Trạm Tấu (Yên Bái): Sêi đrơưv kho đuô têx côngz trênhx trâus puôk tsuôx đhâu ntux nas chuô

Tiv phiv liv txix ntux nas chuô hâur kaz hli 7, ntu cêr txix jok Mông Xi muk jok Mù Cao, xar Bản Mù trâus cuôr yôngz thiêz poz tsik jông tas, uô phiv liv trâu pêx xênhv muk lok, tiv zix zos têx hnuz ntux lok nas mak muk lok, lok six phiv liv thiêz riêz nênhs.

Đros sir jos uô lox tôngv, shir phaz, xar muôx 100 hôiv viên hôiv Nôngx mênhx xar Bản Mù tưz cxaz chuôz kho đuô, khơưz cêr, thoz huk têx cưx đêx ntu cêr ntêr muôx 2 cêik cêr ntâu. Txix no pêx xênhv zuôr zôngx ziv muk lok tâu đhâu txix yêz mêir. Zơưv tuôv Xênhv Tsaz, nênhs nhoz jok Mù Cao, xar Bản Mù hêik:

Cux tiv phiv liv txix ntux nas chuô shông 2018, iz cxiê ntu cêr sâuv thax tsav xả Hát Lừu tưz trâus poz thiêz cuôr yôngz lơưv iz saz, phiv liv txos pêx xênhv muk lok thiêz xênhv huôx.

Đros qênhx shênhx co, Hôiv nôngx mênhx huyện Trạm Tấu tưz huiz tôngv yênhx puô lênhx cán bộ, hôiv viên hội nôngx mênhx ntơưv têx jêx jok xar Hát Lừu cxaz chuôz côngz trihx cxiv poz jêz thêir, uô qox lav muk thiêz thoz huk zuôr xar 1,5 cêik cêr. Zơưv Lường Văn Tân, Chủ tịch Hôiv nôngx mênhx xar Hát Lừu puz pâuz:

“Hội nôngx mênhx xar huiz tôngv xar muôx 300 lênhx hôiv viên cxaz chuôz, pox nhuôs lok six thôngx ziv, sir jos. Côngz trinhx uô tiêr paz pox nhuôs muk lok sôngx ziv đuô thiêz tso siêz đuô hâur chêix ntux nas chuôz”.

Chiê tok hơưv Đại hội Têiv plor Hôiv nôngx mênhx Việt Nam jiês tiv 7, six cxiv 2018-2023, 1 hli ntâu đhâu, Hôiv nôngx mênhx huyện Trạm Tấu tưz huiz tôngv 1000 ntâu hôiv viên kriz uô kho đuô 6 côngz trinhx cêr zoz thôngz jêx jok, uô qox, côngz trinhx đêx liv, đros tas nro ntêr muôx 20 cêik cêr ntâu ntơưv têx xar njiz phiv liv ntâu tiv ntux nas chuôz zos: Bản Công, Bản Mù, Hát Lừu, Xà Hồ thiêz Làng. Têx côngz trinhx co uô tiêr tưz paz zôngx ziv trâu sơưr đơưk muk lok, uô xênhz yar thiêz thâux xa muôl muôs hax huv nhoz tiv phaz. Zơưv Trống Xênhv Shôngx, Chủ tịch Hôiv nôngx mênhx xar Bản Mù puz pâuz:

“Đros muôx Hộiv Nông mênhx huyện chox kriê, Ban chấp hành Hôiv Nôngx mênhx xar Bản Mù tưz hêik pox nhuôs thiêz tâu pox nhuôs thôngx ziv paz. Ntu cêr uô tiêr zuôr paz pox nhuôs muk lok zôngx ziv đuô hâur thâux xa, muôl muôs hax huv thiêz chox têx mê nhuôs muk cơưv ntơưr zôngx ziv đuô”.

Trâus uô puôk tsuôx txix ntux nas chuô hâur ntu đhâu tưz uô phiv liv tsik tsơưs txos pêx xênhv nhoz tox siêz trạm Tấu li cêr huôv tsar kinh têr, xar hôiv thiêz luz nênhx. Đros têz qơưs têx pênhr nhiêx muôz paz, tsôngv box tưz sik côngv đas jos đros kho đuô têx trâus puôk tsuôx, tiv ntux nas chuô uô muôx yưv sâuv thax tsav./.

(Đinh Tuấn-Lik Thox cxêik nhênhv)

PHÊNHV ĐAS JOS (2 suôz)

1. Cxax yuôx vắc xin phax tar moz.

Bộ Y tế heik, cxax yuôx vắc xin phax tar iz cxiê zav moz li: Moz khâuz thuôs, moz kruô piêk, moz hlưz hâu Nhật Bản......zos tsưr ziv phax tar moz jông đuô hur si. Yuôx vắc xin phax tar moz khâuz thuôs muôx têx zôngv txix thâuv 6 hlik tror zar sâuv. Iz chas têx nhuôs zâu, chor nênhs zôngx ziv cik tâu moz zos: Têx nênhs lâuk 65 shông ntâu, têx lênhx trâus moz siêz njưk, moz tso jik kaz jiz, tsi yuô muôx đas jos phax tir moz....cux tsuv cxax yuôx phax tar moz. Luôs hâux lưv phax tar moz khâuz thuôs tsênhv paz txo grêk tsơưs têx moz txơưr đuô thiêz.

Chiê phax tar moz kruô piêk, cxuô ziv chuôz zis tsuv bax chox têx nhuôs zâu txix 9 hlik txos iz shông ntâu muk cxax cov txâuk 2 côngz yuôx vắc xin phax tar moz kruô piêk ntơưv têx qơư y tế xã, phường. Taz sik, têx nhuôs zâu trâus moz kruô piêk hâur 2, 3 shông jê lok no tsar ndê chôngz lênhx nhoz têx nhuôv tsi tâu txos hnuz nhôngs cxax yuôx phax tar moz (tsi tâu muôx 9 hlik) viv li hâur jiês cơưv phax tar têx moz gênhs 2018, hlôngr njêx muôs Bộ Y tế, Thứ trưởng Nguyễn Thanh Long heik pâuz, Bộ Y tế zuôr nhênhz chơưv (zos uô tâu tiêr muôx têx zôngv ciês hâur shông no) cxơưz uô nzor luôs hâux lưv cxax yuôx phax tar moz trâu têx nhuôs zâu txix thâuv muôx 6 hlik.

Iz chas 2 zav yuôx vắc xin heik sâuv, tsênhv yuôr ntâu yuôx vắc xin txơưr đuô muôx têx phax tar tâu iz cxiê zav moz li: Moz hlưz hâu Nhật Bản, hnôngk hơưz poz, bạch hầu.... taz sik ntâu yuôx vắc xin tsi nhoz hâur têz qơưk tsaz yênhx cxax yuôx phax tar moz viv li phax tir thêir moz zos seiz lok sâuv lênhx nênhs, chuôz zis li tsưr ziv, siêz xar.

2. Vêv xênhz lênhx nênhs, tênhx qơư nox nhoz.

Chiê bax phax tir thêir moz hâur ntu ntux tsi so txơưr txar phiv liv, ntơưv têx chuôz zis lok sik qơư uô hâux lưv, tsêr cơưv ntơưr, tsuv chuôz tsar tiês uô hâux lưv vêv xênhz tênhx qơư, tsuôs yuôx tuô lov caz moz, lar heik zos ntơưv têx qơư seiz jor mê nhuôv zâu, tsêr cơưv ntơưr. Chiê txar jav tsi yuô trâus têx moz lok sâuv cêr uô pa thiêz moz kror ndâux têk tơư, muôz xaz phôngx nzuôr têk đros thiêz đêx hur uô ntêx thâuv zuôr uô têx jâuz mor, nox thiêz muôz trâu nhuôv nox mor, puôs mê nhuôv..... Tsi so muôz têx chuôz zênhx uô si, chuôz zênhx khênhr buôk ti txos chor nhuôv zâu, qơư nhoz ntơưv têx vax tsêr, tsêr cơưv ntơưr, seiz jor mê nhuôv so, nzuôr hur si.

Đros thiêz moz suôz liêz, tsưr ziv jông đuô hur si chiê phax tar moz cux zos tuô, lov têx zôngr yax chuv, caz vêiv thiêz phax tar tsi chiê zôngr tov txix muôz têx trik yo ntêr trâu nhuôv hnar, pư vor vix tsav zos thax tsav qơư ntơư muôx ntâu zôngr. Têx chuôz zênhx, huz, thôngz trâu đêx hâur chuôz zis, qơư uô hâux lưv, tsêr cơưv ntơưr tsuv muôz vor ntov  lok sik muôz khưz chiê zôngr tsi muk nhoz, gâuv ntêk kê. Tsi so muôz têx hưx, tos trax shôngz, têx tưx têis tơưs tsi jông zôngv ntơư por tsês. Phuôx tôngv thiêz nthuôr uô đar ntâu phôngz yaox “sik đros tuô, lov têx caz vêiv uz no” nhoz têx taz viv, qơư uô hâux lưv lok sik tsêr cơưv ntơưr, iz chas ntơư hux jos đros ngênhx y tế tsuôs yuôx tuô lov caz moz chiê phax tar têx moz gênhs.

Đros thiêz ntux txơưr txar cuz sor, nông ntâu li nhiv no, têx jâuz mor zôngx ziv tsư đêx, tsư nxiêz sei, zos nox tâu zôngx ziv trâuk kâus tưx thiêz trâus moz plaz. Chênhr li ntơư chiê phax tir thêir moz, cxuô lênhx sđ tsuv nox hâuk huv vêv xênhz, xeir têx zav nox yiêz thiêz hur, tsiv uô thiêz por hưv jông têx jâuz mor tsi chiê zôngr tsơưk, zôngr njâur. Nox siêr, hâuk bâu, tsi tâu nox têx zav nox tưz tsư pok, tsư nxiêz, đhâu hax sir zôngv, tsi nox nyar chiêx, grêix njêl kâuz..... Tsi chiê têx nhuôv xuôk têl tsuôz têx jâuz mor lok nox, buôr têx chuôz zênhx uz no, nox têk, tsi zôngv uô cê têx fuôv nzuôr muôs, têik hâul đêx đros lưv tuk txơưr đuô...../.

(Tuyết Lan-Riê Lâux cxeik, nhênhv)