Sơn La muôs kôngz lôngk, txir ntông trâu oz chas têz qơưs, zos iz kro muôx liv

Tsi yuôr txir thanh long muôs, doanh nghiệp tênhv hax huv cxôngx nzor chiê muôs tơưv trâu niêv ciêz Nga, pos Tống Thị Thanh Hương chuôz zis đros têx lênhx nênhs HTX Hoàng Ngọc, huyện Thuận Châu lok six jông siêz. Vax txir thanh long plơưr liêz muôx 1 hecta ntâu chos lơưr tsưr ziv kriê VietGap, tâu chiz coaz chuyên môn coar lik jông hâux lưv tsoz phưz, sâu đê thiêz cungz bê thax tsav chos trâu chuôz zis, tâu doanh nghiệp tênhv sâu zuôr tas nro txir đros phênhv grê cxôngx 20-30 cxênhz đeiv iz cir:“Thâuv ntêx cur chuôz zis chos txir thanh long cux tsuôk xar tiêk muôs hâur tỉnh, hâur têz qơưk tưz zos jông hênhr lơưv. Nhiv no muôs tơưv trâu têz qơưk Nga thiêz cur lok six shir phaz”.

Kaz hlik hli 7 thiêz hli 8 xiêz, chiv txir ntông lưv tsiz Sông Mã tsênhv txos chêix sâu đê. Hâur qênhx shênhx tas nro kinh têr nxor loanv tiv muôx moz Covid-19 uô tuôr thênhv, taz sik txir lưv tsiz cux tâu muôs ntâu trâu têx tỉnh, thành phố lox hâur têz qơưk thiêz muôs trâu Trung Quốc, Mỹ. Ntơưv no têx doanh nghiệp Việt Nam, Trung Quốc tưz sik côngv đros têx HTX chiê sâu zuôr txir lưv tsiz muôs tơưv trâu saz đrâuv têz qơưk. Đhâu têx jiês muk nriêr txir lưv tsiz chiê muôs tơưv trâu Trung Quốc, Công ty Phúc Lợi, tỉnh Bắc Giang tưz cuiz tênhv cir hôx thôngx sâu zuôr tas nro xiv huv đros iz cxiê HTX nhoz huyện Sông Mã. Njiê têx txir lưv tsiz nhoz no thiêz têx qơư txơưr, pos Đặng Thị Kim Tuyết, hlôngr njêx muôs Công ty Phúc Lợi khav tênhv:“Jiês xuz thơưx tuôx Sông Mã sâuv zuôr txir lưv tsiz chiê muôs tơưv, cur pov tsơưr lươngv txir lưv tsiz nhoz no cux jông li têx txir lưv tsiz nhoz Thái Lan, viv li doanh nghiệp tưz sâu zuôr chiê muôs tơưv trâu Trung Quốc”.

Tỉnh Sơn La nhiv no muôx 10 cxênhz hecta tsoz chos tâu cungz ntơưr côngz jênhv kôngz nuv taz por VietGap, Globagap; 21 xiv huv kôngz nuv tâu cungz ntơưr bê; 144 xiv huv kôngz nuv, shuôz njês taz por; 500 HTX kôngz nuv đros têx ziv chuôz zis tsiv uô thiêz lênhx nênhs sâu zuôr. Tỉnh tưz krêz đar niêv ciêz muôs tơưv trâu 12 têz qơưk li Anh, Mỹ, Ốtxtrâylia, Hàn Quốc, Nhật Bản, Trung Quốc...đros 16 xiv huv. Hâur 7 luz hlik shông no, txơưv muôx yưv moz Covid-19 uô zênhr shar ntâu, tỉnh Sơn La tưz chuv tôngv hlôngr yiêz niêv ciêz, cxơưz tiês muôv muôs hâur têz qơưk, huôv tsar muôv muôs điện tử. Viv li tsiv uô kôngz nuv tsênhv tuôr truôx chuôz ndê 2% pir đros tsêiz no; grê muôs tơưv đrâuv oz chas têz qơưs njuôs xav tax tâu 60 tsov đeiv ntâu USD.

Hâur ntu 2015-2020, Nghị quyết Đại hội Đảng bộ tỉnh Sơn La tưz tso tơưv 7 tsaz yênhx coaz tsôngv đros cxix cxuô têx vênhv thix; ntâu njiêz luv Nghị quyết tưz tsênhv tsênhz uô hlôngr yiêz lox hâur tsôngv box têx mênhx cxưx. Hâur 5 shông chor chuôz zis pluôs txu grês nhoz tiv phaz no tax 3% ntâu iz shôngk, hâur co muôx tsaz yênhx chos ntông txi txir sâuv ar têz nxaz li gôngr côngv lox thiêz cxơưz tiês tsiv uô, muôv muôs xiv huv kôngz nuv. Zơưv Nguyễn Hữu Đông, Bí thư Tỉnh ủy Sơn La heik lok tiv phaz li iz hâur têx chênhz zênhv, tsưr ziv uô li đrav kaz:“Coaz tsôngv tiv zix zos nênhs sơưr thơưx thiêz tập thể cấp ủy tsuv sik côngv siêz, tsuv nhênhz chơưv chiê tso tơưv tsênhv chêi huv đros. No zos vênhv thix mak cur xar tiêk lok six coaz tsôngv. Cxôngx Đảng li ntâus grê, chỉ thị, Nghị quyết, cán bộ tsuv sir jos uô, pheiz côngz tsênhz mênhx thiêz cxơưz cxiz uô, muk qênhz yuôx. Ban thường vụ Tỉnh ủy zuôr mnôngs thiêz cxơưz cxiz uô jênhv vưv tưz tso tơưv, tiv phaz tưs tsi tâu uô tâu tsuv phê bình, zos uô tâu mak tôngv vênhx, cxơưz cxiz”.

Tsênhz mênhx, Cấp ủy têx cấp tỉnh Sơn La li Nghị quyết, têx tsaz yênhx tưz tsênhz tsênhz tâu ntâu lênhx nênhs pâuz txos thiêz uô trơưk, luôs hâux lưv sâu zuôr, muôs tơưv xiv huv kôngz nuv” tưz chox lok 3 liv zix tsênhz mênhx zos: tâu chiv chei, muôs tâu grê thiêz tsôngv pêx xênhv muôx phênhv sâu tâu nhiêx txiêx./.

(VOVTB-Txâur Vax cxeik nhênhv)

Têx tsênhv chei XH hâur gra siêz tsơưr lươngv kriê txux chi, tsưr ziv trâu heir nênhs tsơưs

Lok sâuv njuôk hov, krêz ntâu luz tsêr cơưv mênhx cxưx, tsêr cơưv niêv txir zus mor lok sik tsêr cơưv têz qơưs paz nhiêx txiêx, cxur nox trâu shux xênhz zos chuôz zis heir nênhs tsơưs, muôx luz nênhx txov nhêv tâu muk đros luôs lưv tus cơưv txux chi siêz, tsuv tâu moz siêz txos. Cxuô cấp, cxuô ngênhx cik txos tsuv ntâuk grê cov zos têx tsênhz tiês chor tsêr cơưv kriê txux chi, tsưr ziv uô hâux lưv trâu shux xênhz heir nênhs tsơưs chiê cxiv kho cov fuv đros, đhâu cơưv tas zok nriêr tâu hâux lưv uô.

Đhâu co, cxơưz sei luôs hâux lưv nhênhz chơưv, hêik lok têx txux chi tsưr ziv jông trâu chor nênhs nhênhz chơưv khoa học, nênhs seiz car, têx Bộ, ngênhx ntơưv qơư chiê nzor hêik trâu Chính phủ, Thủ tướng Chính phủ quyết tinhv tso tơưv 2 luôs hâux lưv: Kriê têx txux chi siêz trâu heir nênhs tsơưs txix têz qơưk têx nhiêx txiêx thiêz chei xeir zuôr nênhs heir nênhs tsơưs uô côngz xưv, hâux lưv nhoz thax tsav tsôngv box heir nênhs tsơưs thiêz tox siêz hâur cxix luôs chính trị. Iz chas ntơư, sir jos fuô yax kriê cxaz txux chi tsưr ziv trâu têx lênhx nênhs lês uô hâux lưv têz qơưk hâur cxix luôs chính trị trơưk Thủ tướng Chính phủ Quyết tinhv 771. Fuô uô ntâu faz tsưr ziv uô lơưr Chính phủ Nghị quyết 52 hnuz 15/6/2016, cxơưz tiês cxuô heir nênhs tsơưs, uô têx hâux lưv têz qơưk ntu 2016-2020, ndar txos trâu shông 2030.

Zơưv Tô Đức, Chánh Văn phongx têz qơưk, txo grêk yêiz pluôs Bộ Lox tôngv XH heik: Pêz têz qơưk tsênhv yuôr ntâu lênhx nênhs txux chi tsênhv kik. Viv phênhv ntâu chor nênhs lox tôngv zos lox tôngv phưv thôngz, têx lênhx tâu kriê txux chi tsưr ziv uô nuv, têx lênhx tưz muôx txux chi lês uô hâux lưv ntơư tsênhv tsơưs. Viv li, nênhs lox tôngv lês uô têx hâux lưv zok muôz tsi yuô tâu trơưk li tsưr ziv, siêz xar. Chênhr zos li co, chiê txo grêk cêr pluôs, lar heik zos ntơưv thax tsav heir nênhs tsơưs, tsuv gra siêz txux chi tsưr ziv huôv tsar uô thiêx txo grêk tâu yeiz pluôs. “Cur xar, tsôngv px sđ nhoz thax tsav tsôngv box heir nênhs tsơưs, tox siêz mak txux chi tsênhv  kis đuô pir li thax tsav tiêx đras. Xar paz trâu nênhs pluôs, zuôr xar pluôs, têx lênhx heir nênhs tsơưs muôx txux chi siêz, muôx têx zok nriêr tâu hâux lưv uô, muôx phênhv sâu tâu, pêz tsuv tsês têx nhiêx txiêx chiê kriê txux chi, gra siêz tsưr ziv trâu nênhs pluôs lok sâuv huôv tsar uô nox, uô cxuô zav hâux lưv, paz max zok nriêr hâux lưv uô lok sik kriê huôv tsar uô lưv zav hâux lưv txơưr đuô fiv trâu luz nênhx tsênhv tsênhz trâu thax tsav qơư nhoz”./.

(VOV4-Riê Lâux cxeik, nhênhv)