Jax sâu thưr 5 hnuz 28-01-2016

Lào Cai: Tsêx tsung khưx phưx têx phiv liv tiv bu pôngz

 

 

 

Lơưr văn phongx phax tar ntux têz uô hiêv thiêz zok nriêr chơưv paz tỉnh Lào Cai li thôngz sâu, bu pôngz muôx yưv ntơưv tỉnh Lào Cai li 45 xã, thị trấn tox siêz, uô trâu yênhx puô hec ta tsoz chos, tâux nxư trâus hiêv; yênhx puô nhux tưv, nhux đas trâus tuôs no. njuok xav xuz thơưx tas muôx yênhx châuv tỷ đêiv.

Jêx tưv grêk kik đuô 0 tưv, Sở zoz zux thiêz thox cxov Lào Cai tưz hêik ntâu tsêr cơưv ntơưr sâuv thax tsav tox siêz chiê shux xênhz so ntơưr. Têx thax tsav qơư kik li thành phố Lào Cai, Bảo Thằng cux kriê ntơưr thiêz chiê shux xênhz cơưv ntơưr khov lơưr qênhx shênhx tsênhv tsênhz. Zơưv Nguyễn Văn Đông, chánh văn phongx sở zoz zux thiêz thox cxov tỉnh Lào Cai puz pâuz:

 “Sở zoz zux hêik chor taz viv tsik so nriêr pâuz qênhx shênhx qiv hơưv chiê uô têx tsưr ziv ntơưv qơư xưk li chiê shux xênhz so ntơưr lok sik sir zôngv tsưr ziv phax tar no trâu chor shux xênhz”.

Uô ntêx, chor tiv phaz tox siêz muôx bu pôngz tsênhv sêi đrơưv tso cán bộ muk trâu chor thax tsav tôngv vênhx, hêik pox nhuôs tror sir jos uô chor tsưr ziv tir tar qiv hơưv phiv liv li: taz por đas jos trâu lênhx nênhs, thêir vor trâu tsiêx cxu thiêz tsoz chos; khưx phưx têx phiv liv tiv bu uô hiêv txos xưk li sâu têx jâuz tâuv tưz sâu sâu đê chiê paz iz phênhv tưs kinh tế thâuv tsiêz tưz txos jê jux juk. Đros Sa Pa, tiv phaz trâus phiv liv ntâu tiv zix txix đâuk bu, côngz xưv khưx phưx tâu kriz uô txos ntuô têx jêx jok. Zơưv Nguyễn Tiến Thành, trưởng phongx kinh tế huyện Sa Pa hêik:

 “Huyện tưz tso cán bộ muk trâu tas nro chor xã chiê kruôz kriê, hêik pox nhuôs tror tir tar no trâu tsoz chos, tsiêx zus, khưx phưx têx trâus hiêv tiv đâuk bu. Nhiv no, huyện tsênhv thôngz sâu tas nro têx trâus hiêv chiê hêik trâu tỉnh muôx tsưr ziv paz”.

Côngz xưv taz por ngaz tuk zoz thôngz cux tâu tỉnh tsov cưv txos tiv zix. Zơưv Trần Ngọc Sơn, chánh văn phongx ban ngaz tuk zoz thôngz tỉnh Lào Cai puz pâuz:

 “Qiv hơưv sor mê njik, đâuk bu zax mak thiêx muk tâu. UBND tỉnh tưz muôx ntâuz ntơưr hêik chor lưx lươngv sêiz jor, hêik pêx xênhv tsik muk lok trâu têx qơưk muôx đâuk bu; hêik chor yêz lox cux tsik tsuv muk trâu chor qơư hêik co”.

Sêi đơưv, sir jos khưx phưx têx phiv liv jiês ntux no chênhr đros ntux lok bu, đâuk tsênhv zos cxuô cấp chính quyền thiêz pêx xênhv tỉnh Lào Cai li kror tâu tsov cưv txos sir jos uô nhiv no./.

                                                        (An Kiên-Ly cxêik, nhênhv)

 

 

 

 

 

 

 

 

 

 

 

Phênhv “Nênhs gruôs uô tâu hâux lưv jông” hnuz 28/1/2016:

Tsuv kriz đar luôs hâux lưv txuôs đêx zưs cà phê

 

 

Hâur chêix ntux kruôr shông no, Zơưv Nguyễn Đình Hào, chủ tịch hội đôngx quản trị đros xã kôngz nuv Công Bằng-Chư liê Mnông, huyện Cư Mga, tỉnh Đắc Lắc, quyết tênhv muôz 76 triệu chiê uô qơư đhok tok đêx zưs 1,2 ha cà phê hâur hợp tác xã, đhâu 3 luz hli ntux kruôr thiêz uô tâu truôx.

 “Uô ntêx cux uô tâu truôx: Kror tiv iz zos txuôs tâu đêx thiêz tsik tas six hơưv hnuz nhôngl zưs, kror tiv oz zos uô tâu trâu têx ar nông, kror tiv 3 zos txuôs tâu 30% qir fông. Taz sik, kror uô trâu cur xar tsik thôngz, zos zưs li no, tsik pâuz shor cà phê pok tơưs tâuk pax; zos tơưs tâuk pax mak cur tsênhv zuôr kriz đar uô qơư tok đêx zưs cà phê”.

Tiến sỹ Ngọc Báu, viện trưởng viện khoa học kỹ thuật nông lâm Tây Nguyên hêik pâuz: Uô qơư tok đêx lok zưs cà phê tưz tâu viện nhênhz chơưv thiêz doanh nghiệp nhoz Tây Nguyên huôv tsar uô tâu hâur 5 shông đhâu lok. Grê đhok têx máy gruk đêx zưs cà phê li hêik ntơư, 1ha tsuôk tas 50 triệu nhiêx, sir zôngv hâur 10 shông thiêz txuôs tâu đêx, txuôs tâu 20% qir fông.

           “Cur xar mak, chiê yax kriê têx luôs hâux lưv đhok máy gruk đêx zưs cà phê, tsuv kriz đar ntâu qơư uô thiêz zưs tsôngv px sđ têx cà phê đros trâu sâu zuôr tsôngv px têx txir cà phê; thâuv ntơư thiêx uô trâu tsôngv px pov thiêz njênhs njôngr uô trơưk”.

          Sik đros tiến sỹ Lê Ngọc Báu siêz xar thiêz tsưr ziv uô, zơưv Nguyễn Bá Hán, nhoz xã Ea Bhô, huyện Chư Quynh, zos iz lênhx uô tâu yênhx côngz, muôz  đhok máy zưs cà phê tâu oz shôngk lok no hêik pâuz:

           “Thâuv nhiv kruôr đhok máy zưs cà phê uô ntêx mak cur cux cxơưx tsav cà phê uô tsik tâuk pax; taz sik, tưz đhâu oz shông huôv tsar uô, cux uô tâu trơưk tsưr ziv siêz xar. Zos chor ziv chuôz zis tsik muôx nênhs tês, zos đhok chor máy zưs cà phê ntơư cux muôx liv trâu zuk ziv chuoz zis cơưs. Xav iz shông, xar txuôs tâu 15-17 triệu nhiêx đêx zưs cà phê”.

          Zơưv Hoàng Văn Thắng, thứ trưởng kôngz nuv huôv tsar tox siêz hêik pâuz tiêk: Chiê muux txâuk pênhr nhiêx đhok máy gruk đêx zưs cà phê; tsôngv px sđ tsuv tâu txêik pênhr nhiêx têz qơưs trơưk quyết tênhv 68/2013 ntơưv chính phủ. Zơưv Hoàng Văn Thắng hêik pâuz:

           “Pêz tsuv tâu hlôngr yiêz lok yax mông: Cxuô cơ quan sêiz car têz qơưs, cxuô cơ quan fuô yax mông, cxuô sở kôngz nuv, tsuv ndo njôngr yax kriê lok mông đhok máy gruk đêx zưs cà phê cov tsôngv px sđ nhoz trâu cxuô qơư pâuz txos. Yax mông tiv oz, têx qơư đhok máy gruk đêx uô tâu truôx, tsuv chiê tsôngv px sđ tuôx sêiz shuôk pov njôngr thiêz cxuô cơ quan têz qơưs, cxuô doanh nghiệp tsuv paz đrok iz cxiê máy gruk đêx zưs cà phê trâu tsôngv px thiêz sâu zuôr px sđ têx cà phê”.

          Sir zôngv máy gruk đêx, txuôs đêx zưs cà phê, chênhr zos iz faz tsưr ziv huôv tsar uô cov truôx đrênhk trâu cxuô tsoz chos nhoz thax tsav Tây Nguyên./.

                                                                             (Tsu cxêik, nhênhv-TTT)