Điện Biên sir jos uô tiêr thiêz choz zok 600 luz tsêr trâu chuôz zis pluôs nhoz Nậm Pồ ndax trâu xiêz 2/9

Tsir đros niêv txir txix xar Sín Chải, huyện Tủa Chùa lok nhoz jok Nậm Thà Là, xar Pa Tần, huyện Nậm Pồ txix shông 2012. Iz shông tov kaz, tix lâus Chu Xênhv Zax phêiz chuôz, uô nênhx nhoz đros pox niêv thiêz pêz tuk mê nhuôv hâur iz luz tsêr ntông zâu, đaz tuôs. Chuôz zis luz nênhx txov nhêv, tsuôk tok khov trâu iz thax ar têz zâu chos poz cưk, kok ntông nox đhâu hnuz. Viv li, tix lâus Chu zênhx xar njôngr muôx tâu iz luz tsêr lox khor kho cov taz por tâu luz nênhx trâu zuk chuôz zis.

Nhiv no, nhoz hâur luz tsêr 3 khor, zos plas khor, tsêr khor, trur khor tâu Bộ Công an, Tập đoàn Tênhv tênhz Việt Nam thiêz chính quyền tỉnh Điện Biên uô trâu nhoz, tix lâus Chu Xênhv Zax jêik tsik tâu cêr shir phaz, muôx siêz njênhs đuô trâu Đảng, têz qơưk, sir jos khưr uô nox chiê cov hla đhâu cêr pluôs: “Luz tsêr yiêz no tâu vor vuô jông li no mak lok six nhiêv thiêz huv siêz xar njôngr lơưv. Muôx tsêr yiêz nhoz mak zuk lok six shir phaz, thâuv muôx tsêr nhoz li no lơưv mak zuk zuôr sir jos khưr uô nox cov luz nênhx muôx đuô”.

Nậm Pồ zos iz hâur chor huyện pluôs tiv zix ntơưv tỉnh Điện Biên thiêz thôngz têz qơưk hêik cxuô, đros chor chuôz zis pluôs ntâu đuô 56%. Lơưr thôngz sâu, tas nro huyện yuôr muôx 1.000 ntâu ziv chuôz zis pluôs tsik tâu muôx vax tsêr nhoz, lok sik tsênhv nhoz hâur têx luz tsêr đaz tuôs lav nhoz.

Zơưv Lê Khánh Hòa, Bí thư Huyện ủy Nậm Pồ, tỉnh Điện Biên puz pâuz: đros 30 tiv đêiv txix Tập đoàn Tênhv tênhz Việt Nam thiêz têx nganhx txơưr muôz paz, huyện Nậm Pồ tsênhv sir jos kriz uô 600 ntâu luz tsêr trâu chor chuôz zis pluôs. Đros chor chuôz zis tâu paz uô tsêr nhoz yiêz, nhiêx txiêx paz zos 50 triệu đêiv iz luz tsêr tsuv đar muôx 36 thiêr ndis tror sâur; chor chuôz zis muôx txix 1-3 lênhx nênhs, lok sik chor chuôz zis nhoz đêz tsênhv qơư, phiv liv thâux xa chuôz lov muk cxiv uô tsêr mak têx jâuv zuôr uô zâu đuô, taz sik tsik grêik đuô 30 thiêr ndis: “Txix ciês thâuv muôx chủ trương mak pêz tưz tso tơưv tsưr ziv qênhz yuôx, kriz uô ciês hâux lưv uô tsêr paz trâu pox nhuôs. Txos six hơưv no, tas nro 15 xar nhoz huyện tưz tâu kriz uô. Hâux lưv uô tsêr no mak paz muôx tâu truôx tuk luz nênhx trâu pox nhuôs thiêz paz ngaz tuk lok chính trị thiêz ngaz tuk xar hôiv sâuv thax tsav ntus đriv”.

Đại tá Nguyễn Hồng Nguyên, Phưv Chánh văn phòng Bộ Công an, hlôngr njêx muôs trâu ban tsưr tsix hêik sơưr đơưk đros uô tsaz yênhx puz pâuz: tsưr ziv uô tsêr nhoz trâu chuôz zis pluôs huyện Nậm Pồ zos bôv Công an tso tơưv thiêz tập đoàn tênhv tênhz Việt Nam paz đros uô, đros siêz xar gra siêz luz nênhx trâu pêx xênhv nhoz sâuv thax tsav, jux juk uô tiêr luôs hâux lưv số 9-tsêr nhoz trâu pêx xênhv cxiv tsa jêx jok yiêz sâuv thax tsav huyện.

Muôx 5 taz viv tâu phêiz côngz chiê uô tsêr nhoz trâu chor chuôz zis pluôs sâuv thax tsav huyện zos: Công an tỉnh, Bôv chỉ huy quân sự tỉnh, Bôv chi huy Bôv đôiv Pênhz phax tỉnh, Đoanx kinh tế Côx phax 379 thiêz Ủy ban huyện Nậm Pồ. Ntu đhâu, têx taz viv no tưz kriz uô jênhv vưv sâuv tas nro cxuô xar lơưr taz viv zuk sêiz car. Xav txos iz đraz hlik hli 7 no, tas nro huyện tưz bax tâu muôx 150 bôv ntông uô tsêr thiêz tưz tsa uô tâu 25 luz tsêr, sir jos txos tas hnuz 30/8 shông no zuôr uô cov tiêr tas nro 600 luz tsêr trơưk tsưr ziv tưz tso tơưv. “Sâu chênhz zênhv ntơưv Mường Nhé-Điện Biên, Vân Hồ-Sơn La thiêz Mường Tè-Lai Châu mak đros Nậm Pồ Điện Biên pêz muôx tsưr ziv uô txơưr. Co zos uô sêi, muôx chêx cur thiêz uô tsơưs têx ntâuz ntơưr, cux xưk li têx hâux lưv tsik zov chênhr chiê uô ntêx hnuz 2/9 zuôr txos no mak tas nro 600 luz tsêr trâu chor chuôz zis pluôs zuôr tâu uô tiêr trâu pêx xênhv nhoz. No zos kror shir phaz cxuô, zos kror muôx tsiv gri nhoz thax tsav ntus đriv”.

Nhiv no hâux lưv thâux xa chuôz lov cxuô zav thiêz uô tsêr nhoz trâu chuôz zis pluôs ntơưv Nậm Pồ tsênhv njiz ntâu phiv liv tiv Tây Bắc tsênhv zos chêix ntux nas. Taz sik, đros sir jos cov chuôz zis pluôs muôx vax tsêr khor truôx nhoz, têx taz viv tâu choz jênhv vưv tưz thiêz tsênhv sir jos uô cov tiêr têx vax tsêr co trâu chor chuôz zis pluôs, paz trâu pox nhuôs muôx nzir cêr shir phaz hâur hnuz 2/9 zuôr txos no./.

(Vũ Lợi-Lik Thox cxêik nhênhv)

Phủng Trường Xênhv Thox uô bluô nux sâuv zuk thax tsav qơư nhoz

Tix lâus Phủng Trường Xênhv Thox xênhz zus thiêz hloz lox nhoz jok Tả Chu Phùng, xa Tung Chung Phố, huyện Mường Khương, tỉnh Lào Cai. Thâuv ntâu lênhx hluôk txơưr đuô hloz lox tiêr nênhs, khênhr mul uô nox đêz vax tsêr mak Trường cux quyết tinhv nhoz tsêr chiê huôv tsar uô nox uô hnar nhoz zuk thax tsav qơư. “Iz lênhs iz tsưr ziv xar, iz lênhs iz hâu cêr muk nhiêk txơưr nhiêk tsi siz thôngx, hok cur thâuv tưs tưz xar tiêk, viv li chas ho tsi qir huôv tsar cêr uô nox trâu zuk thax tsav qơư”.

Shông 2014, tsênhv xar tiêk zuôr chos zav tsoz chos tưs, tu zus zav tsiêx đaz tsi cov fiv đros mak lênhx hluôk Phủng Trường Xênhv Thox seiz pov, buô hmôngz, thâuv tưs tưz tâu ntâu lênhx nênhs nhiêv zuôr txos, viv li tix lâus quyết tinhv yưv pênhr cxiv uô qơư tu zus thiêz qir têk huôv tsar uô nox đros tsưr ziv tu zus têx buô hmôngz chiê muôs. Đros thiêz chor buô nôngz muôx 5 tus niêv buô, iz shông tix lâus xeir tsês iz cxiê tus chiê zus cov lox muôs grêix, cê txo grêk tâu gri, cê bax tâu muôx nôngz buô zus, yuôr đuô li mak tix lâus muôs trâu ciêz đrôngs chiê muôx pênhr tror huôv tsar tu zus. Nhiv no, hâur tix lâus chuôz zis qơư tu zus, thâuv tưs tưz muôx txix 40-50 tus buô, iz shông muôs trâu hâur ciêz đrôngs 4-5 tênhr buô grêix, ciês shông 2020 nhiv kruôr muôs tâu iz tênhr ntâu, taz sik tưz tâu 100 tsov nhiêx nju. Zos muôz đros trâu 50 tsov đeiv muôs têx buô nôngz thiêz, mak iz shông tix lâus Phủng Trường Xênhv Thox cux muôx phênhv sâu tâu ntâu. Tu zus trơưk têl, trơưk tsưr ziv, tix lâus muôx six hơưv cxiv uô qơư trâu têx qir tsiêx cxu chiê cê uô tơư trâur phưx vưv  têx cêr xênhz huôx hâur niêx hnuz, cê uô hur si tênhx qơư nox nhoz. Tix lâus Trường heik pâuz, six hơưv zuôr txos, chuôz zis zuôr yưv pênhr cxiv uô nzir qơư tu zus thiêz huôv tsar zus ntâu đuô têx buô cov muôx txos 100 tus hâur iz fâuv sha.

Nhạc cắt

 Iz chas zus buô, tix lâus Trường chuôz zis tsênhv chos têx ntông nox txir li: Txir quýt, txix iz cxênhz tsoz xuz thơưxx (shông 2013), txos nhiv no tưz tsar ndê muôx 3 cxênhz tsoz. Shông 2019, chuôz zis sâu tâu iz tênhr ntâu txir quýt. Shông 2020 no, têx txir zuôr sâu đê tâu ntâu đuô, viv têx tsoz chos tov kaz ntơư tưz txi txir. Tix lâus njuôk xav, nzaz nzơưv têx liêx têz ar nxaz tsênhv yuôr chiê chos nzir iz cxênhz tsoz txir quýt, zuôr têx ntông nox txir uô  phênhv sâu tâu chênhr iz chas tu zus tsiêx cxu. Khov sir jos khưr thiêz cơưv shâuv huôv tsar uô nox, tix lâus Trường tsi tiêk hla đhâu yeiz pluôs, mak tsênhv yênhx chuôz zis huôv tsar uô nox uô hâuk coz cấp huyện.

Nhạc cắt

Lênhx hluôk Phủng Trường Xênhv Thox têx tsưr ziv, siêz xar uô bluô nux sâuv zuk thax tsav qơư nhoz,  tưz uô tâu trơưk têk. Nhiv no, đros thiêz zos lênhx Bí thư Chi đoanx jok, tix lâus sir jos kriê tsưr ziv uô nox trâu chor hluôk nênhs txơưr đuô txix zuk têx siêz xar, tsưr ziv uô tâu. Hâur têx jiês xênhz huôx đoanx, tix lâus thâuv tưs tưz tsês njôngr six hơưv chiê kriê tsưr ziv tu zus thiêz tsưr ziv huôv tsar uô nox trâu chor hluôk nênhs chiê lơưr muôx têx qir têk uô tâu nhoz thax tsav qơư Tả Chu Phùng. Ntâu lênhx hluôk nênhs hâur jok cux qir huôv tsar uô nox txix tu zus tsiêx cxu, iz zav li tix lâus Tráng Thanh Bình, tix lâus Trung Khang Hải....

Têx lul heik lol chor hluôk nênhs nhoz suôv qơư no li tsưr ziv uô bluô nux tsuôk zos nhiv kruôr qir têk uô, vav chiê siêz tiêk hâur têx shông zuôr txos, jok Tả Chu Phùng tsênhv zuôr yuôr ntâu lênhx hluôk muôx tsưr ziv huôv tsar uô bluô nux txơưr, tsi thôngx li tix lâus Phủng Trường Xênhv Thox.

 Tsôngv box....! Phênhv “nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Cơ quan Đeix TNVN nhoz faz Tây Bắc sik côngv đros Tsênhv qơư cxiz kôngz têz qơưk uô./.

                                (Tsu Vưx cxiv sâu-Riê Lâux cxeik, nhênhv)