Bax tâu jông cxuô zav chiê fuô uô têz qơưk tsaz yênhx paz tsôngv box heir nênhs tsơưs nhoz cxuô thax tsav qơư

Hâur ntu têz qơưk hlôngr yiêz chiê uô ndar chuôs 2 chas têz qơưk, ntơưv jiês cơưv tiv 8, Côx hôiv khóa 14 tưz thôngz đhâu Nghị quyết sôr 88 cir ntơưr huôv tsar kinh tế-xã hội thax tsav tsôngv box heir nênhs tsơưs ntu 2021-2030 thiêz txuôk lơưr co zos Nghị quyết 120 hnuz 19/6/2020 lok sâuv cir ntơưr yưv pênhr uô têz qơưk tsaz yênhx huôv tsar kinh tế-xã hội thax tsav tsôngv box heir nênhs tsơưs ntu 2021-2030. Nghị quyết tâu tso tơưv heik lol Côx hôiv li luôs hâux lưv cux iz zav li cử tri thiêz tsôngv pêx xênhv têx siêz xar, chiê cxơưz paz thax tsav tox siêz, heir nênhs tsơưs huôv tsar. Trơưk li zơưv Hoàng Văn Đảm, Phưv Bí thư thường trực huyện ủy Đà Bắc thiêz zơưv Đinh Công Sứ, Phưv Chủ tịch ủy ban tỉnh Hòa Bình:

“Tâu T.Ư moz siêz txos, Côx hôiv muôx Nghị quyết 88 thiêz 120 lok huôv tsar kinh tế xã hội thax tsav tsôngv box heir nênhs tsơưs. Viv no zos têx pênhr paz trâu huyện Đà Bắc chiê huôv tsar uô nox, cxuz cêr yeiz pluôs, sir jos txos shông 2030, tax 100% jêx jok yiêz, chiê huyện Đà Bắc hla đhâu huyện pluôs”.

“Cấp ủy Đảng, hâu nov sir jos chox car, tsưr tsix uô ntâu tsênhv chei paz tsôngv box heir nênhs tsơưs, hâur co muôx tỉnh têx tsênhv chei paz trâu tsôngv box heir nênhs tsơưs, sir josh hu zâuv sơưr đơưk sik đros paz thiêz sir zôngv cxuô pênhr nhiêx chiê yưv pênhr huôv tsar kinh tế xã hội thax tsav tox siêz heir nênhs tsơưs, lar heik zos chor xã txov nhêv”.

Ntơưv Hòa Bình, tsôngv box heir nênhs tsơưs nhiv no muôx 74%; 145  xã, phường, thị trấn tâu côngk nhav zos thax tsav tsôngv box heir nênhs tsơưs. Đros têx cơ quan thường trực uô  côngz xưv mênhx cxưx, Ban mênhx cxưx tỉnh Hòa bình tưz nhênhz chơưv trâu Tỉnh ủy, Ủy ban tỉnh gra siêz tsưr ziv thiêz hâux lưv hux jos đros têx sở, ban, ngênhx, cxuô cấp, cxuô cơ quan, taz viv, tsưr tsix chính trị xã hội thiêz tsôngv pêx xênhv, chiê uô tsaz yênhx huôv tsar kinh tế xã hội thax tsav tox siêz heir nênhs tsơưs ntu 2021-2030 huv đros tsênhv qơư. Trơưk li pos Đinh Thị Thảo, tsar ban mênhx cxưx tỉnh Hòa Bình:

“Pêz xav tinhv tâu têx lênhx nênhs, thax tsav qơư tâu sơưv têz qơưk têx chei paz lok huôv tsar kinh tế xã hội thiêz đros Ủy ban cấp huyện, têx sở, ban, ngênhx qênhz yuôx kinh tế xã hội chiê yưv pênhr paz txix tsaz yênhx. Txix co, BCH Đảng bộ tỉnh tso tơưv Nghị quyết sôr 03 lok chox car huôv tsar kinh tế xã hội thax tsav tsôngv box heir nênhs tsơưs thiêz tox siêz hâur tỉnh txix shông 2021 txos shông 2030”.

Hâur ntu đhâu, Ban mênhx cxưx tỉnh Hòa Bình tưz fuô uô têx hâux lưv chính trị, uô uô cê têz qơưk tsaz yênhx huôv tsar kinh tế xã hội nhoz thax tsav txov nhêv li: Tsaz yênhx 135, tsênhv chei paz huôv tsar kinh tế xã hội thax tsav tsôngv pêx xênhv heir nênhs tsơưs. Huôv tsar truôx têx hâux lưv uô tâu jông hâur têx huyện Mai Châu, Tân Lạc, Lạc Sơn, Kim Bôi; tsưr tsix cơưv cxaz nzir txux chi tsưr ziv uô chiê fuô kriê têx chei têz qơưk txos trâu tsôngv pêx xênhv sơưr đơưk cơưv shâuv uô trơưk. Đhâu ntơư, uô jông têx tsênhv chei mênhx cxưx fuô uô hâur thax tsav, paz huôv tsar kinh tế, tuôr truôx txiv ngaz chính trị. Zơưv Shôngx A Sía, Chủ tịch Ủy ban xã Pà Cò, huyện Mai Châu thiêz zơưv Bùi Tiến Lực, tsar phongx mênhx cxưx huyện Tân Lạc, Hòa Bình heik pâuz:

“Ciês pêz thax tsav tsôngv box Hmôngz, tâu gra siêz têx txux chi vênhx huôv thiêz iz cxiê tsênhv chei paz mak tâu ntâu đuô, iz cxiê jok yiêz tâu paz ntâu  thiêz paz tsôngv pêx xênhv lok sâuv têx cêr txov nhêv”.

“Têx tsaz yênhx, tsênhv chei paz tsuv uô cov tsôngv pêx xênhv sđ pâuz tsênhz, thôngx ziv đros. Taz sik têx tsênhv chei no tsôngv box heir nênhs tsơưs cux zênhx jông siêz đros. Pêx xênhv shir phaz thiêz jông siêz tok txeik têz qơưk têx tsênhv chei paz, txos nhiv no pêz tưz đros cxuô cấp ủy, cxuô ngênhx hâur huyện, huyện ủy, Ủy ban huyện fuô kriê txos trâu tsôngv pêx xênhv sơưr đơưk”./.

(VOV4-Riê Lâux cxeik, nhênhv)

Huyện tox siêz Trạm Tấu por vêv chor tsiêx cxu hâur chêix ntux no

Tix lâus Lềnh Xênhv Zax, nhoz jok Tà Xùa, xar Bản Công, huyện Trạm Tấu puz pâuz, txix ciês thâuv hâur chêix ntux no cán bộ tưz yax kriê, hêik chor chuôz zis chox têx nhux, tưv txix qơư tso yar lok cơư hâur têx tsêr guôx chiê tu zus. Viv li, tix lâus tưz chox zuk chuôz zis pêz tuk nhux, tưv lok cơư hâur tsêr guôx thiêz muôz thêir vor cov ntov jông.

“Thâuv ntêx no tiv tsik tâu pâuz tu zus, viv li pêz chor nhux, tưv tsik so trâus tuôs hâur chêix ntux no, txix thâuv muôx cán bộ tuôx ntơưv jêx jok kruôz kriê mak têx hnuz ntux no tưz chox chor nhux, tưv lok cơư hâur têx tsêr guôx, muôz jâuz, tâux, kok ntông, poz cưk puz trâu nox, viv li shông đhâu lok no hâur jok tsik pov muôx nhux, tưv trâus tuôs no hlo”.

Xà Hồ zos iz hâur têx xar tox siêz nhoz huyện Trạm Tấu, siêz muôx nhos 2.000 thiêr pir li ntus đêx hiêr. Viv li jêx tưv thâuv đruôz hnuz thiêz hmo ntux mak sik txơưr lok six ntâu, tiv zix zos ntơưv têx jêx jok nhoz siêz li Sáng Pao, Trống Khua, Tà Đàng… Chiê taz por trâu xar li 4.800 ntâu tuk tsiêx cxu, xar tưz tso yênhx lênhx cán bộ muk trâu yênhx jêx jok sik côngv đros tsar jok, Bí thư chi bộ yax kriê, hêik pox nhuôs tsik tso yar têx tsiêx cxu, tsik chox nhux tưv muk lêix têz hâur têx hnuz ntux no chênhr, no njiv, jêx tưv kik đuô 12 tưv. Thôngx cxix chuôz cxaz uô côngz xưv phax, tar caz moz hâur chêix ntux no trâu chor tsiêx cxu. Zơưv Sáy Chù Xênhv Zax, tsar jok Sáng Pao, xar Xà Hồ puz pâuz:

“Xar yêx kriê, hêik pêx xênhv sơưr đơưk lênhx tưs muôx nhux, tưv tso yar mak chox lok cơưv hâur têx tsêr guôx chiê tu zus. Tsêr guôx tsuv tâu uô lax nziês, vêv xênhz cov jông, thêir cov tsik yâu chuô, sâu têx kôngz tas mak khơưk tsês têx nhaz blêx kruôr tsês chiê trâu nhux tưv nox. Hnuz tưs ntux no hênhr mak tsik tsuv tso yar, tsuv cơưv têx tsiêx xu thiêz puz jâuz trâu nox cov tsik trâus tuôs no”. 

Chêix ntux no shông no, Trạm Tấu cux tsênhv muôx 30 ntâu tuk tsiêx cxu trâus tuôs no, uô phiv liv ntâu txos pêx xênhv nhoz tox siêz luz nênhx. Chiê por vêv jông trâu chor tsiêx cxu muôx 41 cxênhz ntâu tuk hâur chêix nhtux no shông no, Phòng Kôngz nuv thiêz Huôv tsar jêx jok, tox siêz Trạm Tấu tsik so hêik trâu huyện muôx ntâu ntơưr chox kriê, hêik têx xar, thị trấn por vêv jông trâu chor tsiêx cxu hâur chêix ntux no. zơưv Nguyễn Văn Hòe, Trưởng phòng Kôngz nuv thiêz Huôv tsar jêx jok, tox siêz huyện Trạm Tấu, tỉnh Yên Bái puz pâuz:

“Phòng tưz hêik trâu Ủy ban huyện tso tơưv tsưr ziv phax, tar yêiz plaz, ntux no trâu chor tsiêx cxu hâur chêix ntux no. Chox kriê pêx xênhv tsês chiê têx nhaz blêx, chos poz cưk thiêz tsoz phưz jông chor jâuz tâux chiê paz muôx tâu jâuz nox trâu chor tsiêx cxu hâur chêix ntux no. Hêik pêx xênhv thêir vor cov ntov jông têx tsêr guôx, uô vêv xênhz tsêr guôx cov hur đu,  cxaz nzir zav nox hmôngr, cuô njêr cov chor tsiêx cxu muôx jos đuô hâur têx hnuz ntux no chênhr, no njiv”.

Huyện tox siêz Trạm Tấu, tỉnh Yên Bái zos iz hâur têx huyện pluôs tiv zix tas nro têz qơưk, huyện thiêz pêx xênhv li kinh têr zos khov trâu kôngz nuv. Kriz  uô jông, cxix cxuô têx tsưr ziv phax, tar yêiz plaz, ntux no trâu chor tsiêx cxu zos tsưr ziv jông tiv zix chiê por vêv kinh têr trâu huyện cux xưk li por vêv jông cxuô zav trâu pêx xênhv hâur chêix ntux no tâu njuôk xav tiêk zuôr muôx ntâu jiês no chênhr, no njiv no./.

(Trịnh Xuân-Lik Thox cxêik nhênhv)