Jax sâu thưr 5, hnuz 28/4/2016:

Lai Châu cxươz cxiz chor nênhs siêz jông muôz pênhr nhiêx cxiv uô hâur thax tsav

          Nus: Cur nus cox mê njik, uô li cox xav li chas lok luôs hâux lưv cxươz cxiz chor nênhs siêz jông muôz pênhr cxiv uô trâu thax tsav tỉnh Lai Châu hâur ntu đhâu?

          Têz: Hâur ntu đhâu, hâu nov tỉnh Lai Châu, thâuv tưs cux moz siêz txos luôs hâux lưv cxươz cxiz chor nênhs siêz jông muôz pênhr nhiêx tuôx cxiv uô hâur thax tsav tỉnh thiêz hlôngr yiêz uô têx ntâuz ntơưr, tso tơưv tsênhv chêi cxiv uô hâur thax tsav cov huv đros. Đhâu ntơư, tưz muôx ntâu chor nênhs siêz jông muôz pênhr nhiêx tuôx cxiv uô trâu thax tsav tỉnh Lai Châu.

          Txix phêiz tỉnh shông 2004, txos trâu nhiv no, Lai Châu tưz muôx 124 dự án, 215.542 tỷ. Ntơư zos cxiv uô tsêr máy tênhv tênhz, chos ntông tso cuô mik, chos ntông yuôx zêx….

          Nus: Hâur ntu zuôr txos, Lai Châu zuôr uô faz tsưr ziv tưs cov muôx chôngz lênhx nênhs siêz jông muôz pênhr tuôx cxiv uô trâu thax tsav tỉnh?

          Têz: Tỉnh Lai Châu cux thôngx ziv iz cxiê faz tsưr ziv uô. Kror tiv 1 zos uô jông trơưk cxuô tsênhv chêi, cxươz cxiz cxuô lênhx nênhs siêz jông muôz pênhr tuôx cxiv uô hâur thax tsav tỉnh. Kror tiv 2,  hlôngr yiêz uô têx ntâuz ntơưr cov huv đros; kror tiv 3, muôz pênhr cxiv uô vax tsêr, cxiv uô cêr muk lok; kror tiv 4, gra siêz tsưr ziv sêiz car cxuô cơ quan đros sêiz kaz luôs haux lưv muôz pênhr nhiêx cxiv uô.

          Nus: Tỉnh tsuv cxươz cxiz muôz  pênhr nhiêx cxiv uô luôs hâux lưv tưs uô ntêx?

          Têz: Đhâu sêiz njuôk shuôk tsênhz mênhx, tỉnh cux xav tâu cxuô dự án cxiv uô hâur ntu zuôr txos. Kror tiv iz zos huôv tsar tsêz chos kôngz lôngk; chos shôngz ntông; kror tiv oz zos, cxiv uô qơư zuôr muôs hax huv,  cxiv uô qơư jiv blôngx njik yuôx zêx, tsêz chos blêx; dự án huôv tsar tu zus shuôz njêk sâuv pak đêx tênhv tênhz Sơn la; pênhr nhiêx cxiv uô du lix jôngr ntông.

          Cxuô tsênhv chêi, chor nênhs siêz jông muôz pênhr nhiêx tuôx cxiv uô trâu thax tsav tỉnh Lai Châu, cux tâu tỉnh muôz ar cxiv uô; txo grêk tsơưs thêv sê thiêz tâu tỉnh paz lok khoa học công nghệ; paz cxiv tênhv tênhz; qơư gruk đêx, cêr muk lok....

          Uô cox tsâus ntâu!

                                                             (Tsu cxêik, nhênhv-Khắc kiên)

Phênhv thưr 5 hnuz 28/4/2016

Sir jos uô nox txix thax tsav phiv liv

Tix lâus Tòng Văn Xương, xênhz zus hloz lox nhoz jok Huổi Khăng, xã Sốp Cộp, huyện ntus đriv Sốp Cộp, tỉnh Sơn La. Cux xưk li ntâu ziv chuôz zis hâur jok, txơưv sir jos uô yênhx shông taz sik luz nênhx cux txov nhêv, tiv sưv đros tsưr ziv uô kuz, nriêr tsik tâu tâu tsưr ziv huôv tsar kinh tế chuôz zis truôx. Jênhv pâuz tsênhz kror no, tix lâus Xương piz zok nriêr tsưr ziv uô nox đhâu ntâuz ntơưr chiê nriêr cêr uô nox huv trâu zuk chuôz zis. Kaz shông 2014, thâuv tâu cxaz chuôz lớp cơưv shâuv uô tsưr ziv “Zus kêiz ntês kê đros mêir puos kê hâur ziv chuôz zis” zos trạm cxơưz cxiz uô kôngz huyện tsưr tsix, tix lâus Xương tưz xav jênhv tâu tsưr ziv uô nox li cơưv tas co. hli 3/2015, tix lâus sêiz lax đros pov niêv mê nhuôs txêik cưr tix nênhs tsa sơưr đơưk tâu 20 triệu đêiv chiê zuôr mêir lok phưx vưv pox nhuôs hâur thax tsav. Tix lâus Xương puz pâuz: 21 hnuz puôs mak tâu iz jas, iz jas muôx 120 luz kê. Hâux lưv no mak tsuv uô jông lơưr tsưr ziv, tsik so qênhz yuôx, tiv zix zos txix 8-10 hnuz mak tsuv tsov sêiz kê, zos luz tưs tsik jông mak muôz por tsês ciês. Uô jông uô viv li chor kêiz ol tâu tix lâus xuôk mêir puôs đâus lok puôr lênhx muôx jos, kê đâus ntâu. Lok tsưr ziv uô no tix lâus Xương puz pâuz:

“Thâuv ntêx no mak tu zus tsơưs thiêz zus tsuôk zos trâu zuk zôngv xưz. Nhiv no lơưr pox nhuôs zoz qơưx thiêz xã hội mak chuôz zis tưz cuêz tênhv cxiv uô kror qơư no chiê cungz nôngz trâu hâur thax tsav, tiv 2 zos huôv tsar kinh tế ntâu đuô”.

Chuôz zis yuôr ntâu ar, tix lâus tưz yưv pênhr muôx 10 triệu đêiv ntâu chiê thêir xor uô qơư tu zus kêiz ol đar muôx 400 yiv ndis, đros 260 tuk pox kêiz Lương Phượng thiêz 20 tuk lâu kêiz tiv phaz. Lơưr tix lâus tsưr ziv, paz kêiz huôv tsar jông. Iz hli mak iz tuk pox kêiz ntês txix 25-30 luz kê. Nhiv no tix lâus li qơư tu zus thâuv tưs cux muôx zuôr xar 2.000 tuk kêiz nông cê chiê zus cê muôs, muôx txâuk kê chiê phưx vưv trâu thax tsav thiêz chor kêiz muôs grêix tsơưr lươngv siêz. Iz shông, yưx tas cxuô zav tix lâus sâu tâu muôx 200 triệu đêiv. Txix iz chuôz zis txov nhêv, txos nhiv no tix lâus Xương chuôz zis tưz zos chuôz zis muôx bluô nux hâur jok. Lơưr tix lâus Xương: Chiê tu zus yênhx côngz, tsuv tsov cưv cxax yuôx phax tar caz moz trâu kêiz, cxaz nzir cxuô zav vitamin paz trâu kêiz muôx jos. Tix lâus Xương puz pâuz nzir:

“Nhiv no paz kêiz huôv tsar sêi, ntês cê tsik so, tưz muôz lok trâu mêir puôs 3-4 jas. Chor kêiz paz xuz thơưx cux tưz muôx 1 txos 2 cir. Ntux zuôr txos, tix lâus chuôz zis zuôr kriz đar thax tsav tu zus chiê qơư zus lox đar đuô, paz muôx kinh tế ntâu đuô trâu chuôz zis”.

Pov tix laus Xương li tsưr ziv uô muôx chêx cur, ntâu pox nhuôs hâur jok cux cơưv shâuv uô trơưk thiêz tâu tix lâus sir jos paz zuz nôngz, kỹ thuật tu zus kêiz. Pos Trần Thị Ngọc-Trạm trưởng trạm cxơưz cxiz uô kôngz huyện Sốp Cộp, tỉnh Sơn La puz pâuz:

“Tsưr ziv uô zos paz uô muôx zuz nôngz cungz trâu pox nhuôs hâur thax tsav, tâu pox nhuôs thôngx ziv thiêz sir jos đros uô”.

Tix lâus Tòng văn Xương li tsưr ziv tu zus kêiz no tưz paz trâu pox nhuôs hâur thax tsav muôx nzir iz tsưr ziv huôv star kinh tế chuôz zis huv đros. Kror no zuôr paz trâu tix lâus thiêz pox nhuôs sir jos uô nox ntơưv thax tsav phiv liv li no./.

(Triệu Biên-Lik thox cxêik nhênhv)