Jax sâu hnuz 28/9/2015:
Tsêr sor siêz Điện Biên Đông-paz trâu
chor nênhs hmôngr tsik jông
Tòng Văn Hiến, nhoz Na Son, xã Na Son, huyện Điện Biên
Đông shông no muôx 18 shông. Nhoz trâu hnuz nhôngl tsuv zos shux xênhz cơưv
zuôr tas cấp 3, taz sik tiv luz nênhx txov nhêv, viv li shông cơưv no, nhiv
kruôr cơưv lớp 8. Taz sik, kror no zos iz kror cêr shir phaz tsik pâuz tas, viv
tsik muôx vax tsêr, Hiến tưz xar tiêk, zuk zuôr tsik tâu muk cơưv ntơưr lơưv.
Hiến hêik: Viv niêv txir trâus moz HIV tưz trâus tuôs thâuv Hiến tsik tâu muôx 10 shông. Iz ntu tov kaz
no, Hiến tuk muôv cux trâus tuôs tiv cik moz HIV txix niêv txir. Tsik muôx vax
tsêr nhoz, tsik muôx qơư khov vav, tưz tso ntơưr tsês thiêz ntâu shông đhâu
tsuv nhoz trâu cxiê qơư tsik muôx vax tsêr, luz nênhx tsâuk ntux nti. Muôx iz jiês,
Tưz zuôr trâus tuôs yêiz hâur cưx đês kruôr, zos tsik muôx lênhx fôngx zưs shux xênhz muk đhâu pov thiêz êr lok
tsêr chiê niêv txir chơưv paz. Shông 2013, tâu chor cưk kriê ntơưr nganhx zoz
zux-thox cxov huyện nriêr qơư trâu nox nhoz, thiêz jông tiv zix zos chiê tuôx
trâu tsêr cơưv chiê cơưv ntơưr. No zos Hiến li kror cêr bâu suôr muôx tiês.
Tòng Văn Hiến hêik:
Băng:
“Tâu chor cưk kriê jênhv lok tsênhv qơư
tu zus thiêz cơưv ntơưr, cur pov hmôngr lok six jông thiêz shir phaz. Cơưv
ntơưr ntơưv no muôx tsik txâuk puôr lênhx tâu chor cưk kriê paz tas hur si. Cur
zuôr sir jos cơưv ntơưr jông đuô thiêz mnôngs chor cưk kriê ntơưr li luk kriê,
chiê tov kaz o zos yênhx nênhs muôx liv trâu xã hội”.
Tòng Văn Hợp cux iz zav li, muôx 15 shông nhoz jok Pá
Chuông, đros xã Na Son, huyện Điện Biên Đông. Niêv txir trâus tuôs tiv trâus
moz HIV, Thâuv ntơư, Hợp thiêz Hợp tuk tix lâus tsênhv cơưv lớp 3 thiêz lớp 5
tưz tso ntơưr tsês thâuv tsênhv cơưv
txos iz đraz.
Thav txos chor hnuz uô nênhx nhoz tsik muôx qơư khov
vav, tsuôk zos nyêi. Hnuz tâu chor cưk kriê ntơưr chox lok 3 shông uô ntêx,
chiê nox nhoz đros chor nênhs muôx luz nênhx txov nhêv iz zav. Lok ntơưv no, Hợp
cux tâu chor cưk kriê ntơưr kriê tsưr ziv uô nênhx, nox nhoz, xênhz huôx cov
jông. Hợp hêik:
Băng:
“Xuz thơưx cur luz nênhx cux tsik jông
luôx tưs. Lok ntơưv no tâu chor cưk kriê ntơưr kriê iz kror jux juk, txix nox
nhoz txos pưk thiêz uô hâux lưv. Thâuv nhiv kruôr lok ntơưv no cur cux tsik sưv
đros uô nênhx nhoz chôngz nênhs viv li cux cxơưx, taz sik nhiv no mak cux sưv
lơưv. Nhiv no mak cur pov lok six shir phaz. Luz nênhx muôx tâu tsiv gri”.
Hiến thiêz Hợp zos 2 lênhx hâur chor nênhs muôx luz
nênhx txov nhêv; taz sik hmôngr jông ho tâu chox lok nhoz hâur luz tsêr jông siêz
ntơưv no. Luz tsêr jông siêz no tâu cxiv uô tas muôx 3 tỷ đêiv ntâu. Phênhv
pênhr uô zos txix chor nênhs siêz jông huiz tôngv, đros chor thành viên chênhr
zos lênhx nênhs sâuv pov chir Nguyễn Thu Trang, hoa hâuv Việt Nam Nguyễn Thu
Thủy, nênhs hu gâux Khánh Linh, kiến trúc sư Lê Quang, lênhx nênhs cxêik gâux
Na Son…
Tsêr sor siêz jông Điện Biên Đông tâu uô 14 qar lox
jông, taz por qơư nox nhoz thiêz cơưv ntơưr đros qơư nhoz txâuk trâu 30 lênhx
nhuôs. Txix thâuv piz huôx tôngv shông 2012, tsêr siêz jông no tưz paz muôx cêr
shir phaz trâu chor nhuôs muôx luz nêhx tsik jông nhoz huyện tox siêz muôx ntâu
phiv liv no. Txix nhiv no, chor nhuôs muôx tsar tov tâu cơưv ntơưr, tsik trâus
hiêv tiv têx txiêz nanv xã hội thiêz zos nênhs muox liv trâu têz qơưk. Cưk kriê
ntơưr Trần Văn Tỉnh, phưv phongx zoz zux huyện Điện Biên Đông puz pâuz:
Băng:
“Tsêr sor ziêz jông Điện Biên Đông zos
tsưr ziv lok six jông. Ntơưv no tưz tsoz phưz trâu chor nhuôs muôx luz nênhx
txov nhêv; chor nhuôs tâu tsoz phưz tu zus lok six jông. Ntu zuôr txos, lok saz
nganhx zoz zux pêz cux sir jos uô luz tsêr sor siêz jông no, chiê chor nhuôs
tror tâu uô nênhx hâur tênhv qơư cơuvư ntơưr jông thiêz huôv tsar tov ntêx no”.
Hâur luz nênhx muôx ntâu txov nhêv, taz sik ho tâu
chơưv đhâu iz kror qơư tsêr sor siêz jông xưk li Điện Biên Đông lok six tsiv
gri. No cux zos luz huyện Nhoz Điện Biên muôx luz tsêr sor siêz jông li no. Tưz
tsik zos tâu cơưv ntơưr thiêz uô luz nênhx jông đuô, chor nhuôs li têx cêr bâu
suôr zuôr zos yênhx tsênhv tsênhz, paz trâu chor nhuôs zos chor nênhs muôx liv
trâu jêx jok thiêz têz qơưk./.
(Thu
Thùy-Ly cxêik-nhênhv)
Phênhv
thưr 2, hnuz 28/9/2015
Quảng Trị: Huôv tsar đảng viên trâu heir
nênhs tsơưs
Jok Ku Pua ntơưv xã Đakrông nhoz kuôk tsi đêz tsênhv
qơư huyện Đakrông, tỉnh Quảng Trị taz sik tsôngv box nhoz no luz nênhx lok six
txov nhêv. Ntâu shông sik lơưr liês, jok Ku Pua tsi muôx đảng viên. Đảng ủy xã
Đakrông tưz tso đảng viên lok xênhz huôx ntơưv jok chiê qênhz pov, kriê cxaz
nzir tsưr ziv yuôr trâus chiê huôv tsar đảng viên ntơưv qơư. Muôx canr bôv,
đảng viên lok nhoz hâur jok, Đảng, têz qơưs têx chei, cui tinhv tâu fuô kriê
zênhx max, uô tâu jông. Ntâu lênhx tuz nxeik hluôk uô tâu hâux lưv jông hâur
jok Ku Pua tâu kriê cxaz tsưr ziv, tso nhoz hâur đảng. Đảng viên Hồ Văn Thân,
heir nênhs Vân Kiều nhoz jok Ku Pua, xã Đakrông heik, yênhx lênhx đảng viên zos
pêz têx tuz nhuôs Vân Kiều zos zơưv Hloz Hôx iz xênhv cêr shir phaz, iz siêz
muk lơưr Đảng:
“ Nênhs Vân
Kiều tsưrz ziv, siêz xar zos uô li chas chiê cxuz tâu cêr yeiz pluôs. Cur tưz
sir jos cơưv ntơưr chiê đros luôs muôx txux chi, tsưr ziv paz tsôngv cưr tix
nênhx tsa sơưr đơưk huôv tsar uô nox. Đhâu six hơưv, hnuz nhôngs sir jos ntơư,
tưz tâu Chi bộ tso nhoz hâur Đảng, co zos cêr shir phaz thiêz iz kro jông chiê
sir jos yênhx lênhx nênhs muôx liv trâu XH, paz tsôngv box ntơưv qơư”.
Lơưr pos Ly Kiều Vân, Bí thư huyện Ủy Đakrông, uô ntêx
shông 2010, tas nro huyện muôx txos 12 jok hâur 6 xã tsi muôx Đảng viên. Thâuk
ntơư, Huyện ủy xav tinhv huôv tsar Đảng viên nhoz thax tsav tox siêz đêz đrôngs
zos hâux lưv zov chênhr, zuôr trâus uô zênhx max. Lơưr co, ntâu lênhx canr bôv
hâur huyện, xã tâu chuôz tsar muk xênhz huôx trâu têx jêx jok, tsưv ziv qênhz
pov têx lênhx nênhs uô tâu hâux lưv jông, muôx txux chi, krêz lớp kriê cxaz
tsưr ziv yuôr trâus chiê huôv tsar đảng viên. Txos nhiv no, chor đảng viên zos
heir nênhs tsơưs iz hnuz muôx chôngz jux juk. Tas nro huyện Đakrông nhiv no
muôx 2.200 ntâu lênhx đảng viên, hâur ntơư Đảng viên zos nênhs Vân Kiều, Pa Cô
tsav iz đraz ntâu, tsi yuôr luz jok tưs tsi muôx đảng viên. Pos Ly Kiều Vân, Bí
thư Huyện ủy Đakrông heik pâuz: huyện ủy moz siêz txos têx lênhx đảng viên heir
nênhs tsơưs chiê kriê cxaz têx tsưr ziv yuôr trâus, muôx canr bôv trâu ntơưv
qơư:
“ Thâuv heik
txos, xeir zuôr têx lênhx canr bôv lox, canr bôv uô hâux lưv ntơưv têx xã mak
uô lơưr têx chei, cui tinhv pêz xeir zuôr têx lênhx canr bôv zos heir nênhs
tsơưs. Tsi muôx lênhx tưs bâuv chor
nênhs nhoz ntơưv qơư, viv lơưr nhoz đreiv ntơưv thax tsav no, đaz tsi cux pâuz
thôngz, pâuz cxuô, paz kriê tsôngv box pâuz tsênhz lok Đảng, têz qơưs têx chei,
pêz seiz ntơư zos iz kro lok six jông”.
2 huyện tox siêz Đakrông thiêz Hướng Hóa, tỉnh Quảng
Trị zos 2 thax tsav muôx ntâu tsôngv box heir nênhs tsơưs uô nênhx nhoz. Hâur
ntu 2010-2015, Tỉnh ủy Quảng Trị tưz khưx phưx tâu qênhx shênhx têx jêx jok tsi
muôx đảng viên, paz gra siêz tsưr tsix cơ sở đảng ntơưv qơư tsưr ziv, pênhr xưv
chox car, têx hâux lưv uô. Chor canr bôv, đảng viên nhoz no tưz sir jos uô jông
hâux lưv, uô ntêx nyuôs hâur cxiv vênhv tôngv cxuz cêr yeiz pluôs, tso tsês jux
juk têx cêr uô nênhx pôngz kaz. Zơưv Hồ
Xuân Doàn, phưv Tsar ban tsưr tsix Tỉnh ủy Quảng Trị heik:
“ Têx lênhx
tsôngv box nhoz têx jêx jok zos têx lênhx hu zâuv tâu, uô ntêx nyuôs, kriê tâu
jông Đảng, têz qơưs têx chei, cui tinhv txos trâu tsôngv box, cưr tix nênhx tsa
sơưr đơưk. Ntơư zos têx lênhx chiê xeir zuôr tso nhoz hâur đảng. Chênhr viv li,
hâur têx shông đhâu, đảng viên zos heir nênhs tsơưs tưz ziv hnuz ziv muôx ntâu
lênhx”.
Nhiv no, ntơưv têx jêx jok thax tsav tox siêz đêz
đrôngs, thax tsav tsôngv box heir nênhs tsơưs nhoz faz Tây tỉnh Quảng Trị tưz
muôx ntâu lênhx đảng viên zos nênhs Vân Kiều, Pa Cô txơưx huôv tsar uô nox;
ntâu lênhx canr bôv hluôk muôx txux chi, tsưr ziv jông, uô ntêx hlo uô lơưr
Đảng, têz qơưs têx chei. Têx lênhx đảng viên no chênhr zos têx lênhx uô ntêx
nyuôs hâur cxuô luôs hâux lưv, cxiz huôv tsar kinh tế-XH ntơưv qơư./.
(CQTTMT-Riê
Lâux cxeik-nhênhv)
Viết bình luận