Lào Cai: Têx jông txix luôs hâux lưv phênhz canr bôv lox lês uô têx luôs hâux lưv tsi zos lênhx nênhs ntơưv qơư

Zos xã muôx ntâu tsôngv box heir nênhs tsơưs, qir huôv tsar uô nênhx  txix têx phiv liv, Xuân Thượng zos iz hâur têx thax tsav qơư txov nhêv hâur huyện Bảo Yên, tỉnh Lào Cai. Iz ntuk ntêr, viv tsôngv box têx cêr nênhx, chei đaz kruô, lar heik zos têx hâu nov chox car uô thax tsav no thâuv tưs cux uô nênhx pôngz kaz.

Shông 2015, đhâu ntâu têx tsưr ziv, siêz xar, huyện ủy Bảo Yên quyết tinhv tso zơưv Nguyễn Văn Dũng-Chủ tịch ủy ban xã Bảo Hà lok uô Chủ tịch Ủy ban tiv 4 hâur six cxiv xã Xuân Thượng, đros thiêz tsưr ziv, siêz xar cov muôx têx hlôngr yiêz trâu têx lênhx lês uô hâux lưv hâur ntu co. Lar heik, jiês xuz thơưx lênhx nênhs sơưr thơưx chox car têx hâu nov nhoz Xuân Thượng zos iz lênhx canr bôv Choz Tsiz hlôngr viv tsuôk muôx nênhs Tày lok sik nênhs Cho lês uô têx hâux lưv ntơư li thâuv ntêx, taz sik tsuôk đhâu iz ntuk tsi ntêr, lênhx Chủ tịch yiêz Ủy ban xã tưz uô tâu ntâu luôs hâux lưv jông hâur chox car, chox kriê txix chênhr têx nuv huôv tsar kinh tế-XH ntơưv qơư. Shông 2020, Xuân Thượng sir jos uô tâu luôs hâux lưv cxiv tsa jêx jok yiêz. Zơưv Nguyễn Văn Dũng, Bí thư, Chủ tịch Ủy ban xã Xuân Thượng heik:“Thâuv tso lok uô hâux lưv ntơưv no, cur cux tsês ntâu six hơưv, hnuz nhôngs trâu ntơưv qơư. Kror lar heik đuô hur si zos sưv jê đros px, pâuz tâu px zuôr trâul txos têx tuk tsi, tsưr ziv tso tơưv uô kaz zos tsuv gra siêz tâu luz nênhx nox nhoz trâu px”.

Tsi tiêk zos Xuân Thượng, ntơưv huyện Bảo Yên ntu nhiv kruôr đhâu tưz hlôngr ntâu lênhx canr bôv cấp xã txơưr đuô trơưk li tsưr ziv “viv hâux lưv mak xeir têx canr bôv muôx txâuk txux chi, lês uô tâu jông têx hâux lưv zok muôz”. Chor xã muôx canr bôv yiêz tâu tso tuôx puôr lênhx tưz zok nriêr tâu tsưr ziv huôv tsar uô nox huv đros trâu têx zuz nôngz tsoz chos, tsiêx tu zus; têx canr bôv cux tâu px sđ njênhs njôngr, nhiêv txos. Zơưv Dương Đức Huy, Bí thư Huyện ủy Bảo Yên heik pâuz:“Đhâu thâuv tso canr bôv muk lês uô têx hâux lưv hâur xã, thax tsav qơư mak cux uô tâu jông đuô têx hâux lưv zok muôz, zok nriêr tâu tsưr ziv huôv tsar uô nox trâu px, txix ntơư cxiv tsa têx tsưr ziv, hâux lưv uô fiv đros thiêz truôx jông đuô”.

Trơưk li zơưv Đặng Phi Vân, kuz Tsar Ban tsưr tsix Tỉnh ủy Lào Cai, iz chas cấp xã, hâur cấp huyện, tỉnh tsưr ziv cux uô xưk iz zav li co,  tsi zuôr chor nênhs ntơưv qơư lês uô têx hâux lưv, chiê taz por côngz fênhx, jênh tsuv....hâur chox kriê, lês uô têx hâux lưv. Chiê cxiv xeir tâu têx lênhx canr bôv muôx txâuk txux chi tsưr ziv jông lês uô têx hâux lưv zok muôz trâu Đại hội Đảng bộ cxuô cấp, Lào Cai tưz bax tsưr ziv phênhz nzor chor canr bôv lês uô têx hâux lưv lox tsi zos nênhs ntơưv qơư thiêz đhâu co tưz tso pov uô tâu lok six jông. Zơưv Vân heik:“Đros thiêz canr bôv tsi so hlôngr qơư uô hâux lưv, chiê bax trâu Đại hội Đảng bộ cxuô cấp, zuôr tâu uô tsơưs tsơưs zos 6 luz hlik uô ntêx thâuv zuôr Đại hội, chiê têx đôngx chir buôk ti tâu đros ntơưv qơư txix ciês thâuv cxiv tsa, uô têx ntâuz ntơưr cux li têx hâux lưv bax trâu Đại hội Đảng bộ”.

Iz txưv, Chủ tịch HCM tưz heik: Canr bôv zos lênhx lês uô cxuô luôs hâux lưv. Têx hâux lưv co uô tâu thiêz tsi tâu, puôr lênhx zos ntơưv lênhx canr bôv ntơư seiz jông lok tsi jông, moz siêz lok tsi moz. Têx lul heik co txos nhiv no cux tsênhv muôx grik thiêz ziv uô trâu sđ seiz njiê pov tsênhz đuô txix hlôngr canr bôv lês uô têx hâux lưv lox nhoz Lào Cai hâur six hơưv đhâu./.

(An Kiên-Riê Lâux cxeik, nhênhv)

Hâux lưv xơưk pax ntâuz paz pox niêv Cho nhoz jos Nà Chắn muôz siêz phênhv sâu

          Nhoz jos Nà Chắn, ntâu lênhx pox niêv mênhx cxưx Cho cxôngx thâuv tsênhv zâu tưz tâu têx lênhx pos, lênhx niêv kriê xơưk pax ntâuz chax chês. Têx lênhx nênhs xơưk pax ntâuz chax chês jos Nà Chắn tâu yênhx lix cxôngx shông 2012, txos nhiv no tưz muôx 17 lênhx nênhs. Cxôngx têx đeiv ntâuz chax chês, đros thiêz zuk li tsưr ziv xar tơưv chiê xơưk, pox niêv nênhs Cho nhoz no tưz uô tâu têx đeiv ntâuz lok six jông mak tsi muôx qơư tưs muôx. Co zos pox niêv nênhs Cho li têx chêr tsôngs yo tâu xơưk ntâu zav pax lok six jông; têx đeiv flâuz ndông, đeiv pav...Niêv lâuk Bàn Thị Xuân, lênhx nênhs nhoz hâur paz têx lênhx nênhs xơưk pax ntâuz puz pâuz nzir:    “Chiê uô tâu xiv huv jông mak tsuv uô jông xeir ntâuz đhâu co chox muk tsâus gax thiêx li xơưk pax ntâuz. Têx chêr tsôngs yo chax chês thiêz ntâu xiv huv uô chiv nhênhv li fuôv, hnaz...tsuv uô jông uô. Viv tas nro puôr lênhx zos pox niêv chiv chir uô têx xiv huv thiêx li tax tsơưr lươngv thiêz tâu tsôngv kruô nhiêv txos”.

          Niêv lâuk Bàn Thị Bích, mênhx cxưx Cho cxaz chuôz paz pox niêv xơưk pax ntâuz chax chês cxôngx thâuv nhiv kruôr yênhx lix txos nhiv no puz pâuz: Cxôngx zuk li têx xiv huv, luz hli tưs niêv lâuk Bích thiêz têx pox niêv txơưr hâur xã cux muôx phênhv sâu ngaz tul cxôngx 500 cxênhz txos 3 tsov 500 cxênhz đeiv ndê muk:         “Uô ntêx thâuv cxaz chuôz paz têx pox niêv xơưk pax ntâuz, chuôz zis li phênhv sâu tsuôk tos njôngr txos kôngz lôngk. Thâuv cxaz chuôz muôx cxaz phênhv sâu mak chuôz zis luz nênhx cux hlôngr yiêz đuô, txơưx xơưk pax ntâuz thiêz uô tâu ntâu xiv huv txơưr”.

          Nhiv no đrâuv mênhx cxưx li têx chêr tsôngs yo chax chês, têx hội viên hâur tuêv xơưk pax ntâuz Nà Chắn tưz uô tâu 20 zav hax huv txơưr li: tul đei zơưv six, flâuz ndông, pav, hnaz tso điện thoại....đros iz cxiê xiv huv chiv nhênhv txơưr. Têx xiv huv puôr lênhx tâu têx pox niêv chiv chir xơưk, heik kriê sâuv mạng xã hội facebook, zalo viv li xiv huv uô tâu ziv hnuz ziv muôx ntâu lênhx nênhs pâuz txos, tâu niêv ciêz, tsôngv kruô ndis shuôk ju lix nhiêv zuôr, chox lok phênhv sâu trâu têx pox niêv nênhs Cho. Niêv lâuk Triệu Thị Nhím, chủ nhiệm paz têx pox niêv xơưk pax ntâuz Nà Chắn puz pâuz:“Yênhx lix paz têx pox niêv xơưk pax ntâuz Nà Chắn chiê tuôr tsês hâux lưv chax chês, muôz cxaz phênhv sâu trâu pox niêv. Xiv huv uô tâu tâu tsôngv kruô lok six nhiêv txos. Shông no tiv moz Covid-19 viv li uô zênhr shar ntâu txos hâux lưv muôs hax huv. Pêz xar njôngr chinhr quyênx tiv phaz tsov cưv paz txưv chiê pêz tror huôx tôngv tâu lêx ntêr”.

          Zơưv Hoàng Tòn Sao, Chủ tịch UB xã Hoa Thám puz pâuz: Paz pox niêv xơưk pax ntâuz Nà Chắn li huôx tôngv tưz paz ntâu lênhx pox niêv muôx cxaz phênhv sâu thiêz coaz tsôngv tiv zix zos uô trâu pox nhuôs muôz siêz siêz xar tuôr tsês hâux lưv chax chês. Viv li, xã tưz thiêz tsênhv tror tsov cưv, paz max chiê lơưr tso siêz uô hâux lưv xơưk pax ntâuz:“Xã tưz sik côngv đros iz cxiê tsênhv qơư chox pox niêv muk heik kriê xiv huv nhoz ntâu qơư. Đrâuv co, UB xã cux paz max, cxiv tsa tsưr ziv huôx tôngv trâu lơưr thiêz nriêr qơư sâu zuôr xiv huv. Dự án CFP huôv tsar nông hội tỉnh Cao Bằng tưz krêz lớp kriê cxaz hâux lưv, paz nhiêx txiêx trâu paz pox niêv xơưk pax ntâuz Nà Chắn huôv tsar. Đhâu tsênhv tsênhz, xiv huv uô tâu muôx ntâu qơư sâu zuôr, phênhv sâu tâu muôz siêz”.

          Cxôngx têx pox niêv txơưx xơưk pax ntâuz, hâux lưv tuôr xơưk pax ntâuz chax chês nhoz jos Nà Chắn, xã Hoa Thám, huyện Nguyên Bình, tỉnh Cao Bằng tsi taz tror tâu têx pox niêv tuôr tsês, phuôx huiz mak tsênhv muôz cxaz phênhv sâu trâu têx pox niêv, muôz siêz luz nênhx trâu chuôz zis thâuv uô kôngz lôngk tas./.

(Chẻo Thu-Txâur Vax cxeik nhênhv)