Jax thưr 2, hnuz 28/11/2016:

Yên Bái: Qox đei puôk tsuôx lok six riêz nênhs

     Shông 2007, tus qox đei ntơư tâu tỉnh Yên Bái yưv pênhr cxiv uô muk lok hla đhâu đêx trâu 2 xã Quy Mông thiêz Kiên Thành, huyện Trấn Yên. Tuk qox no ntêr muôx 60 ntâu thiêr, đar zuôr xar 3 thiêr thiêz têx yêz muk lok đhâu sâuv thâux tâu muôx 2,5 tênhr thiêz tus qox ntơư tâu cxiv uô zos đrêiv tsưr ziv njuôk xav. Đhâu 10 shông sir  zôngv, txix iz tuk qox jông muk lok, txos nhiv no tưz puôk tsuôx tas ntâu. Pos Đặng Thị Hải nhoz jok 11, xã Quy Mông, huyện Trấn Yên, tỉnh Yên Bái heik pâuz: Tas nro jok muôx 187 chuôz zis, zos jok muôx chôngz tsôngv box uô nênhx nhoz yax hâur xã. Iz jiês tsuv muk đhâu qox, 700 ntâu lênhx tsôngv box hâur jok lênhx tưs cux puôr lênhx cxơưx thiêz nyei:

      “Muk lok uô liêx têz, uô têx nuv uz no, iz hnuz muk tsi pâuz pêk tsơưs jâuk, tsi car muk yêz meir, tsuv grêk chaz đhâu. Chor nhuôs mak ntux nas cê bluô, cê phiv liv muk , muôx kênh hnuz tsênhv trâus hlâur kror chês….”

      Tsênhz tiês tso pov: têx sơư hlâu, xor hlâu khi tưz xêz tsi jông tas, têx txiês ntông puô lok cux lưx, puôk tsuôx, tâu tsôngv box lav muôz têx ntông, shôngz lok uô nzir iz kro mê njik trâu chiê muk lok tax…. Tsôngv box nhoz no heik pâuz, tưz tsi tsơưs lênhx muk tơư trâus hlâur kror chês; yêz meir, yêz câur thâuv muk đhâu mak hur si yêz thiêz hmôngz cux trâus vâu, tos, muôx kênh jiês tsênhv trâus pôngz qox thiêz. Zơưv Phạm Văn Viết, nhoz jok 11, xã Quy Mông, huyện Trấn Yên, tỉnh Yên Bái heik:

      “Tsôngv box muk lok, lok six ntâu lênhx trâus tos viv tuk qox no tưz puôk tsuôx tsi jông tas. Iz shông pêz kho đuô 3, 4 jiês taz sik têx shôngz ntông ntơư tưz tsi truôx, tsi taz por”.

     Tsôngv box jok 11, xã Quy Mông cux tsi so sik đros paz shôngz ntông chiê cxiv kho đuô tuk qox heik co. Taz sik tsuôk zos lav kho, lav nzir tax mê njik sâuv qox chiê jông muk lok; taz sik tsuôk muk tâu hâur iz ntuk tưz tror tsi jông tas . Zơưv Nguyễn Ngọc Nguyên, tsar jok 11, xã Quy Mông, huyện Trấn Yên, tỉnh Yên Bái heik:

      “Tuk qox no tsi taz por trâu tsôngv box tâus muk lok, tsi tiêk zos jok no mak tsôngv box nhoz 2, 3 luz jok hâur xã Kiên Thành cux puôr lênhx muk đhâu tuk qox no, lok six phiv liv”.

      Trơưk li nus pâuz,  UBND xã Quy Mông tưz heik trâu UBND huyện Trấn Yên, têz qơưs  tsuv muôz nhiêx cxiv kho tus qox ntơư, taz sik txos nhiv no cux tsik hnor huyện hêik li chas; tus qox đei ntơư ziv hnuz ziv puôk tsuôx tas ntâu. Zơưv Phùng Tiến Hiển, Phưv Chủ tịch UBND xã Quy Mông, huyện Trấn Yên, tỉnh Yên Bái heik:

      “Heik trâu têx hloz mak đhâu têx jiês chuôs njiz cử tri, hâu nov ntơưv qơư cux tưz heik trâu, UBND huyện cux têz tiêk, nhiv no tsi tâu muôx pênhr lok cxiv uô, kho đuô, six hơưv zuôr txos mak zuôr muôx tsưr ziv chiê cxiv uô trâu tsôngv box sđ tâus muk lok cov zôngx ziv”.

     Tsôngv box tsi so muk lok đhâu tuk qox no tsênhv niêx hnuz tok njôngr, huyện, tỉnh tsuv muôz pênhr nhiêx chiê tror cxiv kho đuô tus qox ntơư cov khor truôx. Uô tâu li ntơư, tsôngv box sđ thiêx tso siêz tâus muk lok đhâu khưr uô liêx têz hâur niêx hnuz./.

                             (Thừa Xuân-Riê Lâux cxeik, nhênhv)

Phênhv thưr 2.28.11.2016:

CÔX HÔIV TƯZ TSO POV CHÊNHZ YÊNHX HUÔX TÔNGV VIV TSÔNGV BOX LI LIV ZIX

          Ntơưv jiês khiêz phêv no, côx hôiv tưz cuiz tênhv thiêz thôngz đhâu têx nghị quyết lok tsưr ziv tror hlôngr yiêz huôv tsar kinh têr ntu 2016-2020, zos luôs hâux lưv uô hâur 5 shôngk, tsưr ziv yưv pênhr côngz ntu 2016-2020, tsưr ziv phuôv tsar kinh tế xã hội shông 2017, cuiz tênhv njuôs xav muôz nhiêx txiêx têz qơưk thiêz muôz nhiêx txiêx trung ương shông 2017.

          Tror krêz uô chêi Hiến pháp shông 2013, uô tiêr cxix chêi têz qơưs, côx hôiv tưz tsês ntâu six hơưv seiz shuôk, thôngz đhâu 3 chêi, 11 nghị quyết thiêz tso ziv chênhv lok 14 dự án chêi txơưr. Đhâu seiz shuôk jông, côx hôiv cuiz tênhv tsi tâu thôngz đhâu ntơưv jiês khiêz phêv no đros dự án chêi lok hội thiêz chei kho đuô cxaz nzir iz cxiê grê hâur chêi hình sự số 100/2015/QH 13 chiê tror uô tiêr, taz por tsơưr lươngv.

          CHủ tịch côx hôiv Nguyễn Thị Kim Ngân cux xar tiêk, têx mak tsôngv box thiêz cử tri tas nro têz qơưk tsi tâu jông siêz thiêz cxơưx tưz tâu têx teiv plor chêx chôngk sik seiz lax thiêz thix ziv ntâu tsưr ziv heik chính phủ, têx nganhx, têx cấp tsuv sir jos đuô chiê khưx phưx têx tsi tâu uô tâu:

          “ Jiês khiêz phêv no, têx teiv plor côx hôiv tưz sir jos sik seiz lax đros chinhz yênhx txơưx jênhv siêz, heik tơưv têz qơưk li têx tsi tâu uô tâu li: kinh têr vĩ mô tsi tâu ngaz tul, hlôngr yiêz kinh têr tsênhv uô kênhz, qênhx shênhx yưv pênhr tsi muôx liv, iz cxiê dự án huôx tôngv tsi muôx chêx cuk, têx tsi tâu uô tâu hâur vênhv thix y tế-zaoz zux – taz por xã hội, taz por zaoz thôngz, coar lik niêv đrôngs, tênhx qơư, tiv nanv xã hội...kênhz tâu khưx phưx; thaz huôz, lav phêv tsênhv muôx ntâu”.

          Ntơưv jiês khiêz phêv no, côx hôiv tưz muôx jiês têz nus xuz thơưx hâur six cxiv khóa 14 đros iz cxiê lênhx hâur chính phủ. Đhâu huôx tôngv têz nus tso pov, têx vênhv thix tâu côx hôiv xeir zos huv đros tsênhv tsênhz, tâu cử tri, tsôngv box tas nro têz qơưk tsov cưv, ntâus grê siêz.

          Têx teiv plor côx hôiv tưz tso pov chênhz yênhx uô hâux lưv jông, têz nus sei đrơưv, tsênhz mênhx têx vênhv thix; tiv zix zos sik seiz lax uô tsênhz mênhx cxaz vênhv thix tâu têz nus; heik tơưv têx tsi tâu uô tâu, heik tsuv uô tsênhz mênhx txơưx jênhv thiêz muôx tsưr ziv khưx phưx hâur vênhv thix công thương, tài nguyên, tênhx qơư, zaoz zux thiêz thox cxov, nội vụ. Têx Bộ trưởng têz lul nus pâuz tâu zoz qơưx; tsov lơưr txơưx jênhv, jênhv vưv, vênhv thix zuk phưv txơưx chiê têz, uô tsênhz mênhx têx vênhv thix teiv plor nus, tso tơưv tsưr ziv khưx phưx têx tsi tâu uô tâu hâur six hơưv zuôr txos. Thủ tướng chính phủ tưz tsês six hơưv têz têx teiv plor côx hôiv li lul nus, thôngx cxix uô tsênhz mênhx têx vênhv thix zis chính phủ thiêz thủ tướng chính phủ li txơưx jênhv điều hành.

          Chủ tịch côx hôiv heik mênhx, jiês khiêz phêv no, côx hôiv tưz tso tơưv Nghị quyết lok hâux lưv têz nus, heik thủ tướng chính phủ, têx Bộ trưởng uô jông luôs hâux lưv ký ntơưr lok txơưx jênhv tưz heik trâu côx hôiv thiêz cử tri tas nro têz qơưk, uô qơư chiê côx hôiv seiz shuôk hâux lưv uô, tuôv zênhv tsôngv box li zoz qơưx, siêz xar:

          “ Côx hôiv li jiês khiêz phêv tror tâu hlôngr yiêz lok tsưr ziv uô, hâur co muôx hâux lưv chuôz tsar sik seiz lax, sik thav lok têx vênhv thix tsênhv yuôr ntâu ziv chênhv txơưr; hâux lưv têx Bộ trưởng têz, tror sâu jênhv ziv chênhv thâuv sik seiz lax têx dự án Luật, Nghị quyết, pov cov tưz uô trâu jiês uô hâux lưv jênh chuv, tsênhz mênhx, muôx txơưx jênhv, gôngr phênhv muôz siêz tsơưr lươngv jiês khiêz phêv”.

          Chủ tịch côx hôiv thix ziv têx teiv plor côx hôiv tror muôz siêz chênhz yênhx “ hlôngr yiêz, sik côngv tês, xar tơưv jông, huôx tôngv jông” ciêr chênhr pov cov trâu cử tri chêk cuk jiês khiêz phêv; sir jos chuv tôngv đuô hâur côngz xưv cxiv tsa chei têz qơưs, seiz car, tsưr tsix jông huôx tôngv njiz cử tri, mnôngs cử tri, tsôngv box li siêz xar; nhênhz chơưv, nriêr pâuz luz nênhx xã hội chiê thix ziv đros côx hôiv, chính phủ thiêz huv đros px./.

                   (TTT-Txâur Vax cxeik nhênhv)