Viv moz Covid -19, Yên Bái txo grêk ntâu luz yêz thâux kruô mul lok

          Thâuv muôx moz huôv xênhz ntơưv Việt Nam, têx tsưr yêz nhoz Yên Bái tưz chuv tôngv krêz uô ntâu tsưr ziv chiê taz por trâu tsôngv kruô, nênhs tsar yêz, nênhs paz hâux lưv sâuv yêz li: Phêiz ntâuz bos kror ndâux trâu chor kruô chêix yêz tsi zuôr nhiêx, bax đêx nzuôr tês sâuv yêz....Txơưv li ntơưv, chor kruô chêix yêz mul lok cux txu gris ntâu. Viv li, ntâu tsưr yêz tưz tsuv txu gris chor yêz mul lok hâur niêx hnuz. Pos Phạm Thị Hải, Tsưr yêz Bình Yên thiêz Thanh Bình nhoz thành phố Yên bái heik: “Cxôngx hâur hlik hli 3 txos nhiv no, thâuv moz huôv xênhz zov chênhr đuô, kruô mul lok tsơưs, viv li chor yêz mul lok cux txu gris. Nhiv no yêz mul cux tsi txâuk nhiêx txiêx thêv mul cêr, nhiêx trox...zos tsi so mak cux tsi muôx nhiêx txiêx pâux nzir chiê tror huôx tôngv thiêz”.

          Đros uô hâux lưv vênhv teiv yêz thâux kruô tâu 10 shông ntâu no, Công ty TNHH thương mại thiêz jix vuv Hải Phượng tưz yênhx iz hâur têx yêz tâu tsôngv kruô sâuv thax tsav tỉnh Yên Bái njênhs njôngr txos. Công ty tsar yêz mul txix Yên Bái- Hà Nội, iz hnuz muôx 10 jiês yêz mul lok.

          Txix muôx yưv moz cô vít 19 huôv xênhz txơưr txar, đros kruô mul lok txu gris ntâu, viv li cxôngx hnuz 17/3, Công ty cuiz tênhv tsi huôx tôngv txos thâuv muôx thôngz pov yiêz. Lơưr zơưv Bùi Thanh Nam, Phưv giám đốc Công ty TNHH thương mại thiêz jix vuv Hải Phượng, no zos iz hâux lưv lok six lax cuiz tênhv tâu, taz sik zuôr trâus uô hâur ntu no: “Công ty tưz sik seiz lax thiêz cuiz tênhv tso tas nro lênhx nênhs so hâux lưv thâuv moz tsênhv huôv xênhz li no. Thâuv so li no mak cux gôngr phênhv jav tâu moz cik đêz đar. Yuôr nênhs lox tôngv mak taz viv zuôr nriêr tsưr ziv thiêz paz txưv jông tiv zix trâu nênhs lox tôngv”.

          Zơưv Nguyễn Văn Điển, Phưv giám đốc Công ty cổ phần vênhv teiv cêr đêx, cêr ar Yên Bái puz pâuz: nhiv no công ty tsênhv coar lik 195 luz yêz; hâur co chor yêz mul cxôngx Yên Bái-Hà Nội, iz hnuz muôx 40 jiês yêz muk lol thâux kruô. Têx hnuz no, kruô mul lok txu gres 50-60%, viv li công ty cuiz tênhv tso tsês 1/3 chor yêz huôx tôngv. Chiê pheiz kênh têx phêv liv đros thiêz têx tsưr yêz, Công ty tưz txu grês têx phênhv sâu zuôr, phênhv hâux lưv têx tsưr yêz tsuv uô.... “Sik côngv đros têx tsưr yêz Công ty txu grês 20-30% phênhv mak lơưr tsuv uô lơưr tsưr ziv. Tôngv vênhx têx tsưr yêz huôx tôngv tsi muôx chêx cuk mak tso tsês. Taz sik tsênhz mênhx lok six phêv liv hâur six hơưv nhiv kruôr đhâu”.

          Tiv moz cô vít 19, tsôngv box ntâu thax tsav txu grês hâux lưv mul lok. Zos zuôr trâus mul, lơưr khênhr zôngv yêz chiv chir mul lok sik ntiêr yêz thiêz tsi khênhr mul yêz kruô. No zos lik zơưx uô ntâu tsưr yêz tsi taz nhoz Yên Bái njiz ntâu phêv liv, mak lơưr co cux zos têx lênhx nênhs lox tôngv tsi muôx hâux lưv uô li nhiv no./.

(Trịnh Xuân-Txâur Vax cxeik nhênhv)

Têx jông thâuv zuôr ntơưr BHXH txưv zênhv

Tâu uô txix hnuz xiêz 1/1/2008, tsênhv chei BHXH txưv zênhv zos têz qơưk uô tưz gra cêr shir phaz, chiê siêz trâu yênhx tsov lênhx tsôngv px, nênhs lox tôngv tsi muôx hâux lưv uô truôx tâu taz por lok txiv ngaz XH.

Nhiv no nênhs VN thâuv muôx txix 15 shông tror zar sâuv thiêz tsi zos têx lênhx tsuv zuôr BHXH mak puôr lênhx muôx têx tâu zuôr BHXH txưv zênhv. Lênhx nênhs zuôr têx ntơưr BHXH no tsuv tâu xeir thêv nhiêx cov huv đros trâu zuk têx nhiêx khưr tâu chiê tâu sơưv têx muôx liv jông.

Têx muôx liv thâuv zuôr ntơưr BHXH txưv zênhv:

Tâu sơưv nhiêx so lâuk yênhx luz hlik hâur ntu zuk lâuk.

  Tâu muôz ntơưr seiz njuôk shuôs, kho moz hâur ntu tâu têx nhiêx lâuk co

Tâu têz qơưk paz iz phênhv nhiêx txiêx thâuv zuôr têx ntơưr heik sâuv

Tâu xeir zuôr têx ntơưr BHXH fiv đros trâu zuk phênhv nhiêx khưr tâu.

Nhạc cắt

Thâuv tsi zuôr BHXH txưv zênhv, sđ muôx têx njiz trâul têx tsi jông li đrav kaz:

Tsi tâu têx nhiêx so lâuk hâur yênhx luz hlik

Tsi tâu tsar ndê nhiêx so lâuk thâuv Chính phủ cxiv kho đuô muôz nxaz nzir têx nhiêx hli

Tsi muôx ntơưr seiz njuôk shuôs, kho moz thiêz zuk tsuv tưx thêv hur tiz si têx nhiêx kho moz thâuv ntu lâuk

Luz nênhx zos khov trâu têx mê tuz mê nhuôv lok sik chor nênhs hâur tsêr

Chor nênhs hâur tsêr tsi tâu têz qơưk paz zos thâuv hmôngr tsi jông zuk tâu tas siv nênhx.

Nhạc cắt

Txix têx muôx liv heik sâuv, sđ tsuv tâu zuôr têx ntơưr BHXH txưv zênhv chiê thâuv ntu lâuk tsi yuô njiz trâul têx phiv liv thiêz cêr txov./.

(Thu Thùy-Riê Lâux cxeik, nhênhv)