Jax thưr 6, hnuz 29/1/2016:

Lai Châu sir jos yênhx tỉnh huôv tsar lok shông 2020

 

 

Nus: Thor cox heik pâuz mê njik lok têx luôs hâux lưv mak tỉnh Lai Châu uô tâu hâur huôv tsar kinh tế, XH hâur shông 2015?

Zơưv Đỗ Ngọc An: Shông 2015 uô tâu iz cxiê luôs hâux lưv li: iz, chuôz tsar kinh tế tâu 8% ntâu, phênhv sâu tâu fênhx pheiz iz lênhx nênhs tâu 18 tsov đeiv ntâu. Zos pir li shông 2004, pêz nhiv kruôr uô tâu 3 tsov đeiv ntâu iz lênhx nênhs iz shông, mak đhâu 12 shông pêz tưz tâu ntâu đuô 4 bâus. Phênhv sâu nhiêx txiêx, shông 2004 thâuv nhiv kruôr yênhx lix tỉnh, sâu tâu 23 tỷ, shông no tưz tâu iz cxênhz ntâu tỷ đeiv. Hâur six cxix, têx ziv chuôz zis pluôs xar bâuv 47% mak txos nhiv no têx chuôz zis pluôs tưz grêk yuôr 20% ntâu. Luôs hâux lưv uô tâu ntơư zos tsiv uô kôngz nuv thiêz phôngz yaox cxiv tsa jêx jok yiêz. Taz sik lar heik đuô hur si zos fênhx pheiz têx tsưr ziv tso tơưv cxiv tsa jêx jok yiêz txix thâuv phuôx tôngv phôngz yaox, iz xã, Lai Châu nhiv kruôr uô tâu zuôr xar 3 tsưr ziv mak txos nhiv no pêz tưz uô tâu 11 tsưr ziv hâur iz xã. Đros têx luôs hâux lưv uô tâu hâur 5 shông uô ntêx, Lai Châu tưz jux juk hla đhâu iz tỉnh txov nhêv, tsi huôv tsar.

Nus: Sir jos uô lơưr têx luôs hâux lưv uô tâu hâur shông 2015, shông 2016 tỉnh Lai Châu tror tso tơưv têx tsưr ziv uô li chas, thor cox heik pâuz zov?

Zơưv Đỗ Ngọc An: Cxix luôs têx tsưr ziv mak tưz tâu Đại hội Đảng bộ jiês tiv 13 khav tinhv tsênhz mênhx. Ciês shông 2016, pêz hâux lưv chuôz tsar kinh tế uô tâu 17%  ntâu iz shông. Viv shông 2016, cxix luôs têx tsêr meir tênhv tênhz uô tâu qir muôx tênhv tơưk đros tênhv tênhz têz qơưs, mak tênhv tênhz tsar ndê, cux xưk li tỉnh Lai Châu kinh tế huôv tsar tâuk. Lok sâuv lênhx tiz nênhs phênhv sâu tâu, pêz sir jos cov tâu 22 tsov đeiv ntâu iz lênhx nênhs, sâu têx nhiêx txiêx têz qơưs sir jos cov tâu 1.500 tỷ đeiv, têx chuôz zis pluôs txo grêk yuôr 3,5%. Jêx jok yiêz mak sir jos cov txos shông 2020, muôx 50% xã uô tâu luôs hâux lưv cxiv tsa jêx jok yiêz lơưr Thủ tướng quyết tinhv. Thiêz li ntơư, hâur shông 2016 zuôr tsuv sir jos cov tâu tsơưs tsơưs 6 luz xã uô tâu luôs hâux lưv cxiv tsa jêx jok yiêz.

Nus: Tỉnh Lai Châu tưz muôx faz tsưr ziv uô tsênhv tsênhz li chas chiê chox thax tsav yênhx tỉnh huôv tsar hâur thax tsav tox siêz faz Bắc lok shông 2020?

Zơưv Đỗ Ngọc An: Đros tsưr ziv zos sik hux jos nhoz tỉnh Lai Châu thiêz luôs 2 chas tỉnh đros trâu têx tsênhv qơư huôv tsar hâur têz qơưs. Tsưr ziv chiê sir jos txos shông 2020 yênhx tỉnh huôv tsar zos chuôz tsar tiês têx xã, huyện tsưr ziv sik hux jos đros luôs 2 chas xã thiêz huyện uô nuv, uô yênhx cêr huôv tsar jông thiêz fiv đros. Chính phủ tưz thôngx ziv zuôr sik đros uô txox cêr muk chênhr Hà Nội-Lào Cai tuôx trâu TP Lai Châu thiêz trôngx đriv têz qơưs Ma Lù Thàng; cxiv uô cxix luôs cêr muk txuôk txix huyện Mường Tè trâu huyện Nậm Nhùn thiêz huyện Sìn Hồ, muk trâu txox cêr lox 32 thiêz 4D. Txox cêr lơưr co zos pêz zuôr uô muk trâu huyện Tân Uyên, huyện Than Uyên, Tam Đường thiêz Sìn Hồ chiê txix ntơư muôx iz qơư huôv tsar kôngz  nuv, ju lix trâu tsôngv kruô zôngx ziv muk lok ndis seiz têz qơưs. Cxơưz tiês cxiv uô têx côngz trênhx zuôr trâus txos hâur thax tsav kinh tế trôngx đriv Ma Lù Thàng, chiê nzor hu zâuv, cxiz sei kinh tế trôngx đriv huôv tsar.

Tror uô hlôngr yiêz têx ntâuz ntơưr hành chính, gra siêz têx lênhx hâu nov, canr bôv sơưr đơưk uô hâux lưv têz qơưs hâur tỉnh, huyện, xã li txux chi tsưr ziv, pênhr xưv uô nuv. Cxơưz tiês, cxiv kho, uô tiêr thiêz gra siêz hâu nov, cxix luôs chính trị txix tỉnh txos ntơưv qơư têx tsưr ziv, pênhr xưv lês car uô têx hâux lưv.

PV: Thor uô cox tsâus ntâu!

                                             (Riê Lâux cxeik, nhênhv)

 

 

 

Phênhv “Chêi têz qơưs” thưr 6, hnuz 29/1/2016:

Hêik kriê zôngv máy sâu thiêz thêv sê

 

 

 

          Uô trơưk Thông tư no zos lênhx nênhs thêv sê trơưk chêi ntơưv grê 2 chêi sêiz car sê; hêik kriê têx sê tsar ndê trâu ntơưv qar sâu sê; tổng Cục, cục sâu sê thiêz chi cục sâu sê, zos cơ quan, tsưr tsix, lênhx nênhs cik txos luôs hâux lưv thêv sê, tuôx thêv sê trâu ntơưv qơư sâu sê.

          Uô trơưk luôs hâux lưv sâu sê tuôx thêv sê trâu ntơưv qơư sâu sê:

          Lênhx nênhs thêv sê tuôx thêv sê trâu ntơưv qơư sâu sê tsuv muôx li đrav kaz:

          Muôx ntơưr tsik tâu tas hax, zos tsưr tsix qơư sâu sê; cơ quan muôx vax huôv hâur têz qơưs muôz thiêz Chưx têx kror li đrav kaz:

           Lênhx nênhs thêv sê tsuv muôx số ntơưr thêv sê ntơưv qơư sâu sê; lênhx nênhs thêv sê tsuv uô ntơưr thêv sê thiêz  muôx số ntơưr trơưk chêi têz qơưs ntơưv grê 19 Thông tư no.Lênhx nênhs thêv sê tâu uô ntâu số lok sik iz số thêv sê thiêz sâu số xor tôngx; qơư thêv sê trâu cơ quan sâu sê lok sik thêv sê đhâu qơư sâu sê (In te nét, Mô bi, ATM…trơưk li chêi tsêr nhiêx têz qơưs.

          Muôx txâuk tsưr ziv sir zôngv In te nét; muôx qơư điện tử, muôx số máy xor tôngx, zos chor tsik tâu muôx chứng thư số, tưz uô ntơưr sir zôngv chiê thêv sê trâu cơ quan sâu sê chiê tuôx thêv sê trâu ntơưv qơư sâu sê. Iz lênhx nênhs, tâu sâu nzir iz kror qơư chiê thêv sê trâu ntơưv qơư sâu sê.

          Lênhx nênhs thêv sê tuôx thêv sê trâu ntơưv qơư sâu sê:

          Cxuô tsêr nhiêx têz qơưs tsuv đros lênhx nênhs thêv sê uô cxuô ntâuz ntơưr thêv sê trâu ntơưv qơư thêv sê, zos muôx txâuk li đrav kaz:

          Tưz fuô hệ thống Co re Ban king; muôx hệ thống paz max sâu nhiêx têz qơưs thiêz muôx têx jiês cux txuôk đros tâu, sik thav lok têx xor mông  ntơưv qơư sâu sê tổng cục sâu sê, zos đrêiv chêi têz qơưs.

          Lênhx nênhs thêv sê uô trơưk luôs hâux lưv sâu sê, tuôx thêv sê trâu ntơưv qơư sâu sê, tsêr nhiêx têz qơưs côngk nhav uô ntơưr thêv sê trơưk chêi têz qơưs.

          Cxuô chêi sêiz car sâu sê tsik hêik hâur Thông tư no, uô trơưk chêi sêiz car têz qơưs, sâu sê thiêz cxuô ntâuz ntơưr hêik kriê uô trơưk./.

                                                                           (Tsu cxêik, nhêv-Thanh thuỷ)