Jax sâu hnuz 28/11/2015

Mênhx cxưx Ê Đê li chor chơưr xơưk

 

 

 

Hâur tas nro chor ntênhk hội, txix côngv lok sik thâuv muôx kruô, đros chor zav nox cxôngx nzor, mênhx cxưx Ê Đê tsik so muox piz chơưr xơưk chiê tiêv tsôngv kruô. Đros lơưr, chơưr xơưk zos zav huv chiê muôz txi côngv pox côngz, zơưv côngz, thiêz tiêv tsôngv kruô, lok sik zos huv chiê hâuk đros cưr tix nênhx tsa sơưr đơưk côngv cêr lov jêv. Pos Aduôn Bap, nhoz jok Ako Dhông, , thành phố Buôn Ma Thuột, tỉnh Đăc Lắc puz pâuz:

Băng: “Txix chor pos zơưs thâuv ntêx tsuôk zos muôx zav chơưr no xưz, tsik muôx chơưr, đêx kaz jiz li nhiv no. Chuôz zis tưs muôx tsar tov mak uô chor chơưr no ntâu đuô. Chor chơưr no tâu sơưr đơưk zôngv hâur ntâu kror. Thâuv chuôz zis muôx hâux lưv, uô đuô tsêr yiêz…Lơưr txiêr iz tuk shôngz tso trâu hâur luz đraz tsêr par huz chơưr trâu tuk shôngz, muôz tuk tsiêx chiê txi côngv li chor nyar plênhr trâu sâuv co. zos nox iz tuk fơư tưv muôx 7 huz chơưr mak tsuv muôx muôx 7 tuk shông txơưz hâur tsêr. Tso oz pêz huz chơưr jê iz ndis co thiêz”

Hu uô chơưr xơưk viv zav chơưr o zôngv car shôngz chiê hâuk. Thâuv muôz chơưr lok hâuk mak tsuv nquôr đêx trâu huz chơưr cov pur tsês iz mê njik cov kaz mav li muôz chor car shôngz lok tsix trâu hâur huz chơưr tax txos kaz huz mav li hâuk. Sơưr đơưk sik đros hâuk, cê hâuk cê thav pêv. Txơưr đuô têx mênhx cxưx nhoz tây Nguyên, mênhx cxưx Ê Đê li chor chơưr xơưk tsuôk zôngv iz tuk car, thiêz thâuv hâuk mak tuk car co tâu phêiz hâuk txix lênhx nênhs no trâu lênhx nênhs tor.

Mênhx cxưx Ê Đê chiv chir uô chơưr xơưk chiê hâuk. Thâuv ntêx, khov trâu tsar tov chuôz zis tưs cux muôx oz pez huz chơưr tsês chiê. Iz chuôz zis nhiêk muôx nhiêk tsưr ziv uô chơưr. Chơưr xơưk tâu chor chuôz zis muôz chor blêx, kok, poz cưk hâur zuk chuôz zis uô thiêz xaz cux zos muôz iz zav đrox, tơưr ntông lok uô. Phênhv ntâu zos zôngv cxur, kok ntông hâu siêr, tsês txiêk, tor xaz thiêz vov hâur huz txĩ xoz pêz hnuz txos oz pêz hli. Niêv tix H Phiu Kbuôr, nhoz jok Akô Dhông, thành phố Buôn Ma Thuột, tỉnh Đắc Lắc puz pâuz:

Băng: “Chơưr no mak tâu uô txix ntêr lok lơưv, txix pos zơưs kriê trâu niêv txis thiêz nhiv no txos cxênhx hluôk li zuk. Cur pov kror no cux paz tuôr chiê zuk chuôz zis, mênhx cxưx li chax chês cxôngx nzor viv li cux cơưv niêv chiê uô, tsik chiê têx tsiv gri no pôngz plox”.

Puôr lênhx uô iz zav taz sik chor chuôz zis mênhx cxưx Ê Đê nhiêk muôx nhiêk iz tsưr ziv uô chơưr xơưk kaz tsik siz thôngx. Viv li, chơưr xơưk muôx zav kaz jiz, kâuz, iêz, tsuôs….Kror tsưr ziv uô no zos thâuv tor xaz chiê uô chơưr. Thiêz tsưr ziv uô no mak tsuôk zos tuk nxêik thiêz tâu niêv lok sik pos kriê chiê uô.

Nhiv no, txơưv tiêk chor ntênhk hội tsik tâu tsưr tsix ntâu lơưv, taz sik ntơưv iz cxiê jêx jok mênhx cxưx Ê Đê nhoz Đắc Lắc, chơưr xơưk cux tâu chor chuôz zis uô chiê sir zôngv thiêz muôs trâu tsôngv kruô. Chor nênhs uô chơưr xơưk tâu chôngz nênhx pâuz txos xưk li: Chơưr xơưk Y Miên, Y Pao, Mí Dzoan,… Nhoz jok Akô Dhông, thành phố Buôn ma Thuột, oz pêz shông tror lok no muôx nzir iz qơư uô chơưr xơưk mak nênhs uô tsênhv lok six hluôk –Chơưr xơưk amí Dza Phin. Txơưv nhiv kruôr uô taz sik kror qơư no cux tưz piz uô tâu nox jux juk. Zơưv Ama Nhiên, phưv jok Akô Dhông, thành phố Buôn ma Thuột puz pâuz:

Băng: “Nhiv no hâur jok cux tsênhv yuôr lok six chông nênhx pâuz uô chơưr xơưk, tiv zix zos chor nênhs lâul, viv thâuv ntêx chor chơưr no muôx ntâu thiêz tâu sơưr đơưk nhiêv. Taz sik nhiv no, hâux lưv uô chơưr tsik so mak yuôr tsơưs nênhs uô. Chơưr xơưk tâu sơưr đơưk nhiêv thiêz ziv muôx chôngz nênhs zuôr lok hâuk thiêz uô hax huv”.

Txix pêx xênhv tiv phaz li iz zav hâuk cxôngx nzor, chơưr xơưk tsênhv hlôngr yiêz jux juk, zos yênhx kror kaz nhoz Tây Nguyên. Chor huz chơưr xơưk tâu uô tưz muôx đros tsôngv kruô txos cxiê qơư hâur têz qơưk thiêz saz đrâuv têz qơưk, zos yênhx kror huv jông tâu tsôngv kruô nhiêv thâuv tuôx txos thax qơư no./.

(TTTN-Ly dịch đọc)

 

 

 

 

 

 

 

Phênhv “Cêr nênhx vênhx huôv”, hnuz 28/11/2015:

Hêir nênhs Piz ziz têx tsưr ziv tok chơưx kruô

 

 

Hêir nênhs poz ziz thâuv siz njiz, lo luk uô ntêx cux zos nus sêz pok nhoz khax, uô nênhx li chas. Trơưk li zơưv Lường Song Toàn njuôk xav:

          Băng: “Tsik zos nus txos đas jos li nhiv no, uô hâux lưv li chas; Uô ntêx tsuv nus txos chor lâuk tas thiêx hêik txos chor hluôk. Pir li nus sêz têx pox niêv mê nhuôv nox nhoz li chas”.

          Hêir nênhs poz ziz cêr nênhx vênhx huôv sik thav sik njiz hâur ntu đrav ntêx; thâuv muôx kruô tuôx sêiz shuôk txos zuk ziv chuôz zis, thâuv tưs cux muk tus ntêir saz đrâu.

          Băng: “Iz chas hêir nênhs poz ziz têx cêr vênhx huôv sik thav đros tsôngv kruô thiêz chơưx kruô; Hêir nênhs poz ziz cux muôx iz luz kror chux trâur tơưk ntê hâur chêix ntux no njiv; taz sik, chor kruô tsuôk zos jâuv saz đrâu ntê tơưk xưz”.

          Thâuv muôx kruô tuôx txos tsêr, tsuv tâu puô oz đêiv lêr, taz sik chor kruô ntơư tsuôk tâu jauv faz đrav har. Tiv li chas ho uô li ntơư, pêz mnôngs zơưv Toàn hêik pâuz nzir:

          Băng: “Đêiv lêr ntơư, muôx chôngz lênhx ntâu tus tsik pâuz, viv đêiv lêr ntơư, hêir nênhs poz ziz xav tiêk: Lênhx nênhs puôr lênhx muôx njux plis, đêiv lêr ntơư tsês trâu njux plis jâuv; zos tus tưs tsik pâuz jâuv trâu đêiv lêr ntơư mak tus tsưr tsêr cux tsik jông siêz pês tsơưs”.

          Băng: “Hêir nênhs poz ziz txơưv nhoz trâu thax tsav qơư tưs cux iz zav li ntơư; zênhx tsik muôx lênhx tưs nus tiêk: Nox mor lơưv lok tsik tâu. Zos thâuv muôx kruô tuôx tsik tâu txos chêix nox yêik hmo, tus tsưr tsêr zênhx pâuz uô jâuz mor trâu kruô nox”.

          Thâuv tưs tus tsưr tsêr ntơư bax uô tâu tiêr jâuz mor grêix siêr; lo luk hêik uô ntêx cux hêik: Tsik muôx đaz tsi nox lav nox đos đis xưz, cxoz xar li chas? Thauv ntơư, tus kruô têz tiêk, nox li no jông hênhr lơưv.

          Băng: “Muk txos trâu luôs tsêr, zuk tsuv pâuz cxơưx uô ntêx, nox iz pluôk mor cux uô tsaus, hâuk iz piz đêx hâuk cux uô tsâus thiêz tus  tsưr tsêr nus zav tưs, zuk tsuv tâu têz cov zos. Lar hêik thâuv nox grêix hâuk chơưr, zuk tsuv pâuz uô tsâus”./.

                                                                  (Hoài Thu-VOV4)