu ntơư mav ho muôz đêiv tiêz co chox lok trâuk gax thiêz hâu. Lar hêik zos thâuv muôz đêiv tiêz co chox lok tsâu gax tas, ho muôz chox muk jiêz yar ntux cov kruôr. Thâuv tsâu gax thiêz muôz chox lok hâu tsuv hâu thiêz tsâu gax 6-7 jiês, tsuv uô tas ntâu six hơưv hnuz nhôngs thiêx uô tâu iz đêiv tiêz txêix pax jông jav chox lok hnar: “Thâuv muôz đêiv ntâuz tiêz co sâu cok chiêz mur tas, tsuv muôz chox muk hâu cov chor plơưk chiêz mur co nti, tsênhz mênhx tsuv hâu ntâu jiês mav muôz chox lok trâuk gax thiêz chor gax ntơư tsuv chos uô ntêx iz shông, thâuv tsâu gax tsuv tsâu nhos iz luz hli”

          Xav hur si thâuv sâu cok têx pax trâu đêiv ntâuz tiêz tax txos trâu thâuv hâu, trâuk gax thiêz tsâu gax, tsuv tas oz luz hli thiêx uô tiêr. Chênhr zos li hêik ntơư, hêir nênhs cho luôs hâux lưv muôz chiêz mur sâu cok thiêz trâuk gax, tsâu gax thiêx uô tas ntâu six hơưv, hnuz nhôngs. Txơưv li ntơư, taz sik txos trâu nhiv no, hêir nênhs Cho tsôngv pox niêv vir ndâuk  nhoz cxuô luz jêx jos cux tsênhv huôv tsar, khơưk tsês tâu zuk hêir nênhs luôs hâux lưv muôz chiêz mur sâu cok têx tsôngk tiêz muôx đros đrêiv hâur luz nênhx tsik chiê pôngz plox. Pos Triệu thị Mụi, nhoz xã Vân Hồ, huyện Vân Hồ, tỉnh Sơn La hêik pâuz nzir:“Đhâu ntâu tiêv txos trâu nhiv no, pêz tsôngv pox niêv vir ndâuk hêir nênhs Cho cux tsênhv tuôr tau truôx zuk hêir nênhs têx tsôngk tiêz đrav ntêx tsik chiê pôngz plox cov têx tuz nxêik tov kaz pâuz txos. Lar hêik zos, tsôngv pox niêv vir ndâuk hêir nênhs Cho, tsuv pâuz muôz chiêz mur chox lok sâu cok trâu têx ntâuz xơưk tiêz”.

          Hâur têx hnuz chêix ntux yiêz, zos sđ muk txos hêir nênhs Cho nhoz Sơn La cxuô luz jêx jos; lar hêik zos hâur thax tsav huyện Vân Hồ thiêz huyện Mộc Châu, thâuv tưs cux pov tsôngv pox niêv vir ndâuk hêir nênhs Cho hnar têx tsôngk tiêz txêix pax jông jav đros đrêiv luz nênhx hâur niêx hnuz./.

(Tsu cxêik nhênhv-Thiều Nghiệp, VOV Tây Bắc)