Lai Châu sir jos kruôz kriê tsưr ziv phax, tar trâus pôngz đêx trâu chor shux xênhz hâur tsêr cơưv ntơưr

Zơưv Tao Văn Khăm, tsar jok Pa Pe, xar Bình Lư puz pâuz: đhâu muôx têx tuz nhuôs hâur jok trâus pôngz đêx, jiês cơưv tưs, jok cux muôz tsênhv njiêz phax, tar chor mê nhuôs hâur jêx jok trâus pôngz đêx lok hêik kriê trâu pox nhuôs sơưr đơưk pâuz:

“Ntơưv no mak jiês cơưv tưs cux tsuv yax kriê, tiv zix zos chor nhuôs zâu tsik so muk đa đêx, đêx mak ho muôx nhoz tas nro iz ndis jêx jok. Zuk tsuv yax kriê trâu chor uô niêv, uô txir pâuz tâu, viv chuôz zis tưs cux muôx mê nhuôs zâu, viv li chêix so sor mak jok puôr lênhx yax kriê tsik so. Nyêi tsav pox nhuôs sơưr đơưk tsik ndo kaz txos, viv li xar muôx iz ciêz mak tsuv tror hêik iz jiês, tiv zix zos chêix ntux nas mak tsuv hêik kriê cov ntâu đuô”.

Txis hâur shôngk shông cơưv txos nhiv no, chor jiês cơưv thể dục thiêz xênhz huôx thâuv kaz ciêz, Tsêr cơưv cxênhx iz Bình Lư, huyện Tam Đường tsik so kriê nzir tsưr ziv uô nênhx trâu shux xênhz. Hâur co, moz siêz txos kruôz kriê trâu chor nhuôs cov uô nênhx sưv đros têx zênhx muôx ntơưv zuk qơư nhoz chiê paz txo grêk tsơưs txiêz nanv trâus pôngz đêx.

Cưk kriê ntơưr Dương Thị Minh Huệ, Hiệu trưởng Tsêr cơưv cxênhx iz Bình Lư puz pâuz: tsêr cơưv ntơưr nhiv no muôx 24 lớp, 500 ntâu lênhx shux xênhz thiêz 4 qơư tsêr cơưv zâu. Chiê phax, tar txiêz nanv trâus pôngz đêx trâu shux xênhz, tsêr cơưv ntơưr tsik so sik thav đros chor shux xênhz niêv txir đhâu chor jiês cơưv đros shux xênhz niêv txir lok sik đhâu zalo; shux xênhz mak cux tsik so tâu tsêr cơưv ntơưr yax kriê hâur chor jiês cơưv, chor jiês xênhz huôx lớp.

“Uô ntêx thâuv chor shux xênhz zuôr muk tsêr mak cưk kriê ntơưr tsuv hêik kriê chor nhuôs hur si. Muk đhâu têx đêx, muk đhâu qox mak tsik nhoz đrêk ntơưv têx qơư co thiêz tiv zix zos tsik tsuv muk đa đêx. Zos xar muk trâu ntơưv têx đêx lox mak tsuv muôx niêv txir đros muk viv lok six phiv liv. Chiê têx hnuz so, chor shux xênhz tsik muk uô si jê ntơưv têx đêx lox, pêz cux tưz uô têx qơư uô si trâu ntơưv têx tsêr cơưv ntơưr, đros muôx chor nênhs sêiz jor, por vêv tsêr cơưv sêiz shuôk jông”.

Zơưv Hoàng Văn Phưởng, Chủ tịch UBND xar Bình Lư, huyện Tam Đường puz pâuz: đrâuv xar muôx 30 ha pak đêx mak tas nro 15 jêx jok sâuv thax tsav, oz tuk đêx lox zos Nậm Dê thiêz Nậm Pe puôr lênhx ntưk lok đhâu. Viv li, phiv liv trâus pôngz đêx cux zos iz kror zôngx ziv muôx.

“Nhiv no pêz cux tsênhv hêik trâu pêx xênhv thiêz chor tsêr cơưv ntơưr pâuz, đros chor shux xênhz mak cê kruôz kriê đros trâu uô têx tsưr ziv kruôz hêv; chiê cov taz por ngaz tuk trâu chor shux xênhz. Hok đros thiêz chor jêx jok mak pêz cux tưz kriz uô ntâu tsưr ziv. Iz zav li têx kror qơư tưs phiv liv mak pêz tưz hêik trâu sơưr đơưk pâuz phax tar jông tsav muôx yưv trâus pôngz đêx”.

Thôngz sâu hâur 2 shông tror lok no, ntơưv huyện Tam Đường muôx zuôr xar 30 lênhx nênhs trâus tuôs tiv pôngz đêx; hâur co muôx 12 txuz zos chor nhuôs zâu, uô 14 lênhx nhuôs trâus tuôs. Chiê kruôz kriê tsưr ziv phax, tar trâus pôngz đêx trâu chor shux xênhz, nganhx Zoz zux ntơưv qơư tưz tso tas nro chor cưk kriê ntơưr thể dục muk cơưv uô luôv đêx chiê lok kriê trâu chor shux xênhz hâur têx tsêr cơưv ntơưr sâuv thax tsav. Đuô li, yênhx shông, nganhx puôr lênhx sik côngv đros Hôiv chữ thập đỏ huyện kriz chor lớp kriê lok côngz xưv phax, tar trâus pôngz đêx thiêz têx txiêz nanv trâus saz txơưr đuô trâu chor tsêr cơưv ntơưr.

Pos Nguyễn Thị Thủy, Phưv Trưởng phongx Zoz zux huyện Tam Đường, tỉnh Lai Châu puz pâuz:

“Chor tsêr cơưv ntơưr hâur huyện puôr lênhx tsik tâu muôx pak đêx chiê uô luôv đêx. Viv li kriê trâu shux xênhz uô luôv đêx mak pêz kriê ntơưv têx pak đêx nhoz jê iz ndis tsêr cơưv ntơưr. Đros têx qơư jông li co mak cux tsik tâu jông thiêz cux muôx yưv ntâu kror phiv liv. Pêz cux hêik trâu cxuô cấp, cxuô nganhx tsuv moz siêz txos yưv pênhr paz trâu têx tsêr cơưv ntơưr chiê uô têx pak đêx trâu chor shux xênhz cơưv uô luôv đêx cov ngaz tuk đuô”.

Txơưv nganhx zoz zux thiêz chính quyền ntơưv qơư nhoz Tam Đường hêik taz, tỉnh Lai Châu hêik cxuô tưz sir jos kruôz kriê têx tsưr ziv chiê phax, tar txiêz nanv trâus saz, tiv zix zos txiêz nanv trâus pôngz đêx trâu shux xênhz. Taz sik, đros têx phiv liv muôx tsik txâuk cxuô zav thiêz sir zôngv têx pak đêx chiê kriê uô luôv đêx trâu chor shux xênhz puz pov tiêk trâus pôngz đêx ntơưv thax tsav qơư cux tsênhv zuôr njiz trâus ntâu kror phiv liv./.

(Khắc Kiên-Lik Thox cxêik nhênhv)

Kho moz trưx phax ntơưv qơư nhoz Lào Cai: Paz ntâu trâu nênhs moz pluôs

Trần Duy Thành zos iz lênhx nênhs pluôs trâus moz trưx phax poz ka thiêz tsuv fuô moz. Đhâu thâuv tâu têx bác sĩ Trung tâm ung bướu thiêz Y học hạt nhân Lào Cai seiz njuôs, heik kriê thiêz kho moz ntơưv qơư taz por đros tsưr ziv yiêz, tix lâuk Thành li têx cêr cxơưx cux txu grês tâu phênhv tưs:

“Tâu têx bác sĩ heik kriê fuô moz taz por viv li cur cux heik chuôz zis tso siêz thiêz cuiz tênhv fuô moz”.

Đrâuv tsưr ziv fuô moz poz ka, tsênhv qơư nhiv no cux uô tsưr tsưr ziv kho moz cxôngx tso qơư cxax hóa chất, phuôx huiz chêx cuk jông đros nênhs trâus moz trưx phax mis, trưx phax plaz hnhur tsuv hóa trị ntâu jiês; paz nênhs moz tsi trâus moz ntâu, luz nênhx jông đuô. Nênhs moz Lý Thị Mai heik:

“Thâuv bác sĩ tso qơư chiê cxax hóa chất mak cxax yuôx cux tsi pov moz thiêz. Zos muôx tul tsi tsuv cxax yuôx mak cur cux tsi nyei moz thiêz, tso siêz đuô lok six ntâu”.

Txơưv nhiv kruôr huôx tôngv cxôngx hâur hlik hli 3/2021, taz sik Tsênhv qơư ung bướu thiêz Y học hạt nhân Lào Cai tưz uô yênhx côngz ntâu jiês fuô moz trưx phax li: fuô moz trưx phax plaz, hnhur, moz trưx phax trâuv....Txos nhiv no, tsênhv huôv tsar cxaz iz cxiê tsưr ziv li: sinh thiết lok plaz hnhur, cêr uô pa; uô têx tsưr ziv njuôs siv moz...

Đrâuv co, Tsênhv qơư cux krêz uô muôx chêx cuk côngz xưv kho moz hóa chất, tsoz phưz txu grês moz trâu nênhs moz trưx phax hnhar. Lok six ntâu nênhs moz thâuv tâu kho moz tưz muôx têx jông đuô tuôx. Thạc sĩ Tô Minh Hùng, Phưv giám đốc Tsênhv qơư Ung bướu thiêz y học hạt nhân, Tsêr kho moz đa khoa tỉnh Lào Cai puz pâuz:

“Đros thiêz têx tsưr ziv kho moz tâu uô, pêz zuôr phuôx huiz, yuôr iz cxiê tsưr ziv yiêz đuô mak pêz hu têx chuyên gia txơưx nhoz tsêr kho moz K, tsêr kho moz Bạch Mai tuôx paz txưv, uô li chas chiê nênhs moz tsi tsuv hlôngr qơư kho moz”.

Khov công nghệ, têx zav meir yiêz li paz txưv, côngv đros txu grês hâux lưv muk Trung ương chiê kho moz, kho moz trưx phax ntơưv qơư tsênhv paz nênhs moz nhoz Lào Cai cxênhx txuôk tâu ntâu phênhv nhiêx txiêx tsuv yưv, tiv zix zos đros nênhs moz txov nhêv, tsôngv box mênhx cxưx tsơưs nênhs nhoz tox siêz./.

(An Kiên-Txâur Vax cxeik nhênhv)