Yên Bái: phax tar muôl muôs hax huv chuôr thiêz tsik zos chêi sâuv txox cêr muk chênhr Nội Bài-Lào Cai jiês kaz shông

Kuôk no xar muôx iz đraz hli, ntơưv cêik cêr 170 txox cêr muk chênhr Nội Bài-Lào Cai, lưx lươngv Cảnh sát zoz thôngz, Công an tỉnh Yên Bái tưz sik côngv đros Cục C67 Bộ Công an thiêz Chi cục sêiz car ciêz đrôngs tỉnh Yên Bái cxov tâu 3 luz yêz ô tô muôx biển số nhoz Hà Nội thiêz Phú Thọ tsênhv thâux ntâu hax huv tsik muôx ntâuz ntơưr zos khâu, tsôngk yo thiêz hax huv ntâuz xor txơưr đuô, tsiv gri yênhx châuv tiv đêiv puôr lênhx zos txix saz Trung Quốc. Lơưr chor nênhs tsar yêz hêik pâuz, chor hax huv no tâu iz lênhx nênhs pâuz tsik tsênhz bê ntiêr thâux txix Lào Cai lok Hà Nội chiê muôs. Nênhs tsar yêz Nguyễn Thanh Bình-iz lênhx hâur pêz lênhx nênhs tsar yêz trâus cxov puz pâuz:

“Cur zos nênhs tsar yêz tâu ntiêr thâux chor hax huv txix Lào Cai lok Hà Nội, cur tsik pâuz shor zos hax huv đaz tsi. Thâuv txos cêik cêr 170 sâuv txos cêr muk chênhr Nội Bài-Lào Cai chêk pov lưx lươngv txơưx jênhv, tsưr hax huv cov cur tis yêz tror muk trâu Lào Cai, thâuv txos trâu thax tsav huyện Bảo Thắng chêk trâus hêik đrêk yêz chiê qênhz yuôx…”

Yên Bái zos tỉnh tsik muôx ntus đriv thiêz trôngx đriv, taz sik ho nhoz luz đraz txox cêr muk chênhr Nội Bài-Lào Cai, viv li chor nênhs co tsik so xêir tsov zos qơư tsêx trung hax huv, đhâu co muôz phêiz chiê thâux muk trâu chor tỉnh txơưr đuô. Txix hâur shôngk shông txos nhiv no, lưx lươngv txơưx jênhv tỉnh Yên Bái tưz pov, cxov tâu 60 txuz muôl muôs hax huv chuôr, tsik zos chêi, sâu tsês yênhx châuv cxênhz hax huv tsik pâuz tsênhz qơư thiêz hax huv, zênhz nzêik, tsôngk yo, ntâuz xor, khâu…, đhâu co sâu nhiêx trâu nhiêx txiêx têz qơưk zuôr xar 3 tiv đêiv.

Zơưv Phan Bá Hùng, phưv giám đốc sở Công thương, Chi cục trưởng sêiz car ciêz đrôngs tỉnh Yên Bái puz pâuz:

“Qênhx shênhx muôl muôs hax huv chuôr, tsik zos chêi sâuv thax tsav jê no lok six phiv liv. Txix nhiv no txos kaz shông qênhx shênhx no tâu njuôk xav zuôr txơưr txar phiv liv, tiv zix zos txix thâuv muôx ntu cêr muk chênhr Nội Bài-Lào Cai muk đhâu thax tsav tỉnh. Pêz sêiz jor thiêz qênhz yuôx cxuô six hơưv, thâuv thâux hax huv mak tsuv muôx ntơưr…”

Đrâuv tsov cưv qênhz yuôx, pov, xưv lik têx phamv cxâuv sâuv txox cêr muk chênhr Nội Bài-Lào Cai ntu muk đhâu thax tsav, chor nganhx txơưx jênhv nhoz Yên Bái cux chuôz cxaz lưx lươngv trâu chor ntu cêr zov chênhr txơưr đuô li txox cêr 70, txox cêr 32, cêr hlâu Hà Nội-Lào Cai… Đhâu co, tưz tsik zos tir tar têx kror uô cxâuv, mak tsênhv paz taz por tsơưr lươngv hax huv phưx vưv pêx xênhv tok tsiêz chiê taz por ngaz tuk thiêz shir phaz./.

(Đinh Tuấn-Lik Thox cxêik nhênhv)

Hla đhâu phêv liv uô bluô nux cxôngx tsoz txir thênhx caz nhoz jos Cho

          Kuôk nor 4 shông, thâuv Triệu Văn Mừng gra têx hâur pâus tsoz txir thênhx caz xuz thơưx lol chos sâuv ar têz jos Khe Lành no, tsi muôx lênhx tưs xar tiêk Mừng zuôr uô tâu yênhx côngz. Viv ntâu cxênhx nênhs no, nênhs Cho nhoz jos no tsuôk pâuz chos poz cưk, kok ntông xưz. Nhoz têz qơưk no, tul tsi cux phêv liv, tsôngv box pluôs, jos pluôs, tsưr ziv uô pôngz kaz, cêr zaoz thôngz lax mul lol, lênhx tưs cux heik Mừng viv li chas zuôr yưv pênhr zuôr zav tsoz chos tsi tâu muôx lênhx tưs chos chox lol chos. Txir thênhx caz lax chos, tsoz phưz jông. Taz sik Triệu Văn Mừng njênhs njôngr tiêk, đros qiv hơưv, ar têz xưk li têx thax tsav chos txir thênhx caz txơưr, nênhs Choz tsiz, Mường Thải, Mường Cơi uô tâu, zuk cux zuôr uô tâu. Mừng li siêz njênhs co ziv truôx tul viv thâuv co huyện li tsaz yênhx 135 cux yưv pênhr chos txir thênhx caz sâuv ar têz nxaz trâu 10 ziv chuôz zis hâur jos đros 1 cxênhz tsoz txir thênhx caz, hâur co muôx Mừng chuôz zis. Li ntơư, Triệu Văn mừng cuiz tênhv yưv pênhr chos 1 cxênhz 400 tsoz txir thênhx caz Vinh, sâuv mênhv chêx 1 hecta têz poz cưk.

          “ Phêv liv xuz thơưx zos pênhr, viv chos mak tsuv yưv pênhr ntâu đuô chos poz cưk. Phêv liv tiv 2 zos zuk tsi tâu muôx chênhz zênhv, tiv 3 zos cêr mul lol, thâux qir, đêx mul zuôv thiêz zưs phênhv ntâu zos ntiêr yêz teiv, pôngz cxaz nhiêx txiêx thiêz”.

          Six hơưv xuz thơưx tsi tâu muôx chênhz zênhv, txir thênhx caz trâus tuôs ntâu, muôx têx thâuv cux tsi xar uô thiêz. Taz sik, Mừng ho truôx siêz tror mul cơưv shâuv chênhz zênhv, tsưr ziv tsoz phưz. Chos txir thênhx caz tsuv txơưr đuô chos têx tsoz chos txơưr, cxôngx tsưr ziv zuôv qir, txiêr chês, caz hmoz, đêx zưs ...puôr lênhx lok six tsưv ziv uô. Têx shông xuz thơưx, Mừng 2 niêv txir tsês phênhv ntâu six hơưv trâu vax txir thênhx caz. Đhâu 4 shông truôx siêz sir jos uô, shông 2016, 1 hecta ntâu txir thênhx caz tưz tso lol phênhv sâu xuz thơưx trâu chuôz zis, đros 1 tênhr ntâu txir, sâu tâu 30 tsov đeiv. Lơưr co, Mừng tror txeik pênhr Zênhx hangx tsênhv chei thiêz zênhx hangx kôngz nuv yưv pênhr muôx 80 tsov đeiv chiê uô cxix luôk zưs đêx, cê tuôv zênhv zoz qơưx zưs đêx, cê phax tuô caz hmoz. Triệu Văn Mừng heik:

          “ Zuk li siêz xar njôngr cux xưk li pox nhuôs nhoz no, tiv 1 zos uô tâu cêr jông mul chiê pox nhuôs thâux hax huv zôngx ziv đuô, txu grês nhiêx txiêx. Thâux nhiv no phênhv ntâu zos zôngv yêz meir, lok six phêv liv”.

          Khov tâu tsoz phưz jông, Mừng chuôz zis li vax txir thênhx caz tax ploz tsênhr Vietgap, tsoz tưs cux txi txir đax vos, njuôs xav sâu tâu 15 tênhr, tso lol phênhv sâu 250 tsov đeiv  nhiêx liv....Tsi taz cungz trâu niêv ciêz hâur huyện, Triệu Văn Mừng tsênhv zôngv mạng onlie heik kriê txos têx tiv phaz txơưr hâur tas nro têz qơưk. Zơưv Đỗ Hồng Tốt, Phưv chủ tịch UB xã Mường Thải, huyện Phù Yên, tỉnh Sơn La heik:

          “ No zos xã li iz hâux lưv jông mak pêz tror yax mông trâu têx jêx jos txơưr uô lơưr tix lâuk Mừng li trâur nuv hâur tas nro xã”.

          Têx hnuz no, tix lâuk Mừng oz niêv txir thâuv tưs cux phênhv ntâu nhoz đrav vax txir thênhx caz chiê sâu thiêz tsoz phưz trâu mênhv chêx txir thênhx caz phưx vưv tsiêz yiêz. Car xar car uô, Triệu Văn Mừng tsiv nhos zos lênhx nênhs jông chiê têx đoàn viên hluôk nênhs thiêz pox nhuôs hâur jos cơưv shâuv uô lơưr./.

(Hồng Việt- Txâur Vax cxeik nhênhv)