Điện Biên: Tsi chiê tsôngv box trâus yeiz hâur cheix kôngz lôngk tsi tâu siêr

Qiv hơưv txơưr txar ntâu, ntux kruôr gis ntêr, chiv cheix tsêz no, niêv lâuk Ly Thị Kía chuôz zis nhoz jos Tiêx Grênhz, xã Keo Lôm, huyện Điện Biên Đông li chor blêx sâu tâu txu gris ntâu. Cheix kôngz lôngk tsi tâu siêr shông no, tas nro chuôz zis muôx 6 lênhx nênhs viv li muôx tsi txâuk zav nox.

          Chênhr viv li, thâuv jênhv tâu 90 cir cxur chơưv yeiz cxôngx têz qơưk li phênhv cxur cxênhx tsês, niêv lâuk thiêz têx lênhx nênhs hâur tsêr lok six jông siêz, viv chor cxur no zuôr paz chuôz zis hla đhâu têx luz hlik zuôr txos. Niêv lâuk Kía pheiz kênh, thâuv tos sâu chiv blêx zuôr txos, đrâuv chor xcur tâu paz txưv, niêv lâuk oz niêv txir cux zuôr sir jos mul uô jos chiê muôx cxaz phênhv sâu trâu chuôz zis:

          “Ntux tsi lok nas viv li cux uô liêx têz xưz, tsi muôx liêx đêx uô viv li muôx tsi txâuk nox. Shông no tâu têz qơưk paz txưv cxur li no cur lok six jông siêz viv zuôr paz tâu cur chuôz zis nox hâur 3, 4 luz hlik. Six hơưv tsênhv yuôr mak khov txos cur chuôz zis mul uô jos chiê muôx cxaz phênhv sâu”.

          Zơưv Cơưv X Ly, Tsar jos Huổi Múa, xã Keo Lôm, huyện Điện Biên Đông puz pâuz: têx shôngk đhâu, tâu Đảng, têz qơưk tsov cưv thôngz đhâu têx chính sách txu grês cêr pluôs, nox nhoz xã hội, tsôngv box hâur jos luz yênhx trus tâu hlôngr yiêz.

          Taz sik, shông no muôx ntâu ziv chuôz zis nhoz jos trâus cheix thâuv kôngz lôngk tsi tâu siêr. Qir tiv zos viv hâur đaz shông 2019, qiv hơưv kruôr gis ntêr, caz hmoz uô hiêv kôngz lôngk, viv li pox nhuôs li ntâu mênhv chêx sâu tsi tâu tul tsi. Tâu Đảng, têz qơưk paz cxur hâur six hơưv no, uô tsôngv box hâur jos, hâur xã puôr lênhx pov sor siêz đuô, njênhs njôngr lok Đảng, têz qơưk li tsov cưv:

          “Shông 2019 nhiv kruôr đhâu, ntux kruôr gis ntêr, caz uô hiêv kôngz lôngk, viv li tsôngv box thiêx trâus yeiz. Têz qơưk paz txưv cxur trâu tsôngv box li no mak jông hênhr lơưv, pêz lok six jông siêz”.

          Lơưr zơưv Nguyễn Thế Long, Phưv tsar Phongx chính sách saz pênhz thix xênhz thiêz pov tsơv xã hội (Sở lox tôngv saz pênhz thiêz xã hội tỉnh Điện Biên): đraz hli 2 nhiv kruôr đhâu, Thủ tướng chinhr phuv cuiz tênhv thôngz đhâu paz txưv 1 cxênhz 5tênhr cxur chơưv yeiz trâu 14 cxênhz 200 ntâu ziv chuôz zis, đros muôx nhos 67 cxênhz lênhx nênhs nhoz ntơưv têx tiv phaz hâur tỉnh Điện Biên.

          Cxur tâu muôz zos cxur txuôv, jông, tsi tuôx pưv, tsi trâus caz nox, tsi muôx yuôx por coar....Thâuv muôz cxur tas, têx huyện thành zuôr yênhx lix đoanx côngz xưv mul txos yênhx xã, yênhx chuôz zis qênhz yuôx, seiz car hâux lưv zôngv cxur chơưv yeiz, tsi chiê muôx yưv hâux lưv tsi jông thâuv muôz cxur cux xưk li sir zôngv cxur:

          “No zos têz qơưk li phênhv paz txưv zuôr trâus chiê taz por nox nhoz xã hội sâuv thax tsav. Ciês thâuv jênhv tâu cxur cxôngx Cục cxênhx tsês cxur têz qơưk thax tsav Tây Bắc pêz zuôr muôz trâu tsôngv box. Taz sik nhiv no sâuv thax tsav têx huyện tsi muôx qơư tsês chiê, viv chor cxur tâu paz lok six ntâu, lok six lax ntiêr tâu yêz thâux. Pêz cux thix ziv Cục cxênhx tsês cxur têz qơưk thax tsav Tây bắc thâuv muôz cxur mak tsuv taz por six hơưv trâu têx tiv phaz chiê taz por cê uô jông côngz xưv muôz cxur cê uô jông têx jênhv vưv chinhr trị txơưr”./.

(Vũ Lợi-Txâur Vax cxeik nhênhv)

Tu têx tsoz chos hâur chêix ntux yar cuz

Nam: Chiêx yar ntux cuz sor mak ar zuôr nông tsik tâuk, chiê muôx txâuk đêx trâu chor ntông hâur luz chêix no, tsuv zưs đêx trâu tsoz chos 2 jiês iz hnuz thâuv sơưr nzor thiêz zar zuôr tsâuk ntux.

Nữ: Tsik zưs ciês đêx trâu chor blôngx tsoz chos, viv chor tênhr đêx tsênhv nhoz sâuv têx blôngx ntông thâuv yar ntux cuz tuôx, zuôr sor cuz uô chor blôngx njưl thiêz tuôs. Zos zưs đêx ntâu đhâu trâu tsoz chos cux zuôr uô trâu ar nông siêz thiêz zuôr uô trâu têx caz hmoz huôv xênhz uô hiêv txos tsoz chos.

Nam: Zos têx ar xưk li suôz jêz, chor ar tuôr tâu đêx tsơưs, tsuv zưs ntâu đêx đuô cxuô zav ar txơưr. Chor ar txơưv zuôr jông luôx tưs cux tsik zov chênhr bâuv li muôz têx nhaz blêx tso trâu sâuv chor bông ar chiê txo grêk tsơưs chor đêx hâur ar uô pa za tas.

Nữ: Yar ntux cuz sor tsik zos six hơưv jông chiê txiêr chês thiêz trâu qir. Zos têx blôngx ntông njưl mak tsik cxoz muôz txiêr por tsês thâuv yar ntux tsênhv cuz sor. Co zos kror chiê chor ntông por vêv trâu zuk thiêz paz uô trâu têx ntông lax đuô. Taz sik zos jêx tưv tưz grêk kik, chor blôngx ntông cux tsik tror njuôz tuôx jông li kuz, tsuv qênhz shuôk têx ar nông muôx hâur ar thiêz zưs nzir mê njil đêx trâu chor ar co.

Nam: Paz uô muôx nzôngr nzông thiêz lax trâu tsoz chos, zos iz kror tsưr ziv jông paz trâu chor ntông hâur chêix yar ntux cuz sor. Uô li co zuôr paz txo grêk tsơưs chor yar ntux jiêz txos trâu ntông. Tsuv tsov cưv txos nzôngr nzông co siêz lok zos kik, zos đêiv thêir co tsâuk thiêz nhoz jê ar hênhr mak zuôr uô trâu ar sor cuz đuô, tiv đêiv ntâuz thêir vor co zuôr uô jêx tưv sor đuô./.

(Thu Thùy BT-Lik Thox cxêik nhênhv)