Sơn La: Chor nênhs tuôx kho têx moz phênhz tsi yuô mênhx tiv sir zôngv chơưr ziv hnuz ziv tsar ndê

Đhâu thâuv lênhx tix lâus hloz trâul tuôs viv muôx zênhk chơưr, 2 lênhx cưr tix Lò Văn Chính thiêz Lò Văn Chấn, heir nênhs Thêir lok zos Poz Ziz nhoz jok Đông 2, xã Tường Phù, huyện Phù Yên, tỉnh Sơn La puôr lênhx tuôx nhoz kho moz trâu tsêr kho têx moz vưv tiv hâuk ntâu chơưr, phênhz tsi mênhx, tsưx phưv tsi tâu zuk tul khênhx. Đhâu 2, 3 hnuz tuôx nhoz kho moz, lênhx tix lâus Lò Văn Chính tưz kho jông moz mê njik thiêz phênhz tâu mênhx mê njik tuôx. Hok lênhx cưr Lò Văn Chấn mak tsênhv tưz tsi tâu jông hlo tiv muôx zênhk chơưr ntâu shông, tsuv nhoz kho moz ntêr. Niêv lâuk Lò Thị Xé zos tix lâus Lò Văn Chấn pox niêv hêik pâuz tiêk: Txix thâuv muôx zênhk chơưr lok, iz chas tsưx phưv tsi tâu zuk tul khênhx, uô tsi tâuk nox, tix lâus Chấn tsi so lok tsêr chêv pox niêv mê nhuôv, sơưr đơưk, tsông uz tsông no, chuôz zis lok six nyei, tsuôk xar njôngr cov đhâu jiês kho moz no muôx têx paz tâu tix lâus Chấn chiv tâu zênhk chơưr xưz:

"Muk hâuk chơưr thâuv tưs lok cux chêv, ntiêz pêz chor niêv tuz, ntâu jiês jav tsi tâu mak txơưv trâus ntâuk, iz chas co tsênhv muk chêv luôs têx cưr tix nênhx tsa sơưr đơưk nhoz iz ndis thiêz. Zuk luz nênhx txov li no, xar cov têx mê nhuôv tov kaz no tsi cxoz jông li ntơư, txar đêz têx đêx chơưr, txov nhêv tas nro iz tsêr nênhs".

Cux xưk li ntơư, tix lâus Quàng Văn Quân, nhoz jok Hôm, xã Chiềng cọ, TP Sơn La cux tuôx nhoz kho moz đros thiêz tuk nênhs phênhz tsi mênhx, tsi tâuk hlo, tâuz hâu moz chuôs tsi tiv sir zôngv chơưr ntâu hênhr. 14 hnuz nhoz kho moz, txos nhiv no tix lâus tưz nhoz khênhr mê njik, nox tâuk mor, mul lok tâu li kuz. Nhiv no tix lâus tưz pâuz tsênhz txos chơưr li têx tsi jông, tix lâus sir jos chiv cov tâu zênhk chơưr chiê pox niêv, mê nhuôv, chuôz zis tsi trâus txov viv zuk:

"Cur cux pâuz tiêk hâuk chơưr mak tsi jông hlo. Heik trâu têx nênhs hâur tsêr, ziv chuôz zis tưs muôx lênhx nênhs hâuk chơưr li cur mak tsuv tso tsês, tsi cxoz hâuk ntâu, trâu siêz njo đros chuôz zis, pox niêv mê nhuôv huôv tsar uô nox".

Trơưk li tsêr kho têx moz vưv tỉnh Sơn La thôngz sâu: Chor nênhs moz tuôx nhoz kho têx moz li heik sâuv tiv sir zôngv ntâu chơưr ziv hnuz ziv tsar ndê ntâu. Shông uô ntêx, tsêr kho moz muôx hur si zuôr xar 100 lênhx nênhs moz têx moz li: Phênhz tsi mênhx, tsưx phưv tsi tâu zuk tul khênhx tiv hâuk ntâu chơưr. Nzênh trâu shông no, đhâu zuôr xar 8 luz hlik tưz muôx 90 ntâu lênhx. Trơưk têx bác sĩ kho moz ntơưv no: Đros thiêz tsưr ziv seiz kho moz trâu têx moz li heik sâuv thiêz nênhs moz, mak muôx 35 luz txax trâu nênhs moz pư, muôx kênh ntu chôngz lênhx mak muôx txos 20 lênhx nênhs moz tuôx nhoz kho moz viv cik txos sir zôngv ntâu chơưr. Chor nênhs moz tuôx nhoz kho ntơưv no phênhv ntâu zos nênhs moz muôx zênhk chơưr tâu ntêr shông, têx lênhx tsơưs cux muôx zênhk chơưr tâu 2, 3 shông lok. Iz chas co cux muôx iz cxiê lênhx tiv kâus chơưr, muôx zênhk chơưr lox. Nênhs moz têx muôx yưv khênhr zos ntuôr, heik luk li uz li no, tsi zos luk, tul nênhs phênhz tsi mênhx, têk tơư yênh, moz tâuz hâu. Six hơưv, hnuz nhôngs kho têx moz li no cux seiz moz lox lok sik moz mê. Zơưv Lò Minh San, bác sỹ chuyên khoa I, Phưv thơưx seiz car tsêr kho têx moz vưv tỉnh Sơn La heik pâuz:

"Chor nênhs moz tuôx nhoz no kho moz tiv cik txos chơưr, iz shông tsar ndê chôngz lênhx jux juk. Heik txos chơưr mak nưk tsi jông trâu lênhx tiz nênhs hlo. Muôx kênh lênhx nênhs moz lok six txov nhêv, thâuv trâus muôx zênhk chơưr lơưv mak tsi muôx chơưr hâuk nhoz tsi tâuk, uô tsi tâu đaz tsi paz trâu chuôz zis hlo. Heik trâu sơưr đơưk, tsuv hâuk tsơưs têx chơưr, txơưv zuôr hâuk lok cux hâuk mê njik xưz".

Chơưr uô hiêv txos ntâu kror, muôx têx uô tuôs nênhs zos liv zôngv têx đêx chơưr lok sik sir zôngv ntâu. Iz chas tsôngv box sơưr đơưk sir zôngv ntâu têx chơưr, bia; lar heik zos tsôngv box heir nênhs tsơưs tsênhv six zôngv chuôs tsi, tsik txuôl zuk đas jos mak zuôr ziv hnuz ziv muôx ntâu lênhx trâus moz têx moz li heik sâuv tiv sir zôngv chơưr tsênhv tsênhv zos iz hâux lưv zuôr trâus heik thiêz cxơưx txos./.

(Bích Thủy-Riê Lâux cxeik, nhênhv)

Hội đôngx mênhx cxưx côx hôiv sêiz shuôk choz zok ar, har jôngr ntơưv Lai Châu

Xav txos hnuz 31/12/2016, tas nro thax tsav jôngr nhoz tỉnh Lai Châu muôx 680 cxênhz ha. Hâur co, ar muôx jôngr zos 389 cxênhz ntâu ha. Cxuô zav ar jôngr tưz tâu choz zok trâu chor tsưr tsix, doanh nghiệp, chính quyền chor xã, qơư pêx xênhv nhoz thiêz chor ziv chuôz zis. Hâur co, tiv phaz tưz choz trâu 121 jêx jok muôx 32 cxênhz ntâu ha; choz zok trâu 3.300 ntâu ziv chuôz zis, zuôr xar 15 cxênhz ha. Đros thax tsav jôngr zok trâu côngv thôngx sêiz car, tỉnh Lai Châu tsik tâu zok jôngr, tsuôk hux thôngx sêiz shuôk por vêv jôngr. Nhiv no tưz uô hux thôngx choz zok sêiz shuôk por vêv jôngr trâu 72.164 ziv chuôz zis đros xar muôx 500 cxênhz ha.

Ntơưv jiês uô hâux lưv đros lênhx tov tỉnh, Đoàn côngz xưv hêik tỉnh Lai Châu tsuv hêik tsênhz mênhx hâux lưv choz zok jôngr trâu ziv chuôz zis thiêz côngv thôngx, ntâuk gri choz zok ar, zok jôngr li chêx cur hâur ntu đhâu. Đhâu sêiz shuôk ntơưv tiv phaz thiêz UBND tỉnh li hêik pâuz, chor thax tsav nhoz huyện thiêz tỉnh tsik siz bâus lok six ntâu, muôx têx zav jôngr tsik siz bâus muôx txos 12 cxênhz ha.

Pêx xênhv thiêz côngv thôngx pêx xênhv nhoz li qênhx liv tsik ntâu, viv lơưr tsik zos tsưr jôngr thâuv tiv phaz coz zok jôngr phax phưv trâu chor Ban sêiz car jôngr phax phưv. Hâux lưv chos jôngr nhoz tiv phaz oz pêz shông jê lok no chuôs li tsik tâu pêx xênhv thôngx ziv đros uô. Li nhoz oz huyện Sìn Hồ thiêz Phong Thổ tsuôk chos tâu oz pêz cxênhz ha hâur ntâu shông lok no. Tsuv uô tsênhz mênhx thâuv choz zok jôngr trâu côngv thôngx mak muôx têx kror li chak lok thax tsav chos jôngr, xav jênhv tsênhz mênhx thax tsav, qênhx liv, txơưx jênhv.

Hêik ntơưv jiês uô hâux lưv, zơưv Hà Ngọc Chiến, chủ tịch Hội đôngx mênhx cxưx Côx hôiv hêik tiêk, iz cxiê hêik pâuz tsik tâu thôngx ziv lok số lov, txơưv tiêk thax tsav ar tsik tâu muôx jôngr zuôr xar 300 cxênhz ha, taz sik tiv phaz cux tsuv tuôr truôx jông cêv kuôk huôv tsar jôngr.

Tiv phaz nhoz kruôr uô choz zok sêiz jor, por vêv trâu côngv thôngx pêx xênhv nhoz mak tsik tâu choz zok chos jôngr, tsoz phưz jôngr chiê pêx xênhv tâu sơưv liv. UBND chor xã tâu choz zok thax tsav jôngr ntâu, taz sik đas jos sêiz car tsênhv kik. Hâux lưv hêik kriê txơưx jênhv tsoz phưz, por vêv trâu pêx xênhv tsik tâu sir jos uô viv li muôx têx qơư pêx xênhv pâuz tsik tsênhz txos zuk txơưx jênhv, qênhx liv.

Chiê phuôx huiz muôx chêx cur hâux lưv choz zok ar, zok jôngr, Hội đồng mênhx cxưx Côx hôiv hêik Lao Châu tsuv tsưr tsix ntâuk gri hâux lưv choz zok ar, zok jôngr chiê por vêv, huôv tsar jôngr jông đuô. Sir jos uô choz zok ar, zok jôngr trâu yênhx ziv chuôz zis hâur ntu zuor txos.

Uô ntêx co, Đoàn sêiz kaz Hội đôngx mênhx cxưx Côx hôiv tưz sêiz shuôk congz xưv choz zok ar, zok jôngr ntơưv 2 huyện Sìn Hồ thiêz Phong Thổ./.

(Khắc Kiên-Lik Thox cxêik nhênhv)