Phênhv thưr 4.28.12.2016:

TÊZ NUS LOK MOZ TUÔS TÊS TUÔS TƠƯ THIÊZ VẮC XIN PHAX MOZ TUÔS TÊS TUÔS TƠƯ

          Lul nus 1: Moz tuôs tês tuôs tơư zos zav moz tul tsi?

          Moz tuôs tês tuôs tơư zos zav moz cik tiv caz moz Polio uô muôx yưv moz. Thâuv trâus caz moz zuôr uô ruôr hiêv txos têx lênhs yar. Moz zuôr uô tuôs lênhx nênhs lok sik trâus tuôs tês tuôs tơư, kho tsi tâu jông.

          Lul nus 2: Moz tuôs tês tuôs tơư siz cik li chas?

          - Moz tuôs tês tuôs tơư cik cxôngx lênhx nênhs no trâu lênhx nênhs tor đhâu  nox hâuk.

          - Moz zôngx ziv siz cik, tiv zix zos mê nhuôs nhoz hâur iz tsêr đros lênhx nênhs muôx caz moz.

          Lul nus 3: Uô li chas chiê phax moz tuôs tês tuôs tơư?

          Tsuv chuôz cxaz đas jos thôngz đhâu hâux lưv cxax yuôx phax moz tuôs tês tuôs tơư zos tsưr ziv phax moz muôx chêx cuk tiv zix.

          Lul nus 4: Viv li chas ho hâuk yuôx phax moz tuôs tês tuôs tơư thâuv tưz tir thêir tâu moz tuôs tês tuôs tơư?

          Ntơưv Việt Nam, moz tuôs tês tuôs tơư tưz tir thêir tâu cxôngx shông 2000. Taz sik hâur qênhx shênhx caz moz tsênhv siz cik nhoz iz cxiê têz qơưk sâuv ntiêx têz, đros hâux lưv krêz đar sik côngv đros ntiêx têz tso pov moz tuôs tês tuôs tơư tsênhv muôx. Hâux lưv chuôz cxaz đas jos por vêv lênhx nênhs phax tar moz zos lok six zov chênhr.

          Lul nus 5: Muôx zav yuôx vắc xin tưs phax tar moz tuôs tês tuôs tơư?

          Muôx 2 zav yuôx phax moz tuôs tês tuôs tơư:

          - Yuôx phax moz OPV hâuk

          - Yuôx phax moz IPV chiê cxax trâu luz chêr.

          Lul nus 6: Mê nhuôs tsênhv hâuk yuôx phax moz tOPV hlôngr chiê hâuk bOPV puk tâu?

          2 zav yuôx OPV puôr lênhx taz por thiêz muôx chêx cuk. Yuôx phax moz bOPV cux li yuôx tOPV, six hơưv cxax yuôx phax moz tâu cxax li đrav kaz:

          - Jiês tiv 1: thâuv mê nhuôs muôx txưv 2 luz hlik

          - Jiês tiv 2: thâuv mê nhuôs muôx txưv 3 luz hlik

          - JIês tiv 3: thâuv mê nhuôs muôx txưv 4 luz hlik

          Viv li, zos mê nhuôs tsênhv hâuk yuôx tOPV ho hlôngr hâuk yuôx bOPV cux tâu..

          Lơưr tsưr tsix y tế ntiêx têz li zoz qơưx, tas nro têx têz qơưk sir zôngv yuôx phax moz tOPV zuôr hlôngr zôngv yuôx phax moz bOPV cxôngx hli 5/2016. Txos nhiv no, tas nro têx têz qơưk tưz uô têx hâux lưv ntơư, hâur co muôx Việt Nam./.

(Hồng Việt- Txâur Vax cxeik nhênhv)