Têx tsưr ziv huôv tsar kinh tế-xã hội shông 2017

1. Tas nro phênhv sâu hâur têz qơưk shông 2017 tsar ndê 6,7%

2. Tas nro muôs tơưv saz đrâuv têz qơưk tsar ndê 6-7%

3. Chuôz ndê gri sir zôngv muôx nhos 4%

4. Hur si pênhr yưv huôv tsar hâur xã hội 31,5 GDP

5. Chor chuôz zis pluôs lơưr ploz tsênhr pluôs grêk 6,7%; têx huyện pluôs grêk 4%.

6. Chor nênhs tsik muôx hâux lưv uô thax tsav đrôngl tsơưs đuô 4%.

7. Chor nênhs uô lox tôngv đhâu thox cxov 55-57%.

8. Chor txax nênhs moz pư sâuv 1 vạn pêx xênhv zos 25,5 luz.

9. Chor nênhs cxaz đros zuôr bảo hiểm y tế 82,2%.

10. Thax tsav huôv tsar  jôngr 41,45%.

11. Chor qơư công nghiệp, qơư uô xênhz yar tsênhv huôx tôngv muôx qơư xưv lik têx đêx tsik hur, vuôz tsuôz tsêx tsung tax ploz tsênhr tênhv qơư zos 87%.

(Theo tin tức TTXVN-Lik Thox cxêik nhênhv)

Mênhx cxưx Thái faz Bắc li phôngx cxưx nzuôr muôs đêx yiêz

Tưz zos kror uô cav, đhâu hmo pêz châus, zos hnuz qir hla trâu shông yiêz, mênhx cxưx Thái txix lâul, hluôk, tuz nxêik, txơưv lênhx tưs cux ndo njôngr muk nzuôr muôs têx đêx yiêz ntơưv zuk tsêr luz kror đêx, lok sik jêx jok luz kror đêx. Viv thâuv ntêx, tas nro jok zôngv uô cê iz luz kror đêx, viv li cux zos jiês chiê sơưr đơưk sik tưr sơưr nzor. Mênhx cxưx Thái xav tiêk, lênhx tưs sơưr nzor, hêik tâu iz thôngz đêx, yoz đêx yiêz xuz thơưx ciês nyiêz si mak lênhx nênhs co zuôr njiz tâu hmôngr jông tiv zix hâur shông yiêz. Phôngx cxưx no tưz muôx ntêr lok thiêz tsuôk tâu uô trâu thâuv ntux qir hla trâu shông yiêz txos têik cik sơưr nzor hnuz xêz 1 tsiêz. Zơưv tòng Xôm, lênhx nênhs pâuz lok vênhx huôv Thái nhoz jok Mòng, xã Hua La, TP Sơn La, tỉnh Sơn La puz pâuz lok phôngx cxưx nzuôr muôs shông yiêz. “Nzuôr muôs txix đêx yiêz thâuv hâur shôngk shông yiêz, zos lơưr xar tiêk tas nro cxuô kror puôr lênhx yiêz hur si, viv hla trâu shông yiêz, mak yiêz li chor đêx nyiêz yiêz co. Tas nro jêx jok zôngv uô cê iz kror hâur đêx, lok sik kror đêx, viv li lênhx tưs cux sik tưr sơưr nzor chiê nzuôr tâu kror đêx yiêz nyiêz tiv zix thâuv shông yiêz, lênhx tưs muk uô ntêx mak hâur shông yiêz zuôr njiz ntâu kror jông thiêz luz nênhx zuôr jông đuô”.

Nzuôr muôs hâur shôngk shông yiêz tsuv zos đêx cxơưr ntưk lok. Viv li, zos thâuv têik cik sơưr nzor chor lâul lok sik chor nhuôs zâu hâur tsêr sơưr tsik tâu muk nzuôr muôs ntơưv hâur đêx, chor nênhs hâur tsêr tsuv che chor đêx yiêz co gra lok tsêr chiê lơưr nzuôr muôs. Zơưv Tòng Xôm puz pâuz nzir: “Lơưr zôngv chor đêx cxơưx hâur kror jêz lok, lok sik ntưkw pêv trôngz siêz lok, lok six chor đêx cxơưr hâur kror đêx mak nyiêz thiêz hur, lax. Viv li, tiêk zos đêx yiêz no mak lơưr tsik xar cov đêx đro, tsik zôngv chor đêx ntưk đêz lok, lok sik zôngv đuô li co mak tsik zos đêx yiêz lơưv”.

Sơưr đơưk cê nzuôr muôs cê hêik luk thor. Têx luk hêik co mak muôx ntâu kror jông huv đros trâu cxuô cxênhx nênhs. Iz zav li chor nênhs lâul mak thor cov muôx đas jos; chor hluôk tuz hluôk nxêik mak thor cov zuk jông gâux, jông đrâus đơưz mok; nênhs uô nox uô hâuk mak thor cov khưr tâu nox, sâu tâu ntâu kôngz lôngk; nhuôs zâu ho thor cơưv txơưx ntơưr…têx luk thor co cux tâu chor lâul kruôz kriê txix fâuv nênhs no trâu fâuv nênhs tov kaz. Niêv tix Tòng Thị Vinh, nhoz jok Mòng, xã Hua La, TP Sơn La thor li no hâur hnuz nzuôr muôx đêx yiêz thâuv hâur shôngk shông yiêz: “Nzuôr muôs cov njê muôs jông, đơưz mok, thor cov tsik muôx moz gênhs, muôx luz nênhx jông xưk li tuk đêx nyiêz ntưk tsik tsês”.

Mênhx cxưx Thái li chêi nzuôr muôs đêx yiêz muôx tsiv gri li co, viv li hâur hnuz tsiêz, txơưv muôx ntâu hâux lưv, taz sik lênhx tưs cux sơưr nzor chiê muk nzuôr muôs đêx yiêz thiêz thor cov njiz tâu têx kror jông hâur luz nênhx. No tsênhv zos nênhs Thái faz Bắc iz cêr nênhx vênhx huôv jông, tâu tsôngv box Thái tuôr tsês tsik chiê plox./.

(Tòng Anh-Lik Thox cxêik nhênhv)