Chor cưk kriê ntơưr hâur tơư trôngz Ca Hâu

Nhoz puôz hâur tơư trôngz Ca Hâu, tsêr cơưv Phôv thôngz mênhx cxưx niêv txir zus mor cxênhx iz thiêz cxênhx oz Na Ư nhiv no tưz tâu tso lok uô cê, đros tas nro muôx 440 ntâu lênhx shux xênhz 2 cấp cơưv. Tas nro puôr lênhx zos têx tuz nhuôs tsôngv box mênhx cxưx Hmôngz. Hêik txos têx phiv liv hâur côngz xưv kriê ntơưr nhoz ntus đriv, cưk kriê ntơưr Nguyễn Trọng Sơn, Hiệu trưởng tsêr cơưv ntơưr puz pâuz: têx phiv liv lok cêr thiêz cxuô zav hâur tsêr cơưv muôx tsik txâuk tưz tsik zos kror mak tsêr cơưv ntơưr no cxơưx txos tsik so, kror phiv liv tiv zix đros thiêz 39 lênhx cán bộ cưk kriê ntơưr tsênhv uô côngz xưv ntơưv no chênhr zos muôx 30% ntâu shux xênhz hâur tsêr cơưv ntơưr muôx niêv txir, lok sik nênhs cxênhz jê tsênhv trâus xưv bluô lok sik trâus tuô tuôs tiv cik txos nhiês zuôr muôs zax zênhz. Kror co uô trâu chôngz lênhx zos yênhx têx lênhx nhuôs njuôs, tsik muôx qơư khov vav, siêz tsik truôx, xar tso ntơưr tsês. Viv li, đrâuv uô hâux lưv kriê ntơưr, chor cưk kriê ntơưr hâur tsêr cơưv tsênhv tsuv uô nzir hâux lưv zos chor nhuôs co lênhx niêv, lênhx txir, tu zus chor mê nhuôs co xưk li zuk têx mê nhuôs, kruôz kriê trâu chor nhuôs tsưr ziv uô nênhx, paz trâu chor nhuôs sir jos hâur luz nênhx thiêz cơưv ntơưr: “Chiê phêiz kênh đros chor shux xênhz no zos pêz iz kror phiv liv. Thiêz chiê chor nhuôs tror tuôx cơưv ntơưr jông li kuz zos chor cưk kriê ntơưr sêiz car lớp cơưv li têx sir jos lox chiê paz trâu chor nhuôs sir jos đuô. Txơưv tiêk chor nhuôs muôx luz nênhx txov nhêv li co taz sik txix hâur shôngk shông cơưv txos nhiv no pêz cux tsik tâu muôx lênhx shux xênhz tưs tso ntơưr tsês, so ntơưr hlo, chor nhuôs puôr lênhx lok six nhiêv tsêr cơưv ntơưr thiêz sir jos cơưv”.

Tâus txox cêr zâu muk trâu qơư chor shux xênhz nhoz, cưk kriê Nguyễn Thị Huấn muôx 5 shông uô côngz xưv ntơưv tsêr cơưv puz pâuz, tưz tsik pâuz shor pêk tsơưs jiês pôngz cuô muôs thâuv njiê pov tâu zuk têx shux xênhz pưk kuôx viv ndo vax tsêr, niêv txir. Muôx têx lênhx zênhx pâuz tsênhz tiêk zuk chor nênhs cxênhz jê co zênhx tsik tror lok lơưv thâuv cik txos têx txuz án zuôr muôx zax zênhz ntâu. Viv li chor cưk kriê ntơưr cxơưx yax tsik zos hâux lưv kriê ntơưr, têx phiv liv, txov nhêv nhoz thax tsav ntus đriv, têx cêr muk lok nhav jơưk thâuv txos chêix ntux nas…mak zos cxơưx txos chor nhuôs tsênhv zâu xar tsik tâu thôngz, tsik sir jos hâur luz nênhx. Têx co tưz cxơưz tiês chor cưk kriê ntơưr hâur tsêr cơưv tsuv sir jos đuô, zos qơư khov vav lok cxuô zav trâu chor shux xênhz. Cưk kriê ntơưr Nguyễn Thị Huấn hêik: “Thâuv pov chor nhuôs kuôx li co cur cux paz đros chor nhuôs pôngz siêz, uô zuk siêz truôx bo kruôz kriê, hêik chor nhuôs muk cơưv ntơưr, hêik chor nhuôs truôx siêz hla đhâu têx phiv liv chiê sir jos cơưv ntơưv cov tov kaz no thiêx hla đhâu tâu cêr pluôs. Thiêz xar cov chor nhuôs txơưv li chak lok cux truôx siêz, sir jos cơưv cov zos đrêiv li chor cưk kriê siêz vav njôngr”.

Cưk kriê ntơưr Nguyễn Thị Thâu puz pâuz, đros chor nhuôs muôx luz nênhx txov nhêv, nênhs cxênhz jê tsuv trâus xưv bluô lơưr cêr chêi têz qơưk hnuz nhôngs tsênhv zâu mak chor cưk kriê ntơưr hax zav muôx txơưx jênhv lox thiêz ntâu đuô. Chuôz zis tsik jông, chor nhuôs luz nênhx xưk li khov tas nro trâu tsêr cơưv ntơưr thiêz chor cưk kriê ntơưr paz.

Txơưv tâu têz qơưk paz nhiêx nox, taz sik lok six tsơưs, tâu 70.000 đêiv iz hli, đros zos thax tsav phiv liv nhoz đêz tsênhv qơư, tsik muôx ciêz viv li hâux lưv uô cov muôx trâu chor nhuôs nox tâu iz pluôs muôx cxuô zav mak cux zos chor cưk kriê ntơưr hâur tsêr cơưv tsuv paz thiêz sir jos uô. Phiv liv tiv zix zos ntu xuz thơưx thâuv chor nhuôs têx nênhs cxênhz jê trâus cxov, chor cưk kriê ntơưr tsuv sik hlôngr nto tok chor nhuôs lok đros zuk pư, uô jâuz mor trâu nox, nxuô têx khâuz ndơưk, puôs pư cov chor nhuôs tsik ndo txos vax tsêr thiêz niêv txir: “Xuz thơưx zos kruôz kriê trâu chor nhuôs txix đa đêx, nxuô khâuz ndơưk, nox, nhoz txos trâu muk pư li chak. Thâuv chor nhuôs tưz pâuz lơưv mak zuôr sưv thiêz uô tâu jux juk. Chor nhuôs cux lok six sir jos, zuk njiê pov tâu txix têx hâux lưv li cơưv ntơưr thiêz cêr uô nênhx”.

Zos tiêk chor cưk kriê tsik muôx siêz nhiêv têx mê nhuôs, sir jos hla đhâu ntâu kror phiv liv nhoz truôx siêz ntơưv thax tsav qơư no, mak tsik pâuz shor zuôr muôx pêk tsơưs lênhx nhuôs zâu muôx luz nênhx txov nhêv nhoz no zuôr uô nênhx nhoz li chak thiêz luz nênhx shor cơưs trâu kror tưs./.

(Vũ Lợi-Lik Thox cxêik nhênhv)

Cưk kriê paz max shux xênhz pluôs truôx siêz mul cơưv ntơưr

          Sâuv thax tsav huyện Thuận Châu, yuôr ntâu qơư muôx têx mê nhuôs shux xênhz muôx luz nênhx lok six txov nhêv, muôx têx lênhx uô njuôs niêv njuôs txir, muôx têx lênhx tsi tâu mul cơưv ntơưr viv ntâu tsêr cơưv nhoz đêz tsênhv qơư xã shux xênhz tuôx cơưv tsi tâu cxix cxuô. Cxôngx qênhx shênhx co, hli 3 shông 2018, phongx Zaoz zux thiêz thox cxov huyện Thuận Châu tưz phuôx tôngv phongz yaox tưr thik cưk kriê jênhv paz max shux xênhz muôx luz nênhx txov nhêv. Ciês thâuv phuôx tôngv phongz yaox, phongz yaox no tưz jênhv tâu ntâu lênhx cưk kriê li thôngx ziv. Iz tsêr cơưv puôr lênhx pheiz côngz yênhx cưk kriê chủ nhiệm jênhv paz max têx mê nhuôs shux xênhz muôx luz nênhx txov nhêv, paz lok chuôz zênhx chuôz tas, paz tôngv vênhx mê nhuôs tso siêz mul cơưv ntơưr. Zơưv Nguyễn Hữu Hải, Phưv tsar phongx Zaoz zux thiêz thox cxov huyện Thuận Châu heik: “Hâur six hơưv đhâu, tưz muôx 2 cxênhz 356 lênhx cưk kriê jênhv paz max 3 cxênhz 17 lênhx shux xênhz muôx luz nênhx txov nhêv sâuv thax tsav huyện. Đros thiêz ntâu tsưr ziv paz txưv huv đros shux xênhz luz nênhx, huv đros cưk kriê li têx muôx ntơưv qơư. Muôx ntâu lênhx cưk kriê muôx luz nênhx txov nhêv taz sik siêz jông mak cux tsês six hơưv gôngr côngv, paz max zuk têx mê nhuôs shux xênhz txov nhêv”.

          Đrâuv têx ntâuz ntơưr, cxeix laov kriê ntơưr, cưk kriê Nguyễn Thùy Dung, cưk kriê tsêr cơưv cxênhx 2 Mường Khiêng, xã Mường Khiêng, huyện Thuận Châu tsênhv zos iz lênhx cưk kriê siêz jông. Hâur cưk kriê li chor mê nhuôs shux xênhz mak cưk kriê jênhv paz txưv muôx iz lênhx zos Lường Văn Chiểu, cơưv lớp 9A. Chiểu trâus moz plơưr thâuv nhiv kruôr xênhz zus lol, chuôz zis txov nhêv, niêv txir tsuôk uô liêx têz, pluôs yeiz pluôs tsâu viv li tsi muôx nhiêx txiêx chiê mul kho moz. Cưk kriê pov zuk shux xênhz luz nênhx txov nhêv li ntơư tưz pov trâu tsêr cơưv, hu grus têx lênhx nênhs siêz jông, têx cưk kriê thiêz shux xênhz hâur tsêr cơưv paz txưv chiê Chiểu tâu mul kho moz. Hâur six hơưv co, đrâuv têx hnuz muk kriê ntơưr, cưk kriê Dung tsênhv tôngv vênhx Chiểu sir jos cơưv ntơưr, kriê cxaz trâu Chiểu. Đros cưk kriê Dung li paz max, Chiểu tưz tâu mul kho moz ntơưv tsêr kho moz Trung ương thiêz jông moz. Cưk kriê Dung pheiz kênh: “Cur lok six jông siêz viv pov cur chor mê nhuôs shux xênhz muôx jông đas jos, shir phaz mul cơưv ntơưr, hâur tsêr cơưv tsênhv muôx lok six ntâu shux xênhz muôx luz nênhx txov nhêv, đros zuk li mê njik đas jos cur xar tsuv uô li chas chiê paz tâu têx mê nhuôs shux xênhz phênhv tưs, hâux lưv uô mê taz sik muôx ziz njiêz lox”

          Chuôz zis shux xênhz Quàng Thị Phương Cúc, nhoz jos Mười, xã Bó Mười, zos shux xênhz lớp 3 tsêr cơưv cxênhx 1-cxênhx 2 Bó Mười cux muôx luz nênhx txov nhêv. Niêv txir tâu tas siv nênhx nzor, hâur luz tsêr tưz trâus puôk tsuôx ntâu tsuôk muôx 2 pos cư nhoz uô nênhx. Tsêr cơưv mak nhoz đêz 4 cei cêr, hnuz tưs Cúc cux sơưr nzor chiê mul cơưv ntơưr. Pos mak tưz muôx hnuz nhôngs siêz, viv li cxơưx tsi tâus trâu Cúc mul cơưv ntơưr thiêz. Taz sik, Cúc thâuv tưs cux mul cơưv ntơưr trơưk six hơưv, sir jos cơưv ntơưr hênhr, uô tâu li co zos muôx têx cưk kriê hâur tsêr cơưv tsov cưv txos, paz max. Pos Quàng Thị Tạng, Cúc pos jông siêz puz pâuz: “Thâuv chuôz zis txov nhêv li ntơưv, tâu têx cưk kriê thiêz têz qơưk paz max cxur, pav, tris yo, ntâuz ntơưr, cur ưz pos cư lok six jông siêz, uô tsâus ntâu txos cán bộ tưz paz max trâu ưz 2 pos cư”./.

(Đắc Thanh- Txâur Vax cxeik nhênhv)