Sir jos uô tsêr yiêz trâu chor chuôz zis pluôs nhoz  hâur thax tsav Nậm Pồ

Jok pluôs Huổi Cơ Dạo nhoz xar Nà Hỳ (huyện Nậm Pồ) muôx zuôr xar 90 ziv chuôz zis, hâur co muôx 6 ziv chuôz zis têx chuôz zis muôx iz lênhx, nênhs trâus sêv khiz luz chêr, pôngz đas jos khưr uô nox nhoz tâu paz uô tsêr yiêz nhoz.

Niêv tix Phùng Phẩy Lai nhiv kruôr tâu choz zok tsêr yiêz nhoz hêik: txix thâuv zuôr txir, niêv tix oz niêv txir tsuôk nhoz hâur luz tsêr ntông, vor grênhz xưz. Chuôz zis mak tsuôk pâuz uô liêx têz, txâuk nox xưz, viv li cux tsik muôx nhiêx chiê kho đuô, lok sik uô đuô tsêr yiêz chiê nhoz. Nhiv no, khov muôx Đảng, têz qơưk, cxuô cấp chính quyền paz uô tsêr yiêz trâu nhoz mak shir phaz hênhr: “Thâuv ntêx no txov nhêv hênhr, txos chêix ntux nas mak ho nyêi tsav nas xâu lok hâur tsêr, zuk mak tsik uô chak taz sik cxơưx chor mê nhuôv xưz. Nhiv no tâu têz qơư paz uô tsêr nhoz mak tsik cxơưx li thâuv ntêx lơưv”.

Zơưv Ngô Xuân Chiến, Bí thư Đảng ủy xar Nà Hỳ puz pâuz, kriz uô tsưr ziv paz cxiv uô vax tsêr, kho đuô vax tsêr trâu chor chuôz zis pluôs zos Bôv Công an tso tơưv, xar tưz uô tiêr, choz zok 40 luz hâur 65 luz tsêr tsuv uô trâu pêx xênhv nhoz. Chor tsêr tsênhv yuôr mak tưz bax tâu plas tsêr, chuôz lov chiê cxiv uô. Xar sir jos kênhz tiv zix txos hnuz 30/8 zuôr uô cov tiêr. Tsaz yênhx no cux tưz paz trâu xar Nà Hỳ cxuôv por tsês tâu chor tsêr đaz tuôs, lav nhoz:“Txơưv tiêk luz tsêr tsuôk tâu uô tas muôx 50 triệu đêiv, taz sik đros pêx xênhv mak no zos iz kror tsiv gri lox. Thiêz zos tsik muôx tsaz yênhx no paz mak pêx xênhv zuôr uô tsik tâu viv lơưr txov nhêv hênhr. Viv li mak pêz pov no zos iz hâur têx tsaz yênhx jông paz trâu pêx xênhv”.

Uô lơưr Ủy ban tỉnh Điện Biên li tsưr ziv lok kriz uô Bôv Công an li tsưr ziv uô tsêr nhoz paz trâu chor chuôz zis pluôs huyện Nậm Pồ, chor taz viv Công an tỉnh, Bôv chỉ huy quân sự tỉnh, Bôv chỉ huy Bôv đôiv Pênhz phax tỉnh Điện Biên, Đoanx kinh têr-Côx phax 379 tâu choz jênhv vưv, sik côngv đros Ủy ban huyện Nậm Pồ kriz uô cxiv tsa yiêz, kho đuô 615 luz tsêr đros nhiêx txiêx paz xar muôx 30 tiv đêiv zos Tập đoàn tênhv tênhz Việt Nam paz. Đhâu 2 hli ntâu kriz uô tsaz yênhx, đros têx sir jos, chor taz viv tưz uô tiêr 300 ntâu luz tsêr, chiê muôz trâu pêx xênhv nhoz sâuv thax tsav 12 xar, 140 ntâu luz tsêr txơưr đuô tsênhv tâu kriz uô, chor tsênhv yuôr mak tsênhv bax chuôz lov, cxuô zav chiê uô. Zơưv Bùi Văn Luyện, chủ tịch Ủy ban huyện Nậm Pồ puz pâuz: Tsêr cxiv uô yiêz mak tâu paz 50 triệu đêiv iz luz, đar muôx 36 thiêr ndis. Chuôz zis nhoz đêz tsênhv qơư, phiv liv lok thâux xa chuôz lov mak cux tsuv đar muôx 30 thiêr ndis. Chuôz zis muôx vax tsêr tsuv kho đuô mak paz 15 triệu đêiv iz luz. Đros tsưr ziv “têz qơư paz nhiêx txiêx-pêx xênhv uô tsêr nhoz” thiêz pêx xênhv sơưr đơưk sik paz uô tsêr nhoz, ntu đhâu têx taz viv tưz sik côngv đros chính quyền xar cxiv tsa, kho đuô tsêr nhoz ntơưv thax tsav zuk sêiz car, đros têx sir jos paz cov muôx cêr shir phaz trâu chor chuôz zis pluôs uô ntêx hnuz 30/8:“No zos iz hâur têx tsaz yênhx jông hêik tơưv Đảng, têz qơưk moz siêz txos paz trâu tsôngv box cxuô mênhx cxưx, chor chuôz zis pluôs. Thiêz zos tsik muôx tsaz yênhx no mak hâux lưv kho đuô têx vax tsêr đaz tuôs, uô luôs hâux lưv tiv 9 lok jêx jok yiêz zuôr njiz ntâu kror phiv liv. No cux zos iz kror lok six jông chiê chor chuôz zis pluôs sâu thax tsav huyện Nậm Pồ muôx qơư nhoz truôx, paz tuôr chiê ngaz tuk sâuv thax tsav”./.

(Vũ Lợi-Lik Thox cxêik nhênhv)

Zos tâu xeir, cur zuôr xeir uô zav hâux lưv qênhz yuôx, ntêk chor nênhs uô luôv zax zênhz

“Pox niêv li tsưr ziv, siêz xar, txơưv lênhx tưs cux li ntơư, xar cov tus txir nhoz jê chiê paz zuk trâu têx thâuv muôx moz gênhs, mê tuz mê nhuôv tsênhv zâu. Thâuv tưs tus txir cux muk uô hâux lưv nzor, lok lis, muôx kênh jiês muk yênhx luz hlik thiêx lok tsêr iz jiês. Taz sik, cur cux pâuz thiêz đros tus txir pheiz kênh têx li heik co. Hâur six hơưv, hnuz nhôngs tus txir muk uô côngz xưv, cur tsuôk pâuz heik tiêk, cox muk uô hâux lưv tiz jông seiz shuôs, cur nhoz tsêr mav choz kriê, seiz têx mê nhuôv  cov jông”.

Niêv lâuk Trần Thị  Giao Linh, thiếu tá Nguyễn Giang Nam lênhx pox niêv tưz heik li ntơư thâuv thav txos nưk tus txir têx hâux lưv uô. Xênhz zus nhoz trâu suôv qơư Sơn La, cơưv tas ntơưr Học viện cảnh sát shông 2006, tix lâus Nguyễn Giang Nam lok ntơưv qơư uô hâux lưv, tâu choz zok uô hâux lưv qênhz yuôx têx nênhs fêv nhiês zuôr muôs, uô luôv zax zênhz, tix lâus tưz xav tâu tiêk, no zos hâux lưv tsuv njiz têx phiv liv thiêz thâuv tưs tưz sir jos, uô cov tiêr têx hâux lưv zok muôz: “Thâuv tưz xeir trâu zuk iz hâu cêr, têx hâux lưv uô, lar heik zos nhoz hâur lưv lươngv cảnh sát qênhz yuôx têx nênhs fêv zuôr muôs uô luôv zax zênhz, cur tưz xav, zuôr njiz trâul têx phiv liv thiêz zuôr sir jos hla cov đhâu têx phiv liv co. Viv Têx nênhs zuôr muôs uô luôv zax zênhz hâur thax tsav tỉnh cux tsênhv muôx chôngz lênhx ntâu tus, co zos pêz luôs hâux lưv qênhz yuôx, ntêk cxov têx lênhx nênhs zuôr muôs, uô luôv zax zênhz. Cux viv lưv lươngv công an li tsưr ziv, hâux lưv uô zos viv têz qơưk, viv tsôngv px luz nênhx truôx tuk”.

14 shông ntâu uô luôs hâux lưv qênhz yuôx, ntêk chor nênhs zuôr muôs, uô luôv zax zênhz, thiếu tá Nam thiêz têx fôngx zưs đros uô hâux lưv uô cê tsi pâuz pêk tsơưs jâuk njiz trâul têx phiv liv, riêz nênhs viv chor nênhs fêv nhiês zuôr muôs, uô luôv zax zênhz co lơưr tưz tsi nyei tuôs. Iz zav li txuz 518L zos Phongx cảnh sát qênhz yuôx têx nênhs zuôr muôs, uô luôv zax zênhz, Công an tỉnh Sơn La yơưz phơưz, qênhz yuôx, ntêk shông 2018 thiêz tix lâus Nam cux đros qênhz yuôx. Chor nênhs co lơưr zos nênhs Lol Tsuôk, muôx 7 lênhx gra triêv fov, hok têx lênhx txơưr đuô, lơưr thâux gra ntâu zax zênhz, tuôx txos thax tsav đriv têz muk đhâu têx cêr mê chiê lok hâur VN muôs chor zax zênhz co. Seiz jor, sox njôngr hâur yênhx hnuz hmo pêv têx har jôngr, ntux lok nas njuôr, taz sik đros thiêz tsưr ziv sir jos tơưv txênhz, yơưz phơưz, txix cxuô faz tsưr ziv uô hâux lưv taz por truôx tuk, chor canr bôv công an tưz ntêk tâu chor nênhs heik sâuv, thâux gra muôx 70 poz zênhz đơưz, đros ntâu têx triêv fov, muôs txưr:“Hâur ntu fuô uô hâux lưv, tổ côngz xưv tưz sox kaz lok six ntêr hâur har jôngr, ntux lol nas lox. Sir jos hla đhâu hur si têx phiv liv, cêr txov nhêv, riêz nênhs. Thâuv tưs pêz cux xav tiêk, sđ  siêz truôx bo, sir jos lês uô têx hâux lưv zok muôz cov tiêr xưz”.

Txix hâur shôngk shông 2019 txos nhiv no, uô iz lênhx seiz car lês uô têx hâux lưv li heik sâuv, thiếu tá Nguyễn Giang Nam đros Ban seiz car hux jos đros chor lưv lươngv muôx vax huôv qênhz pov, ntêk tâu 73 txuz muôx 88 lênhx nênhs zuôr muôs, uô luôv zax zênhz, hâur co ruôr por tsês tâu 6 txuz nhiês zuôr muôs, uô luôv zax zênhz lox, zos lơưr paz canr bôv công an co yơưz phơưz, qênhz pov, ntêk tâu, sâu tsês ntâu zav chuôz zênhx, ruôr por tsês ntâu qơư siz zâuv nhoz gâuv, nhiês zuôr muôs zax zênhz phiv liv. Hâur hli 8 shông no, phongx Cảnh sát qênhz yuôx chor nênhs zuôr muôs uô luôv zax zênhz tsi Công an tỉnh Sơn La đros têx lưv lươngv muôx vax huôv qênhz pov, ntêk tâu 42 txuz, 70 lênhx nênhs nhiês thâux gra, zuôr muôs, uô luôv zax zênhz, sâu tsês tâu 46 cir zênhz đơưz, zuôr xar 240 cxênhz njiêr yuôx shơư zênhz, đros ntâu zav chuôz zênhx txơưr đuô cik txos. Têx luôs hâux lưv uô tâu co, zos khov muôx thiếu tá Nguyễn Giang Nam thiêz têx fôngx zưs đros uô hâux lưv uô cê li tsi tsơưs têx côngz đas jos paz max, gra cêr truôx tuk trâu tsôngv px. Trung tá Nguyễn Tuấn Anh, Phưv tsar phongx Cảnh sát qênhz yuôx têx nênhs zuôr muôs, uô luôv zax zênhz tsi trơưk chei, Công an tỉnh Sơn La, heik lol thiếu tá Nguyễn Giang Nam li no:“Đôngx chir Nam zos iz lênhx Đảng viên, iz lênhx thơưx uô ntêx nyuôs, moz siêz lus trâu têx luôs hâux lưv zok muôz. Hâur six hơưv uô côngz xưv, đôngx chir thâuv tưs tưz zos iz hâur têx lênhx muôx cêr sik thôngx siêz truôx jông đros têx lênhx uô hâux lưv uô cê. Hok hâur taz viv, mak đôngx chir Nam zos iz hâur têx lênhx thơưx seiz car chor nênhs uô têx hâux lưv li heik sâuv paz txux chi, tsưr ziv jông trâu cấp uỷ, têx hloz hâur qơư uô hâux lưv”.

Đros trâu têx luôs hâux lưv uô tâu hâur sơưr tơưv txênhz, phax tar chor nênhs fêv nhiês zuôr muôs, uô luôv zax zênhz, shông 2018, thiếu tá Nguyễn Giang Nam hmôngr jông tâu Thủ tướng Chính phủ muôz ntơưr kruôs. Tix lâus cux tâu Bộ Công an, Uỷ ban cxuô cấp, công an tỉnh muôz ntâu ntơưr kruôs txos têx hâux lưv uô tâu tiêr hêik sâu./.

(Chẻo Thu-Riê Lâux cxeik, nhênhv)