Điện Biên: Sir jos tuôr chiê, phuôx huiz têx tsiv gri vênhx huôv phi vật thể

Têx hnuz no, côngv thôngx mênhx cxưx Lào ntơưv jok Na Sang 1, xã Núa Ngam, huyện Điện Biên, tỉnh Điện Biên shir phaz thâuv tâu Bộ vênhx huôv-Thể thao thiêz Du lịch muôz cungz jênhv tsiêz ntor đêx zos di sản phi vật thể cấp têz qơưk. No zos kror mak cấp ủy, chính quyền tiv phaz thiêz tsôngv box mênhx cxưx ntơưv no tok njôngr hâur ntâu shông đhâu. Cux zos li mak tsiêz ntor đêx shông no tâu pox nhuôs nhoz no tsưr tsix jông đuô, shir phaz đuô đros siêz xar thor iz shông yiêz muôx ntâu kror jông, kôngz lôngk sâu tâu ntâu, sơưr đơưk muôx jos. Cux zos chiê zoz zux trâu cxênhx hluôk, têx tuz nhuôs mênhx cxưx Lào muôx txơưx jênhv đros lịch sử, têx vênhx huôv.

Pos Lường Sao May, tsưr chênhr hâur ntênhk ntor đêx tsiêz ntor đêx jok Na Sang 1 puz pâuz:

“Hnuz no mak pêx xênhv Na Sang lok six tso siêz viv tâu cungz jênhv zos vênhx huôv phi vật thể têz qơưk. Tas nro jêx jok lok six shir phaz, uô si lov jêv, uô vênhx nghệ. Tas siv nênhx hnuz no mak shir phaz đuô hur si, tsik tiêk hnuz no xưz, pêz zuôr sir jos chiê phuôx huiz đuô thiêz zuk mênhx cxưx têx vênhx huôv cxôngx nzor, tsês chiê trâu cxênhx nênhs tov kaz no”.

Hâux lưv tuôr chiê, phuôx huiz têx vênhx huôv mênhx cxưx cxôngx nzor nhiv no tưz tsik zos chor lâul xưz mak tâu xav zos tas nro côngv thôngx li txơưx jênhv.

Pos Phạm Minh Châu, trưởng phongx vênhx huôv huyện Điện Biên, tỉnh Điện Biên puz pâuz: Ntu zuôr txos, đros tuôr chiê têx tsiv gri vênhx huôv phi vật thể tưz tâu cungz jênhv, nganhx zuôr tror uô jông thiêz hêik pâuz têx vênhx huôv jông nhoz tiv phaz. Chiê uô tâu kror no, lok six khov txos cấp ủy Đảng, chính quyền tiv phaz thiêz pêx xênhv sik đros paz.

Pos Phạm Minh Châu, Trưởng phongx vênhx huôv huyện Điện Biên, tỉnh Điện Biên hêik:

“ Đhâu thâuv tâu cungz jênhv lơưv mak tuôr chiê thiêz phuôx huiz, tsik chiê txuôv đros têx kror tsik jông mak no zos iz kror pêz tsuv tsov cưv txos thiêz ntu zuôr txos cux hêik trâu sơưr đơưk pâuz chiê tuôr chiê uô jông lơưr Đảng, têz qơưk li chox kriê”.

Txos nhiv no, tỉnh Điện Biên tưz muôx 18 mênhx cxưx muôx di sản tsuv tâu tuôr chiê thiêz tror hêikcov cungz jênhv zos di sản vênhx huôv phi vật thể têz qơưk, li: Mênhx cxưx Cống li ntênhk txi côngv pox côngz zơưv côngz, Tsiêz pax; ntênhk txi côngv jêx jok, mor blêx yiêz mênhx cxưx Hà Nhì, Xinh Mun, Si La; Pa Phoóng-mênhx cxưx Kháng li ntênhk txi côngv chuôz xênhv…Tỉnh cux tưz uô tiêr sik côngv đros viện Âm nhạc kriz uô cxiv tsa, uô ntâuz ntơưr Nghệ thuật đhiê pax vuôs xòe Thái tỉnh Điện Biên muôz trâu UNESCO cungz jênhv zos di sản vênhx huôv phi vật thể.

Lơưr chính quyền iz cxiê tiv phaz, côngz xưv tuôr chiê di sản vênhx huôv phi vật thể nhiv no tsênhv njiz trâus têx phiv liv. Zơưv Chang A Lử, phưv chủ tịch UBND huyện Mường Chà, tỉnh Điện Biên puz pâuz:

“Phiv liv tiv zix zos nhiv no chor nghệ nhân tưz lâul tas. Nhiêx txiêx paz trâu tuôr chiê, phuôx huiz têx tsiv gri co nhiv no cux tsênhv tsơưs. Chiê khưx phưx tâu qênhx shênhx no pêz xav jênhv ntu zuôr txos zuôr hêik tỉnh paz kriz uô iz cxiê huôx tôngv chiê huôv tsar cxuô zav thiêz muôx tsênhv chêi paz cxơưz cxiz chor nghệ nhân cxaz chuôz đros cấp ủy, chính quyền tiv phaz tuôr chiê thiêz phuôx huiz têx tsiv gri di sản co”.

Chiê cêir chêx têx phiv liv co, UBND tỉnh Điện Biên tưz tso tơưv cuêz tênhv số 1430 tso tơưv Đề án tror tuôr chiê thiêz huôv tsar vênhx huôv cxuô mênhx cxưx tỉnh Điện biên đros huôv star kinh tế-xar hôiv ntu 2016-2020, tsưr ziv txos shông 2025. Đề án li tsưr ziv zos txos shông 2020, 100% chor mênhx cxưx tâu qênhz yuôx, ntâuk gri; 50% chor mênhx cxưx muôx tsiv gri di sản vênhx huôv tâu tuôr chiê, phuôx huiz. Cux lơưr Đề án no, tỉnh Điện Biên zuôr tsêx trung khưx phưx, tuôr chiê têx tsiv gri vênhx huôv phi vật thể, uô cxuô nro têx tsưr ziv chiê gra siêz chêx cur côngz xưv huôv tsar, tror yưv pênhr uô cov tiêr cxiv luôs tsêr vênhx huôv mênhx cxưx sâuv thax tsav, paz trâu tsôngv box cxuô mênhx cxưx phuôx huiz tâu têx vênhx huôv. Tas nro nhiêx txiêx chiê uô njuôk xav txos shông 2025 tas muôx 119 tiv đêiv.

Zơưv Đào Ngọc Lượng, phưv Giám đốc Sở vênhx huôv, thể thao thiêz du lịch tỉnh Điện Biên puz pâuz:

“ Chôngz tsôngv box nhiv no mak tuôr chiê tsik tâu têx vênhx huôv mênhx cxưx. Iz jiês nhênhz chơưv lok iz kror vênhx huôv mak tsuv tas ntâu six hơưv thiêz zok nriêr ntâu ntâuz ntơưr thiêx pâuz tâu txos têx ntu huôv tsar nhoz yênhx mênhx cxưx. Nhiv no, pêz tsênhv tror sir jos nhênhz chơưv cov txos shông 2020 tsuv      qênhz yuôx zuôr xar cxuô thiêz pâuz tâu lok lịch sử 19 mênhx cxưx nhoz sâuv thax tsav tỉnh Điện Biên”.

Pir li têx tsar tov tsênhv muôx, mak chor di sản Điện Biên tâu cungz jênhv di sản vênhx huôv phi vật thể têz qơưk tsênhv tsơưs. Taz sik, no tưz zos têx kror jông xuz thơưx, sâu jênhv cấp ủy, chính quyền thiêz pêx xênhv cxuô mênhx cxưx tỉnh Điện Biên li sir jos hâur tuôr chiê thiêz phuôx huiz têx vênhx huôv mênhx cxưx, cxiv tsa iz luz nênhx vênhx huôv jông nhiz iz luz tỉnh tox siêz Tây Bắc./.                     

(Vũ Lợi-Lik Thox cxêik nhênhv)