Jax sâu thưr 2 hnuz 27.6.2016:

TOX SIÊZ PHONGV LEIR, THUẬN CHÂU: SIR JOS HLA ĐHÂU CÊR PLUÔS CXÔNGX CHOS NTÔNG YUÔX ZÊX

Zơưv Dềnh Xênhv Shôngx Chuôz zis, nhoz jos Pá Chặp, xã Phỏng Lái, thâuv ntêx luz nênhx lok six txov nhêv. Shông 1996, zơưv chuôz zis txar lok nhoz ntơưv jos Pá Chặp no, zơưv siv chos mê njik ntông yuôx zêx. Thâuv co, zơưv zos iz hâur têx lênhx nênhs xuz thơưx chos ntông yuôx zêx ntơưv xã. Đhâu ntâu shông cê chos cê cơưv shâuv, nhiv no zơưv chuôz zis tưz muôx 6 cxênhz ntâu yiv ndis yuôx njuôz zos zav nôngz F2, tso lol phênhv sâu tâu 60 tsov đeiv ntâu iz shôngk. Zơưv Dềnh Xênhv Shôngx puz pâuz:

          “ Tsoz yuôx zêx tso lol yar lengx siêz, chungz fênhx iz shông cxôngx 5 txos 6 cxênhz yiv ndis cux tso lol phênhv sâu zos tsi xav têx nhiêx phir mak tâu 40-50 tsov đeiv iz shôngk. Cxôngx co cur chuôz zis cux ngaz tul kinh tế, phuôv tsar jông đuô”.

          Chuôz zis muôx 7 lênhx nênhs, thâuv ntêx, tix lâuk Lường Văn Thích chuôz zis nhoz jos Khau Lay cux tsik so trâus njiz cêr yêiz 1 txos 2 luz hli hâur iz shông. Tâu cấp ủy, chinhr quyênx tiv phaz tôngv zênhx, heik kriê, truôx siêz hla đhâu cêr yeiz pluôs, shông 2003, tix lâuk Thích truôx siêz txeik pênhr chos 5 cxênhz yiv ndis ntông yuôx zêx. Nhiv no tsoz yuôx zêx hloz lox jông, tso lol yar lengx thiêz phênhv sâu tâu ngaz tul. Tix lâuk Thích hêik pâuz: pir đros thiêz tsoz chos kok ntông, poz cưk mak tsoz chos ntông yuôx zêx zôngx ziv chos thiêz tso lol chêx cuk kinh tế siêz đuô. Hâur shôngk đhâu, pox nhuôs nhoz no tưz hlôngr zôngv cuô njuôs kâuz tsâu kix, cuô txoz chiê hlôngr trâu yuôx tuô caz, cê cxênhx txuôk cê tso lol siv huv hur thiêz taz por. Yuôx zêx tâu UB xã Phỏng Lái đros Công ty TNHH muôv muôs kôngz nuv Thân Nga nhoz huyện Thuận Châu sâu zuôr, viv li pox nhuôs lok six tso siêz. Tix lâuk Lường Văn Thích heik:

          “ Shông 2003 cur chos yuôx zêx, thâuv ntêx cux txov nhêv, taz sik chos yuôx zêx luz nênhx thiêx ngaz tul tuôx”.

          Xã Phỏng Lái nhiv no tưz muôx 300 ntâu hecta ntông yuôx zêx, hâur co, 250 ntâu hecta tsênhv tso lol phênhv sâu, yar lengx fênhx pheiz tax 9 tênhr/hecta. Khov yưv pênhr chos yuôx zêx, viv li ntâu ziv chuôz zis tưz muôx nox muôx tsês, sir jos uô bluô nux. Xã li chor ziv chuôz zis pluôs tưz txu grê 20%, ziv hnuz ziv muôx ntâu chuôz zis bluô nux. Tiv zix, khov phuôv tsar tsiv uô muôx chêx cuk, luz nênhx ngaz tul, viv li ntâu shông lok no, tsi pov muôx qênhx shênhx tsir têz tsir qơư. Lok tsưr ziv phuôv tsar chos ntông yuôx zêx nhoz xã hâur six hơưv zuôr txos, zơưv Mang Xênhv Shôngx, phưv chủ tịch UB xã Phỏng Lái puz pâuz:

          “ Lơưr xã li côngz xưv yax mông, pox nhuôs cux pâuz tâu yuôx zêx zos tsoz chos tsênhv, chox lol chêx cuk kinh tế siêz đuô pir đros tsoz poz cưk, kok ntông. Shông zuôr txos xã cux muôx tsưr ziv tror phuôv tsar chos yuôx zêx ntơưv iz cxiê jêx jos”.

          Pox nhuôs xã tox siêz Phỏng Lái, huyện Thuận Châu li sir jos hla đhâu cêr pluôs, tsênhv taz tov uô trâu têx jêx jos phuôv tsar đuô, chox tox siêz yênhx iz hâur têx qơư phuôv tsar kinh têr, txu yeiz cxuôv pluôs nhoz huyện Thuận Châu, tỉnh Sơn La./.

( Hoàng Long- Txâur Vax cxeik nhênhv)

Phênhv thưr 2, hnuz 27/6/2016:

Cơưv shâuv hloz Hôx txix cxuô luôs hâux lưv uô hâur niêx hnuz

Muôx chôngz lênhx ntâu tus, lar hêik zos cxuô lênhx công nhân uô hâux lưv trâu cxuô luz tsêr máy, cơưv shâuv uô cxuô luôs hâux lưv trơưk zơưv hloz Hôx tưz muôx nhoz đros đrêiv hâur  yênhx hnuz. Zơưv Trần Văn Quyền, nhoz công ty cxiv tsa 1-saz Tập đoanx công nghiệp uô thanh VN, 15 shông ntâu uô thanh, uô ntâu luôs hâux lưv hâur kror thanh; khươz kror thanh thiêz đros trâu cxuô lực lươngx chơưv paz 12 lênhx công nhân trâus ar poz cxuz trâu thâuv cxiv uô tsêr máy tênhv tênhz Đạ dâng Lâm Đồng hâur kaz hli 12 shông 2014, thâuv tưs tưz nhoz trơưr siêz tsik plox. Viv thâuv ntơư, zơưv Quyền đros iz cxiê lênhx tuôx txix Quảng Ninh trâu Lâm Đồng, cux zênhx tsik xar txos têx kror tsik jông muôx yưv li hêik ntơư.

 “Thâuv ntơư cux tưz gas muk trâu hâur kror tâuz, zênhx tsik nyêi đaz tsi li, viv pêz xar tiêk, chơưv paz lênhx nênhs; taz sik poz jêz mak lox, kror gas muk mak mê hênhr, tsuôk zos huv iz lênhx gas muk xưz; tsuv nriêr faz tsưr ziv sêi đrơưv chiê khơưz, chơưv lênhx nênhs. Txos trâu thâuv 6-7 six sơưr nzor thiêx chơưv tâu lênhx nênhs lok thiêz jông siêz hênhr”

Tix lâus Văn Công Hòa, công nhân công ty kuôr hlâu Bè, cux uô hâux lưv cơưv shâuv trơưk zơưv hloz Hôx, txix cxuô luôs hâux lưv uô hâur yênhx hnuz. Xar 30 shông uô công nhân hav kuôr hlâu, cux xar tơưv ntâu tsưr ziv uô cxuô luôs hâux lưv cov muôx liv trâu công ty. Zơưv Văn Công Hòa  njuôk xav, ntơư cux zos luôs hâux lưv uô cơưv shâuv trơưk zơưv hloz Hôx.

 “Cơưv shâuv zơưv hloz Hôx, tsuv cơưv ntâu zav uô hâur yênhx hnuz. Pir li têx luôs hâux lưv, zos hnuz no uô tsik tiêr, tsuv truôx siêz bo uô cov tiêr trâu hnuz kaz thiêz thâuv uô tâu tiêr ntơư, zuk cux jông siêz hênhr”.

Uô trơưk Bộ chính trị chỉ thị 03 chiê cxươz cxiz cơưv shâuv uô trơưk zơưv hloz Hôx têx cêr nênhx jông; hâur 5 shông đhâu, luôs hâux lưv uô cơưv shâuv trơưk zơưv hloz Hôx, tưz sưv jê cxuô lênhx sđ uô hâur yênhx hnuz. Zơưv Mai Văn Ninh, phó tsar Ban tuyên giáo Trung ương xav tiêk: tsuv cơưv shâu uô txix têx luôs hâux lưv zâu thiêz hâur ntu zuôr txos no, Ban tuyên giáo tsênhv zuôr cxiv uô luôs hâux lưv cơưv shâuv zơưv hloz Hôx  têx cêr nênhx jông. Zơưv Mai Văn Ninh hêik pâuz:

 “Hâur ntu 12 no, tsênhv zuôr sir jos xêir tsov uô cxuô luôs hâux lưv uô ntơưv cxuô cấp ủy đảng, hâu nov ntơưv qơư, hur si saz chính trị. Luôs hâux lưv no muôx chỉ thị hêik kriê”.

Ndo txos zơưv hloz Hôx têx tsưr ziv đas jos cxiv kho têz qơưs, thax zênhz  thiêz ndo njôngr txos zơưv hloz Hôx cxuô luôs hâux lưv uô hâur yênhx hnuz, txơưv lênhx tưs cux zuôr cơưv shâuv tâu uô tâu trơưk./.

                                                      (Tsu cxêik nhênhv-TTT)