Lai Châu sir jos hêik shux xênhz tuôx cơưv ntơưr thâuv

hâur shôngk shông cơưv yiêz

Cưk kriê ntơưr Nguyễn Thành Trung, nênhs sêiz car tổ hêik shux xênhz tuôx cơưv ntơưr hâur tsêr cơưv hêik, cưk kriê uô hâux lưv hêik shux xênhz nhoz jok Hmôngz Phìn Ngan-Lao Chải, kuôk tsêr cơưv ntơưr muôx 6 cêik cêr ntâu. Nhiv no nhoz jok tsênhv yuôr iz cxiê lênhx tsik tâu tuôx tsêr cơưv ntơưr tiv zos, chuôz zis luz nênhx txov nhêv, lok sik trâus niêv txir txưr. Hâur co, ntâu lênhx zos nênhs uô lox tôngv chênhr hâur chuôz zis, cê cơưv ntơưr cê paz niêv txir khưr uô nox, viv li cux xar so ntơưr. “Thâuv pêz hêik mak iz cxiê tsêr cơưv chor shux xênhz cơưv tas lớp 5, taz sik chor shux xênhz tsik tuôx cơưv lớp 6 lơưv. Qir tiv zos chor shux xênhz no zos pox niêv, tsik xar tuôx cơưv lơưv, viv chor shux xênhz cê nhoz tsêr chiê paz trâu niêv txir, cux tsik xar tuôx nhoz ntơưv no chiê cơưv đêz, tsik xar nhoz ntơưv tsêr cơưv ntơưr niêv txir zus mor. Thâuv pêz muk hêik mak phênhv ntâu shux xênhz niêv txir cux lok six thôngx ziv paz xưz, taz sik iz cxiê lênhx mak cux xar tuôx cơưv taz sik niêv txir ho tsik xar khênhr tuôx cơưv thiêz. Muôx iz cxiê lênhx mak cơưv tas lớp 8, lớp 9 tưz zuôr txir lơưv mak chor shux xênhz cux sir jos tuôx cơưv, taz sik chor shux xênhz co cux cơưv ntơưr tsik cxuô”.

Shông cơưv no, tsêr cơưv cxênhx oz Tả Lèng muôx 10 lớp, zuôr xar 400 lênhx shux xênhz, hâur co shux xênhz tâu nhoz ntơưv tsêr cơưv niêv txir zus mor zos 70 ntâu lênhx. No zos huyện Tam Đường luz xar thax tsav pêz, đros muôx 90% ntâu zos tsôngv box Hmôngz uô nênhx nhoz, tsar tov kinh têr, xar hôiv tsênhv yuôr ntâu txov nhêv. Tiv zos iz luz xar tox siêz, thax tsav zos tox trôngz, trâus cêv kuôk viv li txos nhiv no xar Tả Lèng cux tsênhv yuôr muôx 50% ntâu chor chuôz zis pluôs. Têx tsar tov phiv liv co uô trâu iz phênhv tưs tsôngv box tsênhv pâuz tsik tâu tsênhz txos zuk têx tuz nhuôs cêr cơưv ntơưr zos li kror zov chênhr.

Cưk kriê ntơưr Nguyễn Văn Trưởng, nênhs sêiz car tsêr cơưv cxênhx oz Tả Lèng puz pâuz: tsêr cơưv tưz phêiz tsênhz mênhx trâu yênhx lênhx cưk kriê ntơưr sêiz car têx jêx jok, sik côngv đros cưk kriê ntơưr sêiz car lớp cơưv thiêz tsar jok muôx txơưx jênhv nriêr pâuz, yax kriê, hêik chor shux xênhz tuôx cơưv ntơưr. Chor shux xênhz tưs lax hêik mak tsêr cơưv zuôr hêik hâu nov xar, đros têx đoanx thêv ntơưv tiv phaz yênhx lix chor tổ chiê muk jêx jok uô hâux lưv. “Tsêr cơưv ntơưr li hâux lưv hêik chor shux xênhz cux njiz ntâu phiv liv, tiv zix zos chor shux xênhz tưz cơưv tas tsaz yênhx cxênhx iz. Tiv oz zos chor shux xênhz cxaz chuôz uô lox tôngv đrâuv xar mak cux tsênhv yuôr. Đros thiêz têx phiv liv co mak tsêr cơưv ntơưr cux tưz hêik ciês trâu chính quyền tiv phaz pâuz thiêz cux tsênhv hêik chính quyền yênhx lix chor tổ muk paz hêik; sir jos uô jông hâux lưv hêik chor shux xênhz tuôx cơưv, cov taz por li tsưr ziv tưz tưz tso tơưv”.

Shông cơưv 2019-2020 no, tỉnh ntus đriv Lai Châu muôx 400 ntâu luz tsêr cơưv ntơưr, đros muôx 140 ntâu lênhx shux xênhz. Txơưv tiêk yuôr oz pêz hnuz thiêz thiêx txos hnuz kriz cơưv, taz sik txos nhiv no nganhx zoz zux tiv phaz tưz bax tiêr têx hâux lưv đros cxuô zav chiê txêik tok chor shux xênhz tuôx cơưv ntơưr. Tas nro chor ntơưr cơưv, ntơưr sâu thiêz têx chuôz zênhx txơưr đuô trâu shux xênhz niêv txir zus mor tưz tâu bax cxix cxuô trâu shux xênhz huv lơưr cêr chêi. Taz sik, lơưr lênhx tov Sở Zoz zux thiêz Thox cxov tỉnh Lai Châu, phiv liv lox tiv zix nhiv no cux tsênhv zos kror hâux lưv hêik têx shux xênhz tuôx cơưv ntơưr. Zơưv Đinh Trung Tuấn, Giám đốc Sở Zoz zux thiêz Thox cxov Lai Châu puz pâuz: “Lok saz nganhx mak pêz zuôr sir jos chox kriê côngz xưv yax kriê txos cxuô cấp, cxuô nganhx thiêz hêik cov têx sở, ban, nganhx thiêz cấp huyện sik đros uô chiê nriêr cxuô tsưr ziv hêik chor shux xênhz tror tuôx cơưv ntơưr. Đros têx tsưr ziv cxuô mak chor tsêr cơưv nhoz đêz, tox siêz tsuv khov txos têx tsar jok paz; hêik txos yênhx ziv chuôz zis cov chor shux xênhz tuôx cơưv ntơưr. Đros co, pêz zuôr hêik chor nênhs siêz jông, chor tsưr tsix paz lok cxuô zav, chiê chor shux xênhz pluôs muôx tâu tsar tov tuôx cơưv ntơưr cxix cxuô”./.

(Khắc Kiên-Lik Thox cxêik nhênhv)

Heik kriê yênhx tưv lok Chei nênhs lâus

          Grê 14: Huôx tôngv vênhx huôv, zaoz zux, thiv thao, uô si thiêz ju lix.

          1. Têz qơưk yưv pênhr thiêz cxơưz cxiz tsưr tsix, lênhx nênhs yưv pênhr cxiv tsa qơư vênhx huôv, zaoz zux, thiv thao, uô si, ju lix chiê tuôv zênhv zoz qơưx chinhz yênhx thiêz chuôz cxaz đas jos trâu nênhs lâus.

          2. Têz qơưk thiêz xã hội paz cxuô zav jông tiv zix chiê nênhs lâus tâu cơưv shâuv, nhênhz chơưv thiêz cxaz chuôz huôx tôngv vênhx huôv, thiv thao, uô si, ju lix thôngz đhâu têx tsưr ziv li no:

          a) Cungz xor mông, cxeix laov, lênhx nênhs heik kriê chiê nênhs lâus cxaz chuôz cơưv shâuv, nhênhz chơưv;

          b) Paz txưv, heik kriê nênhs lâus cxaz chuôz têx huôx tôngv vênhx huôv, uô si ju lix, shâuv tês tơư tsês trâu nênhs lâus thiêz têx huôx tôngv thiv thao huv đros đas jos, siêz xar;

          c) Paz lok qơư, chuôz zênhx cxuô zav huv đros nênhs lâus li huôx tôngv;

          d) Cxơưz cxiz doanh nghiệp, lênhx nênhs tsiv uô, muôv muôs xiv huv, hax huv huv đros nênhs lâus li zoz qơưx.

          3. Chinhr phuv cui tênhv tsênhz mênhx hâur grê no.

Nhạc cắt

          Grê 15: Côngz tsinhx côngv thôngx, zaoz thôngz côngv thôngx

          1. Hâux lưv cxiv tsa yiêz lok sik kho đuô qơư nhoz, côngz tsinhx côngv thôngx txơưr tsuv huv đros nênhs lâus li zoz qơưx sir zôngv.

          2. Thâuv cxaz chuôz zaoz thôngz côngv thôngx, nênhs lâus tâu paz amx, tâu tsov cưv chiê jâuv ntơưv qơư huv đros tiv zix.

          3. Chinhr phuv cui tênhv tsênhz mênhx hâur grê no.

          Grê 16: Txu gris grê sir zôngv iz cxiê jix vuv

          Nênhs lâus tâu txu gris grê sir zôngv jix vuv thâuv zôngv iz cxiê jix vuv mak chinhr phuv cui tênhv./.

(B.Thủy-Txâur Vax cxeik nhênhv)