Nênhs Cho Quảng Ninh por hưv thiêz huôv tsar chos têx yuôx đrox njuôz ntơưv qơư

Zơưv Triệu Tài Cao nhoz jok Bằng, xã Tân Dân, huyện Hoành Bồ chuôz zis zos iz hâur têx chuôz zis tsênhv tuôr tsês tâu ntâu liêx têz, jôngr chiv xênhz đrox tsuôs thiêz muôx 9 ha ntâu.... Txix shông 2017, zơưv li têx har jôngr tưz tâu xã Tân Dân xeir uô siv chiê huôv tsar  chos têx yuôx đrox njuôz hâur xuz jôngr li: Yuôx đrox njuôz kho moz plaz cêv, nênhs Cho têx yuôx đrox njuôz kho têx moz gênhs txơưr đuô.... Tix lâus Triệu Tiến Lộc, zơưv Triệu Tài Cao tuk tuz heik pâuz:“Nênhs Cho têx yuôx đa zos thâuv lênhx pox niêv nhiv kruôr xênhz zus mê nhuôv tas, tsi tâu muôx đas jos, chor yuôx no zuôr cxơưz paz lênhx pox niêv muôx đas jos sei. Têx yuôx njuôz no phênhv ntâu zos nưk tuôx nưk hâur têx xuz tsuôs taz sik nhiv no têx har đrox har tsuôs phênhv ntâu tưz trâus khơưz, đê tas têx yuôx, viv li zuk cux xar chos đuô chiê por hưv tâu tsês nênhs Cho têx yuôx njuôz jông co, huôv tsar kinh tế trâu têx chuôz zis”.

Tsi tiêk chos thiêz por hưv tsês têx yuôx njuôz jông muôx nhoz ntơưv qơư, tsôngv box Cho nhoz no tsênhv cơưv shâuv tsưr ziv thiêz muôz têx zav yuôx đrox njuôz yiêz lok chos thiêz. Hợp tác xã dịch vụ Kôngz nuv yuôx njuôz Khang Thịnh HB ntơưv jok Tân Lập, xã Tân Dân, huyện Hoành Bồ zos zơưv Bàn Văn Mảo uô tsưr, nhiv no tsênhv muôx iz ha têz chos siv tsoz Sachi-Iz zav tsoz chos jông paz đas jos trâu têx lênhx nênhs moz plơưr, sâur nyar ndê siêz..... Txơưv tiêk nhiv kruôr chos tâu 2 luz hlik ntâu, taz sik têx tsoz Sachi ntơư tưz hloz lox lok six jông thiêz muôx têx zuôr jông sâu đê lok kaz shông no. Zơưv Bàn Văn Mảo heik pâuz, tsoz Sachi muôx têx tâu sâu đê tsi so hâur nhos 20 shông thiêz nhiv no tưz muôx iz cxiê taz viv cir ntơưr nhav sâu zuôr têx yuôx co:“Xuz thơưx, pêz cux tsi pâuz txos tsoz Sachi co, đhâu ntơư pêz cux muk ndis seiz, shuôs têx suôv qơư, thax tsav đrâuv huôv tsar uô nox, mak tror lok, chuôz zis quyết tinhv yênhx lix hợp tác xã, pov tsoz Sachi no muôx ntâu kror jông thiêz hloz lox jông, chiêx tâuk ntêr shông. Tov kaz, tsôngv box muôx têx huôv tsar chos, cxuz tâu cêr yeiz pluôs, lar heik zos thax tsav tox siêz ntơưv no”.

Txơưv tiêk têx sâu tâu tsi yuô ntâu viv nhiv kruôr fuô kriê chos, taz sik têx vax yuôx đrox njuôz no tưz tso pov tsôngv box Cho thiêz hâu nov ntơưv qơư têx sir jos hâur por hưv tsês chiê têx yuôx đrox njuôz jông hâur thax tsav qơư, paz muôx hâux lưv uô, gra siêz phênhv sâu tâu thiêz lar heik zos bax tâu têx yuôx đrox njuôz jông phưx vưv tsoz phưz đas jos trâu tsôngv box. Zơưv Đặng Văn Chương, Tsar Phongx Y tế huyện Hoành Bồ, heik pâuz:“Chiê por hưv thiêz huôv tsar têx yuôx njuôz, huyện Hoành Bồ tưz muôx têx tsênhv chei cxơưz cxiz Công ty, doanh nghiệp, hợp tác xã thiêz tsôngv box yưv pênhr chos yuôx njuôz, paz 50-70% nhiêx txiêx zuz nôngz; 50% nhiêx cxiv uô tsêr jiêz, kra, por hưv têx yuôx; 100% nhiêx cxiv tsa têx côngz trênhx. Thiêz paz nhiêx txiêx uô lơưr têx tsưr ziv yiêz hâur tsiv uô; muôs têx yuôx co chiê yênhx tỉnh li xiv huv jông”.

Luôs hâux lưv chos thiêz tu, sâu đê, jiêz kra têx yuôx ntơưv huyện tox siêz Hoành Bồ, Quảng Ninh zos iz hâur têx tsưr ziv huôv tsar kinh tế txix têx muôx jông ntơưv qơư, paz cxơưz Quảng Ninh yênhx tsênhv qơư yuôx đrox njuôz thax tsav Đông Bắc thiêz hâur hur si têz qơưk. Taz sik, phiv liv lok pênhr, cxix luôs têx côngz trênhx, tsưr ziv chos, sâu đê, jiêz kra têx yuôx....cux tsênhv lav uô iz kro mê njik, tsi tâu xav, heik txos qơư sâu zuôr tsi truôx tuk. Chênhr viv li, lok six zuôr trâul hâu nov cxuô cấp thiêz cxuô ngênhx cik txos cêr moz siêz paz max chiê por hưv tâu tsês ntâu zav yuôx njuôz, huôv tsar chos truôx têx yuôx đrox njuôz jông muôx nhoz hâur huyện  Hoành Bồ, gra siêz luôs hâux lưv huôv tsar uô nox thiêz phênhv sâu tâu trâu tsôngv box./.

(VOVĐB-Riê Lâux cxeik, nhênhv)

Phênhv “Nôngx mênhx zuôr tsuv pâuz”

Têx shông đhâu, phongx yaox pox niêv huôv tsar kinh têr, thiv pluôs truôx đrênhk nhoz huyện Mai Châu, tỉnh Hòa Bình muôx ntâu hlôngr yiêz jông. Txix co muôx yưv ntâu lênhx pox niêv txơưx uô kinh têr, paz muôx phênhv sâu yênhx puô triệu đêiv, gôngr phênhv paz trâu hâux lưv cxuôv yêiz, thiv pluôs, huôv tsar kinh têr-xar hôiv ntơưv tiv phaz. Hâur co, niêv tix Vax Y Mỵ jok Hang Kia 1, xar Hang Kia zos iz hâur chor nênhs jông li co.

Xênhz zus thiêz hloz lox hâur iz chuôz zis uô kôngz nuv, niêv tix Vax Y Mỵ tsik so xar tiêk uô chak chiê huôv tsar tâu kinh têr chuôz zis, sir jos cov hla đhâu cêr pluôs. Đros sir jos, niêv tix Mỵ tưz cxiv tsa kinh têr đros chor pênhr chuôz zis cxênhx tsês tâu. Niêv tix tưz zuôr 3 tuk nhux đas nông thiêz nriêr pâuz, cơưv shâuv chênhz zênhv  tu zus đhâu chor tsưr ziv, cxaz chuôz chor lớp cơưv shâuv. Cê uô, cê cơưv shâuv chênhz zênhv. Chuôz zis li hâux lưv tu zus cux njiz zôngx ziv, txix 3 tuk nhux đas xuz thơưx, txos nhiv no niêv tix chuôz zis chor nhux đas tưz huôv tsar muôx 10 tuk. Đuô li, niêv tix zus nzir 15 tuk buô thiêz 50 ntâu tuk kêiz. Jênhv pâuz tâu tsar tov huôv tsar tu zus sâuv thax tsav xar, niêv tix hêik chor Hội viên txơưr  sik đros cxiv uô têx tsưr ziv uô kinh têr muôx chêx cur txix tsưr ziv yưv pênhr zuz nôngz; phêiz kênh chênhz zênhv chiê paz trâu chor gâux muôv vir ndâuk sơưr đơưk huôv tsar kinh têr chuôz zis, paz trâu côngz xưv cxuôv yêiz thiv pluôs, uô bluô nux cov huv đros. Khov sir zôngv zos têx tsưr ziv kỹ thuật hâur tu zus, niêv tix ziv chuôz zis phênhv sâu ziv hnuz ziv truôx, zuôr tâu ntâu zav chuôz zênhx sir zôngv phưx vưv trâu uô xênhz yar, cxơưx trâu têx tuz nhuôs cơưv ntơưr txos qơư. Yênhx shông niêv tix ziv chuôz zis cux muôx tâu phênhv sâu txix 100-130 triệu đêiv iz shông.

Nhạc cắt

Tưz tsik zos txơưx uô kinh têr, niêv tix Mỵ tsênhv zos hội viên sir jos, uô ntêx hlo hâur chi hội, hội gâux muôv vir ndâuk xar thiêz tiv phaz li chor phongz yaox. Đros chor gâux muôv vir ndâuk hâur jok, niêv tix zênhx sir jos thiêz phêiz kênh chêhz zênhv hâur uô lox tôngv xênhz yar, cxiv tsa chuôz zis tsâu sor, shir phaz, cxaz chuôz cxix cxuô trâu têx huôx tôngv zos cxuô cấp Hội phuôx tôngv. Đros têx sir jos hâur huôv tsar kinh têr ziv chuôz zis thiêz cxaz chuôz trâu têx phongz yaox ntơưv xar, niêv tix Mỵ tsik so tâu pox nhuôs hâur jok njênhs njôngr thiêz zos iz hâur xar Hang Kie li chor nênhs sir jos, uô ntêx hlo hâur uô lox tôngv, xênhz yar./.

Phênhv “Nôngx mênhx zuôr tsuv pâuz” ciêz no tsuôk xâuk li no xưz. Phênhv no zos Đaix TNVN iz suôv faz Bắc sik côngv đros tsênhv qơư cxơưz cxiz uô kôngz têz qơưk uô./.

(Lik Thox cxêik nhênhv)