Têx luk hêik siêz xar txix huyện ntus đriv Nậm Pồ (Điện Biên) xa trâu Đảng li Đại hôiv 13

Xar muôx 20 shông nhoz đros đrêiv chor shux xênhz tox siêz, ntus đriv, Đros Đại hôiv Đảng tas nro têz qơưk jiês tiv 13, cưk kriê ntơưr Hoàng Xuân Quí, Phưv Hiệu trưởng Tsêr cơưv Phôv thôngz Mênhx cxưx niêv txir zus mor Cxênhx iz xar Phìn Hồ (huyện Nậm Pồ, tỉnh Điện Biên), cux xưk li ntâu ziv chuôz zis đảng viên txơưr đuô sâuv thax tsav tsik so njênhs njôngr trâu Đảng li têx tsênhv chêi huv đros. Viv đhâu tsênhv tsênhz mak têz qơưk tưz huôv tsar jông thôngz đhâu chuôz ndê kinh têr, uô truôx jông côx phax, ngaz tuk, đas jos sik côngv siêz tas nro mênhx cxưx tâu tuôr truôx thiêz Việt Nam li qơư sơưr sâuv ntiêx têz ziv hnuz ziv siêz đuô: “Đros têx Đảng viên li pêz zênhx nhoz yênhx hnuz, yênhx hli ntơưv no đros pox nhuôs mak iz hâur têx kror pêz njiêz pov ntơưv no zos pox nhuôs lok six njênhs siêz trâu Đảng, Têz qơưk li lênhx tov. Đros Đại hôiv, zos iz lênhx đảng viên cur vav tiêk Đại hôiv Đảng 13 zuôr uô yênhx côngz jông, đhâu đại hôiv zuôr xêir tsov tâu chor nênhs muôx txux chi, moz siêz, sir jos chiê paz trâu têz qơư huôv tsar li ntu đhâu, tiv zix zos hâur shông 2020 tsuv hêik tiêk zos iz shông uô tâu lok six ntâu kror”.

Hok đros Trung tá Đặng Văn Hạnh, Zênhx Tsar Zênhx pênhz phax Nậm Nhừ-lênhx nênhs muôx ntâu shông nhoz đros tsôngv box cxuô mênhx cxưx ntơưv chor xar ntus đriv tỉnh Điện Biên hêik tiêk: Đại hôiv Đảng tas nro têz qơưk jiês tiv 13 tưz tsik zos tổng kết, ntâul gri têx uô tâu lok kinh têr, chênhz zênhv uô jênhv vưv quân sự, côx phax hâur por vêv Têz qơưk ntu 2015-2020 mak tsênhv tso tơưv ntâu tsênhv chêi, tsưr ziv tsênhv tsênhz cxiv tsa quân đội cách mạng, chính quy, txơưx njê, txix co hlôngr yiêz jux juk. Thôngx cxix tso tơưv têx tsênhv chêi, tsưr ziv uô jênhv vưv quân sự, côx phax por vêv truôx jông tsưr qênhx ntus đriv têz qơưk Việt Nam xar hôiv chủ nghĩa hâur têx shông lơưr co. “Đros chor tuz lênhv pênhz phax li siêz xar, cux xưk li vav txos trâu Đảng li Đại hôiv 13 zuôr xêir tsov tâu chor nênhs muôx txux chi, moz siêz, sir jos uô hâux lưv chiê lênhx tov têz qơưk, paz trâu têz qơưk ziv hnuz ziv huôv tsar đuô. Đros pêz zos chor tuz lênhv mak cux zuôr truôx siêz, sir jos por vêv jông ngaz tuk chính trị, ngaz tuk xar hôiv sâuv thax tsav, tuôr truôx tsưr qênhx ntus đriv têz qơưk”.

Zơưv Lê Khánh Hòa, Bí thư Huyện ủy Nậm Pồ puz pâuz: têx hnuz no, chôngz cán bộ, đảng viên, pêx xênhv nhoz huyện ntus đriv Nậm Pồ tsênhv va tiêk Đảng li Đại hôiv jiês tiv 13 zuôr bâux xêir tâu Ban Chấp hành Trung ương khóa yiêz zos chor nênhs muôx txux chi, moz siêz, sir jos uô hâux lưv chiê lênhx tov cxiv tsa têz qơưk huôv tsar đuô hâur ntu hội nhập đêz đar li nhiv no. Thôngx cxix txix co zuôr tso tơưv tâu têx tsênhv chêi chiê tror paz uô hlôngr yiêz thiêz gra siêz đuô luz nênhx trâu pox nhuôs nhoz thax tsav txov nhêv, thax tsav tsôngv box mênhx cxưx tsơưs nênhs; txoz cxơưx trâu chor cán bộ, nênhs muôx côngz bê, txir ndâux txir luk hâur tsôngv box mênhx cxưx; moz siêz txos côngz xưv tuôr chiê thiêz phuôx huiz tsiv gri vênhx huôv cxôngx nzor cxuô mênhx cxưx, đros trâu huôv tsar du lịch, paz muôx hâux lưv uô, chuôz ndê phênhv sâu trâu pêx xênhv chiê paz trâu pêx xênhv luz nênhx tâu hlôngr yiêz, jông đuô lok cxuô kror thiêz vav mênhx: “No zos têz qơưk li iz xor xưv chính trị lok six zov chênhr, cuêz tênhv têz qơưk li huôv tsar hâur 5 shông zuôr txos, cux xưk li ntâu shông lơưr co. viv li, đros cán bộ công chức, pêx xênhv nhoz huyện ntus đriv Nậm Pồ cux lok six khov vav trâu Đại hôiv Đảng tas nro têz qơưk jiês tiv 13 no. Tiv zix zos têx tsênhv chêi hâur huôv tsar kinh têr xar hôiv, hâux lưv cik txos tsôngv box cxuô mênhx cxưx sâuv thax tsav luz nênhx, cêr, vax tsêr cxuô zav cik txos pox nhuôs luz nênhx zuôr tâu hlôngr yiêz ntâu đuô”./.

(Vũ Lợi-Lik Thox cxêik nhênhv)

Lênhx bôv đôiv lâuk nênhs Cho hla đhâu cêr pluôs txix chos tsoz chos nox txir thiêz chos jôngr ntông

Nền nhạc Dao....

Muk uô tuz lênhv 2 shông ntâu, kaz shông 1988, zơưv Tặng Văn Bình tror lok tsêr ntơưv jok Suối Khem, xã Phiêng Luông, huyện Mộc Châu, tỉnh Sơn La. Niêv thiêz txir lâuk tas, tsi muôx đas jos uô nox, têx tuz nhuôs lok tsênhv zâu, zơưv chuôz zis luz nênhx thâuv co lok six txov nhêv, tsuôk khov lok uô liêx têz chos poz cưk, blêx. Đros têx tsưr ziv xar, zos iz lênhx tuz lênhv tsi nyei txos cêr txov, phiv liv, zơưv niêx hnuz hmo xar tsưr ziv, zok nriêr hâu cêr huôv tsar uô nox chiê chuôz zis hla đhâu yeiz pluôs. Xar tâu txơưv uô, zơưv đros pox niêv, mê nhuôv krêz phaz uô têx têz por tox đo, muk kêr txeik tsêr nhiêx têz qơưk li pênhr nhiêx txiêx lok yưv pênhr chos jôngr ntông thiêz têx tsoz chos nox txir. Zơưv Bình heik: “Thâuv ntêx chuôz zis luz nênhx txov nhêv cơưk, cur sir jos cơưv shâuv luôs lưv tus txơưx huôv tsar uô nox ntơư tsưr ziv uô, kêr txeik pênhr nhiêx têz qơưk chiê chos têx tsoz chos nox txir, yuôx zêx thiêz jôngr ntông, txos nhiv no tưz tâu đê sâu, txiêr muôs. Cur luz nênhx tưz nhoz khênhr, cur thâuv tưs cux sik pheiz kênh têx tsưr ziv uô nox kriê trâu tsôngv cưr tix nênhx tsa hâur jok, muôz pheiz zuz nôngz kôngz, tsoz chos tsi xav nhiêx nju trâu sđ đros chos, đros uô”.

10 shông lok no, sâuv zơưv Tặng Văn Bình chuôz zis têx liêx têz por tox đo 3 ha ntâu, têx shôngz ntông, yuôx zêx tưz njuôz vor tox trôngz câuv har thiêz txos nhiv no tưz qir tâu txiêr sâu, đê muôs. Nhoz iz faz trôngz ntơư cux zos zơưv vax ntông nox txir, muôx: Txir lưk pax, txir thênhx caz txi lok six ndư, ntâu shông lok no zơưv chuôz zis tưz muôx phênhv sâu tâu txix têx ntông nox txir co. Trơưk li zơưv Bình: Kror zov chênhr đuô hur si hâur huôv tsar uô kôngz zos tsuv sir jos cơưv shâuv, uô lơưr têx tsưr ziv yiêz. Chênhr viv li, sâuv têx têz nxaz chos ntông nox txir, zơưv chos têx zav zuz nôngz yiêz, uô trơưk tsưr ziv kriê chos thiêz tu, viv li ntơư, shông tưs cux đê sâu tâu ntâu, xav kror đruôz đraz iz shông tâu nhos 14 tênhr txir lưk pax, txir thênhx caz, txir quýt thiêz 5 tênhr txir khơưz; zơưv chuôz zis liêx têz yuôx zêx zos zuôr xar iz ha, iz shông đê sâu tâu 25 tênhr ntâu njik yuôx zêx; Zuôr xar 2 ha ntông chiêz thiêz shôngz, nhiv no tưz jông yiz txiêr muôs. Yưx hur tiz si têx nhiêx txiêx ntiêr nênhs uô, chos thiêz tu....tas, iz shông zơưv chuôz zis muôx phênhv sâu tâu, xav tas nro 500 ntâu tsov đeiv.

Shông 2017, zơưv Tặng Văn Bình tưz cxiv uô tâu vax tsêr jông lok nhoz, zuôr tâu ntâu zav chuôz zênhx phưx vưv luz nênhx xênhz huôx niêx hnuz thiêz muôx nhiêx txiêx tso hâur tsêr nhiêx đros paz tuôr chiê. Yênhx iz hâur têx chuôz zis bluô nux hâur xã Phiêng Luông, zơưv Bình thâuv tưs tưz moz siêz txos, paz max têx lênhx nênhs pluôs hâur xã txix paz zuz nôngz tsoz chos, tsiêx tu zus, pênhr, kriê tsưr ziv huôv tsar uô nox chiê tsôngv cưr tix nênhx tsa đros cơưv shâuv, uô trơưk, sir jos hla đhâu cêr pluôs. Zơưv Lý Trọng Sinh, iz hâur ntâu chuôz zis ntơưv xã tâu zơưv Bình paz max lok huôv tsar uô nox uô hnar heik: “Zơưv Bình chuôz zis zos chuôz zis xuz thơưx sir jos hlôngr yiêz têx tsoz chos, tsi tiêk txơưx huôv tsar uô nox, muôx phênhv sâu tâu nju. Zơưv Bình tsênhv pheiz kênh têx tsưr ziv uô nox trâu pêz thiêz ntâu chuôz zis hâur jok lok zuz nôngz tsoz chos, muôz pênhr nhiêx trâu pêz txeik hur si..... Chênhr viv li, nhiv no cur chuôz zis tưz nhoz khênhr, ntâu ziv chuôz zis hâur jok tâu zơưv Bình paz max viv li lơưr têx tuz nhuôs cux tâu muk đros luôs lưv tus cơưv ntâuz cơưv ntơưr, pêz uô tsâus zơưv Bình lok six ntâu”.

Đros trâu têx sir jos gôngr paz hlôngr yiêz zuz nôngz tsoz chos, tsiêx tu zus, zơưv Tặng Văn Bình tâu T.Ư Hội Nôngx mênhx VN muôz ntơưr kruôs lok sâuv txơưx huôv tsar uô nox hâuk, ntâu shông siz lơưr liês tâu huyện Mộc Châu kruôs txos thiêz yênhx lênhx bôv đôiv lâuk uô ntêx nyuôs hâur phôngz yaox huôv tsar uô nox uô hnar coz nhoz xã Phiêng Luông. Zơưv thiêz chuôz zis thâuv tưs cux uô ntêx nyuôs hâur uô lơưr Đảng, têz qơưk têx chei fuô kriê, heik tsôngv cưr tix nênhx tsa sđ hâur jok đros uô trơưk, uô nênhx sik thôngx siêz, siz chos cxiv tsa thax tsav qơư nhoz huôv tsar, vav mênhx. Zơưv Bàn Văn Quang, Bí thư, tsar jok Suối Khem, xã Phiêng Luông heik: “Nhoz Suối Khem, xã Phiêng Luông, muôx zơưv Tặng Văn Bình chuôz zis zos chuôz zis uô ntêx nyuôs hâur huôv tsar uô nox uô hnar, ntâu shông siz lơưr liês thâuv tưs cux tâu chuôz zis vênhx huôv. Zơưv tâu tsôngv px njênhs njôngr, nhiêv txos, viv thâuv tưs cux zos lênhx uô ntêx nyuôs hâur cxuô phôngz yaox, paz ntâu chuôz zis huôv tsar kinh tế”.

Nền nhạc Dao.....

Sir jos hla đhâu têx phiv liv, cêr txov, lênhx tuz lênhv lâuk Tặng Văn Bình tsưr ziv huôv tsar uô nox uô hnar tsiv nhos chiê ntâu lênhx px sđ cơưv shâuv, uô trơưk./.

(Chẻo Thu-Riê Lâux cxeik, nhênhv)