Lai Châu: Thax tsav trâus đêx nas ngaz Mường Tè sir jos bax trâu shông cơưv yiêz.

Tsêr cơưv phưv thôngz Mênhx cxưx lok zos Dân tộc niêv txir zus mor cxênhx iz Mù Cả, qơư trâus uô ruôr hiêv hnhar yax hâur coz nas chuô lox nhiv kruôr đhâu. Tas nro tsêr cơưv qơư cơưv tiv 2, muôx 17 qar cơưv, tsêr trâu têx canr bôv, cưk kriê ntơưr thiêz shux xênhz kriê thiêz cơưv ntơưr đros trâu têx côngz trênhx uz no hâur tsêr cơưv tưz huiz tôngv yênhx châuv lênhx tsôngv box ntơưv qơư, đros lưv lươngv pênhz phax thiêz chor cưk kriê ntơưr sik đros qêz suô, kho đuô têx qơư nhoz thiêz tsêr cơưv ntơưr tax.

Niêv lâuk Vù Thị Pơ, nhoz jok Tó Khò, xã Mù Cả, huyện Mường Tè, lênhx đros paz kho đuô têx qơư nhoz thiêz cơưv ntơưr Tó Khò heik pâuz:

“Coz nas chuô lox nhiv kruôr đhâu, tsêr cơưv têx qơư nhoz cơưv ntơưr thiêz chuôz zênhx uz no trâus đêx nas cuôr yôngz tas hur si thiêz pêz têx tuz nhuôs tsi muôx qơư  chiê cơưv ntơưr. Chênhr viv li pêz tưz muôx njêx muôs ntơưv no chiê siz chos đros kho, qêz suô têx qơư nhoz thiêz cơưv ntơưr. Lok six xar cov cxuô cấp nzor paz cxiv kho đuô têx côngz trênhx, qơư nhoz cơưv ntơưr hâur tsêr cơưv, lar heik zos têx trôngx tos, chor nhuôv têx qơư nhoz thiêz cơưv ntơưr chiê shông cơưv yiêz tâu jông đuô”.

Đros trâu hâux lưv kho tax iz kro mê njik têx lớp cơưv kuz chiê phênhz trâu 100 ntâu lênhx shux xênhz nhoz têx qơư cơưv trâus đêx nas cuôr yôngz, Tsêr cơưv phưv thôngz mênhx cxưx niêv txir zus mor cxênhx iz Mù Cả tsuv kêr tax tsêr cơưv cxênhx nhuôs zâu qơư trâu têx cưk kriê ntơưr thiêz cxiv uô nzir iz cxiê qar tsêr cơưv tax chiê phênh trâu têx cưk kriê ntơưr thiêz shux xênhz muôx qơư nhoz, cơưv tax. Qơư nhoz hâur tsêr cơưv trâu shux xênhz  mak tsi yuôr, viv li nhiv no tsêr cơưv tsuv phênhz 20 lênhx shux xênhz nhoz uô cê iz qar tsêr mê thiêz grêiv tưz tsi tâu muôx 15 xưv phaz.

Cưk kriê Trần Xuân Hạnh, thơưx seiz car tsêr cơưv Phưv thôngz mênhx cxưx niêv txir zus mor cxênhx iz Mù Cả heik pâuz: Đhâu hlo thâuv trâus ntux nas uô ruôr hiêv puôk tsuôx tas têx tsêr lớp cơưv ntơưr thiêz têx chuôz zênhx phưx vưv kriê thiêz cơưv ntơưr, tsêr cơưv tưz heik trâu têx cưk kriê ntơưr pâuz lok six hơưv, hnuz nhôngs cov sđ tror tuôx tsêr cơưv nzor đuô pir li tsưr ziv chiê sik đros kho têx qơư nhoz thiêz cơưv ntơưr trâus puôk tsuôx, tsi jông ntơư:

“Chiê bax trâu shông cơưv yiêz, mak tsêr cơưv tưz chêx tsôngk hur tiz si têx lênhx cưk kriê ntơưr tuôx uô lox tôngv cux li sik đros hâu nov ntơưv qơư, Zênhx pênhz phax tsưr tsix kho thiêz uô đuô têx tsêr lớp cơưv ntơưr. Pêz tưz nhênhz chơưv trâu hâu nov ntơưv qơư vênhv tôngv shux xênhz lớp 4, lớp 5 nhoz qơư cơưv trâus đêx nas cuôr yôngz tuôx cơưv trâu ntơưv tsêr cơưv tsênhv qơư. Iz chas ntơư, tsêr cơưv tưz hux jos đros tsêr cơưv cxênhx nhuôs zâu kêr tâu 3 qar lớp cơưv têx cưk kriê ntơưr nhoz ntơư chiê trâu shux xênhz txix lớp 1, 2, 3 ntơưv tsêr cơưv trâus đêx nas cuôr yôngz nhiv kruôr đhâu nhoz tax”.

Trơưk li Phongx zoz zux huyện Mường Tè heik pâuz, hâur coz nas lox nhiv kruôr đhâu, tas nro huyện muôx 22 qar tsêr cơưv, qơư trâu têx cưk kriê ntơưr; 3 luz tsêr uô jâuz uô mor trâu shux xênhz nox thiêz ntâu côngz trênhx phưv txơưr trâus đêx nas cuôr yôngz thiêz uô puôk tsuôx tas. Nhiv no têx shux xênhz tưz tror tuôx tsêr cơưv, viv li ngênhx zoz zux huyện Mường Tè tsênhv đros hâu nov ntơưv qơư tsênhv zênhx max cxiv kho  chiê taz por qơư nox nhoz thiêz cơưv ntơưr cov chuôs six hơưv trâu hnuz krêz shông cơưv yiêz.

Pos Lý Mỹ Ly, Tsar phongx Zoz zux thiêz thox cxov huyện Mường Tè heik pâuz: Txơưv tiêk shông cơưv yiêz tưz qir txos tav siv no, taz sik iz cxiê qơư cơưv trâus uô ruôr hiêv tiv coz nas lox nhiv kruôr đhâu uô, shux xênhz cux tsênhv tuôx tsi tâu tâu trâu tsêr cơưv. Iz phênhv zos cêr mul lok nhoz iz cxiê thax tsav qơư tsênhv phiv liv, đêx hloz hênhr viv li têx shux xênhz cux tsi tâu tuôx tâu trâu tsêr cơưv. Tiv 2 zos tsôngv box cux tsênhv sir jos trâu hâux lưv cxiv kho chuôz zis têx trâus uô hiêv, tsi jông tiv đêx nas cuôr yôngz, chox tsi tâu tâu têx nhuôs tuôx tsêr cơưv. Tsưr ziv cxiv kho têx li heik co hâur shôngk shông txos nhiv no cux tsuôk zos lav kho tax chiê taz por têx zuôr trâus txos uô ntêx, viv li lok sâuv zar tov kaz no mak lok six zuôr trâus txos ngênhx thiêz hâu nov cxuô cấp têx cêr moz siêz đros paz max. Pos Lý Mỹ Ly heik:

“Nhiv no zos muôx iz cxiê tsêr cơưv hâur jêx jok, shux xênhz tsi tâu tuôx tsêr cơưv, yuôr iz cxiê jok cêr mul lok phiv liv tiv đêx hloz viv li têx shux xênhz cux tsênhv tuôx tsi tâu tâu trâu tsêr cơưv. Iz jiês no pêz cux tưz uô cxuô faz tsưr ziv đros hâu nov ntơưv qơư qênhz shuôs đuô têx qơư cơưv ntơưr trâus puôk tsuôx chiê cxiv kho đuô. Têx qar, lớp cơưv tưz trâus đêx nas ngaz, uô puôk tsuôx tsi jông tas mak nhênhz chơưv trâu huyện cxiv uô đuô yiêz”.

Ntux nas lox tưz đhâu, taz sik têx tsêr lớp cơưv ntơưr, qơư nhoz ntơưv thax tsav trâus đêx nas uô hiêv Mường Tè, tỉnh Lai Châu trâus uô ruôr hiêv lok six hnhar. Têx phiv liv hâur shông cơưv yiêz tsênhv tâu ngênhx zoz zux, hâu nov ntơưv qơư, cxuô tsêr cơưv thiêz tsôngv box siz chos đros paz cxiv kho tax. Taz, chiê taz por têx qơư cơưv ntơưr thiêz chuôz zênhx phưx vưv kriê, cơưv ntơưr tâu ntêr lok zar tov kaz no, lok six zuôr trâul txos cấp ủy, hâu nov cxuô cấp ntơưv qơư thiêz têx nênhs siêz jông siz chos moz siêz paz max txos, chiê têx shux xênhz nhoz thax tsav no tror tuôx tâu trâu tsêr cơưv, cơưv ntơưr đhâu đêx nas uô ruôr hiêv./.

(Khắc Kiên-Riê Lâux cxeik, nhênhv)

Hlôngr canr bộ cấp cơ sở pok huv đros?

          Hâux lưv ntâu canr bôv uô côngz xưv ntơưv têx qơư coaz tsôngv hâur UB huyện Mỹ Đức, Hà Nội puôr lênhx zos cưr tix nênhx tsa zos iz hâur têx qênhx shênhx tiv phaz chuôz zis chủ nghĩa. Chiê jav qênhx shênhx “ tas nro cưr tix nênhx tsa puôr lênhx uô nov”, qênhx shênhx cưr tix nênhx tsa puôr lênhx uô nov nhoz iz tiv phaz nhoz huyện Mỹ Đức, thành phố Hà Nội tưz hlôngr, chox kriê lênhx nênhs nhoz qơư txơưr lol uô Bí thư huyện ủy thiêz Chủ tịch UB huyện Mỹ Đức. Chênhr kror co paz trâu qênhx shênhx nhoz Mỹ Đức jux juss ngaz tul đuô, tsi yuôr qênhx shênhx tsi sik côngv siêz hâur nội bộ, xã hội tsi taz por. Taz sik, chiê uô jông đuô côngz xưv cxiv tsa têx cán bộ nhoz cấp cơ sở, jav tâu qênhx shênhx cưr tix nênhx tsa puôr lênhx uô nov nhoz iz tiv phaz mak hâux lưv hlôngr canr bộ cấp xã nhoz Mỹ Đức tsênhv njiz ntâu phêv liv.

          Txơưv pâuz tiêk hâux lưv hlôngr canr bộ cấp xã zuôr jav tâu qênhx shênhx iz tiv phaz tas nro canr bộ puôr lênhx zos cưr tix nênhx tsa, taz sik jê ntơưv no huyện Mỹ Đức nhiv kruôr hlôngr tâu iz canr bộ mul xã Đồng Tâm, thâuv muôx 5 canr bộ nhoz xã no trâus kỷ luật Đảng. Viv li chas hâux lưv hlôngr canr bộ cấp xã ho njiz ntâu phêv liv? Lơưr zơưv Trịnh Thế Biển, Bí thư xã Phù lưu Tế, chuôz zis muôx 3 cưr tix nus muôs puôr lênhx uô lênhs tov ( lênhx uô Bí thư huyện ủy, lênhx uô Bí thư, chủ tịch xã): Chủ trương hlôngr cán bộ xã zos uô trơưk taz sik chiê uô tâu mak ho tsi zôngx ziv:

          “Hlôngr canr bộ cxôngx xã no mul xã uz tsi muôx chêx cuk. Viv muôx lênhx coaz txos vênhx huôv, xênhv nênhs, tsuv jê tsôngv box. Canr bộ cxôngx xã no mul xã uz uô côngz xưv tsuv pôngz 2,3 shông thiêx li sưv, viv li thâuv pâuz tâu mak tưz tas six hơưv uô hâux lưv, li ntơưv tsi muôx chêx cuk”.

          Ntêr lol no, iz cxiê cấp ủy, tsưr tsix Đảng, canr bộ, đangv viên, tiv zix zos lênhx nênhs sơưr thơưx cấp cơ sở li siêz xar txơưx jênhv lok côgnz xưv canr bộ tsi tâu cxix cxuô, huv đros. Qir tiv zos ntơưv ntâu qơư thâuv cấp ủy chinhr quyênx zos nênhs tiv phaz, ntâu lênhx nênhs zos cưr tix cxênhz jê viv li lơưr khênhr viv lơưr li liv zix.

          Ruôr por tsês siêz xar kuz nhoz hâur jêx hâur jos, lơưr têx chuyên gia, zos iz hâux lưv tsi zôngx ziv uô. Chiê Đangv li đas jos tsênhz tsênhz reik đros thiêz tsôngv box, mak hâux lưv cxiv tsa, hlôngr canr bộ cấp xã zos lok six coaz tsôngv. Zơưv Lê Văn Sơn, Tsar Ban tsưr tsix huyện ủy Mỹ Đức xar tiêk, xar uô tâu hâux lưv hlôngr canr bộ cấp xã tsuv muôx cui tênhv thôngx ziv cxôngx thênhv siêz lol:

          “Thix ziv thênhv siêz tsuv muôx thôngx ziv yênhx cui tênhv cxôngx Trung ương txos huyện, txos xã, Bí thư tsi zos nênhs hâur tiv phaz, tsuv muôx uô txos qơư lơưr cui tênhv mak thiêx li uô tâu jông”.

          Cxôngx ntu đrav ntêx, têx cxênhx nênhs tov ntêx cux tưz muôx cui tênhv lok hâux lưv bo xeir uô hâu nov tsi zos nênhs hâur tiv phaz. Zơưv Lê Như Tiến, kuz Phưv chủ nhiệm UB vênhx huôv- zaoz zux hluôk nênhs, mê nhuôs zâu xar li no: Xar jav tâu qênhx shênhx cưr tix cxênhz jê hâur iz tiv phaz puôr lênhx uô hâu nov mak tsuv muôx thênhv siêz tsov cưv seiz car. Đuô li, canr bộ tâu hlôngr mul qơư txơưr uô hâux lưv cux tsuv uô jông zuk li côngz xưv, tsuv uô trâu cấp kis đuô njênhs njôngr:

          “Hâux lưv tso ntơưr bo xeir tsuôk zos seiz car uô ntêx, đros thiêz iz cxiê cấp tsuv tâu thênhv siêz muôx qênhx bo xeir mak zuôr huv đros đuô. Zos pêz tsuôk tsov lơưr tiv phaz li bo xeir uô zos mak tsi uô chas, zos liv iz paz li liv zix xưz mak zuôr tsi jông. Cấp thênhv siêz tsuv muôx txơưx jênhv đros zuk li hâux lưv chiê bo xeir tâu canr bộ tsiv nhos, uô tâu tiv phaz li hâux lưv”.

          Hâux lưv cxiv tsa, hlôngr canr bộ cấp xã, phường zos lok six coaz tsôngv, ruôr por tsês cêr cor cav bo xeir lênhx nênhx cxênhz jê uô hâu nov. Chủ trương no cux uô qênhx shênhx “ iz lênhx nênhs uô nov, tas nro cưr tix cxênhz jê tâu khov txos” tsi huôv tsar, uô trâu chinhr coaz siv hâur chinhr quyênx thiêz tsôngv box jông đuô, viv canr bộ cấp cơ sở zos lênhx nênhs cuiz tênhv./.

(TTT-Txâur Vax cxeik nhênhv)