TSIV UÔ JÔNGR NTÔNG CHOS- PAZ TRÂU NÊNHS LOX TÔNGV YÊN BÁI HÂUR NTU MOZ HUÔV XÊNHZ

          Tix lâuk Nông Văn Trọng nhoz xã Tân Nguyên, huyện Yên Bình (Yên Bái) muôx ntâu jiês tưz muk uô jos trâu ntâu tỉnh, thành nhoz faz Nam thiêz faz Bắc, taz sik uô công nhân nhiêx shar tsơưs, thâuv yưx tas nhiêx nox hâuk, nhiêx ntiêr tsêr nhoz tsuôk yuôr mê njik xưz. Tiv zix, thâuv muôx moz Covid-19 huôv xênhz, hâux lưv muôx tsơưs đuô, phênhv sâu txu grês tsơưs. Viv li, tix lâuk cuiz tênhv tror lok trâu zuk thax tsav qơư nhoz, 2 niêv txir sik đros thor uô công nhân ntơưv Công ty Sơn Hà Hương- taz viv tsiv uô jôngr ntông chos nhoz đêz tsêr.

          Tix lâuk pheiz kênh: Truôx siêz uô cxaz hâux lưv, iz luz hlik 2 niêv txir cux jênhv tâu muôx nhos 14 tsov đeiv nhiêx côngz. No zos phênhv sâu tsi tsơưs đros thiêz chuôz zis nhoz nôngx cxênhz thiêz ziv jông đuô viv nhoz jê tsêr, jê nênhs cxênhz jê thiêz: “Thâuv ntêx cur muk uô jos mak đêz pox niêv, mê nhuôs. Nhiv no lok tiv phaz uô mak pov jông đuô lok six ntâu. Viv zuk cê tsoz phưz tâu mê nhuôs cơưv ntâuz ntơưr, nhiêx txiêx iz luz hlik cux cxênhx txuôk tâu mê njik thiêz muôx six hơưv uô liêx têz, chos ntông chos ciêv fix thiêz. Jông đuô lok six ntâu”.

          Zơưv Lê Trí Hùng, Phưv Chủ tịch UB xã Bảo Ái, huyện Yên Bình pheiz kênh: Thâuv ntêx tsôngv box hâur xã muk uô jos cxuô qơư, tiv zix zos hâur ntu sâu kôngz lôngk tas. Taz sik, cxôngx thâuv tiv phaz muôx 6 taz viv, ziv chuôz zis krêz tsêr meir tsiv uô ntông jôngr chos, yênhx cxênhz nênhs lox tôngv nhoz no thiêz têx xã buôk co tưz muôx hâux lưv uô thiêz muôx phênhv sâu. Viv li, txơưv moz Covid-19 tsênhv huôv xênhz uô zênhr shar, taz sik pox nhuôs hâur xã cux muôx phênhv sâu ngaz tul. Njuôs xav hâur shông no, phênhv sâu fênhx pheiz lênhx nênhs hâur xã tax 37 tsov đeiv iz shôngk. Zơưv Lê Trí Hùng puz pâuz: “Ntông chos nhoz jôngr tiv phaz gôngr côngv lok six ntâu. Tiv 1 zos cxôngx chos, tsoz phưz, ntor ntông…puôr lênhx xeir zuôr nênhs lox tôngv tiv phaz. Tiv 2 zos qơư tsiv uô sâuv thax tsav gôngr phênhv ntâu lok hâur xã li phênhv sâu. Tiv phaz tror vênhv tôngv pox nhuôs huôv tsar chos jôngr thiêz xeir nôngz tsoz chos tso lok yar lengx siêz, lur hnuz chiê muôz siêz phênhv sâu”.

          Huyện Yên Bình nhiv no muôx 42 cxênhz hecta ntâu ar jôngr nuv, hâur co muôx 33 cxênhz hecta ar chos jôngr tsiv uô, đros têx zav tsoz chos tsênhv li ntông keo, bồ đề, bạch đàn… Fênhx pheiz iz shông muôx 200 cxênhz yiv đruôz ntông tâu ntor. Tas nro huyện nhiv no muôx 150 doanh nghiệp, HTX yưv pênhr krêz công ty, qơư tsiv uô ntông phưx vưv muôs tơưv saz đrâuv têz qơưk thiêz cungz trâu niêv ciêz hâur têz qơưk.

          Lơưr thôngz sâu, têx doanh nghiệp, HTX sâuv thax tsav tưz muôz hâux lưv uô trâu muôx nhos 5 cxênhz lênhx nênhs lox tôngv tiv phaz, đros phênhv sâu fênhx pheiz muôx nhos 6 tsov đeiv iz lênhx nênhs iz luz hlik, tsi tâu xav txos têx lênhx nênhs uô hâux lưv hâur thax tsav chos jôngr ntông. Đrâuv muôz hâux lưv uô, huôx tôngv tsiv uô ntông tsênhv gôngr phênhv paz nhiêx txiêx fênhx pheiz muôx nhos 28 tỷ đeiv iz shôngk.

          Zơưv Lã Tuấn Hưng, Phưv Chủ tịch UB huyện Yên Bình, tỉnh Yên Bái puz pâuz: Chiê muôz siêz phênhv sâu trâu tsôngv box, doanh nghiệp, ntu zuôr txos, huyện zuôr tror uô tỉnh, huyện li têx chính sách chiê paz txưv huôv tsar jôngr chos tsiv uô ntông; tsov cưv huôv tsar jôngr tuôv zênhv têx ploz tsênhr jôngr FSC- zos jôngr taz por tâu ploz tsênhr lok huôv tsar truôx vênhs, taz por por vêv tênhx qơư thiêz liv zix têx saz muôx lênhx coaz: “Huyện tưz krêz uô muôx chêx cuk tỉnh li chính sách paz txưv huôv tsar jôngr chos. Huyện cux cxiv tsa tsưr ziv muôz ntơưr chứng chỉ jôngr FSC, sir jos txos shông 2025 muôx 20 cxênhz hecta ntâu jôngr chos tâu muôz chứng chỉ. Đros co, huyện krêz uô hâux lưv chos jôngr ntông lox sâuv mênhv chêx tưz tâu muôz ntơưr chứng chỉ FSC. Chiê uô jông têx tsưr ziv co, huyện tưz krêz uô hâux lưv qênhz yuôx, heik kriê uô ntâuz ntơưr chiê heik têx tsưr tsix ntâus grê muôz ntơưr chứng chỉ. Hâux lưv muôz ntơưr zuôr chuôz cxaz chêx cuk kinh têr trâu nênhs chos jôngr thiêz têx doanh nghiệp”./.

(Thừa Xuân-Txâur Vax cxeik nhênhv)