Cêr shir phaz ntux yiêz nhoz hợp tác xã Nậm Búa

Zơưv Txơưx Jêz Xênhv Thox, nhoz jok Câuk Nhưx, xar Lôngx Hêx, huyện Thuận Châu, tỉnh Sơn La ziv chuôz zis nhiv no muôx 6 ha txir tuôz ziz, hâur co muôx 3 ha tưz txi txir. Thâuv tsik tâu muôx hợp tác xã, zơưv chuôz zis thiêz ntâu ziv chuôz zis nhoz no tsuôk pâuz chos lơưr tsưr ziv chiv chir uô, qơư muôs tsik truôx, viv li phênhv sâu cux tsik tâu luôx tưs. Txix hli 4/2017, thâuv muôx hợp tác xã Nậm Búa zos tix lâus Hồng Xênhv Thox uô giám đốc, txix co, hâux lưv nriêr qơư muôs trâu hax huv tâu sir jos uô viv li hâux lưv muôs têx txir tuôz ziz cux zôngx ziv đuô. Hâur shông yiêz no, zơưv zuôr chos nzir ntâu zav txir ntông txơưr huv đros trâu đêx ar, qiv hơưv ntơưv tiv phaz chiê paz trâu chuôz zis muôx nzir phênhv sâu:

Thav đros pêz, tix lâus Hồng Xênhv Thox, giám đốc hợp tác xã Nậm Búa puz pâuz: txos nhiv no, Hợp tác xã tưz muôx 121 thành viên, zos chor chuôz zis mênhx cxưx Hmôngz nhoz ntơưv 5 jêx jok hâur xar Lôngx Hêx đros cxaz chuôz. Shông 2018, HTX Nậm Búa tưz chos yiêz 50 ha txir tuôz ziz, 13 ha ntâu txir lưk kâuz hmaz, 5 ha txir mo môngk, 2 ha txir suôz câur. Txix thâuv muôx HTX, têx hax huv cux tâu muố zôngx ziv đuô, ntâu hux thôngx, ntâuz ntơưr tâu cir. Nhiv no txir tuôz ziz zos hợp tác xã li tsoz chos chênhr, muôx 100 ha ntâu tưz txi txir, sâu tâu muôx 300 ntâu tấn, đros gri muôs nhi no zuôr tâu muôx 1 tiv đêiv ntâu. Đuô li, HTX tsênhv sir jos piêr pâuz lok têx hax huv kôngz nuv tiv phaz li: grêix đuz grêis, buô đuz, jiz mur, yuôx njuôz, têx zav jâuz txir kok koz nhoz tox siêz…trâu ciêz đrôngs pâuz đhâu chor jiês kriz uô ntênhk ciêz zos huyện thiêz tỉnh tsưr tsix. HTX xar vav njôngr zos zuôr tâu têz qơưk paz lok têx qơư muôs, paz trâu HTX txêik tâu pênhr chiê huôv tsar uô nox. Tix lâus Hồng Xênhv Thox, giám đốc HTX Nậm Búa puz pâuz nzir:

Lơưr tix lâus Cxiêx Cuôv Xênhv Thox, Chủ tịch Ủy ban xar Lôngx Hêx, huyện Thuận Châu, tỉnh Sơn La: Nhiv no sâuv thax tsav xar Lôngx Hêx muôx 3 HTX, hâur co hợp tác xã Nậm Búa zos hợp tác xã uô ntâu kror hâux lưv li kinh doanh yuox njuôz, ntông nox txir, huôv tsar tu zus, dịch vụ tổng hợp zos hợp tác xã muôx chôngz thành viên tiv zix. Zuôr txos no, Ủy ban xar zuôr zuôr chox kriê hợp tác xã tsêx trung kruôz kriê chor thành viên sir zôngv khoa học-kỹ thuật trâu uô nox, tsoz phưz tsoz chos, tsưr ziv vâuv qir, muôs têx zav nox tu zus, tsês chiê đhâu sâu tas. Thôngx cxix, sir jos hêik pâuz lok têx hax huv muôx ntơưv tiv phaz:“Ntu zuôr txos vav tiêk tror yax kriê trâu pox nhuôs cux xưk li têx thành viên hợp tác xã sir zôngv khoa học kỹ thuật trâu uô xênhz yar, gra siêz tsơưr lươngv, cxaz nzir phênhv sâu trâu chor thành viên hợp tác xã, chiê zuôr txos no zuôr huôv tsar nzir ntâu hợp tác xã đuô sâuv thax tsav. Cux hêik cấp muôx qênhx tror yưv pênhr, paz pênhr thiêz uô vax tsêr trâu hợp tác xã”.

Hâur cêr shir phaz tok shông yiêz, đros muôx chính quyền tiv phaz kruôz kriê, chor xar viên HTX Nậm Búa sik đros gra siêz phênhv sâu, cxuôv yêiz thiv pluôs ciês sâuv zuk qơư nhoz./.

(Riê Lâux-Ly Thox- Ly Thox cxêik nhênhv)