Sơn La sir jos phax tar trâul pôngz đêx trâu têx nhuôv zâu hâur têx hnuz cheix ntux sor

Niêv lâuk Quàng Thị Nhất nhoz jok Khá, xã Sặp Vạt, huyện Yên Châu chuôz zis muôx 2 luz pak njêl, lox đar iz cxênhz ntâu xưv phaz. Niêv lâuk 2 tus nhuôv tsênhv cơưv ntơưr cxênhx iz nhiv kruôr so ntơưr; tiv muôx moz Covid-19, têx nhuôv zâu uô si hâur cheix so sor tsuôk zos muk đa đêx lok sik ndê ntông, đhiê uô si trâu uz trâu no zôngx ziv muôx yưv têx tsi jông li: Trâul moz, trâul pôngz đêx…., chuôz zis cux lok six cxơưx:“Tiv muôx moz viv li têx mê nhuôv tâu so ntơưr nzor thiêz ho tsi muôx qơư ndis uô si xênhz huôx li cxiê shông, viv li chuôz zis cux cxơưx cơưk. Tâu huyện, xã yax kriê, chuôz zis cux moz siêz txos chor nhuôv hâur cheix so sor, tso nênhs seiz jor têx mê nhuôv thâuv luz six hơưv chor nhuôs muk uô si thiêz lar heik zos kriê trâu chor nhuôs têx tsưr ziv uô luôv đêx truôx tuk”.

Xã Sặp Vạt muôx iz cxênhz ntâu chuôz zis, zuôr xar 4.500 lênhx nênhs, phênhv ntâu zos tsôngv box Poz Ziz uô nênhx nhoz. Trơưk li zơưv Mè Văn Quyết, Chủ tịch Ủy ban xã Sặp Vạt, hâur niêx shông, hâux lưv tsưx phưv thiêz phax tar trâul pôngz đêx trâu 1.200 ntâu lênhx nhuôs hâur xã thâuv tưs tưz tâu cấp ủy, hâu nov ntơưv qơư moz siêz txos. Iz chas têx luôs hâux lưv yax kriê lok phax tar trâul pôngz đêx trâu nhuôv zâu hâur têx jiês cơưv jêx jok, xã cux sir jos yax kriê sâuv loa nta suôz ntơưv têx tsêr vênhx huôv txix luk Choz Tsiz thiêz luk Poz Ziz hur si chiê tsôngv px gra siêz tsưr ziv jênhv pâuz chiê tsưx phưv, seiz shuôs jông têx mê nhuôv tsi chiê njiz trâul têx tsi jông:“Xã tưz buôk ti choz trâu lênhx uô hâux lưv vênhx huôv, XH thiêz lox tôngv, xaz pênhz, XH đros moz siêz txos chor nhuôs zâu, fuô kriê txos trâu cxuô ziv chuôz zis uô lơưr tsênhv njiêz kriê têx nhuôv shâuv uô luôv đêx chiê thâuv tưs njiz trâul têx tsi jông hâur uô si đa đêx têx, chor nhuôs pâuz txar jav, uô luôv đêx, taz por truôx tuk trâu zuk”.

Yên Châu zos iz hâur têx thax tsav qơư muôx ntâu pak đêx, pak njêl, đêx lox, côngz trênhx đêx liv hâur tỉnh Sơn La đros trâu 3 tus đêx zos đêx Sặp, đêx Vạt thiêz Nặm Pàn; zuôr xar 150 côngz trênhx đêx liv, 8 luz pak đêx lox thiêz zuôr xar 70 tus njưs tar đêx tênhr. Zơưv Lù Văn Cường, Chủ tịch Ủy ban huyện Yên Châu heik pâuz: Hâur 3 shông tror lok no, hâur thax tsav tsi pov muôx lênhx nhuôv tưs trâul pôngz đêx, trâul moz li uz li no…hlo. Muôx tâu têx li heik no zos khov huyện tưz sir jos chox kriê cxuô xã, thị trấn, chor tsêr cơưv hâur thax tsav sir jos uô jông hâux lưv yax kriê phax tar trâul pôngz đêx; fuô kriê, cxơưz cxiz chor uô niêv uô txir seiz car thiêz bax kriê jông tsưr ziv uô nênhx, đơưk têx phiv liv trâu chor nhuôs, lar heik zos hâur luz six hơưv so sor:“Têx pak đêx mak pêz cux chox kriê Ủy ban cxuô xã hux jos đros têx taz viv seiz car cxok fiêx heik pâuz thiêz tso nênhs seiz jor, qênhz shuôs tsi so hâur têx hnuz ntux cuz sor chiê txar jav chor nhuôs tuôx uô si đa đêx, mak tsi muôx lênhx tưs kriê. Pêz cux heik, hâur têx tsaz yênhx kriê cơưv ntơưr tsuv kriê nzir têx tsưr ziv lok phax tar trâul pôngz đêx, lok sik kriê tsưr ziv phax tar, txar jav têx qơư riêz nênhs thâuv muk uô si, uô luôv đêx”.

Phax tar trâul pôngz đêx nhoz têx nhuôs zâu zos chuôz zis thiêz tas nro XH li hâux lưv tsuv tâu uô cov truôx. Lar heik, chor uô niêv txir tsuv gra siêz tsưr ziv seiz car têx mê nhuôs, tsi chiê muk đa đêx trâu têx đêx lox, pak đêx pak njêl, zos tsi muôx nênhs lâul đros muk. Iz chas co, cxuô chuôz zis tsuv bax têx yuôx, chuôz zênhx chiê chơưv paz zênhx max thâuv têx mê nhuôv muôx yưv têx tsi jông li heik sâuv./.

                                                   (Trấn Long-Riê Lâux cxeik, nhênhv)