Txuz zuôv thêv nhiêx 400 triệu đêiv: Muôx lênhx nênhs tsar yêz ô tô li luk hêik

Tix lâus Nguyễn puz pâuz đhâu txiêz nanv pêx xênhv tuôx lok six chôngz, tas nro Bí thư, Chủ tịch huyện cux tuôx, đuô li yuôr ntâu lưx lươngv txơưr đuô xưk li Cảnh sát Zoz thôngz, Cảnh sát qênhz yuôx, hlôngr njêx muôs Viện Kiểm sát…puôr lênhx muôx njêx muôs chiê uô jênhv vưv. Thâuv co, tix lâus luz yêz cux tsênhv nrêk trơưr ntơưv kror qơư co nhoz zuk saz cêr lơưr cuiz tênhv.

“Tsênhz mak thâuv hnor tâu xor mông li co cur pov lok six cxơưx viv zuk zos nênhs njiz trâus ciês txuz txiêz nanv co. Cux hnor sơưr đơưk hiêk tiêk thâuv ntêx cux tưz muôx iz lênhx nênhs tsik khênhr txar têx yêz hlo, lơưr tuôr yêz tsês, tuôr nênhs thiêz, pêx xênhv tsênhv hêik tiêk zuôr hlơưr yêz mak cur lok six cxơưx” tix lâus Nghĩa hêik.

Lok chor nhiêx hêik cov thêv trâu nênhs trâus tuôs ziv chuôz zis, tix lâus Nghĩa puz pâuz, tix lâus tsik tâu thav ciês đros pêx xênhv lok vênhv thix no. Thâuv pêx xênhv thav pêv đros lưx lươngv txơưx jênhv thiêz lưx lươngv txơưx jênhv muôx nênhs hêik tâu luk mênhx cxưx, đhâu co hêik trâu tix lâus mak thiêx pâuz tâu xuz thơưx lơưr hêik cov thêv 400 triệu đêiv, txos thâuv zuôr tsâuk ntux mak chor nhiêx no zos 200 triệu đêiv mak nênhs tsar yêz Sao Việt (Tsar luz yêz kruô cik txos txuz txiêz nanv) muôx trâu lơưr 100 triệu đêiv, hok tix lâus muôz 100 triệu đêiv.

“Lơưr hêik tiêk cur thiêz Sao Việt tsuv muôz trâu lơưr 200 triệu đêiv mak lơưr thiêx cav. Thiêz cur đros Sao Việt tsuv muôz trâu lơưr đros muôx chính quyền tiv phaz sêiz shuôk” tix lâus Nghĩa puz pâuz.

“Saz chính quyền hêik trâu zuk li co, hok nhiêx mak muôz trâu txir nzơưv Hài Bí thư huyện Sa Pa, thiêz txir nzơưv Hài gra muk hâur tsêr trâu pêx xênhv. Đhâu thâuv muôz chor nhiêx co trâu pêx xênhv tas uô ntâuz ntơưr tiêk tưz txêik tâu nhiêx thiêz tsik pênhr đaz tsi nzir lơưv”, tix lâus Nghĩa hêik.

Thâuv sêiz pov kror hâux lưv co, tix lâus Nghĩa hêik tiêk zuk tsik xar li chak hlo. Thâuv co tix lâus tsuôk xar tiêk tiv li chak pêx xênhv ho fênhx six têik nhiêx xưz, hok muôx tsơưs nênhs tsar yêz thiêx li gra đros zuk 100-200 triệu đêiv. Xưv lik hâux lưv li co tưz tsik zos tas lok six ntâu six hơưv mak tsênhv uô trâu zoz thôngz muk lok tsik tâu.

Uô ntêx co, xưk VOV tưz xa mông, thâuv 12 six hnuz 1/3/2019, Hạng A Câu (mênhx cxưx Hmôngz, zus hnuz 22/2/2003) tsar luz yêz mêir biênr số 24B-150.50 sâuv txox cêr 4D lơưr saz txix TP.Lào Cai muk thị trấn Sa Pa tưz huôz luz yêz kruô Sao Việt biên số 29B-613.99 đros muk iz saz cêr, txênhz trâu saz cêr tor đrâu trâu luz yêz ô tô zâu biển số 24A-029.19 muk lơưr saz cêr tor lok, đhâu co ntos trâu hâur cêr thiêz trâus luz yêz kruô Sao Việt luôv trâus uô tuôs ciês ntơưv qơư.

Đhâu thâuv muôx yưv txiêz nanv, yênhx puô lênhx tsôngv box mênhx cxưx tsơưs nênhs hâur chuôz zis thiêz chor jêx jok iz ndis co tuôx zuôv cov nênhs tsar yêz ô tô thêv 400 triệu đêiv, uô phiv liv trâu hâux lưv njuôk shuôk, cêr muk lok tsik tâu hâur 6 six hơưv, txos thâuv oz lênhx nênhs tsar yêz ô tô tsuv thêv 200 triệu đêiv trâu nênhs trâus nanv ziv chuôz zis mak thiêx tâu tso muk.

Đhâu qênhx shênhx qênhz yuôx, xav jênhv, cơ quan txơưx jênhv huyện Sa Pa khav tênhv, muôx yưv txuz txiêz nanv zos tiv Hạng A Câu tiv uô zuôv têx cuiz tênhv lok huôk yêz, sir zôngv saz cêr, cuiz tênhv lok hnuz nhôngs thâuv tsar yêz mêir. Oz lênhx nênhs tsar yêz ô tô zâu thiêz yêz kruô zos Nguyễn Trọng Nghĩa thiêz Nguyễn Đức Phương muôx cxix cxuô têx ntâuz ntơưr lơưr cuiz tênhv, cxaz chuôz zoz thôngz huv cêr chêi, tsik thav muôx txơưx jênhv tưs lok Hạng A câu trâus tuôs.

Đros pov chir hêik pâuz lok zuôv oz lênhx nênhs tsar yêz ô tô thêv nhiêx txiêx thiêz hâux lưv phiv liv txos côngv thôngx cik txos txuz txiêz nanv hêik co, ntơưv hêik pâuz số 98/BC-UBND hnuz 15/3 UBND huyện Sa Pa: oz lênhx nênhs tsar yêz tưz paz trâu chuôz zis Hạng A Câu chor nhiêx 200 triệu đêiv thiêz no tsuôk zos sik sêiz lax, thiêz paz nhiêx zos chiv chir muôz paz, tsik trâus kruôz zuôv cov muôz. Uô phiv liv txos ngaz tuk công côngv, zuôv muôz nhiêx txiêx, Công an huyện Sa Pa tưz uô ntâuz ntơưr chiê tror qênhz yuôx, xav jênhv cov zos đrêiv chêi têz qơưs, zos muôx xor mông hêik lok uô cxâuv./.

                  (An Kiên-Lik Thox cxêik nhênhv)

Mê nhuôs trâus pôngz đês tuôs: thax tsav đêx riêz nênhs tsi tâu tâu canhv pov

          Nus: Thor cox heik mê njik lok zuk li siêz xar thâuv muôx njêx muôk ntơưv thax tsav qơư nhoz muôx 8 lênhx mê nhuôs trâus pôngz đêx tuôs nhoz đrôngs Hòa Bình zov?

          Zơưv Đặng Hoa Nam: Pêz xar tsi txos lok hâux lưv no thiêz lok six pôngz siêz, têx chiz coaz, đoanx thêv, chinhr quyênx tiv phaz li txơưx jênhv tsuv uô ntâu đuô thiêz chiê têx mê nhuôs muôx iz tênhx qơư nhoz uô nênhx taz por đuô, pêz tsi tsuv pov têx cêr pôngz siêz lox li no thiêz. Thâuv mak mul txos ntơưv jos muôx 8 lênhx mê nhuôs trâus pôngz đês tuôs li qơư nhoz uô nênhx, pêz ziv pôngz siêz đuô, thiêz tsi xar zuôr muôx iz jiês tưs muôx yưv hâux lưv no lơưv thiêz.

          Nus: Thor cox puz pâuz nzir, đhâu hâux lưv no, chiz coaz têz qơưk thiêz chinhr quyênx tiv phaz, tsêr cơưv ntơưr muôx txơưx jênhv li chas chiê taz por trâu shux xênhz?

          Zơưv Đặng Hoa Nam: Bộ lox tôngv-saz pênhz thiêz xã hội, Bộ zaoz zux thiêz thox cxov, Bộ thiv thao thiêz vênhx huôv li txơưx jênhv zos tsuv chuôz tsar têx tsưr ziv chiê phax tar, txu grês kis tiv zix têx txiêz nanv pôngz siêz muôx yưv thiêz Ủy ban tưz muôx ntâuz ntơưr ciêr chênhr xa trâu têx tiv phaz sâuv tas nro têz qơưk. Txuz hâux lưv pôngz đês uô 8 lênhx mê nhuôs shux xênhz tuôs lok six pôngz siêz. Têx mê nhuôs no tâu so ntơưr, sik zâuv mul ndơưk poz thiêz uô luôv đêx, taz sik môngr tsi jông pôngz đês tuôs, uô ntêx tsuv chuôz tsar côngz xưv yax mông. Cur lok six xar njôngr têx tsêr cơưv hâur niêx hnuz, hâur yênhx ciêz muôx têx tiết xênhz huôx lớp, heik kriê mê nhuôs shux xênhz tsi mul uô si thiêz luôv đêx ntơưv têx qơư riêz nênhs tsi muôx fiêx canhv pov. Chuôz zis cux tsuv heik kriê tuz nhuôs, tiv zix zos seiz car zuk têx mê nhuôs jông đuô chiê pâuz mê nhuôs uô si kror tưs, nhoz kror tưs.

          Nus: Zos li thor cox puz pâuz, zos tỉnh tox siêz muôx tsôngv box nhoz uô nênhx jê ntus đêx, cox muôx luk canhv pov li chas trâu tsôngv box thiêz mê nhuôs zâu, tsi chiê tror muôx yưv txiêz nanv pôngz siêz hâur six hơưv zuôr txos?

          Zơưv Đặng Hoa Nam: Têx thax tsav muôx đêx, ar cxaz, đêx huôv lox li tul niêv đêx Đas mak pêz tsuv tsov cưv canhv pov thiêz tiv zix zos yax six heik thiêz seiz car jông mê nhuôs. No zos tsưr ziv coaz tsôngv viv chiê chinhr quyênx tiv phaz xưz mak uô tsi tâu, tsuv yax mông đêz đar tsêr cơưv, chuôz zis li txơưx jênhv. Chinhr quyênx tiv phaz têx cấp tsov cưv ntâu đuô, tiv zix zos yưv pênhr krêz têx qơư kriê uô luôv đêx hâur cheix ntux sor chiê taz por trâu mê nhuôs. Viv cur pâuz mak têx mê nhuôs trâus pôngz đês tuôs hâur jiês no muôx iz cxiê lênhx tsi muôx pênhr xưv luôv đêx cov taz por. Viv hâur têx mê nhuôs co txơưv tâu mul luôv đêx taz sik tsi yuô tâu txơưx. Viv li tsuv thox cxov pênhr xưv taz por trâu mê nhuôs nhoz jê têx tul đêx ziv nzor ziv jông./.

          Thor uô cox tsâus ntâu!

(VOV1- Txâur Vax cxeik nhênhv)