Jax sau hnuz 29/10/2015:
Laox cai tưr thi xêir zuôr cán bộ kriê
ntơưr tsik trơưk chêi
Shuv xênhz Cổ Tiến Đạt, hêir nênhs Tày
đros tưr thi uô cán bộ cưk kriê thể dục cấp I, nhoz huyện Bảo Yên tưz cơưv tas
đại học uô cưk kriê. Trơưk li quy tênhv sô 27 ntơưv uỷ ban tỉnh laox cai tso
tơưv hâur shông 2014, hêik lok tsênhv chêi xêir zuôr hêir nênhs tsơưs uô côngz
xưv hâur thax tsav tỉnh. Zos pir li shuv xênhz Đạt, thâuv tưr thi tas, tsuv tâu
xêir uô ntêx chiê uô cưk kriê cov zos đrêiv chêi tso tơưv. Thâuv tưr thi tas,
shuv xênhz Đạt tưr tâu 273,1 điểm thiêz đhâu tso tơưv chor bê chor tưr thi tâu,
xêir txix chor tưr tâu điểm siêz, txơưv li chas, zơưv Đạt cux zênhx tưr tâu.
Taz sik, tus tưr tâu ho zos Hoàng Minh Quân, tsik trơưk li chêi tso tơưv.. Đhâu
ntơư, Đạt ziv chuôz zis tưz hêik hội đôngx car tưr thi, tsuv sêiz đuô điểm tưr
thi cov tsênhz mênhx, huv đros.
Đros ntơư, cux muôx shuv xênhz Nguyễn
Thị Thương, tưr thi uô cưk kriê jor nhuôv zâu ntơưv huyện Bắc Hà; Thương tưr
tâu 221,4 điểm. Zos xav trơưk li quy tênhv huyện Bắc Hà tso tơưv, txơưv li
chas, Thương cux zênhx xêir tau uô cưk kriê. Taz sik, tus tưr tâu ho zos Vũ Thị
Hồng Yến, nhiv kruôr tưr tâu 41 điểm xưz, tsênhv kik đuô Thương 10 điểm thiêz.
Trơưk li quy tênhv mak tưr tâu txix 50 điểm tror sâu thiêx tâu xêir uô cưk
kriê.
Đros pêz sik thav lok luôs hâux lưv
no, zơưv Nguyễn Tiến Dũng, Giám đốc sở Nội vụ tỉnh Laox cai, phó chủ tịch
Thường trực Hội đôngx sêiz car tưr thi xêir zuôr cưk kriê ntơưr cux côngk nhav
tiêk: Ntơư zos iz kro uô zuôv cêr.
Băng: “Hâur ntu uô thiêz paz uô hâux lưv trau hội đôngx xêir zuôr cưk kriê
ntơưr hâur tỉnh, zos công chưc sở zoz zux uô tổ trưởng, uô muôx yưv têx kror
zuôv cêr. Đhâu pâuz tâu têx kror zuôv cêr ntơư, tổ thư ký tưz hêik trâu Hội
đôngx sêiz car tưr thi chiê hêik trâu uỷ ban tỉnh tror kho đuô xêir zuôr oz
lênhx shuv xênhz hêik ntơư”.
Iz chas ntơư, cux muôx yưv têx kror
tsik huv đros lok luôs hâux lưv xêir zuôr cưk kriê ntơưr nhoz tỉnh Laox Cai.
Đhâu muôx yưv têx kror tsik huv ntơư, muôx chôngz lênhx ntâu tus tưz uô ntơưr
hêik trâu hội đôngx xêir zuôr cưk kriê ntơưr. Zơưv Nguyễn Văn Ninh, Giám đốc Sở
zoz zux tỉnh Laox Cai hêik pâuz:
Băng: “Chor sêiz car tưz muôz 193 lênhx tưr thi uô baix cxâuv chêi uô ntơưr
niêk têk’ viv sâu chiv chor baix tưr thi. Hội đôngx xêir zuôr cưk kriê tỉnh tưz
hêik cov tror qênhz yuôx đuô uô zos đrêiv chêi tso tơưv”.
Zơưv Ninh hêik pâuz nzir, hâur chor
baix tsik tâu tso điểm tưr thi zos 95 baix ntơưr, sâuv chiv; 36 baix sâu yuôx
xiêr chiv.
Trơưk li pêz pâuz, hâur ntu nhiv kruôr
đhâu ciês no, uỷ ban tỉnh laox cai tưz tso tơưv quyết tênhv, tror qênhz đuô Cổ
Tiến Đạt thiêz Nguyễn Thị Thương, chor baix tưr thi uô cưk kriê ntơưr hâur
shông 2015./.
(Tsu cxêik-nhênhv-Thanh Thuỷ TB)
Phênhv thưr 5, hnuz 29/10/2015
Thạch Ninh, lênhx tsôngv box heir nênhs
Khmer sir jos đros uô hâux lưv cxiv tsa jêx jok yiêz
Thâuv ntêx, tsôngv box nhoz xã phong Phú, huyện Cầu Kè
muk lok tsuôk zos zôngv fuôx; phênhv tsơưs thiêx muk cêr ar . Chênhr viv li,
muk lok, thâux têx xiv huv njiz lok six ntâu phiv liv, lar heik zos hâur luz
cheix ntux nas. Txix têx phiv liv li co, zơưv Thạch Ninh tưz xar tsưr ziv zaz
zâuv tsôngv box sơưr đơưk siz chos cxiv uô qox, cêr muk lok hâur thax tsav.
Đhâu 5 shông uô lơưr tsưr ziv no, zơưv Thạch Ninh đros chuôz zis thiêz tsôngv px
hâur jok Đồng Khoen zaz zâuv sơưr đơưk siz paz nhiêx, hnuz côngz cxiv uô tâu 3
tuk qox jông muk lok ntơưv thax tsav tsôngv box nhoz Ô Chột 1, Ô Chột 2 thiêz Ô
Chột 3, xav hur si ntêr muôx 50 thiêr, nhiêx txiêx uô xar tas nhos 100 tsov
đeiv. Iz chas ntơư, zơưv tsênhv sơưr hu zâuv tsôngv box sơưr đơưk hâur thax
tsav siz paz nhiêx tâu muôx 55 tsov đeiv thiêz zuôr xar 300 hnuz côngz lox
tôngv chiê uô yiêz 3 txox cêr muk lok hâur thax tsav, ntêr muôx 5 cxênhz ntâu
thiêr, đar 3 thiêr. Têx côngz trênhx no tsi tiêk muôx liv tsênhv tsênhz, paz
muk lok tâu zôngx ziv, uô jêx jok hlôngr yiêz mak tsênhv muôz cêr njênhs njôngr,
vav chiê siêz paz xã fuô kriê, cxiv uô txox cêr lox muk lok hâur thax tsav no
thiêz. Zơưv Thạch Ninh heik:
Băng: “ Thax tsav
tsôngv box nhoz Ô Chột no, cêr tsi muôx muk, qox lok cux tsi muôx, cur seiz pov
li ntơư cur thiêx hu zâuv sơưr đơưk chiê siz chos paz nhiêx đros cxiv uô qox
trâu muk lok zôngx ziv hâur têx luz cheix uô kôngz, thâux xa têx kôngz lok
tsêr, txox cêr no zos tsôngv box sơưr đơưk sik đros paz uô, nhiv no tưz uô tâu,
muôx cêr jông trâu têx tuz nhuôs muk cơưv ntơưr thiêz tsôngv box cux zôngx ziv
thâux, xa têx kôngz lok tsêr thâuv uô tâu”.
Txos nhiv no têx cêr muk lok hâur cxuô jêx jok hâur
thax tsav xã Phong Phú phênhv ntâu tưz uô tâu jông muk. Uô tâu luôs hâux lưv no
tưz zos khov muôx zơưv Thạch Ninh têx tsưr ziv, đas jos paz. Zơưv tsi tiêk đros
uô jông phôngz yaox cxiv tsa jêx jok, zơưv Thạch Ninh tsênhv sir jos đros uô
têx hâux lưv jông ntơưv qơư li: Muôz zuz nôngz kôngz puz trâu têx ziv chuôz zis
txov nhêv tsêz chos, đros paz cxur trâu têx lênhx nênhs pluôs, gôngr nhiêx siz
paz huôv tsar uô nox….. Lar heik, zơưv tsênhv zos iz hâur têx lênhx uô ntêx
nyuôs hâur phôngz yaox tsôngv box sik tưr huôv tsar uô nox, thôngx siêz sik paz
hla đhâu cêr yeiz pluôs ntơưv qơư. Zơưv Thạch Sa Nghiêm, Chủ tịch UB MTTQ VN xã
Phong Phú, huyện Cầu Kè heik:
Băng: “Zơưv Thạch
Ninh zos iz lênhx uô ntêx nyuôs hâur phôngz yaox hu zâuv tsôngv cưr tix nênhx
tsa paz ar, paz shôngz ntông chiê cxiv uô cêr muk lok jêx jok, tiv 2 zos zơưv
cux heik chuôz zis thiêz têx lênhx nênhs cxênhz jê chiê sik đros uô qox muk lok
hâur jêx jok. Đhâu ntơư, zơưv cux paz trâu ntơưv qơư lok six ntâu hâur uô lơưr
têz qơưs tsaz yênhx qơư tsov txos lok cxiv tsa jêx jok yiêz, lar heik zos cxiv
uô cêr muk lok jêx jok, ntơư zos iz lênhx nênhs uô tâu hâux lưv jông ntơưv qơư,
chiê trâu sơưr đơưk cơưv shâuv thiêz uô trơưk”.
Zơưv Thạch Ninh nhoz xã Phong Phú, huyện Cầu Kè, tỉnh
Trà Vinh hâux lưv uô lok six muôx liv thiêz paz cxươz cxiz tsôngv box heir
nênhs tsơưs jux juk uô tâu tiêr cxuô txox cêr muk lok zôngx ziv; ntơư zos pênhr
jos cxiz huôv tsar kinh tế-XH, uô trâu thax tsav tox siêz iz hnuz ziv hlôngr yiêz./.
( TTTB-Riê Lâux cxeik, nhênhv)
Viết bình luận