Tâuv kriêr- Tsôngv box Hmôngz nhoz Hà Giang li iz zav nox kaz

          Zos thax tsav ar muôx tsơưs đêx, viv li pox nhuôs tsôngv box Hmôngz nhoz Quản Bạ (Hà Giang) phênhv ntâu tsuôk chos poz cưk, tâuv pâur thiêz sik shơư hâur têx têz poz cưk pox nhuôs chos cxaz kriêr, cê tsês chiê chox mul muôs cê tsês chiê phưx vưv xênhz huôx niêx hnuz. Chênhr cxôngx têx tsoz chos co mak tsi pâuz cxôngx pok thâuv tưs Tâuv Kriêr tưz tâu tsôngv box nhuôs xar tơưv tâu chiê uô nox thiêz yênhx iz zav nox đros đreiv hâur luz nênhx.

          Chiê uô tâu Tâuv Kriêr tsuv bax ciêr trox zos pêz Hmôngz li buô đuz thiêx li tsư kaz, kriêr thiêz tâuv đax tưz vâuv tuôx câus ntêr xar muôx iz ntir tês. Heik lok tsưr ziv uô Tâuv Kriêr, pos Txâur Xênhv Hơưx nhoz xã Thanh Vân, huyện Quản Bạ, tỉnh Hà Giang puz pâuz:

          Tâuv Kriêr thâuv uô tâu, pox nhuôs khênhr muôz đâuk tso trâu hâur iz luz huz, chuôz zis tưs muôx tuv lạnh mak muôz đâuk trâu hâur teik thiêz tso trâu hâur tuv lạnh nox jux jus. Tâuv Kriêr thâuv uô mak tsuv zuôr lok six ntâu trox, tiv zix zos tsi cxoz chiê đêx ntuz chor Tâuv Kriêr, viv muôx đêx mak Tâuv Kriêr khênhr tuôx pưv thiêz tsi jông nox lơưv. Thâuv nox tsuôk muôz mê njik lok râuz cov sor, nox nzuôk mor cuôv lok sik mor blâuv mak lok six kaz. Viv zos zav nox tsês tâu ntêr, viv li iz jiês jiês uô, pox nhuôs khênhr uô ntâu mê njik chiê nox hâur yênhx shông, tiv zix zos thâuv nox tsiêz tas, tsôngv box tsênhr biv mul uô têz. Pos Txâur Xênhv Hơưx puz pâuz cxaz:

          Tâuv Kriêr khênhr tâu tsôngv box Hmôngz nhoz Quản Bạ uô nox hâur cheix ntux no, viv muôx kriêr njiv, nox mak pov iz chêr sor đuô, paz tsôngv box tir tâu ntux no njiv nhoz tox siêz.

          Txơưv Tâuv Kriêr tsi tâu tâu muôx ntâu lênhx nênhs pâuz txos, taz sik thâuv tưz tâu nox siv iz jiês mak lênhx tưs cux ndo njôngr thiêz xar zuôr gra mul trâu cưr tix nênhx tsa, fôngx zưs sik đros nox siv. Tix lâuk Nguyễn Hải Quân nhoz Bình Định, tuôx ndis shuôk Hà Giang thiêz jiês xuz thơưx tâu nox pêz Hmôngz nhoz Hà Giang li chor Tâuv Kriêr puz pâuz: Tâuv Kriêr zos iz zav nox lok six kaz, nox pov muôx njik njiv kriêr, câus tâuv mak gis thiêz lok six tsư kaz côngv đros thiêz ciêr trox tâu uô cxôngx trox buô đuz lok six kaz, zos lênhx tưs tưz tâu nox siv iz jiês mak zuôr ndo njôngr txos zav nox kaz no. Tiv zix, zos kriêr muôx hâur zav nox no tsênhv paz uô cov luz chêr sor đuô nhoz tox siêz ntux no njiv li no:“No zos jiês xuz thơưx cur tâu nox tsôngv box Hmôngz nhoz no li chor Tâuv Kriêr, lok six kaz, tiv zix zos thâuv nox nzuôk mor blâuv. Cur cux zuôr chiê gra mul trâu cur têx fôngx zưs nox siv, tâuv kriêr lok six huv nox hâur têx hnuz ntux no njiv li no”.

          Tuôx txos tox siêz jêz tox nthênhz Hà Giang, đrâuv mul ndis shuôk têz qơưk jông jav, tsôngv kruô sđ tsuv ndo njôngr mul nox siv pox nhuôs mênhx cxưx Hmôngz nhoz no li têx zav nox kaz, hâur co muôx Tâuv Kriêr chiê pâuz cxaz lok tsôngv box nhoz no li luz nênhx xênhz huôx cux xưk li têx zav nox kaz chax chês./.

(Txâur Vax cxiv sâu- cxeik nhênhv)

Ngênhx du lix Điện Biên trâus tuôr thênhv, viv moz covid-19

          Tsênhv taz tov zos chêix ndis ntux sêiz shuôk têz qơưs hâur niêx shông ntơưv Điện Biên, taz sik hâur têx hnuz no ntâu luz tsêr tok kruô hâur thax tsav đrôngl thành phố Điện Biên Phủ, tỉnh Điện Biên cux tsik muôx kruô tuôx so ndis uô si sêiz shuôk têz qơưs. Zơưv Lò Văn Chính, phưv Giám đốc sêiz car tsêr kruô Mường Thanh, đrôngl Điện Biên Phủ cux hêik pâuz tiêk: 132 qar tsêr tok kruô, luz chêix no hâur niêx shông, tsêr tok kruô Mường Thanh tưz tsik txâuk trâu tsôngv kruô ndis ntux sêiz shuôk têz qơưs tuôx so; taz sik shông no, txix đhâu tsiêz 30 têz qơưs txos trâu nhiv no, tsuôk muôx tsơưs lênhx kruô tuôx ndis ntux uô si, qir tiv muôx moz covid-19.  “Hâur hli 3 niêx shông thiêz kriz ntênhk hội pax lâus, pêz cxuô qar tsêr so muôx 95-100% lênhx kruô tuôx so. Taz sik shông no tsuôk muôx txos 10% lênhx kruô tuôx so ndis uô si sêiz shuôk têz qơưs. Cxuô đoanx công ty du lix uô ntêx tsiêz, chôngz lênhx kruô xêir tsov têx qơư so uô ntêx, taz sik txix ciês muôx yưv moz covid-19, muôx tsơưs lênhx kruô tuôx ndis uô si sêiz shuôk têz qơưs txos Điện Biên”

          Tsôngv kruô ndis ntux sêiz shuôk têz qơưs txo grêk ntâu, cux uô tuôr thênhv tsik zos tsơưs txos cxuô luz tsêr muôs hax huv hâur thax tsav, viv phênhv nhiêx txiêx sâu tâu txix muôs hax huv cxuô zav txo grêk tsơưs 50-60%, muôx iz cxiê luz tsêr muôs hax huv tưz cơư kror trôngx. Pos cà Thị Xoan, iz lênhx muôs hax huv nhoz phươngx Thanh trường, đrôngl Điện Biên Phủ hêik pâuz nzir: “Luz chêix no hâur têx shông uô ntêx, tsuv uô txix 50-60 trôngx jâuz mor, grêix trâu tsôngv kruô ndis ntux sêiz shuôk têz qơưs zuôr nox; taz sik shông no têx jâuz mor, grêix uô muôs trâu tsôngv kruô, tsuôk yuôr 15-20 trôngx lơưv xưz”

          Zơưv Đoàn Văn Chì, phưv Giám đóc sở vênhx huôv du lix tỉnh Điện Biên hêik pâuz nzir tiêk: du lix zos ngênhx huôv tsar cêr uô nox hâur thax tsav tỉnh Điện Biên thiêz trơưk li njuôk xav hâur shông 2020 no, tsôngv kruô tuôx ndis ntux sêiz shuôk têz qơưs, tsuôk tax tâu 910 cxênhz lênhx, phênhv sâu tâu nhiêx txiêx tax tâu 1.500 tỷ đêiv. Taz sik, trơưk li thôngz sâu 3 luz hli hâur shôngk shông, tsôngv kruô tuôx ndis shuôk têz qơưs nhiv kruôr tax tâu 9,6%, njuôk xav phênhv sâu tâu nhiêx txiêx zos 135 tỷ đêiv, txo grêk tsơưs 4 bâus pir li têx shông uô ntêx. “Hli 3, hli 4 hâur niêx shông, zos luz chêix muôx chôngz lênhx kruô tuôx ndis ntux sêiz shuôk têz qơưs; lar hêik zos hâur chêix kriz ntênhk hội pax lâus. Taz sik shông no, viv muôx moz covid-19 uô ruôr hiêv txos, tsôngv kruô thiêx txo grêk ntâu thiêz cux uô trâu tsôngv px têx hax huv uô tâu hâur thax tsav tsik muôx kruô tuôx zuôr txos”

          Iz chas sik côngv đros hur si têz qơưs uô cxuô luôs hâux lưv tir thêir moz covid-19; uô ntêx sở vêhx huôv du lix tỉnh Điện Biên tsênhv taz tov yax kriê cxuô đơn vị zuôr muôs hax huv, tsuv tror cxiv kho đuô têx vax tsêr, qơư uô si cov jông jav cov ziv hnuz ziv muôx chôngz lênhx kruô tuôx ndis shuôk têz qơưs Điện Biên./.

                                                                            (Tsu cxêik nhênhv-Vũ Lợi)