Hâur chêix ntux yiêz muk sêiz shuôk tsưr ziv huôv tsar cêr uô nox nhoz Yên Bái

Hâur shôngk shông 2017, Công ty Cổ phần yưv pênhr thiêz huôv tsar kôngz nuv Bình nguyên xanh cuêz tênhv yưv pênhr muôx 30 tiv đêiv chiê cxiv uô tsưr ziv kôngz nuv hur ntơưv xar Tô Mậu, huyện Lục Yên, hâur co ciês đêx ar cxuô zav tsav muôx iz đraz chor pênhr. Co zos iz cxiv luôs muôx qơư tu zus nhux tưv đar 3.000 yiv ndis muôx trur vor jông, qơư zus chuô naz, 15 ha chos jâuz tâux; đros co zos yênhx châuv ha txir thênhx caz…zơưv Trịnh Thanh Tùng, Giám đốc công ty puz pâuz:

“Txix ciês thâuv xuz thơưx kriz uô piz tưz nriêr pâuz uô lơưr ploz tsênhr VietGap. Lok tu zus mak txix xêir nông txos tsoz phưz pêz puôr lênhx uô jông lơưr cuiz tênhv; txir thênhz caz mak pêz zuôr zuz txix viên zuz nôngz tsoz chos Việt Nam, iz phênhv mak tâu xêir txix chor txir thênhx caz nhoz huyện Lục Yên”.

Nhiv no, iz shông Công ty Bình nguyên xanh zus thiêz muôs muôx 1.000 tuk nhux tưv. Chor nôngz muôx jos, jông gâux tâu xêir tsov jông, tâu chox lok zus hâur tsêr guôx lox đar, lax, đros zus tso đrâuv têx tiêx jâuz thiêz têx pak đêx chiv chir uô. Ntơưv no, tsiêx cxux tâu cxax yuôx phax tar caz moz cxix cuô thiêz tsoz phưz lơưr khoa học; zav no mak taz por vêv xênhz jông tiv zix…Viv li, hax huv tu zus txix Bình nguyên xanh tâu nênhs zuôr lok six nhiêv. Chor nhux, tưv hnhar txix 300 txos 700 cir đros gri muôs muôx ntu txos 80.000 đêiv iz cir tưz tsik zos tau muôs trâu ntơưv tiv phaz xưz mak tsênhv tâu muôs tơưv trâu saz đrâuv têz qơưk.

Txix chor qir tsiêx cxu, đhâu têx cxiv luố xưv lik zuôr paz muôx hmôngr chiê zus yênhx puô yiv ndis chuô naz, muôx gri muôs txix 30 cxênhz đêiv iz cir tror sâur; iz chor tsênhv yuôr mak tâu muôz chox muk uô qir zuôv trâu taz viv li chor txir thênhx caz chos ntơưv huyện Lục Yên (tỉnh Yên Bái) thiêz huyện Bắc Quang (tỉnh Hà Giang). Zơưv Trịnh Thanh Tùng, giám đốc Công ty Bình nguyên xanh puz pâuz nzir:

“Zuk têx hax huv kôngz nuv mak tsuv truôx jông lơưv. Txix ciês xuz thơưx thuav xav jênhv uô tsưr ziv no pêz tưz xav tiêk tsuv uô suôz bê hax huv zos têx hax huv hur, lơưr ploz tsênhr hữu cơ”.

Zơưv Lương Văn Hùng, iz lênhx nênhs uô jos ntiêr ntơưv Công ty Bình nguyên xanh li qơư uô nox puz pâuz: Đrâuv phênhv sâu truôx muôx nhos 5 triệu đêiv iz hli, zơưv tsênhv cơưv shâuv tâu ntâu chênhz zênhv tu zus kho học, txơưr đuô tsưr ziv tu zus tsơưs, tsik muôx chêx cur mak ntêr no nênhs nhoz tox siêz tsik so uô.

“Tsưr ziv no huv đros trâu tiv phaz no, viv nhoz no muôx thax tsav jâuz tâux đar viv li tso siêz uô. Nox mak muôz poz cưk trâu nox, hok qir mak muôx pêk tsơưs lok tâu zôngv chiê zuôv trâu tsoz chos xưz”.

Nhiv no, Công ty Bình nguyên xanh li tsưr ziv tu zus uô kôngz lôngk zos tsưr ziv uô kôngz nuv hur lox tiv zix tỉnh Yên Bái. Công ty têx hax huv tsênhv piz tâu muôs trâu sâuv ciês đrôngs, tiv zix zos hax huv txir thênhx caz hur Lục Yên-Sơn Tùng. Ntâu tập thể, tiz nênhs sâuv thax tsav tỉnh thiêz têx tiv phaz iz ndis cux tưz tuôx ndis shuôk, cơưv shâuv chiê nriêr tsưr ziv uô đêz đar./.

(Tuấn Xuân-Lik Thox cxêik nhênhv)

Lào Cai: Hlôngr yiêz nhoz thax tsav đêx liêz ntưk lol têz qơưk VN.

Têx hnuz kaz hli 2, pax câuk nhưx tơưs liêz vok trơưk 2 saz ntus cêr đriv têz niêv đêx liêz, lok pêv hâur đêx txos jok Lũng Pô, xã A Mú Sung, huyện bát Xát, tỉnh Lào Cai.

Hâur têx hnuz ntux yar sor sơưr, têx tsơưz, vax txir mo môngk, têz txir thênhx caz tsôngv box chos hloz lox blôngx njuôz xưz xiêz, iz ndis  60 ntâu luz tsêr nhoz uô cê yênhx iz jok Hmôngz jông jav. Sơưr njiê seiz luz tsêr yiêz tsênhv cxiv uô zuôr tiêr, tix lâus Lik Seo Vưx shir phaz heik, luz tsêr no zos khov têx nhiêx muôs tsơưz uô ntêx tsiêz ntơư tâu xar muôx 800 tsov lok uô. Têx chuôz zis nhoz iz ndis, ziv tưs cux tâu sâu. Luz nênhx nhiv no pir li têx hnuz nhoz Dìn Chin, Mường Khương, thâuv tsi tâu yêik lol nhoz no mak tưz hlôngr yiêz ntâu:

“Thâuv ntêx nhoz Dìn Chin, đêx hâuk, xênhz huôx, cêr mul lok lok six phiv liv cơưk. Thâuv têz qơưk muôx tsênhv chei yêik txar qơư nhoz trâu tsôngv box huôv tsar uô nox, pêz yêik lol nhoz thax tsav no. Nhoz no mak jông đuô, kinh tế jux juk cux tsar ndê, tsôngv box hla đhâu yeiz pluôs”.

Đhâu tir ntâul trok châuz tsưx phưv têz qơưk shông 1979, thax tsav Lũng Pô zos iz suôv qơư tsi tâu muôx lênhx tưs nhoz, iz chas têx tuz lênhv pênhz phax, chuôs li tsi muôx lênhx nênhs tưs tuôx txos hlo. Tax txos trâu thâuv têx shông 2000, đhâu têx jiês yêik txar qơư nhoz trâu tsôngv box txix thax tsav txov nhêv lok, cêr uô nox uô hâuk thiêx jux juk huôv tsar nhoz thax tsav ntus đriv no. Thiêz txix ntơư, hâur hur si cêr huôv tsar co, thâuv tưs tưz muôx têx lênhx canr bôv, chiến sỹ pênhz phax niêx hnuz niêx hmo nhoz đros đreiv tsôngv px hâur jok. Đại úy Phạm Ngọc Tuệ, Chính trị viên Zênhx pênhz phax A Mú Sung heik pâuz:

“Hâur têx shông đhâu, Đảng ủy, Ban chỉ huy Zênhx pênhz phax tưz phênhz côngz canr bôv, chiến sỹ uô lơưr tsưr ziv 3 nhoz, 4 đros, tsi so nhoz đros tsôngv box hâur thax tsav ntus đriv, đros tsôngv px huôv tsar kinh tế-XH, cxuz cêr yeiz pluôs, txix ntơư paz tsôngv px sưv jông đuô đros têx tuz lênhv pênhz phax, đros têx tuz lênhv uô jông hâux lưv tsưx phưv truôx đriv têz”.

Trơưk li zơưv Ma Seo Củi, Chủ tịch Ủy ban xã A Mú Sung, txơưv nhiv kruôr yênhx lix tâu 10 ntâu shông, taz sik Lũng Pô nhiv no tưz yênhx jok “chi cax” hâur xã, đros thiêz xav kror đruôz đraz iz lênhx nênhs sâu tâu 60 ntâu tsov đeiv iz shông, paz cxơưz uô tâu sei luôs hâux lưv cxiv tsa jêx jok yiêz. Hâur por hưv, tsưr phưv jông thax tsav ntus đriv têz qơưk, Lũng Pô cux tâu ntâuk grê zos thax tsav truôx tuk đros thiêz têx nuv uô tâu jông li “Jok truôx njês-chuôz zis tsâu sor”, “thax tsav tsôngv box muôx cêr sik thôngx siêz jông, siz chos tsưx phưv thax tsav ntus đriv”.....

“Tsôngv box tưz to tâuz thiêz pâuz tâu têx chei, cui tinhv đriv têz, gra siêz txux chi tsưr ziv lok sâuv tsưx phưv truôx ntus đriv, tsi so đros bôv đôiv pênhz phax qênhz shuôs, pâuz tâu qênhx shênhx đriv têz. Thâuv muôx têx tuk tsi yưv siv hâur thax tsav mak tsôngv box tưz heik zênhx max trâu hâu nov ntơưv qơư thiêz Zênhx pênhz phax pâuz chiê sik đros đơưk tu, uô li chas cov taz por truôx jông thax tsav đriv têz, txix co cux muôz jông six hơưv trâu tsôngv box sđ tso siêz huôv tsar uô nox uô hnar”.

Iz kro lar heik txos, kaz shông 2017, jok Lũng Pô đros jok Thủy Tào, xã Dao Sơn, huyện Hà Khẩu, tỉnh Vân Nam, Trung Quốc tưz tsưr tsix ntênhs 2 jok sik thôngx siêz siz paz chiê sik đros paz cxiv tsa ntus đriv Việt-Trung hux fênhx, truôx tuk thiêz huôv tsar.

Tuôx txos A Mú Sung hnuz no, suôv qơư ndêx cxok kuôk cêv đriv têz đros trâu têz qơưk qix đei liêz pês vos hâur thax tsav ntu yuôv, zos txox cêr yuôv niêv đêx Liêz ntưk lol têz qơưk VN zos thax tsav jok Lũng Pô jông jav, nox nhoz njiês to.  Suôv qơư co muôx tsi pâuz pêk tsơưs tsôngv box têx cêr shir phaz, đros trâu têx lênhx têk txơưx têk gruôs thiêz tsi tsơưs chor tuz lênhv tưz tâu tas siv nênhx viv têz qơưk, viv tsôngv lax px li têx côngz đas jos, trox nyar krêz phaz, tsưx phưv uô tâu./.

(An Kiên-Riê Lâux cxeik, nhênhv)