Jax thưr 2, hnuz 28/12/2015

Bảo hiểm y tế-poz huv jông trâu nênhs pluôs nhoz Lai Châu

 

 

Niêv lâuk Sung Xênhv Thox nhoz jok Sáy San 1, xã Nùng Nàng, huyện Tam Đường chuôz zis muôx 8 lênhx nênhs thiêz zos chuôz zis pluôs. Thâuv ntêx tsi tâu muôx chei paz bảo hiểm y tế trâu nênhs pluôs, iz jiês chuôz zis muôx lênhx nênhs moz, niêv lâuk xar chox muk tsêr kho moz, tsuv muôs blêx, muôs keiz buô chiê zuôr nhiêx chox nênhs moz muk tsêr kho moz. Iz jâuk muk seiz njuôk shuôs, kho moz li ntơư, chuôz zis cux tsuv yưx tas yênhx tsov đeiv nhiêx. Đros chuôz zis zos nênhs pluôs, têx phênhv sâu tâu puôr lênhx khov lok têx kôngz lôngk li niêv lâuk, mak têx nhiêx ntơư tsi zos tsơưs. Txix thâuv muôx chei bảo hiểm y tế tsês trâu nênhs pluôs, thâuv tưs muôx moz gênhs, têx lênhx nênhs hâur niêv lâuk chuôz zis puôr lênhx tâu seiz njuôk shuôs thiêz pheiz yuôx tsi zuôr nhiêx ntơưv qơư y tế xã:

“ Thâuv ntêx tsi tâu muôx thẻ bảo hiểm y tế, muk seiz njuôk shuôs moz hâur tsêr kho moz tỉnh mak pôngz nhiêx seiz shuôs moz, pôngz nhiêx zuôr yuô nox. Nhiv no muôx thẻ bảo hiểm y tế, thâuv muôx moz muk seiz njuôk shuôs thiêz kho moz tsi pôngz nhiêx”.

Nùng Nàng zos huyện Tam Đường li xã thax tsav tox siêz, muôx 8 jok, xar muôx 550 ziv chuôz zis,  2.800 lênhx nênhs zos tsôngv box Hmôngz nhoz uô nênhx. Viv nhoz thax tsav tox siêz, yênhx shông huôz pok niêz, nông ntâu , viv li niêx shông muôx  ntâu lênhx tsôngv box trâus moz lok cêr uô pa. Đros 95% ntâu tsôngv box tâu côngz thẻ bảo hiểm y tế li nhiv no, thâuv seiz njuôk shuôs, kho moz, tsôngv box tưz tsi yuô trâus cxơưx lok têx nhiêx khiêz kho moz:

Niêv lâuk Lê Thị Phượng, trạm tsar trạm y tế xã Nùng Nàng, huyện Tam Đường heik:

“ Thâuv muôx thẻ bảo hiểm seiz njuôk shuôs, kho moz mak tưz txo grêk tsơưs lok six ntâu têx nhiêx khiêz kho moz, lar heik zos têx nhuôs zâu cux tâu muôz thẻ cxix cxuô hur si.Taz sik tiv tsôngv box tsi yuô tâu muôx tsưr ziv jênhv pâuz, ntơư zos hâur por hưv tsês, chiê zôngv hâur 6 shông. Chênhr viv li mak têx thẻ ntơư tưz trâus pôngz plox ntâu thiêz đhâu co tsuv cxaz nzir chiê uô đuô yiêz, mak muôx iz cxiê luz hlik têx nhuôs zâu tsi muôx thẻ chiê seiz njuôk shuôs moz”.

Xav txos nhiv no, tas nro tỉnh Lai Châu tưz muôx zuôr xar 278 cxênhz lênhx nênhs pluôs tâu pheiz thẻ  bảo hiểm y tế, tsav 65% jênh sôr hâur tas nro tỉnh. Khov muôx têx thẻ bảo hiểm y tế, thâuv tưs muk têx qơư y tế seiz njuôk shuôs thiêz kho moz, tsôngv box pluôs tưz tsi tas ntâu nhiêx txiêx khiêz kho moz. Taz sik, lơưr hâu nov Bảo hiểm XH tỉnh Lai Châu, hâux lưv muôz thẻ bảo hiểm y tế trâu tsôngv box pluôs nhoz Lai Châu cux tsênhv yuôr ntâu phiv liv, uô tsi tâu. Tiv tsôngv box txux chi tsưr ziv tsi siz luôs, viv  li thâuv krêz uô têx ntơưr bảo hiểm hâur niêx shông tsi jông iz zav li: Uô têx thẻ siz yôngx, tsi zos bê, hnuz nhôngs xênhz zus…. Pos Đoàn Thị Làn, Giám đốc bảo hiểm XH tỉnh Lai Châu heik:

“ Hâur tsưr tsix seiz njuôk shuôs, kho moz trâu nênhs pluôs mak vênhv thix tsôngv box tsi tâu pheiz têx thẻ bảo hiểm lok sik tsi tâu thẻ bảo hiểm y tế lok six tsơưs lênhx. Đros têx tỉnh tox siêz heik cxuô thiêz Lai Châu heik taz, cux tsênhv yuôr ntâu kror uô tsi tâu tsi tiêr, lok sik njiz phiv liv hâur côngz thẻ bảo hiểm y tế, viv tsôngv box sơưr đơưk txux chi tsưr ziv jênhv pâuz tsi siz luôs, viv li krêz uô têx ntơưr tsi  jông iz zav, nhiêk txơưr nhiêk, li uô trâu côngz phêiz tâu têx thẻ bảo hiểm y tế siz yôngx, lok sik tsi zos bê, hnuz nhôngs xênhz zus….”.

Shông 2015, Lai Châu muôx nhos 440 cxênhz lênhx nênhs pluôs tâu seiz njuôk shuôs, kho moz txix cuiv nhiêx bảo hiểm y tế, xav tas muôx 94 tỷ đeiv ntâu. Đeiv thẻ bảo hiểm y tế tưz tsênhv tsênhz zos zav huv jông thiêz muôv liv, paz tsi tsơưs trâu por hưv, tsoz phưz thiêz gra siêz đas jos trâu tsôngv box cxuô heir nênhs thax tsav tox siêz Lai Châu./.

( Khắc Kiên-Riê Lâux cxeik, nhênhv) 

Phênhv “Cxiv tsa Đangv” hnuz 28/12/2015:

Sơn La yax kriê nhiêv têz nhiêv qơư

 

 

          Ban tuz lênhv huyện đros cưk kriê tsêr cơưv Chu Văn An huyện Thuận Châu, tsưr tsix yax kriê hêik lok nhiêv têz nhiêv qơư, cxiv kho têz qơưs truôx tuk trâu shuv xênhz hâur tsêr cơưv. Shuv sênhz Nguyễn Hoàng Khánh Linh cơưv ntơưr lớp 8 A2 thiêz shuv xênhz  Nguyễn Quỳnh Trang cơưv lớp 9 A1 hêik pâuz:

           “Đhâu jiês cxuô lênhx txir nzơưv tuz lênhv yax kriê thiêz sik thav no, cur tưz pâuz tâu nzir lok ntus đriv poz hiêr, đêx hiêr VN thiêz nhiêv têz nhiêv qơư đuô.

           “Zos tâu mak cur xar chox hur si cur ziv chuôz zis muk sêiz shuôk Trường Sa, Hoàng Sa”.

          Njiêz luk hêik lok nhiêv têz nhiêv qơư, lar hêik zos ndax trâu hnuz cxiv tsa tâu tuz lênhv VN 22/12, cưk kriê tsêr cơưv tưz đros Ban tuz lênhv huyện tso tơưv luôs hâux lưv uô tsênhz mênhx. Ntơư zos yax kriê trâu shuv xênhz sđ, tsuv tâu cơưv shâuv chor lâuk đrav ntêx têx tsưr ziv cxiv kho têz qơư thax zênhz, truôx tuk.

Zơưv Nguyễn Văn Phẩm, cưk kriê sêiz car tsêr cơưv Chu Văn An hêik pâuz:

           “Thôngz đhâu têx luk nus, chiê cxuô lênhx shuv xênhz pâuz to tâuz lok lịch sử tuz lênhv VN thiêz tsưx phưv cxiv kho têz qơưs. Ntơư cux zos iz luôs hâux lưv jông muôx liv trâu cxuô lênhx cưk kriê hâur tsêr cơưv chiê pâuz pâuz thôngz lok cxuô xor xưv hâur têz qơưs, tsưx phưv truôx an ninh quốc phôngx”.

          Trơưk li Trung tá, Nguyễn Văn Thành, Chính trị viên, phó Ban sêiz car tuz lênhv huyện thuận Châu  thav: Luôs hâux lưv sik đros tsưr tsix fuô yax kriê hêik lok cxiv kho têz qơưs truôx tuk trâu tsôngv tuz cxêik shuv xênhz, cux uô tsik so hâur niêx shông.

           “Têx luk sik thav thôngz đhâu li hêik ntơư, tưz paz phênhv yax kriê trâu cxuô lênhx cán bộ cưk kriê thiêz shuv xênhz hâur tsêr cơưv. Lar hêik zos yax kriê trâu sđ nhiêv têz nhiêv qơư trâu cxuô fauv nênhs. Txix ntơư, yax kriê tsôngv px thiêz ziv chuôz zis tsuv uô jông  trơưk đangv têz qơưs têx chêi tso tơưv thiêz đros tsưx phưv têz qơưs truôx tuk”.

          Hâur ntu huôv tsar đros cxuô têz qơưs li nhiv no, luôs hâux lưv gra siêz tsưr ziv, txux chi tưz paz tâu iz phênhv trâu chor hluôk sđ nhiêv têz nhiêv qơư thiêz đros tir thêir têx nênhs fêv chiê tsưx phưv truôx têz qơưs./.

                                                          (Tsu cxêik-Ly nhênhv-Trung Hà-BCHQS Sơn la)