Tây Bắc: Đảng bộ tỉnh Sơn La thiêz Yên Bái (six cxiv 2020-2025) tso tơưv tsưr ziv cxơưz gra kinh tế-XH 2 tỉnh cov ziv hnuz ziv huôv tsar

Hâur 5 shông đhâu, Đảng bộ, hâu nov thiêz tsôngv px tỉnh Sơn La tưz sik thôngx siêz, sir jos uô lơưr têx tsưr ziv, hâux lưv Nghị quyết Đại hội Đảng bộ tas nro têz qơưk jiês tiv 12, Nghị quyết Đại hội Đảng bộ tỉnh jiês tiv 14 thiêz uô tâu jông têx luôs hâux lưv zov chênhr. Tỉnh tưz uô tâu 19 hâur 24 luôs hâux lưv thiêz đhâu Nghị quyết Đại hội six cxiv 2015-2020 tsưr ziv tso tơưv, hâur co  muôx ntâu luôs hâux lưv uô tâu jông, lar kruôs txos li: Têx chuôz zis pluôs txo grêk txix 34% ntâu yuôr zuôr xar 19%. Lok sâuv cxiv tsa têx côngz trênhx, đrôngs Sơn La tưz tâu côngk nhav zos ciêz đrôngs jông jav hov II thiêz tưz uô tiêr tsưr ziv, hâux lưv cxiv tsa jêx jok yiêz. Têx hâux lưv uô tâu jông đuô hur si hâur ntu 2015-2020 zos huôv tsar kôngz nuv trơưk li têx tsưr ziv yiêz. Txos nhiv no, tỉnh tưz muôx 80 cxênhz ntâu ha têx têz ntông nox txir, sơưr tiv 2 hâur tas nro têz qơưk (uô kaz tỉnh Tiền Giang) thiêz tưz muôs 16 zav txir ntông muk trâu ciêz đrôngs luz 12 têz qơưk, thax tsav đrâuv.

Lok sâuv tsưr ziv huôv tsar uô, Sơn La sir jos cov tsar ndê têx xiv huv hâur 5 shông zuôr txos, xav kror đruôz đraz tâu 7% ntâu; hur si pênhr yưv uô trâu tas nro XH hâur ntu 2020-2025 zos 120 cxênhz tyv đeiv; sir jos cov phênhv sâu tâu xav kror đruôz đraz muôx 60 tsov đeiv iz lênhx nênhs iz shông. Lar heik, zuôr sir jos yênhx tsênhv qơư tsiv uô têx kôngz nuv hâur thax tsav Tây Bắc.

          Chiê uô tâu têx li heik co, Đảng bộ tỉnh Sơn La zuôr sir jos trâu têx tsưr ziv, hâux lưv zov chênhr. Zơưv Nguyễn Hữu Đông, Ủy viên dự khuyết BCH T.Ư Đảng, Bí thư Tỉnh ủy Sơn La heik pâuz, hâur têx ntâuz ntơưr Đại hội Đảng bộ tỉnh ntu yiêz, tưz heik thiêz uô tsênhz mênhx têx tsưr ziv lok cxiv tsa Sơn La huôv tsar sei, jông jav thiêz truôx, hâur co tỉnh xav muôx 3 hâux lưv zov chênhr zos sir jos trâu huôv tsar pênhr jos, yưv pênhr cxiv uô têx côngz trênhx trơưk ntu hlôngr yiêz thiêz cxiv kho, uô jông tênhx qơư yưv pênhr uô lax luôv:

“Pêz zuôr sir jos moz siêz trâu huôv tsar năng lượng hâur tỉnh Sơn La. Cux trơưk li Bộ Chính trị suô luk, tỉnh sir jos huôv tsar công nghiệp tsiv uô têx kôngz thiêz zuôr yênhx hâux lưv tỉnh moz siêz txos, viv no zuôr zos qơư trâu tsôngv px muôs têx kôngz. Lok sâuv huôv tsar sei, jông jav thiêz truôx, T.Ư choz trâu Sơn La 2 hâux lưv, co zos sir jos moz siêz txos têx cik txos kôngz nuv, tiv 2 zos muôx tsênhv qơư nhênhz chơưv khoa học ntơưv Mộc Châu. Iz chas ntơư vav chiê siêz tiêk, hâur six hơưv zuôr txos, zuôr zos tsênhv qơư tsiv uô thax tsav Tây Bắc têx kôngz nuv”.

  Ntơưv tỉnh Yên Bái, 5 shông uô lơưr Đảng Nghị quyết Đại hội 12 thiêz Đảng bộ tỉnh Nghị quyết Đại hội 18, Đảng bộ, hâu nov thiêz tsôngv px cxuô heir nênhs tỉnh Yên Bái tưz uô lơưr cêr sik thôngx siêz, xar tơưv têx tsưr ziv jông, sir jos hla đhâu cxuô phiv liv thiêz tưz uô tâu ntâu luôs hâux lưv zov chênhr hâur cxuô cêr nuv. Lar heik zos hur si têx xiv huv hâur thax tsav, xav kror đruôz đraz iz lênhx nênhs tâu 42 tsov đeiv, ntâu đuô 1,5 jiês pir li thâuv hâur six cxiv uô ntêx; kinh tế tsar ndê sei, txos shông 2020 njuôk xav tâu 33.500 ntâu tyv đeiv, ntâu đuô xar 2 bâus pir li shông 2015; Tsaz yênhx têz qơưk qơư tsov txos lok cxiv tsa jêx jok yiêz uô tâu jông, yênhx qơư chi cax hâur têx tỉnh thax tsav Tây Bắc. Six cxiv uô ntêx, Yên Bái tso tơưv tsưr ziv, sir jos cxơưz Yên Bái yênhx tỉnh huôv tsar hâur thax tsav trung du thiêz tox siêz faz Bắc; hok hâur six cxiv no, tỉnh tso tơưv tsưr ziv sir jos cxơưz Yên Bái cov yênhx tỉnh huôv tsar jông lok shông 2025 thiêz nhoz hâur têx tỉnh huôv tsar uô tâu jông cxuô luôs hâux lưv uz no hâur thax tsav Trung du thiêz tox siêz faz Bắc lok shông 2030. Li ntơư, txix tsưr ziv sir jos hâur têx shông uô ntêx, six cxiv no,  Đảng bộ Yên Bái xav tinhv sir jos cxơưz gra Yên Bái yênhx tỉnh huôv tsar jông hâur thax tsav, chiê tsôngv px sđ cux muôx luz nênhx tsâu sor, jông đuô. Hlôngr njêx muôs Bộ Chính trị, Ban Bí thư dự thiêz chox kriê Đại hội, Ủy viên Bộ Chính trị, Thường trực Ban Bí thư Trần Quốc Vượng heik mênhx:

“Iz six cxiv yiêz, đros thiêz têx siêz xar, tsưr ziv seiz njiê yiêz, uô lơưr têx luôs hâux lưv tưz uô tâu jông hâur ntu nhiv kruôr đhâu, đros trâu cêr chax chês sik thôngx siêz, côngv iz tsưr ziv, hâu cêr, sir jos uô tiêr tâu jông cxuô luôs hâux lưv, Bộ Chính trị njênhs njôngr, Đảng bộ thiêz tsôngv px cxuô heir nênhs tỉnh Yên Bái zuôr uô tâu yênhx côngz Nghị quyết Đại hội Đảng bộ tỉnh jiês tiv 19 tso tơưv, cxiv tsa Yên Bái nzor yênhx tỉnh huôv tsar jông sơưr tiv iz hâur thax tsav trung du thiêz tox siêz faz Bắc, uô tâu trơưk li cxuô lênhx đôngx chir, cxuô lênhx tsôngv lax px sđ siêz vav tok njôngr”.

Tsôngv px 2 tỉnh Sơn La, Yên Bái puôr lênhx vav chiê siêz tiêk, tập thể Ban thường vụ, BCH Đảng bộ tỉnh six cxiv yiêz zuôr xav tâu zuk têx hâux lưv uô, txơưx jênhv chiê sik đros Đảng bộ fuô uô yênhx côngz têx tsưr ziv, luôs hâux lưv tưz tso tơưv./.

(VOVTB-Riê Lâux cxeik, nhênhv)