Jax sâu thưr thưr 3, hnuz 28/3/2017

Lào Cai: Zuôr sir jos zok nriêr cov tâu qir tiv uô têx txir pur lux trâus tuôs tas ntâu

    Trơưk li zơưv Lê Ngọc Dương, Phưv Giám đốc Sở tênhx qơư tỉnh lào cai, txix hnuz 20/3 txos nhiv no, đoanx côngz xưv liên ngênhx hâur tỉnh tsênhv uô luôs hâux lưv qênhz yuôx, njuôk shuôs ntâu qơư hâur thax tsav Bản Lầu chiê pâuz tsênhz qir tiv, viv đhâu thâuv ngênhx kôngz nuv suô luk hêik lok têx txir pur lux trâul tuôs ntâu tsi zos caz tho nox uô ruôr hiêv mak qir tiv muôx têx zos trâus chuô tưx uô ruôr hiêv.

    Iz chas ntơư, đoanx côngz xưv cux chêx tsôngk qênhz yuôx têx luôs hâux lưv cux li Công ty Tứ Đỉnh têx nuv uô xưv lik têx vuôz tsuôz, kiêk nênhs tênhx qơư ntơưv tsêr meir tsiv uô kuôr hlâu Bản lầu, viv tas nro thax tsav têx txir pur lux trâul tuôs ntâu co puôr lênhx zos nhoz iz ndis thax tsav tsêr meir. Zơưv Lê Ngọc Dương heik pâuz, đoanx côngz xưv zuôr sir jos tas zuk txux chi tsưr ziv, hâux lưv chiê zok nriêr cov tâu qir tiv seiz zos viv li chas:

"Pêz hâux lưv uô kaz zos tsuv pâuz mênhx qir tiv uô trâu têx txir pur lux trâul tuôs tas ntâu chiê nhênhz chơưv trâu tỉnh. Zos cik txos qơư tưs mak qơư ntơư tsuv pâux nzir, khưx phưx têx trâus uô hiêv thiêz zos uô cxâuv mak pêz heik cov muôz tik cêr cxâuv trơưk đreiv li chei têz qơưk".

Yuôr đros ngênhx kôngz nuv, Chi cục seiz car tsơưr lươngv kôngz lôngk thiêz shuôz njêk tỉnh tsênhv taz tov uô hâux lưv phênhz, qênhz shuôs chiê xav tinhv seiz pok taz por tsơưr lươngv. Cơ quan muôx vax huôv cux heik tsôngv box sơưr đơưk tsuv tror truôx siêz huôv tsar uô nox. Zơưv Vi Văn Phát, Phưv Chi cục tsar Chi cục tsêz chos kôngz thiêz por vêv đrox tsuôs tỉnh Lào Cai heik:

"Têx têz txir pur lux trâul tuôs tas 70% ntâu mak pêz zuôr heik tsôngv box cov muôz ro por tsês, suô têz đu lus, hur si tsik chos lơưv. Hok têx têz tsi trâul tuôs ntâu mak heik tsôngv box tror tu chiê têx pur lux hloz huôv tuôx. Têx liêx  têz muôx zuz kôngz trâus uô ruôr hiêv mak zênhx max heik tsôngv box tror tsêz uô đuô zuz sâuv têx yar tiêx lok sik hâur têik chiê chos cov ndar tâu six hơưv".

Jiês uô hâux lưv muk qênhz shuôs tsênhv tsênhz ntơưv thax tsav qơư muôx têx txir pur lux trâul tuôs hâur hnuz 20/3, Phưv Chủ tịch UBND tỉnh Lào Cai Lê Ngọc Hưng heik Công ty Tứ Đỉnh tsuv zênhx max khưx phưx têx uô tsi tâu tâu jông, hâur ntơư muôx têx tsênhv njiêz lok sâuv tênhx qơư mak uô ntêx co tỉnh tưz heik txix shông 2016. Zos Công ty tsi  uô jông lơưr têx chei, cui tinhv, tỉnh zuôr tsi puz đêx, tsi puz tênhv tênhz trâu zôngv thiêz tsi khênhr uô hâux lưv tsiv uô têx kuôr hlâu....

Zơưv Lê Ngọc Hưng cux heik, lok sâuv six hơưv ntêr mak Công ty cux tsuv nhênhz chơưv yeik txar tsêr meir lok sik iz cxiê luôs hâux lưv uô lok trâu têx thax tsav qơư công nghiệp hâur tỉnh chiê taz por tênhx qơư hur si, tsi trâus kiêk nênhs, vuôz tsuôz./.

                     (An Kiên-Riê Lâux cxeik, nhênhv)

 Phênhv thưr 3 hnuz 28/3/2017

Phênhv: NÔNGX MÊNHX ZUÔR TSUV PÂUZ

                    Luk Hmôngz (số 2)

                    Nta suôz hnuz    hli   shông 2017

                    Nhạc hiệu chuyên mục “Nhà nông cần biết”

Tsôngv pox nhuôs sơưr đơưk hmor yuô! Lý văn Tính nhoz jok Khuổi Phầy, xã Hồng Thái, huyện Na Hang, tỉnh Tuyên Quang nhiv no zos tsưr qơư tu zus nhux tưv tros thiêz sha mê nhuôs, tsiv gri xar muôx 1 tiv đêiv. Zâuv pox nhuôs sơưr đơưk nriêr pâuz lok tix lâus Lý Văn Tính chuôz zis li tsưr ziv tu zus nhux tưv tros đhâu jax sâu đrav kaz.

Tu zus nhux tưv cov tros maz

    Xênhz zus hâur iz ziv chuôz zis pluôs, Lý Văn Tính pâuz tâu têx cêr txov nhêv ntơư, viv li txix ciês thâuv tsênhv cơưv ntơưr tix lâus tưz truôx siêz bo sir jos cơưv, tsês chiê txux chi, tsưr ziv sir zôngv trâu huôv tsar kinh tế chuôz zis.

Jênhv pâuz tâu jok Khuổi Phầy phênhv ntâu zos tox trôngz, muôx ntâu jâuz tâux, huv đros tu zus tsiêx cxu, tiv zix zos zus nhux tưv; viv li tix lâus tưz sêiz lax đros chuôz zis chiê yưv pênhr zuôr nhux tưv chox lok huôv tsar tu zus. Tix lâus tưz tsik so sir jos nriêr pâuz, cơưv shâuv chênhz zênhv txix chor tsưr ziv huôv tsar tu zus nhux tưv. Txos nhiv no, zơưv chuôz zis chor tưv tưz muôx 27 tuk thiêz grê tưv muôs hâur ciêz đrôngs txix 20-35 triệu đêiv iz tus, tas nro ziv chuôz zis li chor nhux tưv tsiv gri xar muôx 1 tiv đêiv.

    Phêiz kênh lok chênhz zênhv chiê uô thiêz huôv tsar tsưr ziv zus tưv, tix lâus Lý Văn Tính puz pâuz: Tix lâus cxiv uô tsêr guôx truôx jông “sor chêix ntux no, lax trâu chêix ntux sor”, đhâu co piz huôv tsar tu zus nhux tưv. Chiê muôx tâu ntâu nhux tưv jông, tix lâus piz huôv tsar nhux tưv txix xêir tsov tuk lox, muôx jos. Đros ntơư, tix lâus tsênhv chos tâux chiê bax jâuz trâu nhux tưv nox, tiv zix zos tix lâus Tính tưz cxax yuôx cxix cxuô nhux tưv, tsik chiê trâus cik caz moz ơưk. Viv li, nhiv kruôr đhâu, txơưv jêx tưv grêk lok six kik taz sik khov muôx cxuô zav jâuz, tâux trâu nhux tưv nox thiêz tsêr guôx tâu thêir vor uô truôx jông viv li tix lâus chor nhux tưv cux tsik trâus cik caz moz ơưk.

   Iz chas huôv tsar uô bluô nux trâu chuôz zis, tix lâus Tính tsênhv sir jos paz trâu chor chuôz zis txơưr đuô muôx luz nênhx txov nhêv huôv tsar kinh tế. Đrâuv paz lok kỹ thuật tu zus, muôl muôs nhux tưv, hâur têx shông đhâu tix lâus tsênhv paz chor chuôz zis hâur jok tu zus uô cê, uô lơưr tix lâus Tính thiêz muôz nhux tưv puz trâu chor chuôz zis pluôs đros tu zus cov tros. Đhâu muôx 3 hli, thâuv nhux tưv tưz tros mav muôs, kror liv đhâu thâuv xav tas cxuô zav mak zuôr tâu phêiz đraz. Đros tsưr ziv no, tsik tsơưs chor chuôz zis hâur jok muôx nzir phênhv sâu tâu nhiêx txiêx chox lok paz trâu chuôz zis truôx tuk luz nênhx, hla đhâu cêr pluôs jux juk.

    Zơưv Hoàng Văn Tài, Bí thư chi Bộ jok Khuổi Phầy puz pâuz: tix lâus Lý Văn Tính li tsưr ziv tu zus nhux tưv tưz paz uô hlôngr yiêz pêx xênhv li jênhv pâuz, nhiv no pox nhuôs tưz tsov cưv txos côngz xưv thú y. pâuz tsưr ziv tu zus nhux tưv huv kỹ thuật.

Phênhv “Nôngx mênhx zuôr tsuv pâuz” ciêz no, zos Đaix TNVN sik côngv đros tsênhv qơư z cxiz uô kôngz têz qơưk uô./.

                                                                   (Lik Thox cxêik nhênhv)