Kinh têr sik côngv Sơn La: hlôngr yiêz txix sik côngv uô

Tix lâus Bùi Văn Tế ziv chuôz zis, nhoz jok C5, xar Chiềng Khoong, huyện Sông Mã, tỉnh Sơn La muôx 1,2 ha chos têx zav txir ntông li txir lưv tsiz, txir lưk jôngr, txir thênhx caz. Thâuv tsik tâu muôx hợp tác xã, tix lâus chuôz zis cux tsuôk pâuz chos trơưk sơưr đơưk xưz, tsơưr lươngv kik, khov ntâu trâu ntux yar ntux nas, hok qơư muôs mak tsik truôx, trâus chor nênhs sâu zuôr nhov gri. Txix shông 2017, tix lâus đros 9 ziv chuôz zis tưz sik côngv yênhx hợp tác xã Bảo Minh, sir jos uô xênhz yar lơưr tsưr ziv VietGAP, paz muôx tâu têx txir ntông tsơưr lươngv siêz, ngaz tuk. Hâux lưv piêr pâuz thiêz zok nriêr qơư muôs trâu têx hax huv cux tâu sir jos kriz uô. Txix co, têx zav uô tâu cux tâu muôs zôngx ziv đuô, gri muôs cux truôx đuô:“Nhoz hâur hợp tác xã, txix yuôx, tsưr ziv cov txi ntâu txir, tsưr ziv tsoz phưz, tsơưr lươngv cux ndê siêz đuô. Qơư muôs cux zôngx ziv đuô viv thâuv ntêx mak lênhx tưs txơưx chêk muôs tâu ntâu. Nhiv no muôx ntâu qơư zuôr đuô viv li nênhs uô lax luôv cux lax nhov gri”.

Lơưr zơưv lê Doanh Phúc, Phưv giám đốc hợp tác xã Bảo Minh: Kror uô tâu tiv zix hâur hợp tác xã chênhr zos tưz hlôngr yiêz tâu chor chuôz zis chos tsik uô cê li thâuv ntêx no trâu chos uô cê, paz muôx tâu sik côngv uô xênhz yar truôx đros sâu zuôr muôx hax huv, sir zôngv tâu têx đêx ar thiêz lox tôngv ntơưv tiv phaz. Tsênhz zos txos nhiv no, hợp tác xã Bảo Minh tưz muôx 36 hec ta ar kôngz nuv tsêx trung chos txir lưv tsiz txuôv, đros têx zav ntông nox txir li txir lưk jôngr diễn, txir lưk jôngr tơưr njuôz, txir thênhx caz Vinh tâu tsoz phưz lơưr ploz tsênhr VietGAP. Têx thax tsav ntông nox txir no paz sâu đê tâu yênhx shông. Khov qiv hơưv zôngx ziv, shông 2019, hợp tác xã tưz sâu tâu muôx 300 tấn ntâu txir cxuô zav, yưx tas cxuô zav hợp tác xã sâu tâu xar muôx 4 tiv đêiv, yênhx shông paz muôx hâux lưv uô trâu chor thành viên HTX thiêz ntâu lox tôngv tiv phaz. Đrâuv ciêz đrôngs têx tiv phaz, cxiv luôs muôs hax huv hâur têz qơưk, hợp tác xã chor txir lưv tsiz tsênhv tâu muôs trâu saz Trung Quốc.“Nhiv no đrâuv muôs trâu chor nênhs uô lax luôv, chor qơư muôs hâur têz qơưk, tsênhv muôs tơưv saz đrâuv têz qơưk, li muôs trâu saz Trung Quốc. Ntu zuôr txos, tâu têz qơưk paz hêik pâuz ntâu, pêz zuôr tror muôs trâu Mỹ, Úc, ntâu têz qơưk txơưr. Zuk uô zos li ploz tsênhr, thâuv tưs lơưr zuôr mak zuk muôs trâu”.

Iz zav li hợp tác xã Bảo Minh, HTX xar Nậm La-thành phố Sơn La hâux lưv zos uô qơư nox hâuk têx zav nox mênhx cxưx thiêz xơưk tsôngk yo, uô ntâuz trâus lâus mênhx cxưx Thái tưz tâu uô yênhx côngz thâuv muôx txos 10 thành viên sik đros côngv pênhr, ar chiê uô. Đros kror yưv pênhr uô tsêr lơưx nox hâuk jông jav hêik tơưv tâu vênhx huôv mênhx cxưx Thái, têx zav nox kaz, gri huv đros, phưx vưv jông viv li hnuz tưs cux muôx kruô tuôx nox. Xav luz đraz iz shông muôx txos 40.000 lênhx kruô tuôx nox, zuôr muôs têx hax huv tsôngk yo mênhx cxưx zos chor xã viên hâur hợp tác xã uô. Pos Cà Thị Thỏa, giám đốc hợp tác xã Nậm La puz pâuz: kror tsơưr lươngv mak lok six zov chênhr đuô hur si:“Chiê muôx kruô chôngz, luôs nhiêv nox mak pêz tsuv loz six sir jos. Uô chak cov zuk têx dịch vụ tâu uô jông. Tsưr ziv uô cux tsuv huv trâu tsôngv kruô siêz nhiêv, cxuô zav nox tsuv ngaz tuk. Đuô li, chor hax huv ntâuz cux tsuv muôx ntâu zav”.

Txos nhiv no, tas nro tỉnh Sơn La muôx 625 Hợp tác xã, 5 liên hiệp hợp tác xã tsênhv huôx tôngv, phênhv sâu xav luz đraz nhoz hợp tác xã tâu xar muôx 1 tiv 500 triệu đêiv…Chor hợp tác xã, hâur co phênhv ntâu zos hợp tác xã Kôngz nuv tưz zaz zâuv tâu chor chuôz zis sik đros côngv pênhr, đêx ar chiê uô. Hâux lưv sik côngv no tưz paz trâu muôs têx hax huv, sir zôngv dịch vụ, buôs ti têx tsênhv chêi paz zôngx ziv đuô. Sơn La nhiv no muôx 54 zav uô xênhz yar hâur chor hợp tác xã tâu cxiv uô thiêz uô truôx. Uô tâu hâur huôv tsar kinh têr Hợp tác xã nhoz tỉnh Sơn La zos txix tsưr ziv kriz uô têx tsênhv chêi cxơưz cxiz sik côngv uô xênhz yar thiêz huôv star kôngz nuv hữu cơ; sir zôngv khoa học kỹ thuật trâu uô xênhz yar; paz thơưz thương mại. zơưv Nguyễn Thế Phương, Chủ tịch Liên minh Hợp tác xã tỉnh Sơn La puz pâuz: Cux tsênhv yuôr ntâu phiv liv, yuôr têx kror tsuv tâu sir jos khưx phưx, taz sik tỉnh Sơn la zuôr sir jos uô huôv tsar truôx đrênhk kinh têr sik côngv hợp tác xã:“Kror uô tâu tiv zix hâur kinh têr tập thể hợp tác xã zos pox nhuôs pâuz uô lơưr saz huv đros sâuv ciêz đrôngs, uô trơưk tsưr ziv, lơưr thax tsav cêv kuôk, têx kror jông, kror liv nhoz thax tsav qơư. Đros têx tỉnh faz Bắc hêik cxuô, Sơn La hêik taz muôx thax tsav đar, thax tsav cêv kuôk mak tsuv sir jos sik côngv chiê yênhx lix hợp tác xã. Sơn La tror huôv tsar hợp tác xã phênhv ntâu zos kôngz nuv, thiêz cux huôv tsar hợp tác xã dịch vụ, thâux xa thiêz iz cxiê dịch vụ txơưr chiê paz trâu chor hợp tác xã uô xênhz yar huôv tsar”.

Ntơưv jiês cơưv trực tuyến thôngz têz qơưk ntâuk gri 15 shông uô lơưr Nghị quyết Trung ương 5 khóa 9 lok tror hlôngr yiêz, huôv tsar thiêz gra siêz kinh têr tập thể tâu tsưr tsix nhiv kruôr đhâu ntơưv Hà Nội, Thủ tướng Chính phủ Nguyễn Xuân Phúc tưz hêik mênhx “Kinh têr tập thể ziv hnuz ziv zov chênhr, đros kror chênhr zos hợp tác xã. Tsuv uô cov hợp tác xã huôv tsar sêi, khưx phưx têx phiv liv, pôngz kaz…”.

Đros muôx chính phủ sir jos chox kriê, đros têx tsênhv chêi paz, uô chak cux zuôr paz tâu trâu tỉnh tox siêz Sơn La sir jos uô kinh têr Hợp tác xã ziv hnuz ziv huôv tsar./.

(Bích Thủy-Lik Thox cxêik nhênhv)