Kôngz nuv tsiv grê kinh têr siêz, tsưr ziv truôx vênhs nhoz Lai Châu

Zơưv Đào Huy Chương nhoz tuêv 6, phường Quyết Tiến, TP Lai châu li trâur nuv kinh têr tâu chôngz lênhx ntâu tus pâuz txos, viv tsuôk đros mênhv chêx muôx 500 yiv ndis ntâu, zơưv tưz huôv tsar kinh têr tso lok phênhv sâu tâu yênhx puôk tsov đeiv iz shông. Trâur nuv chos ndêz đông trùng hạ thảo tâu zơưv qir uô kuôk no 5 shông, đhâu iz jiês muk ndis shuôk ntơưv Trung Quốc. Qir thơưx chuôz zis li trâur nuv tsuôk zos uô mê, phênhv ntâu phưx vưv chuôz zis sir zôngv. Pov zav ndêz huôv tsar jông, zơưv tưz krêz đar thiêz muôs tơưv trâu niêv ciêz, txos nhiv no chuôz zis li xiv huv tưz tâu muôs sâuv niêv ciêz tas nro têz qơưk. Zơưv Chương pheiz kênh:

          “Cur qir cơưv shâuv uô cxôngx shông 2015 chiê uô ndêz đông trùng hạ thảo. Nhiv no cur chor hax huv phênhv ntâu muôs hâur têz qơưk. Heik cxuô cur muôz hâux lưv uô trâu tsôngv box tiv phaz zos 8-15 lênhx iz luz hlik. Xar njôngr têz qơưk paz chiê muôx qơư krêz đar trâur nuv, huôv tsar yênhx tỉnh Lai Châu li xiv huv jông”.

          Cxôngx têx chính sách paz txưv txeik pênhr đros phênhv liv tsov cưv, pênhr yưv uô cơ sở cxuô zav, zuôr têx zav meir....yênhx châuv trâur nuv tsiv uô kôngz nuv tsơưr lươngv siêz lơưr saz tsiv grê tưz tâu yênhx lix sâuv thax tsav TP Lai Châu. Têx trâur nuv kinh têr phênhv ntâu zos ndaz ndơưv têx muôx ntơưv qơư li ar têz, qiv hơưv chiê tsiv uô têx xiv huv kôngz nuv muôx chêx cuk kinh têr siêz.

          Zơưv Đào Ngọc Sơn, giám đốc HTX Quyết Tâm, xã San Thàng, TP Lai Châu, taz viv chos jâuz lơưr tsưr ziv chos hâur têx teik đêx puz pâuz: Nênhs sir zôngv nhiv no li zoz qơưx ziv hnuz ziv siêz đros têx hax huv muôx tsơưr lươngv, tiv zix zos zav nox hur. Chuôz zis li trâur nuv chos jâuz hâur têx teik đêx đar 2 hecta ntâu, iz luz hlik cungz trâu niêv ciêz yênhx châuv tênhr jâuz. Txos nhiv no jâuz tsi taz tâu muôs trâu niêv ciêz hâur tỉnh mak tsênhv tâu têx tỉnh buôk co thiêz ntâu tỉnh, thành phố nhoz thax tsav kis sâu zuôr.

          “Tsuv muôx tâu xiv huv jông txơưr pir đros niêv ciêz, viv li cur tsov cưv txu grês tiv zix pênhr yưv chiê tsêz chos. Tiv 2 zos tsuv uô tâu xiv huv jông txơưr. Pir li cheix ntux sor pêz chos têx xiv huv tsi ndax cheix li txir lưs suôr, jâuz njuôz. Têx xiv huv mak têx thax tsav Hà nội chos tsi tâu mak pêz chos lok six jông”.

          Cxôngx tsưr ziv huôv tsar kôngz nuv lơưr saz tsiv grê tsơưr lươngv siêz, paz doanh nghiệp yưv pênhr, txos nhiv no TP Lai Châu muôx 50 ntâu trâur nuv kinh têr kôngz nuv, muôz hâux lưv uô trâu yênhx puôk nênhs lox tôngv tiv phaz. Nhiv no tiv phaz muôx 16 zav hax huv tâu côngz jênhv zos xiv huv OCOP. Ntâu xiv huv tax 3 txos 4 luz tsiz chês cuz li: ndêz đông trùng hạ thảo, jâuz, pax yuô bleiv, pax lan Lai châu....

          Zơưv Bùi Hữu Cam, Phưv Chủ tịch UB TP Lai Châu puz pâuz: Chiê zaz zâuv yưv pênhr, TP Lai Châu tưz cxiv tsa têx thax tsav huôv tsar têx xiv huv kôngz nuv jông hâur tỉnh. Cxôngx têx thax tsav co zuôr hu lơưs têx doanh nghiệp tuôx seiz shuôk, nhênhz chơưv yưv pênhr. Txos nhiv no, TP tưz muôx ntâu thax tsav tsiv uô sik côngv chêx chôngk tso lok tsiv grê kinh têr siêz.

          “TP tưz cxiv tsa têx thax tsav tsênhz mênhx trâu têx xiv huv tsênhv, cxôngx co hu grus doanh nghiệp tuôx seiz shuôk, nhênhz chơưv. Tiv 2 zos yax mông, vênhv tôngv tsôngv box sik côngv đros têx doanh nghiệp, thôngz đhâu tsưr ziv hu grus tsôngv box gôngr ar thiêz gôngr hnuz côngz lox tôngv. Tiv 3 zos paz cxiv tsa têx tsưr ziv uô hâux lưv côngz jênhv têx xiv huv OCOP”.

          Txơưv mênhv chêx uô kôngz tsi ntâu, taz sik huôv tsar têx trâur nuv tsiv uô muôx tsiv grê zos tsưr ziv uô tsênhv chox lok chêx cuk kinh têr trâu thành phố Lai Châu./.

(K.Kiên-Txâur Vax cxeik nhênhv)

Têx phênhv thêv nhiêx BHYT thâuv njuôk kho moz tsik zos qơư

Nữ: Njuôk kho moz tsik zos qơư zos thâuv zuk chiv chir muk njuôk kho moz ntơưv têx qơư txơưr pir li qơư zuk đăngk cir chiê njuôk kho moz bảo hiểm y têr xuz thơưx zuk tưz đăngk cir.

Nam: Lơưr Grê 22 Chêi bảo hiểm Y têr 2008 (Kho đuô, cxaz nzir shông 2014): Njuôk kho moz tsik zos qơư zos thâuv zuk chiv chir muk njuôk kho moz nơưv têx qơư txơưr pir li qơư zuk đăng cir njuôk kho moz bảo hiểm y têr xuz thơưx.

Nữ: Khoản 3 Grê 22 chêi no cui tênhv nênhs cxaz chuôz BHYT muk njuôk kho moz tsik zos qơư zuôr tâu BHYT thêv nhiêx lơưr li đrav kaz:

Nam:

- Ntơưv tsêr kho moz Trung ương zos 40% nhiêx txiêx chơưv kho moz.

- Ntơưv tsêr kho moz nhoz tỉnh zos 60% nhiêx txiêx chơưv kho moz, tâu uô trơưk txix hnuz 1/1/2015 txos 31/12/2020 hâur tas nro têz qơưk.

- Ntơưv tsêr kho moz nhoz huyện zos 100% nhiêx txiêx njuôk kho moz, tâu uô trơưk txix hnuz 1/1/2016 ntơưv têx tsêr kho moz huyện.

Nhạc cắt

Nữ: Iz cxiê kror tsuv pâuz:

Nam: Chor nênhs cxaz chuôz BHYT uô nênhx nhoz ntoưv têx xar poz hiêr, huyện poz hiêr; mênhx cxưx tsơưs nênhs, chor nênhs zos chuôz zis pluôs cxaz chuôz bảo hiểm y têr uô nênhx nhoz ntơưv thax tsav kinh têr-xar hôiv txov nhêv, thâuv chiv chir muk njuôk kho moz tsik zos qơư ntơưv têx tsêr kho moz huyện, chơưv kho moz nhoz hâur tsêr kho moz tỉnh, trung ương zuôr tâu sơưv tas nro têx nhiêx bảo hiểm y têr xưk li chơưv kho moz ntơưv qơư zuk đăngk cir xuz thơưx.

Nữ: Nênhs cxaz chuôz BHYT nhoz hâur tsêr kho moz chiê chơưv kho thâuv chiv chir muk njuôk kho moz tsik zos qơư ntơưv têx qơư njuôk kho moz tỉnh hâur tas nro têz qơưk txix hnuz 1/1/2021 zuôr tâu bảo hiểm y têr thêv têx nhiêx txiêx chơưv kho moz xưk li ntơưv têx qơư zuk đăngk cir njuôk kho moz xuz thơưx./.

(Thu Thùy-Lik Thox cxêik nhênhv)