Taz por đas jos trâu shux xênhz thax tsav tox siêz Yên Bái uô ntêx thâuv ntux zuôr no njiv hênhr

Tsêr cơưv Phưv thôngz mênhx cxưx chêx chôngz lok zos Phổ thông dân tộc niêv txir zus mor cxênhx iz thiêz cxênhx 2 xã Kim Nọi, huyện Mù Cang Chải, tỉnh Yên Bái muôx zuôr xar 490 lênhx shux xênhz; hâur co muôx 357 lênhx shux xênhz nox nhoz hâur tsêr cơưv, cơưv ntơưr niêv txir zus mor. Phênhv ntâu têx nhuôv shux xênhz puôr lênhx zos chuôz zis pluôs, ntâu ziv chuôz zis txoz cxơưx tsi tâu trâu chor nhuôs muôx luz nênhx jông xưk luôs lưv tus, lar heik zos tsôngk tril yo hnar, khâu trâu hâur cheix ntux no.

Chiê taz por đas jos trâu nhuôs shux xênhz hâur têx hnuz ntux no njiv hênhr, tsêr cơưv tưz bax nzir têx pav sor, pluôk nox trâu chor nhuôv; râuz đêx sor trâu têx mê nhuôv xênhz huôx; tsi so sox seiz đas jos thâuv têx hnuz no njiv hênhr.... Cưk kriê Chu Ngọc Lâm, thơưx seiz car Tsêr cơưv phổ thông dân tộc niêv txir zus mor cxênhx iz thiêz cxênhx 2 xã Kim Nọi, huyện Mù Cang Chải heik pâuz:

“Tsêr cơưv tưz cxaz nzir pav sor trâu chor nhuôs shux xênhz, xav hur si zos 10 qar tsêr pư, tưz cxaz nzir 120 đeiv pav yiêz trâu chor nhuôs vor tir no. Lok sâuv nhiêx txiêx mak tsi muôx, viv li tsêr cơưv tưz hu zâuv tas nro XH thiêz chuôz zis sik đros paz, gra têx pav sor tuôx trâu chor nhuôs vor hâur cheix ntux no”.

Ntơưv huyện Lục Yên, têx tsêr cơưv hâur thax tsav cux tưz cxaz nzir pluôk nox chiê têx nhuôs tâux nox cxix cxuô têx jâuz mor, cxaz nzir pav thiêz tsôngk tril yo sor trâu shux xênhz cxênhx nhuôs zâu, shux xênhz nox nhoz hâur tsêr cơưv cơưv ntơưr niêv txir zus mor thiêz têz qơưk zus mor. Cxuô tsêr cơưv tax nduô tsês tsi chiê chor nhuôs shux xênhz cơưv têx jax cơưv đrâuv jôngr, hlôngr trâu cox zos chiê chor nhuôs cơưv nzir têx jax cơưv, txux chi hâur lớp cơưv, ntơưv qơư nox nhoz hâur tsêr cơưv. Cưk kriê Trần Đình Vũ, Thơưx seiz car tsêr cơưv phổ thông Dân tộc nội trú cxênhx 2 huyện Lục Yên heik pâuz:

“Tiv iz zos lok sâuv têx côngz trênhx, qơư nox nhoz cơưv ntơưr tâu taz por qơư cơưv, qơư nhoz so hur si. Hâux lưv tsoz phưz trâu chor nhuôs cux tâu chor nênhs uô jâuz mor nox trâu shux xênhz râuz nzir đêx sor phưx vưv hâur niêx hnuz. Iz chas chuôz zis bax têx pav, tsôngk tril yo hnar, tsêr cơưv cux muôz nzir têx pav thiêz yo sor trâu shux xênhz hur si”.

Pos Tô Thị Ánh, Phưv Giám đốc Sở Zoz zux tỉnh Yên Bái heik pâuz: Txơưv tiêk hâur têx hnuz đhâu, ntux no njiv, thax tsav tox siêz no njiv hênhr, taz sik phênhv ntâu thâuv hmo ntux thiêz tas cik sơưr nzor, đros trâu shux xênhz ntâu lênhx niêv txir, tsêr cơưv têx cêr bax thiêz paz max, viv li tsi pov uô hiêv li chas txos hâux lưv kriê thiêz cơưv ntơưr, cux li shux xênhz đas jos.

Njuôk xav hâur cheix ntux no nor, zuôr muôx ntâu jiês no njiv ntêr hnuz, Sở Zoz zux tưz chox kriê têx Phongx Zoz zux, chor tsêr cơưv hâur thax tsav hux jos jông đros hâu nov ntơưv qơư sir jos uô cxuô faz tsưr ziv phax tar no trâu shux xênhz:

“Sở Zoz zux tưz kriê trâu têx tsêr cơưv uô têx tsưr ziv phax tar no trâu shux xênhz. Heik cxuô tsêr cơưv moz siêz txos shux xênhz têx pluôk nox; uô lơưr têx tsưr ziv paz max chiê chor nhuôs muôx txâuk tsôngk trik yo sor hnar, pav sor vor, đêx sor đa, vêv xênhz hâur niêx hnuz; bax muôx têx yuôx nox phax tar moz hâur tsêr cơưv. Seiz lok ntux têx txơưr txar, têx Phongx Zoz zux chox kriê chor tsêr cơưv muôx têx kho thiêz hlôngr six hơưv cơưv ntơưr li chas huv đros, tsi chiê shux xênhz tsuv muk tsêr cơưv nzor hênhr, li tsi phiv liv muk lol thiêz taz por tâu đas jos trâu têx nhuôs”.

Nhiv no tsênhv zos cheix ntux no, zuôr tror muôx têx jiês no njiv hênhr trâu thâuv hmo ntux thiêz tas cik sơưr nzor, thax tsav tox siêz.... Iz chas co, tỉnh Yên Bái heik ngênhx Zoz zux tror bax uô lơưr cxuô faz tsưr ziv chiê cê taz por đas jos trâu shux xênhz, cê taz por luôs hâux lưv kriê thiêz cơưv ntơưr trơưk tsaz yênhx shông cơưv./.

(Trịnh Xuân-Riê Lâux cxeik, nhênhv)