Sơn La muôs tơưv 60 tênhr txir mo môngk trâu niêv ciêz

 Trung Quốc

Yênhx châuv ziv chuôz zis nôngx mênhx nhoz xã Tạ Bú, huyện Mường La tưz lok six shir phaz sâu đê 60 tênhr txir mo môngk tơưr njuôz, tso hâur huv cov jông, thâux yêz công ten nơ chiê muôs tơưv trâu niêv ciêz Trung Quốc. Pos Bùi Thị Thoan, nhoz jos Ngoạn, xã Mường Bú puz pâuz: “Cur chuôz zis chos tâu txir ntông li no mak HTX tuôx sâu zuôr cur lok six jông siêz, tas nro tsôngv box hâur jos cux lok six shir phaz, 3 hnuz no phênhv sâu cxôngx txir mo môngk cux tâu truôx tul”

          Viv uô trơưk tsưr ziv tsêz chos taz por, txir mo môngk Mường La jông gâux, sâu tâu ntâu đuô 1 shông tov ntêx, tsơưr lươngv jông, txir lox, nox kaz tâu nênhs sir zôngv nhiêv txos.

          Pos Phạm Thị Ảnh, Giám đốc HTX Đảo Ngọc, huyện Mường La, iz hâur 2 taz viv sâu zuôr thiêz muôs tơưv txir mo môngk puz pâuz: “Tsơưr lươngv txir mo môngk shông no tax ploz tsênhr mak tsôngv box uô lơưr lok six jông, txir jông gâux, cux shir phaz viv muôs tâu, viv li pox nhuôs thiêz HTX lok six jông siêz. Sâu zuôr mak pox nhuôs muôx hor ntâu pêz sâu zuôr tas, muôx têx hnuz 10, 20 tênhr, 100 tênhr, muôx hor ntâu pêz zuôr tas tsi chiê pox nhuôs chos tâu mak tsi muôx qơư muôs”.

          Tas nro huyện Mường La muôx nhos 2 cxênhz 600 hecta txir mo môngk, hâur co 1 cxênhz 700 hecta tsênhv txos ntu sâu đê, njuôs xav shông no tax 6 cxênhz 800 tênhr, njuôs xav zuôr muôs tơưv tâu muôx nhos 1 cxênhz 100 tênhr.

          Lơưr zơưv Nguyễn Văn Bắc, Chủ tịch UB huyện Mường La, tỉnh Sơn La, chiê paz txưv tsôngv box nôngx mênhx chos, sâu zuôr txir mo môngk thâuv moz Covid-19 tsênhv huôv xênhz, cxôngx ciês hâur shôngk shông, huyện tưz muôx tsưr ziv tsênhz mênhx, sir jos cxơưz cxiz muôv muôs, sik côngv têx niêv ciêz hâur thiêz saz đrâuv têz qơưk. Tsôngv box thiêz têx HTX cux tsi so hlôngr yiêz, muôz siêz tsơưr lươngv txir ntông, muôz hâux lưv uô ngaz tul thiêz huôv tsar kôngz nuv hax huv tsơưr lươngv siêz lơưr saz truôx vênhs: “Đros chor txir mo môngk nhiv no muôx muôx nhos 6 cxênhz tênhr, huyện zuôr chêx chôngk paz txưv pox nhuôs, tiv iz zos paz txưv HTX hâur hâux lưv huôv tsar niêv ciêz, cux xưk li krêz đar têx niêv ciêz chiê sâu zuôr txir mo môngk sâuv thax tsav huyện; đrâuv co cux sik côngv đros têx doanh nghiệp muôs tơưv cxôngx têx shôngk tov ntêx chiê sâu zuôr txir ntông trâu pox nhuôs đros chinhz yênhx huyện zuôr sik côngv đros pox nhuôs chiê sâu zuôr tas txir mo môngk sâuv thax tsav huyện”.

          No zos shông tiv 4 tsi so huyện Mường La, tỉnh Sơn La li xiv huv txir mo môngk tâu muôs tơưv trâu niêv ciêz Trung Quốc, gôngr phênhv khav tênhv bê txir mo môngk kaz nhoz Mường La, muôz siêz phênhv sâu trâu nênhs chos txir mo môngk hâur qênhx shênhx phêv liv tiv moz Covid-19 huôv xênhz txơưr txar./.

(Trấn Long-Txâur Vax cxeik nhênhv)

Phuôx huiz đại biểu heir nênhs tsơưs li lul heik sâuv Côx hôiv têx jiês cơưv

Nhoz pêz têz qơưk, đại biểu Côx hôiv zos lênhx tâu tsôngv px buôk ti bâux xeir, zos lênhx hlôngr njêx muôs heik thiêz xa tsôngv niêv txir lax px têx luk, tsưr ziv siêz xar txos trâu chor hloz muôx vax huôv hâur Côx hôiv.

Đại biểu Côx hôiv li vax huôv zov chênhr zos cxaz chuôz seiz lax thiêz quyết tinhv têz qơưk têx hâux lưv chênhr zos Côx hôiv li hâux lưv, vax huôv ntơưv têx jiês cơưv Côx hôiv, Đại biểu Côx hôiv muôx vax huôv đros cơưv seiz lax, sik thav lok têx luôs hâux lưv sâu hâur tsaz yênhx jiês cơưv lok sik têx hâux lưv uz no tâu tso tơưv chiê seiz lax ntơưv Côx hôiv jiês cơưv tas nro sđ, ntơưv Côx hôiv têx jiês cơưv tổ, đoanx lok sik têx tsưr tsix txơưr đuô, chor đại biểu Côx hôiv zos lênhx nhoz hâur co.

VN zos têz qơưk muôx 54 heir nênhs uô nênhx nhoz uô cê. Hâur têx ntu chox car sđ tir ntâuk trol châuz tsưx phưv têz qơưk, mênhx cxưx lok zos dân tộc thiêz côngz xưv mênhx cxưx thâuv tưs tưz tâu Đảng, têz qơưk moz siêz txos, đros trâu têx chei jông chiê cxuô heir nênhs uô nênhx sik thôngx siêz, sđ muôx vax huôv siz luôs, siz hluz siz paz. Cxuô heir nênhs muôx vax huôv siz luôs tâu uô sâuv ntâu faz tsưr ziv, hâux lưv li: Kinh tế, vênhx huôv, XH, chính trị….. Muôx vax huôv siz luôs lok chính trị tâu uô tsênhz mênhx hâur thôngz đhâu uô lơưr jênh tsuv hlôngr njêx muôs thiêz jênh tsuv buôk ti. Tsênhz tiês tso pov, đại biểu heir nênhs tsơưs nhoz hâur Côx hôiv đhâu têx six cxiv ziv hnuz ziv muôx ntâu lênhx. Côx hôiv khóa II (1960-1964), đại biểu heir nênhs tsơưs tsav 16,5%. Côx hôiv khóa 10 (1997-2002) đại biểu heir nênhs tsơưs tsav 17% ntâu.

          Six cxiv Côx hôiv khóa 14, chor đại biểu Côx hôiv zos heir nênhs tsơưs 17% ntâu, bâuv li 86 lênhx đại biểu. Têx lênhx đại biểu no tưz uô tas zuk li txux chi, lul heik, hâux lưv, sir jos đros cxaz chuôz trâu têx hâux lưv cxiv tsa chei têz qơưk, seiz kaz thiêz quyết tinhv têz qơưk têx hâux lưv zov chênhr. Gôngr paz trâu Côx hôiv khóa 14 uô tâu jông iz hâur têx luôs hâux lưv thôngz đhâu Nghị quyết zov chênhr lok huôv tsar kinh tế-XH thax tsav tsôngv box heir nênhs tsơưs thiêz tox siêz. Co zos Côx hôiv têx quyết tinhv zov chênhr, jiês xuz thơưx Côx hôiv tso tơưv 02 Nghị quyết lok heir nênhs tsơưs.

Lar heik, Nghị quyết 88 tso tơưv tsưr ziv txos shông 2030 zos nênhs heir nênhs tsơưs li phênhv sâu tâu xav kror đruôz đraz bâuv ½ tas nro têz qơưk li phênhv sâu xav trơưk iz zav li co; txo grêk têx chuôz zis pluôs yuôr tsơưs đuô 10%. Phênhv ntâu tsi yuôr têx xã, jok lok six txov nhêv; 70% chor xã thax tsav tsôngv box heir nênhs tsơưs uô tâu luôs hâux lưv cxiv tsa jêx jok yiêz.

Sâuv ciêz đrôngs, cử tri hâur tas nro têz qơưk shir phaz thiêz jông siêz thâuv seiz njiê pov têx jông lok huôv tsar kinh tế-XH thax tsav tsôngv box heir nênhs tsơưs thiêz tox siêz, lok sik hâux lưv cxiv tsa chei thiêz seiz lax têx hâux lưv zov chênhr txơưr đuô….tưz tâu ntâu lênhx đại biểu Côx hôiv zos heir nênhs tsơưs phênhz, uô tsênhz mênhx trâu sđ pov thiêz pâuz cxuô. Tsi tsơưs lênhx đại biểu tưz yưv tsi so hâur têx jiês cơưv uz no li đại biểu: Tống Thanh Bình (Lai Châu); Tô Văn Tám (Kon Tum), Mai Thị Thúy (Tuyên Quang), Vương Ngọc Hà (Hà Giang), Phương Thị Thanh (Bắc Kạn), Leo Thị Lịch (Bắc Giang)…….

Đại biểu Tống Thanh Bình (Lai Châu) tưz muôx ntâu jiês heik, Chính phủ tsuv moz siêz txos đơưk uô iz cxiê luôs hâux lưv hâur fuô kriê uô lơưr têx chei tsês trâu thax tsav tsôngv box heir nênhs tsơưs thiêz tox siêz, lar heik zos phênhz lênhx nênhs, pênhr jos lês uô têx hâux lưv uz no tsênhv tsơưs. “Lar heik muôx chei txix thâuv tso tơưv cux  tsi tâu tâu phênhz pênhr lok sik phênhz muôz lok six tsơưs têx pênhr chiê uô”, đại biểu Bình heik ntơưv jiês cơưv Côx hôiv li no.

Thiêz muôx têx ntâu lênhx tưz muôx jiês tâu mnôngs, hnor txos đại biểu Côx hôiv Ksor H’Bơ Khắp, heir nênhs Gia Rai (nhoz Gia Lai) têx lul char, sik thav đros chor đại biểu Côx hôiv cik txos huôv tsar jôngr thiêz têx dưv anr tsêr meir tênhv tênhz ntơưv thax tsav tsôngv box heir nênhs tsơưs thiêz tox siêz hâur jiês cơưv tiv 10, Côx hôiv khóa 14. Txơưv tsênhv njiêz têx cêr sik thav, đại biểu têx lul nus tsênhv yuôr ntâu kror tsi tâu thôngx ziv, taz sik tưz  heik thiêz uô tâu iz cxiê hâux lưv trơưk li cử tri tsưr ziv, siêz xar.

Đại biểu Côx hôiv khóa 14 Quàng Văn Hương, đoanx Sơn La khav tinhv, chiê Côx hôiv khóa 15 tror uô tâu trơưk li têx luôs hâux lưv tưz tax tâu, lar heik zos hâur cxiv tsa thiêz uô lơưr tsênhv chei mênhx cxưx, mak tsuv gra siêz đuô thiêz tsơưr lươngv chor đại biểu Côx hôiv, xeir bâux tâu têx lênhx đại biểu tsiv nhos nhoz hâur Côx hôiv. Lar heik chiê phuôx huiz, uô tâu đại biểu zos heir nênhs tsơưs têx lul heik ntơưv Côx hôiv têx jiês cơưv, uô ntêx zos tsuv chuôz tsar hur si lok sâuv lênhx nênhs thiêz txux chi, pâuz thôngz pâuz cxuô, car xar car heik….. “Zos tsov xeir tâu têx lênhx zos heir nênhs tsơưs lok sik lênhx đại biểu uô nênhx nhoz thax tsav heir nênhs nhoz hâur Côx hôiv mak co chênhr zos têx lênhx zuôr heik thiêz xa tsôngv box heir nênhs tsơưs têx lul, tsưr ziv xar txos trâu têx hâu nov lox, Côx hôiv”./.

(VOV4-Riê Lâux cxeik, nhênhv)