Hêir nênhs ÊĐê li liz cơưv

          Oz pêz hnuz hâur iz ciêz, pos Hbhiê Eban nhoz jok Alê B, phươngx Ea Tam, đrôngl  Buôn Ma Thuột, tưz sơưr nzor muôz têx jâuz, txir ntông chuôz zis uô tâu ntiv hâur cơưv chiê êv chox muk muôs trâu hâur ciêz. Pos Hbhiê hêik pâuz tiêk, hêir nênhs ÊĐê luz cơưv thâuv tưs tưz muôx đros đrêiv hêir co li luz nênhx niêx hnuz đhâu ntâuv tiêv lok tsik chiê pôngz plox.“ nền…Txix đrav ntêx lok txos trâu nhiv no, hêir nênhs ÊĐê luz cơưv, tưz zênhx muôx sir zôngv đros đrêiv hâur niêx hnuz. Ntơư zos chiê ntiv cxuô zav li jâuz nox, jâuz buô, tơưk….zav. taz sik nhiv no, phênhv ntâu zos tsôngv px chiê ntiv jâuz, txir ntông êv chox muk muôs hâur ciêz”

Cux iz zav li pos Hbhiê, muôx chôngz lênhx ntâu tus pox niêv vir ndâuk hêir nênhs ÊĐE nhoz thax tsav đrôngl Buôn Ma Thuột, thâuv tưs cux sir zôngv cơưv ntiv cxuô zav hax huv chox muk muôs trâu ciêz đrôngl. Phênhv ntâu hâur têx ciêz đrôngl nhoz tỉnh Đắc Lắc, zos sđ muk car ciêz, thâuv tưs cux pov tsôngv px hêir nênhs ÊĐê muôz cơưv ntiv cxuô zav hax huv, jâuz, txir ntông chox tuôx muôs txơưz uô yênhx hax. “Tsôngv pox niêv vir ndâuk hêir nênhs ÊĐê thiêx sir zôngv cơưv ntiv cxuô zav hax hu, jâuz, txir ntông; đuô li txir nênhx mak muôz têx hax huv ntơư đêi trâu oz tos ntơưv tus pak chiê cưr xưz. Đros ntơư, thâuv muk khưr uô liêx têz, tsôngv pox niêv vir ndâuk hêir nênhs Ê Đê cux zênhx muôz têx cơưv co ntiv đêx, ntiv jâuz mor su êv muk trâu liêx têz”.

Têx cơưv co pir li cxuô hêir nênhs txơưr đuô hâur thax tsav, hêir nênhs ÊĐê têx cơưv êv zos phiêz uô luz kaz cơưv siêz ntêr mê njik thiêz truôx khor, sir zôngv tâu ntêr. Zơưv Y Tó BKrông, nhoz xã Ea kao, đrôngl Buôn Ma Thuột hêik pâuz tiêk: Têx shôngz txiêr chox lok fuô phiêz cơưv, tsuv xêir têx shôngz lâuk, chox lok fuô jiêz cov kruôr thiêz thâuv muôz chox lok phiêz uô cơưv, tsuv tâu muôz chor ndâu co tsâu đêx cov jôngx, phiêz thiêx tâu luz cơưv jông gâux chox lok sir zôngv.“Têx tsưr ziv phiêz cơưv mak cur tưz cơưv ntơưv lơưr chox lâuk txix thâuv zâu lok. Sêiz pov lơưr chor lâuk fuô ndâu, phiêz cơưv, cur cux cơưv shâuv uô trơưk. Đhâu ntơư, cur cux phiêz tâu cxuô luz cơưv jông gâux chox lok sir zôngv hâur luz nênhx niêx hnuz”

Txix iz zav chuôz zênhx muôz shôngz chox lok phiêz uô tâu cơưv êv hax huv, tưz zênhx muôx đros đrêiv tsôngv pox niêv vir ndâuk hêir nênhs ÊĐê luz nênhx đhâu ntâu tiêv lok thiêz ntơư zos iz zav chuôz zênhx jông tsuv khơưk tsês tsik chiê pôngz plox./.

                                      (Tsu cxêik nhênhv-VOV Tây Nguyên)

Hà Giang tsuv huôv tsar ju lix lơưr saz truôx tuk

Cxôngx thâuv tox siêz jêz tox nthênhz tâu côngz jênhv zos Công viên địa chất tas nro ntiêx têz, Hà Giang qir huôv tsar ju lix ntơưv têx huyện Mèo Vạc, Đồng Văn, Yên Minh thiêz Quản Bạ. Qir thơưx zos huôv tsar thiêz krêz đar mênhv chêx chos pax chêx tưz paz Hà Giang tâu ntâu lênhx nênhs pâuz txos đros têz qơưk jông jav. Cxôngx co, tsôngv box muôx cxaz phênhv sâu, yênhx trus hla đhâu cêr pluôs truôx vênhs, jêx jos tox siêz ziv hnuz ziv hlôngr yiêz jông. Ntâu jêx jos uô jix vuv nox nhoz trâu tsôngv kruô, vêv xênhz tênhx qơư hur đuô, jông jav,tsôngv box têx mênhx cxưx li vênhx huôv chax chês tâu hôx phưx, huôv tsar.Tuôx Hà Giang tsôngv kruô tâu pov tsôngv box nhoz no li tsêr tâu zôngv ar puôz uô, vor vuôs lok sik têx luz tsêr lơưx chax chês. Ta sik jê ntơưv no tox siêz jêz tox nthênhz no pov muox ntâu luz tsêr tâu cxiv lơưr tsưr ziv yiêz, jux jus tsi pov muôx têx luz tsêr chax chês lơưv thiêz. Zơưv Lưu Văn Vàng, nhoz jos Đoàn Kết, thị trấn Đồng Văn puz pâuz: Uô tsêr lơưr tsưr ziv yiêz mak nhiêx txiêx xaz zênhz đuô, truôx đuô, taz sik chuôz zis cux sir jos tuôr tsês luz tsêr lơưx chiê uô jix vuv homestay.“Heik cxuô zos uô lơưr Trung Quốc tsưr ziv cxiv mak uô tsi jông txos têz qơưk Đồng Văn. Ntâu luz tsêr lâus tâu cxiv yiêz mak tsi jông lơưv. Tuôr truôx zos zôngv ntông uô mak zaz zâuv tâu chôngz tsôngv kruô tuôx ndis shuôk, pêz têz qơưk mak muôx tâu tsêr cxiv lơưv, nhiv no mul ndis shuôk têz qơưk cux tsuôk pov tsêr cxiv yiêz mak lơưr tsi nhiêv”.

          Chiê huôv tsar ju lix, tỉnh Hà Giang tưz muôx Nghị quyết thiêz chính sách paz txưv tsôngv box huôv tsar têx jos hâux lưv uô, tuôr tsês tsêr chax chês. Viv tsênhv txov nhêv, chuôz zênhx zuôr saz đrâuv têz qơưk lok cux xaz zênhz, viv li ntâu chuôz zis tưz ruôr por tsês tsêr kuz chiê cxiv uô tsêr yiêz. Pos Phan Thị Thu Dung, Tsar phongx vênhx huôv thiêz thôngz xor mông huyện ĐỒng Văn puz pâuz:“Đrâuv chính sách paz txưv li Nghị quyết 35 mak cux muôx chính sách paz txưv trâu pox nhuôs chiê uô tsêr chax chês. Taz sik cux muôx ntâu lik zơưx, ntông lox chiê uô tsêr thiêz ar puôz uô tsêr mak muôx tsi ntâu”.

          Huôv tsar ju lix nhoz Hà Giang tsuv reik đros hâux lưv tuôr tsês vênhx huôv thiêz têx jos hâux lưv uô, tsôngv box têx mênhx cxưx li tsưr ziv uô zav nox chax chês, tiv zix zos tuôr tsês jêx jos, tsêr nhoz trâur lâus. Taz sik, têx luz tsêr cxiv uô lơưr tsưr ziv yiêz tsênhv uô pôngz lơưv têx kror jông nhoz Hà Giang. Pos Triệu Thị Tình, Phưv giám đốc Sở vênhx huôv thiêz ju lix tỉnh Hà Giang puz pâuz: Tỉnh li pênhr paz txưv trâu tsôngv box tuôr tsês tsêr nhoz chax chês tsênhv tsơưs.“Nhiv no Sở cxiv tsa tưz muôx ntâuz ntơưr kriê tsưr ziv uô tsêr chax chês chiê cấp huyện heik kriê tsôngv box uô tsêr puôz ar, vor vuôs...”

          Tsênhz mênhx tso pov, têx qơư ju lix li Sa Pa, Đà Lạt viv tsi uô jông hâux lưv njuôs xav chiê cxiv tsa, tsi muôx tsưr ziv tuôr tsês jông têx tsiv grê cxiv uô tsêr chax chês mak tưz uô pôngz lơưv têx kror jông thâuv ntêx. Tix lâuk Đỗ Văn Biên Cương, nhoz Sa Pa, tỉnh Lào Cai mul Hà Giang chiê uô lênhx nênhs kriê cêr ndis shuôk ju lix tưz tâu 6 shông puz pâuz: Jê ntơưv no tsôngv kruô nhiêv tuôx Hà Giang đuô mul Lào Cai, viv nhoz no tsênhv tuôr tsês tâu têx kror jông muôx cxôngx nzor lol: “Cur pov cxiv tsêr cxôngx zôngv thưx chiz mak tsi jông li tsêr chax chês lơưv thiêz. Thâuv chox kruô mul têx jêx jos nênhs Tày mak pov tsênhv tuôr tsês tâu têx chax chês jông tsôngv kruô lok six nhiêv”.

          Chiê huôv tsar ju lix lơưr saz por vêv tênhx qơư, huôv tsar têx tsiv grê vênhx huôv chax chês, Hà Giang tsuv muôx tsưr ziv cxiv tsa thiêz huôv tsar ju lix lơur saz truôx tul. Ju lix huôv tsar, cơ sở cxuô zav cux huôv tsar, zos tsi muôx chính sách coar lik jông hâur hâux lưv cxiv tsa, por vêv, tuôr tsês mak zuôr uô pôngz lơưv têx jông jav muôx cxôngx nzor lol, co zos Hà Giang li kror muôx jos hâur huôv tsar ju lix./.

(Mạnh Phương- Txâur Vax cxeik nhênhv)